陳通記

营业中

休息中

呢間上榜唔意外比人介紹到口臭起初我地無諗過食呢間因為我對沙嗲牛無興 佢對米通有陰影😂但真係太多太多人推所以就膽粗粗試下🤩陳通記 - 沙嗲牛肉米通🤩環境📍3/5 少少難揾 揾左一陣 係熟食中心外圍兜左陣原來係熟食中心既中心 食物🍜 4/5沙嗲味夠濃既 不過汁比較稀少少牛肉好滑 有咬口得黎唔韌 係真鮮牛 有驚喜！重要鮮牛既份量幾多個汁有少少花生碎 有啲咬口米通唔會煮到淋晒 重有少少QQ彈彈勝在特別同掛到湯入去 價錢💰 4/5性價比高 鮮牛都扺左服務🙋🏻‍♀️4/5唔錯無最低消費 我地兩個人淨叫左一樣野都無黑面👍🏻值得一提既係 最後埋單佢連單都無比我地 就咁同我地講total幾多 叫我地去收銀比錢一切都係講個信字😂係香港真係好難得

呢日咁啱去咗梅窩渡假，一訓醒就時間尚早就醒起長洲嘅陳通記！於是撘船坐橫水渡由梅窩去長洲🤓🤓🤓一落船9點都未有就直奔去熟食市場搵陳通記星期日早上時段都係嚟食嘅街坊比較多陳通記嘅招牌-沙嗲牛肉米通沙嗲味非常濃郁，牛肉軟滑，米通嘅質感好得意，比較少喺出面食到！建議嚟食嘅朋友可以試吓米通😋一路食嘅時候都見到好多街坊入座偷偷地留意到佢哋好多都叫炸雞翼🤣🤣🤣唔通炸雞翼係陳通記嘅隱藏美味菜式!!! 下次嚟我都要試吓先😝

每逢黎到長洲，第一站必去陳通記，因為每次都好想食到鮮魷，但每次都係食唔到。。。😭今次當然例必落船後第一站，但都係事與願違><😢😢大熱天時，唔算好好胃口，但點都唔可以唔食沙嗲牛米通🤭🤭，今次叫左一份咸牛肉蛋治，再加一碗沙嗲牛米通，2個人share 食 咸牛肉蛋治烘底，大大份，滿滿嘅咸牛肉再加滑蛋，都係$18，真係好抵好正，性價比good good good👍🏾👍🏾👍🏾👍🏾 講到長洲必食，梗係沙嗲牛米通，沙嗲湯底超級香濃，再加入幼細嘅花生碎先係精髓💓，湯底真心正，牛肉同米通吸哂啲湯汁~~so Yummy🥰🥰

趁夏天冇落雨梗係要出去玩下啦.所以同女朋友去咗離島玩😊落船第一站去左試吓出晒名嘅沙嗲牛肉.我哋本來諗住叫沙嗲牛肉米通粉但係可能當日係星期六好多人食.下午1點半就已經賣晒.所以最後叫咗沙嗲牛肉通粉!另外叫咗一碗豬膶米粉個沙嗲牛肉真係正既.食得出牛肉無咩雪藏味.個沙嗲汁好濃.加埋通粉真係正嘅.而且唔會好鹹味道都幾好!而豬潤米粉都有驚喜.好爽口唔鞋.湯底就普通啲好清!總結：落船轉右過咗街市行一陣就搵到.都唔難搵既.而且都幾多位既.鍾意食沙嗲牛肉一定要黎試吓.價錢合理唔算話勁貴既都幾大碗.但係我諗米通會再好食啲.下次要早啲嚟.食完之後再去掃街啱啱好🤣

去過長洲十數次，但係從來都冇食過呢間，可能讀書時代唔識食呢啲，淨係識掃街😂人大左食嘅野都唔同，本人極鍾意食沙嗲牛麵所以就會一會佢😎個位都幾難搵，唔喺外圍，係喺大興堤路嘅核心，要搵條路仔行入去🤔嗌左沙嗲牛通米，同埋太肚餓所以叫多個花生醬包同男朋友share食左先🤭個包好快就黎左，正方形一開二，個包中間得一面係有醬，冇花生粒粒，唔夠滿足🥺 $10就算數啦🥺個沙嗲牛等左10分鐘有多先到，唔expect呢種食肆要等咁耐先有野食，如果真係肚餓建議嗌三文治類頂一頂先😬 味道我覺得好一般，只係個湯底係沙嗲，出面啲茶記沙嗲味仲好過佢🤔 鮮牛肉有驚喜，咬落去一啲都唔韌😍

星期六由酒店出返嚟 12:00 check out之後即刻去長洲名物陳通記食沙嗲牛🐮，店舖人數唔係好多，店員安排咗我哋去冷氣區域嘅一張小枱。但坐左唔夠10分鐘，店舖似乎已經坐滿有人等緊位，所以要食就唔好太晏🙈👆🏻離開嘅時候已經人頭湧湧 今日33度 🥵即使係冇冷氣位置都坐到滿晒今次嚟叫咗三樣嘢食沙嗲牛肉米通粉加紫菜 鹹牛肉蛋多士 🍞凍奶茶🧋沙嗲牛肉米通粉加紫菜 😋😋😋沙嗲牛肉一定係呢間舖頭嘅必食之選，佢其實可以另外加唔同嘢例如紫菜 榨菜 雪菜 金菇。我覺得紫菜應該會係最match，果然會令成件事提升咗。😎講返嗰個沙嗲牛肉，牛肉唔係cheap嘢，食落去唔會覺得唔新鮮就唔會有說氣味，口感亦都係啱啱好。以佢嘅沙嗲汁好香濃，配以大量花生碎，正！🤩因為兩個人去長洲要留肚食其他嘢，咁就唔叫兩個粉面類，簡單食個包。我會覺得好食，而且餡料都算豐富，但係呢樣嘢其實唔難做到。俾返個餐牌大家去參考吓😅😅😅黎到長洲呢間真係擺喺必食number 1!🥇

入長洲第一餐就食返個沙嗲牛肉米通+凍奶茶雖然係假日 條街好多人 但係入到去都唔使等位嘅（要同人搭枱）坐低落完單等咗大約10分鐘 就有得食～ ⭐️⭐️⭐️⭐️沙嗲牛肉米通 米通煙煙韌韌 似烏冬 同埋好熱呀 熱辣辣要等一陣先。牛肉味道好食 醬汁濃厚 仲有啲花生碎 其實份量真係好多 一個女仔食晒真係會有啲飽🫣我有煮過佢舖頭用嘅「綿香」沙嗲醬 但係返到屋企整都係好似唔係好似 係咪用得太少呢🥲 但係唔鍾意煙靭嘅朋友仔就唔好揀呢個啦 哈哈奶茶還可以 不過慢慢太多冰融左茶味就冇咁濃 老舖頭環境就當然唔會太好啦 有時要搭枱 太多人嘅話服務亦都未必話好好 不過我哋今次去嘅時候點餐服務就正常 同埋門口收錢個哥哥好有禮貌👍🏼

早前入長洲遊玩，想起這間遠近馳名的小店，一下船便抽身到訪，一探究竟沙嗲牛肉長通粉湯底的香氣撲鼻而來，有濃濃的沙嗲和花生味。味道鹹香之餘也有點點辣，非常惹味。牛肉薄切，也很滑口。長通粉中間通空，能吸更多湯汁，不會有湯還湯，麵還麵的情況。稱它為沙嗲牛沾麵亦不為過，非常推薦。鹹牛肉蛋三文治雞蛋幾厚身，中間有少少蛋汁，配搭碎碎的鹹牛粒，很開胃。三文治的麵也很軟身，應該是新鮮貨色。都值得一試。小店位於街市外的鐵皮屋，未吃過的朋友不妨一試

等我私心小小推介大家食我最愛美食之一❗️一直都對沙嗲牛情有獨鍾，所以我地一直以黎都周圍捐窿捐罅去搵好食嘅沙嗲牛走勻港九新界，原來最好食嘅始終係離島🏝依家每個月都要入去食一次，希望老板快啲認得我🤩🍖雞翼雪菜米通沙嗲湯底 果日去到太晏無曬鮮牛，唯有試吓佢嘅雞翼。點知出奇地勁足料，4大隻雞中翼，仲要炸起熱辣辣，配埋超濃郁沙嗲湯，米通掛湯再有雪菜點綴，必食。🍜紫菜肥牛麵沙嗲湯底 特別中意食鮮牛，賣曬無辦法就叫住個肥牛頂住數先。估唔到紫菜比起雪菜更加索味，淡淡都係沙嗲香，諗起都流口水。🍹飲品方面，多數去茶餐廳或者冰室都一定要飲佢哋嘅奶茶。今次我地都叫左一杯凍奶茶同埋菠蘿綠茶，熱辣辣冰一冰佢，舒服曬。

之前去長洲一落船就衝去排呢間 週末人多都等左陣 食物加環境好地道～ 名物沙嗲牛通份量好多 湯底唔辣不過香濃 個底花生味好重又冇味精感 牛肉同米通吸哂啲湯汁 正🥜 雞翼丁失色左啲 湯底都依然出色但雞翼淋左ಥ_ಥ 咸牛肉蛋治烘底係正常質素 但呢個價錢性價比一流 支持大家黎打左個底先繼續覓食💯

🐮沙爹牛米通湯底比平時茶記既濃郁，質地係有少少沙既texture，因為入面有花生碎🥜牛肉份量好多，軟腍無筋💁🏼‍♀️第一次食米通，估唔到又幾好味bo…口感爽滑，入面仲吸左d湯🥰重口味既朋友就話都係配公仔麵好食d

長洲有乜玩得罪講句 其實無 好無聊玩水又西貢咁靚係一段時間無去 你就會想入去睇睇 魚蛋都係魚蛋糯米糍都係糯米糍 比較衝擊嘅係快船原來四十蚊程依個真係無記憶今日去食位於熟食市場中間嘅陳通記價錢經濟實惠咖央多士 $10 大推睇返都流口水名物沙嗲牛肉公仔麵 $34轉一丁會比較好 因為佢真係俾公仔麵而唔係好味啲嘅大光麵湯底濃 有粗花生粒又唔會過咸要你狂飲水嗰隻牛肉新鮮 唔係鬆晒嗰隻軟淋淋口感😋好味道決定以後嚟都要嚟食餐真·長洲必食

₍ᐡ-᷅ ·̫ -᷄ᐡ₎┈┈┈┈┈┈┈┈┈┈┈┈┈┈長洲必食沙嗲牛米通😋之前都聽過人地推介陳通記既沙嗲牛米通好出色，難得入長洲緊係要試埋😻┈┈┈┈┈┈┈┈┈┈┈┈┈┈𐂐 ⠜沙嗲牛米通 $34 (5/5)價錢真係一啲都唔貴，黎到係好大碗夠2個人share~沙嗲係加左花生粒整湯底好濃好香而且沙茶既辣牛肉肉質岩岩好，唔鞋口 米通好特別，類似長通粉但窄身啲係非常煙韌既口感，而且好滑😳幾好咬，第一次食真係被驚喜到🥰┈┈┈┈┈┈┈┈┈┈┈┈┈┈𐂐 ⠜鮮牛蛋治 $24 (3.5/5)呢個就正正常常，餡料都夠多┈┈┈┈┈┈┈┈┈┈┈┈┈┈𐂐 ⠜奶茶 $18 (2.5/5)唔知係咪因為我走甜啲冰又溶左既關係🫠奶茶無咩茶味 好淡。。 ┈┈┈┈┈┈┈┈┈┈┈┈┈┈𐂐 ⠜榨橙 $18 (3.5/5)正常發揮！但夏天飲幾解渴😳┈┈┈┈┈┈┈┈┈┈┈┈┈┈最值得一試一定係沙嗲牛肉米通不過因為係露天熟食中心，夏天食要捱熱🫠呢個真係對食既堅持✊🏻┈┈┈┈┈┈┈┈┈┈┈┈┈┈

沙嗲牛關注組  |  長洲篇🤣平時都鍾意食沙嗲牛，今日同朋友入咗去長洲，就試吓長洲名物沙嗲牛。位置喺正街市隔離嘅大排檔，衛生就一定冇咁好，但係有香港嘅特色❤️❤️🥰食物去到鮮魷賣晒🤧只好就食沙嗲牛公仔麵同炸雞翼。沙嗲湯底濃郁，花生味濃，個面底sok晒啲沙嗲味，不過唔建議大家食麵好易林晒，相反米通就真係值得一試，出面比較少餐廳有得賣米通。牛肉重牛味，唔騷，值得一試！炸雞翼炸得通透，有分四隻同八隻，如果有朋友share的話，叫八隻，咁就唔使就住食😂😂😂因為真係太好味喇😂😂

陳通記（Cheung Chau)趁住放假入長洲放鬆吓🏝 雖然打風🌪🌧 但係都食到好西 梗係要分享比大家😎😎⌖ 沙嗲牛肉米通🐂💰$34沙嗲汁超濃郁 食到花生碎🥜 果然係真材實料 牛肉醃製得啱啱好☺️☺️ 米通夠特別 食落好似粗版嘅米線 好滑身 份量都幾多 熱辣辣好似食極都有😂😂😂 不過小編都係覺得沙嗲牛肉配公仔麵再好食啲🍜 ⌖ 鹹牛肉蛋治🐂🍳🥪💰$18呢款三文治一定要烘底 脆口嘅白麵包中間夾住雞蛋同埋鹹牛肉 食落好match😍😍 不過略嫌味道偏淡少少🤏 如果加埋蔥花應該更香🙈💭⌖ 樽裝鮮奶🥛💰$14呢度有好多款樽裝嘅飲品 好耐冇飲過樽裝鮮奶 係維記牌子 飲落唔知點解冇乜奶味 早知嗌樽裝維他奶啦🤥🤥☻ 回頭指數：7/ 10 #Fatshit_ami #Lunchtime #長洲美食 #港式美食 #食好細 #香港美食 #港式快餐 #港式早餐 #沙嗲牛肉麵 #沙嗲牛肉米通 #鹹牛肉蛋治 #樽裝鮮奶