陶源中菜

营业中

休息中

The food was served cold, but what truly ruined the experience was the service. The waitress assigned to our table was consistently impolite, with a visibly unfriendly demeanor and an unwillingness to assist. When we asked for chili sauce, she snapped that it was in the cart instead of helping us directly. Even more frustrating, she altered our order without informing us beforehand. It was our first time dining there—and it will certainly be our last.

侍應態度差，服務散漫，侍應非常粗魯，雖然只有幾台客，但就顧住自己玩手機、叫你唔好催佢😆,食物質素一般，杏仁茶最伏。怪不得中午餐人流不多，同以往嘅陶源酒家相差甚遠，想支持本地消費都好難

星期日朝早一行九人去飲早茶，一到門口個帶位姐姐十分親切招待。酒樓裏面座位尚算寬躺，不會坐得密麻麻。一坐低後有個中年女侍應木口木面來開茶，服務尚算正常。但坐定咗就發現差不多全部女侍應都係黑口黑面，回應客人要求時粗聲粗氣咁，心不甘情不願咁。Order完之後佢哋冇比返張電腦單我哋，大家想睇返叫左什麼點心，所以叫佢哋印返張單，個唔知係女侍應定部長就答：「一陣間啦」… 咁即係點？當時佢剛路過，冇做緊其他嘢。最後要催佢，佢先晦氣去印。期間後面張枱亦有個女茶客話個侍應冇禮貌。食物方面普通，價錢算正常。最後埋單時侍應推銷晚市長腳蟹餐，價錢唔算平，但係你咁嘅服務客人又點會嚟你度食貴嘢呢？ 啲黑面侍應真係幫集團倒米。

冷氣滴水無人理！阿姐講嘢好大聲，落單態度好差，話11點後馬上掉下點心紙走人，叫住先落其它，又漏單落多咗，落了單又無單俾人睇，等成個鐘先來，點心賣相走曬樣，總之體驗好差！難怪上深圳消費！

呢間酒樓仲用點心紙落單，仲要啲職員唔知點搞落錯單仲要態度超差！事源係佢地攞咗樣我地無點嘅點心黎，咁乜話唔係我地嘅，叫佢 check 下張點心紙啦。跟住有個可能高級啲嘅攞返張點心紙黎，態度老屈 + 凶神惡煞咁指住錯個樣話有點到，但搞笑係個一個點心係用唔同筆 + 寫法嘅。(而且我印象記得之前係無野，唔係上手已畫）好心佢地改用 QR code 落單，或者即刻 print 張單俾食客對，唔駛啲食客無啦啦受埋呢啲 （大媽) 無謂嘅氣 😡

【母親節飯局│陶源中菜酒樓】今日係母親節，一家人齊齊整整去咗康城嘅陶源中菜酒樓慶祝節日。酒樓環境寬敞企理，服務到位，氣氛靜中帶旺，幾適合家庭聚餐。今次揀咗四道菜式：首先上場係賣相超吸睛嘅花膠瑤柱燉雞配海皇雙耳冬瓜盅，冬瓜雕成花邊圓圈，中間盛滿清湯，內有翠綠瓜粒，面鋪蝦仁、蟹肉、蓮子，材料豐富，滋味清甜，一上枱已經令人讚嘆。之後係原隻老虎蝦煮遼參（上湯煨），蝦身厚肉、鮮味十足，配埋彈牙遼參，口感層次豐富。再來係北京紅燒豆腐，色香味俱全，豆腐外脆內滑，醬汁鹹香開胃。最後壓軸登場係龍蝦伊麵，龍蝦煮得剛好，肉質爽彈，麵條吸收晒醬汁精華，整體味道濃郁，非常滿足。四餸一餐加茶位共 $1,236，以菜式級數嚟講價錢合理。媽媽食得開心，我哋都滿足，係一次值得紀念嘅溫馨母親節晚餐。

昨天一行五人專程去日出康城陶源食主打煙燻雞因有朋友來自遠方我們在這裏已食了六年煙燻雞，每次有朋友來我們也會替他光顧，好可惜今次完全大失所望完全一點煙燻都沒有，只是一隻普通的燒雞又乾又嚡，便叫女侍應過來他說剛換了師傅，所以應該忘記落煙燻，後來他再找另一個所謂較高級的男職員過來拿起我們碟雞把鼻近放嗅，不是，不是便說有少少煙熏味有少少跟住就放低！簡直完全強詞奪理不負責任的行為以為這樣是解決問題強行指鹿為馬！不是不想留港。 消費但今時今日這樣的服務態度，這樣的食物質素真令人惋惜我們只是有朋友在場不想掃興，所以繼續完成所謂冇煙熏味的煙燻雞！真的好可惜，其實只要講句對不起給我換過一隻有煙熏味的雞大家開心又解決問題，將功補過，我下次還會幫襯，不是這樣擘大眼講大話！真的不是不想留港消費。

餐廳位於康城商場內，港鐵站直達。環境寬敞明亮，適合家庭聚餐或朋友聚會。今次同屋企人一齊，終於可以放開肚皮嗌多d食多d啦 * 挪威長腳蟹：蟹肉鮮甜飽滿口感紮實，每一啖都是大海個feel。烹調方式恰保留了長腳蟹的原汁原味。上菜時，長腳蟹的擺盤也很吸引人。* 好好味嘅叉燒呀：叉燒肥瘦均勻，外皮焦香內裡肉質軟嫩，蜜汁調味啱啱好。 * 京式片皮鴨二食：片皮鴨鴨皮酥脆，肉就鮮嫩多汁。配上薄餅、青瓜絲和甜麵醬，口感豐富有layer。第二食鴨肉，廚師也處理的很好，不會過於乾柴。整體來說，片皮鴨的表現有feel。服務人員態度幾好。價格方面都抵食，以食材品質和用餐體驗來說，物有所值。將軍澳附近難得適合家庭聚會的好酒樓呀。

同家人到康城睇電影 開場前先到陶源中菜食晚餐因為佢就係戲院附近 我地就隨心選擇左呢間中菜 貪佢近近地又坐得舒服第一次幫襯 入到去環境都幾四正 大門口有個大酒櫃存放好多唔同既紅酒店內環境舒服整潔 加分當日可能係平日關係 店內人客唔多 所以環境都唔嘈好岩慢慢坐下嘆茶坐低見到佢個片皮鴨優惠勁吸引 $118就有得食 二話不說叫左份片皮鴨先另外試左叉燒 姬松茸遼參豆腐煲,  蒜蓉菜心京式片皮鴨 $118上枱時仲係熱辣辣 十份滿意皮係脆口 皮與肉之間恰到好處既一層薄薄油脂 真係皮脆肉香呢一刻我已經覺得$118呢個份量真係好抵食!!至於白色餅皮都值得一讚喎厚薄適中又唔會太干 (由於以前食過其他店干到不得了 正所謂無對比無傷害)所以成餐飯食到呢個片皮鴨真係好滿足叉燒賣相好靚 食落就普普通通冇咩特別 平時酒樓一般水準姬松茸遼參豆腐煲就係我呢晚幾有驚喜既一道菜豆腐非常之滑 外香內嫩 個個都話正 有驚喜!!遼參唔係一整條 係切片上 口感亦都唔錯睇到好足料 香噴噴 下次都會再叫呢道最後就食埋個炒菜 有鑊氣炒出黎果然係唔同D 都好好味菜新鮮 蒜香夠濃 

【 團年蟹嚐鮮。相約在康城「陶源·中菜」 】 🪭新春佳節又到喇！團年飯、開年飯、公司晚宴聚餐大家book咗枱未呀？我哋一家人最鍾意就係齊齊整整坐埋一齊食飯傾偈，上年冬至飯係「陶源酒家」個個都食到舔舔脷！🍵新春團年飯我哋當然會再去啦！今次揀選康城分店的「陶源·中菜」，因為好鍾意酒樓的設計風格，環境清幽雅緻，用餐環境悠閒舒適，好啱家庭朋友茶聚呢！而且酒樓位於The LOHAS 商場內，地鐵站直到，可以行完街先去食飯，好方便。🦀我哋今次訂咗一圍 #團年蟹嚐鮮，係長腳蟹團年餐，勁正呀！主打係呢隻足足有四斤重的 #原隻白烚挪威長腳蟹 ，原隻蒸更能保留蟹的原汁原味，蟹肉鮮甜美味，啖啖肉非常滿足。🥙 #即燒脆皮乳豬 十分香脆，#紅燒蟹肉生翅帶有香濃蟹香氣，每啖都有湯水鮮美。 #黃金蒜香雞 肉質軟嫩，雞皮薄脆，蒜香香味突出，味道豐富。最後飲番碗又香又滑的 #蛋白杏仁茶 ，潤肺養顏，最啱冬天食用。10道中菜份量都好足料，食材矜貴又高級，大人小朋友都食得好滿足，好開心呢！ #團年蟹嚐鮮鴻運乳豬襯金衣原隻白烚挪威長腳蟹（約四斤）發財好市大利碧綠珊瑚遼參生拆蟹粉扒豆苗紅燒蟹肉生翅地中海鹽蝴蝶沙巴黃金蒜香雞臘味

同過屋企人一齊去呢一度食飯, 佢嗰個位置就比較偏個角落, 所以有時候真係要搵一搵先見到！入面地方都算大, 一般酒樓有嘅嘢佢都有,個人手好似唔算多, 有時如果你要叫個服務員過嚟嘅話都要啲時間..味道中規中矩, 正正常常.

今年聖誕大餐無去食西餐，而去咗陶源食中菜因為聽講最近除咗買一送一位每位小朋友仲送 西班牙黑毛豬叉燒飯 同小禮物🎁平均都係$284一位，就可以一家大細坐得舒舒服服嘆 鮑魚燕窩豪華餐🥢🔹冰燒五層肉拼黑醋高山木耳開胃冷盤前菜🔹五頭鮑魚伴百靈菇豪華五頭鮑魚配 大大隻冬菇🔹野竹笙鳳風燴燕窩食得到睇得到，啖啖燕窩🔹鹽酥小黃魚炸得香脆可口🔹秘制妙齡乳鴿外脆內嫩好Juicy🔹濃湯珍菌泡菜苗上湯浸嘅豆苗好清甜🔹紅米小珍珠健康嘅紅米版本珍珠雞🔹生磨蛋白杏仁茶滋潤養顏糖水仲有果汁🍹紅酒🍷除夕到新年前都有做推廣

秋冬🍂又係食大閘蟹嘅好時機，最近輪到蟹公當造啦⋯ 食一兩隻唔夠爽，咁如果一個價錢可以任食大閘蟹🦀片皮鴨🦆中菜、小食、糖水、甜品係咪正到爆😍呢個 <大閘蟹放題> 兩小時⏱️任點任食🥢無限追加三款大閘蟹 ：🧡清蒸🧡油鹽焗🧡太雕蒸今期係白膏多口感濃郁👍🏻仲有片皮鴨任食，兩個仔就最鍾意，不停包不停包，脆卜卜外皮，有皮有肉、肥瘦均勻唔會太油更送贈每位顧客，金湯小米燴遼參、鮑汁扣原隻鮑魚、蟹粉扒豆苗真材實料，高質食材！自助區更有多款小菜點心糖水，仲有小朋友最鍾意嘅楊枝甘露、芒果布甸🤣follow佢哋社交平台 更即時贈送蟹粉小籠包或乳鴿

康城區內獨一無二酒樓餐廳裝修豪華，環境寬敞舒適，適合一家大小，有老有嫩的家庭聚會。小菜的選擇多樣，各有特色最近有兩小時大閘蟹放題蟹新鮮美味，肉質鮮嫩，蟹黃醇厚，搭配醬油別具風味，有三種煮法配合食客喜好，性價比高，值得一試！片皮鴨都係任叫任食，外皮酥脆，肉質嫩滑，搭配京蔥、青瓜和甜醬，風味獨特甜品方面，有凍有熱，芒果布甸，楊枝甘露足料多芒果，薑汁湯丸餡夠多，食完大閘蟹飲一碗暖身。店長娜姐服務好好，會照顧小朋友需要

糯米卷皮厚冇味QR code 叫餐不能用又凍 唔好食座位唔好坐 椅子太小服務其怪 員工服務一般成日大聲叫 問其他枱飲乜茶台上收嘢又唔出聲冇笑容餐具衞生有問題 送錯餐又當我錯重用蠟燭煲茶 蠟燭味好臭應該轉用電什麼大集團？