隨您鍾意 (已結業)

星期日LUNCH起身想食壽司...冇理由老遠坐車去搵食, 而且想平平地, 想起好耐都冇黎...唔知sunday有冇有lunch set呢?去到已經係2點半,記憶中2點半就是他們的小休時段...但今天仍然營業中?! 原來延長了營業時間, 快步走進去點lunch set$35 - 10件壽司+ 麵豉湯/汽水當然, 35塊錢能吃的都不會是貴價貨, 而且對蝦及魷魚類敏感的我, 選擇更加少...本來想揀5件三文魚, 不過又怕太多...但有點後悔...如果可以重來, 我想會點6件三文魚...因為咁多壽司之中是最好吃...當然我指好吃的意思並不是因為其他的太難吃, 而是三文魚真的很鮮味, 其他的都及不上...這樣的價錢, 這樣的質素...雖說不上是超值, 但至少是吃得高興, 滿足~

一進門口.感覺也不錯環境也很好...三文魚也很新鮮也有很多不同的魚生選擇有些在市面也很小有壽司也有很多即叫即做.等候時間雖然耐了小小但是用人手做的.都差不多侍應態度也很好.很熱情總結來說:這店都很好.上層也很舒適

終於試咗呢間隨您鍾意，一直以為好少位，原來有一層上層好隱敝。入了店內冇人會招呼，點完食物坐低等叫飛。壽司係幾平，但係size真係幾細，味道就一般一般啦，不過筲箕灣好似冇乜地方有壽司食，要去到西灣河至多，所以都係將就下啦。叫左碗魚生飯，好細碗好少料，坐在二樓，都冇乜人清潔，真係隨你鍾意點就點啦。我想我不會再在這兒吃堂食了。

下午同同事出街食飯,坐的去到筲箕灣隨您鍾意食日本野.自己之前都叫過幾次外賣,印象唔錯(其實肯送外賣真係無幾多間).今次坐的去筲箕灣店二樓堂食,但上二摟之前個侍應指住幅牆!!唔通要穿過幅牆??大家都嚇左一跳.原來上樓梯前經過果道門係同牆一樣色,因此平時經過係唔會為意既.真係幾特別!叫左兩個壽司午餐共二十件壽司七十元味道一般,但勝在款多.另外叫左鴨胸拉面二十八元味道一般.餃子二十元曰本運黎現成貨味道唔錯.墨魚餅就真係差!無質感,無咬口又唔彈牙,真係.....估佢唔到.平均而言都算ok, 不過講平靚正就真係稱唔上.都會再幫親架啦.....當大家想再外賣食日本野既時候.

呢間呢...食過幾次啦...以呢個價錢味道都算okay o既!係有個黃色o既食極都唔知係咩...不過環境就有d奇怪o既感覺...d檯擺位令我覺得好奇怪...但係又講唔出係咩問題...部電腦擺o係樓面@@a仲要播歌waiter玩msn...其實我有個問題架__佢個麵鼓湯係唔係o係雪櫃上面個紙箱度倒出黎架呢?而樓上...上樓梯個位真係好隱蔽...第一次去真係唔知點上去=="上到去...真係好自助...自己走去開電視同播碟=="完全無人理你=="仲有個感覺完全唔似食日本o野o既地方...本人最中意係佢個"廚房"可以睇住成個壽司製造過程。有時仲可以睇住"湯"魚添!

價錢合理...都係貴過超市少少~但就食到中上貨色..我一口痕想食sushi就會黎呢間食叫返5~6件都係廿多元(視乎你食咩野sushi)又好味, 完全滿足到我"為食"既慾望有時因為太好食....5~6件都唔夠皮...要點多5~6件食飽先得不過有d魚生外面比較少有,試過幾款,冇乜味,唔好食..不過一般既sushi黎講..3文魚/吞拿等等都好好食~只不過係個別d魚生本身既味道問題食左十多件,夾埋都係50蚊左右..但係就真係好好味...味道及得上元氣(除左環境)

上星期六,來了這裡吃壽司,可能因為就快3點鐘,所以都不是太多人!灣仔分店以前已吃了很多次,但係這裡開了分店後,比較就近,所以近期都係惠顧這分店多一點!這店的壽司與灣仔相比,飯比較鬆散!口感差的!但係令一方面就好過灣仔店,等候時間無咁耐!職員有禮貌d !

好耐無來筲箕灣啦...今日來了發覺多了一間鋪..個名幾特別.盡管試試..入到去鋪頭好簡單..食物有好多choice,後來我問d 樓面有咩好介紹..佢地推介我食呢個炒海鮮金邊粉..味道ok啦..不過呢到也幾特別..日本料理但有泰式食物...仲有佢地有d特價手卷超平值得一試架...仲有呢到d樓面也ok有禮貌..走個時仲會笑住同您講byebye....

吃了三文魚生飯,不錯呢,挺新鮮的,量也挺大,好吃.叉燒拉面也可以啦.燒雞飯倒不怎樣...反而面豉湯挺特别.環境很簡單,坐不久的感覺.overall都可以啦.

今晚在隨你叫了一客泰式海南雞飯，＄３５送汽水。油飯比較乾身，份量不多，似便當size，味道夠。雞多，入味，無骨，較生（所以滑）。隨碟有ｄ泰式沙律，ｏｋ好味。另外，＄５舊手卷亦是推介，正所謂唔好食都抵食。環境方面，總有一陣海水味，是好與壞見仁見智。