隱世雞

营业中

休息中

午餐諗唔到食乜，問左同事推介了咸雞飯餐，同事話店內唔太多位建議外賣，於是第一次先試食外賣，試左雞肉滑雞皮脆，味道中上，作為外賣午餐性價比高，再食度大增，下次試埋口水雞。

之前話過會嚟試晒所有口味嘅雞!!!可惜今次呢兩款都唔太啱我同朋友口味🫣<<隱世椒鹽雞翼>>($48)係炸得好香脆嘅單骨雞翼，方便進食👍🏻微辣加好香嘅炸蒜味，適合重口味嘅朋友👏🏻我就略嫌佢鹹咗啲同埋炸得有啲乾，好似食完會生飛滋咁🫢<<隱世蒜香草雞扒>>($52)同椒鹽雞習一樣炸得香脆~不過呢款唔辣，仲好重香茅味~本身仲以為佢係煎嘅! 而家咁熱氣…四大嚿咁多真係食唔晒🫠Surprise位係佢呢兩款炸雞都有幾嚿炸薯角伴碟😀唔稱得上好食，但呢個配搭都幾fun~~.最鍾意都係佢碗湯飯嘅湯底🥰咁清甜，一滴都冇嘥!!一定要飲晒佢😎因為佢杯熱檸茶嘅茶底偏苦澀，我次次都飲淨🤫

呢間小店，堪稱全個大角咀， CP值最高嘅一間！佢唔單止食物出色，毫無味精，非常健康，而且非常便宜，佢嘅下午茶menu仲做到夜晚時分！無論堂食或者買返屋企，都絕對抵食! 今日我選擇咗堂食，咁啱有一對老人家喺度飲酒同食飯，年輕嘅後生店員（係個靚仔！）竟然好有心機咁同佢地傾偈，實屬難得！新一代嘅年輕人，就算仔女都未必咁有耐性啦，值得一讚，咁嘅年青人，實屬少見！講返食物，佢嘅炸龍躉係必選，唔油膩，亦非常鬆脆！我次次都會改要米粉，吸埋啲湯，好好食，而家加錢仲可以要埋「學斗」（係蔬菜），而d菜都係雞湯浸，味道鮮甜好味！真係冇得輸，值得推介！👍🏻👍🏻👍🏻

一個屋苑竟然開咗五間專門賣雞嘅小店!!!究竟呢度嘅街坊有幾鍾意食雞?!🧐.呢五間…有兩間係同事叫我唔使試~有一間早幾日新開未試!一間試過之後冇興趣encore!唯獨今個post介紹嘅呢間，我唔夠兩星期食咗三次👏🏻👏🏻👏🏻以下係我最主觀嘅食評😂😂😂<<隱世招牌花鵰醉雞>>($56)：花鵰味啱啱好👍🏻唔會過濃搶晒啲雞味!如果溫度再冰凍啲就更好!!而家炎熱嘅天氣食佢就最正🫠<<隱世鹹雞>>($52)：本身以為係似我家鄉嗰種風乾鹹雞！點知食落有啲似台灣鹽水雞嗰種~可能呢碟用長方形碟上菜，賣相特別討好😳好似有半隻雞咁多咁樣🤭<<隱世口水雞>>($56)：同出面食口水乜乜乜隻味有啲唔同🤔佢酸酸甜甜加濃烈蒜蓉味~連埋一啲辣椒蓉同辣椒油…唔算真係好辣 (佢menu有三隻🌶🌶🌶)仲要係掂到啲辣嘅部分先係辣!所以我focus多咗喺雞肉度~~~肉質尚算嫩滑，皮下脂肪唔多👍🏻如果再嫩滑啲就更加好🙃<<隱世蔥油豬扒>>($52)：估唔到雞店嘅豬扒都好好食😱切片定切條(?)(我都唔識形容

朋友介紹話此店的食品有驚喜，前天在大角咀奧海城行完街街，竟然在富榮花園附近發現朋友介紹的雞飯，因為名字特別而記此名字，店舖雖小，價錢亦大衆化，見到幾個後生在工作，初初有點看不起這些小店，但在朋友介紹下就進去試吓。。。。朋友的介紹竟然真的有驚喜，招牌口水雞果然跟我以前吃過的完全不同辣香味完全符合我的要求，真的估不到如此美味，真的驚喜值得一試，而且價錢一點也不貴，無改錯名真的是隱世雞，原來還有很多款式的雞雞，真的要逐一嘗試，再評吧。。。。唯一飲品需要改善，

🐔口水雞- 肉質嫩滑- 口水雞醬有花生、蒜蓉十分惹味🍜米線雞湯底- 濃厚雞味- 鮮甜，當湯飲成碗清哂🫕花膠響螺瑤柱燉雞湯- 味道濃厚- 湯料除咗花膠、少少響螺、瑤柱、仲有兩隻好入味既雞腳好味又無味精，實在難得，有水準既小店👍🏻已經係第二次幫襯，必定會再回頭！

呢間嘢個舖位經歷過好多唔同嘅食店，裝修完之後開張，生不逢時印象中岩岩又嚟夜晚冇堂食，我日日經過都覺得慘慘，由於我估冇咩人去試新嘢，外賣都少人買。不過，我沉晚的起心肝，買左佢兩碗碎雞米線外賣，真係估唔到佢咁好食。首先價錢唔貴，下午茶價，仲要分湯上，成份雞絕對比得唔寒酸，我果兩配都有好多舊，醉雞酒味岩岩好，好正。湯相當清甜，正到爆，完全另眼相看。我個人對味精好大反應，如果落好多味精，我食完會唔舒服。不過我食晒成碗，冇呢個感覺。好好食，我希望d人會試下佢個醉雞，真係做得唔錯。如果真係要彈，雞肉如果再滑仲好，不過基本上做呢個醉雞同咁有心機嘅湯，絕對對得起個價錢有餘。點都好，經歷過咁多間，今次呢間令我會的起心肝寫comments,呢個經濟環境，係好食嘅小店，應該推薦！

名符其實嘅隱世雞 真係幾偏僻吓 搵左好耐先見到🤣呢間小店開左一個月倒 係由一個師傅帶住兩個後生仔開嘅💛呢個時候創業真係唔易 要支持吓🙌🏻.📌隱世口水雞(半隻) $110呢到嘅雞真係好食喎‼️肉質好嫩滑 皮夠爽 肥瘦適中🥰半隻份量勁多 一拎上手忍唔住問店員係咪比錯左一隻🙈因為個人唔太食得辣 但呢種辣我可以🌶辣中帶啲酸酸甜甜🤤唔係淨係辣椒油 加左勁多蒜蓉同辣椒碎 超足料🤩面頭啲花生都好惹味 同屋企人清晒🥜.📌隱世鹹雞(半隻) $100呢款就唔太啱我地口味😢可能醃得太耐?個雞真係好入味有啲重口味 食落都幾鹹 好似食緊鹽咁🥺因為個味太濃 所以就冇左個雞味 肉質都冇上面嗰款咁滑☹️

疫情期間，見證住好多餐廳come and go......我喺呢區食開一間小店，整干鍋辣炒非常出色，可惜執咗無耐 (聽講係搬去旺一點的地區)我最近lunch冇咩胃口.....成日都唔知食咩好聽人講新開呢間食雞抵我都經過咗幾次，今日又諗唔到食咩，見有惹味item, 就一於試下本身想叫外賣返去，外賣仲送油菜！我想加飲品，店員話堂食送飲品，就冇油菜，我想飲野多D就改堂食啦！點知凍飲都係一樣加$5..............最後杯凍OT仲要麻麻地，我冇叫少甜，但好似走甜咁><《椒鹽雞翼飯》我見到有得跟湯飯/米線我比較鍾情食米飯，覺得每日都要食D先夠米氣(但一食完都後悔，因為....飯氣攻心)估唔到係單骨雞翼 (我都鍾意)炸得香脆 多蒜 微辣味道不過不失 有啲重口味 不過算係惹味之選適逢我呢排咁早晨無咩胃口 幾fit 可再encore系列