難兄難弟2018 (已結業)

侍應：好明顯係老闆個女，動作慢都算。連廣東話都聽唔明。只係識最基本既要咩同凍L茶。皆因我話雜扒飯如果係牛排可唔可以轉豬排或者雞排？結果聽唔明。然後搵佢阿媽黎（餅印一樣）回復係可以。結果碟飯邊左一塊雞排，蛋同火腿。我問唔係雜扒咩？佢話，係啊，係咁㗎。🧐🤔🧐🤔？凍央其實無咩大問題。個飯叫做合格。蒜蓉汁唔會太鹹，接受到。唯一一塊雞排唔會雪味或者叔味濃。係我覺得如果牛排轉唔到其他排類既話應該講一聲先，而唔係：係咁㗎。

朋友生日飯一行13人, 喺閣樓一張大圓枱環境尚可，但當晚有一部分體冷氣有問題，因此有D熱，希望下次可以改善.老闆先來三個小食, 餐廳有啤酒汽水供應亦可自備紅白餐酒，免開瓶費.最欣賞黃金蝦，爽脆連皮都可以食，唔覺油膩,秘製紅酒會牛尾,味道好,但略嫌未夠琳,自家製水餃,皮薄夠彈牙👍

無打開食評 但差到好想投訴諗住去買個外賣早餐返公司食 比完錢個刻都心知不妙 聽到有台話落錯單又有一台話好耐都未上個廚房又講曬粗口 完全對客人都無禮貌都唔明白點解會搵一個手腳咁慢ge侍應廚房又唔夠人手 亂q咁黎 唉 咁慢就唔好開茶餐廳等左10幾分鐘 差d唔想要錢就走諗住算啦 返到公司打開先想死杯咖啡難飲到不得了 話左走甜 又勁甜 飲左一啖就倒曬 個榨菜肉絲米 完全無味 d肉霉霉臊臊 完全係浪費食物攞咁多錢去整咁靚個外表 不如攞d錢去搞好內部

最近要過來這邊附近工作，如果不是近工作地點我也不會去！看見新開一間就和朋友一起試試，怎知不試尤自可，一試把鬼火，食過三㳄早午晚餐都十分難食，所謂秘制牛尾原來是用金寶罐頭製作，沙嗲牛肉又梅又難吃，還有餃子有一陣叔味，投訢也沒有人理你只是晦氣地說一係食第二樣一係就不用你埋單！晚上吃小菜全部餸有陣陣雪味，我想應該放在雪櫃很久，如果世上只有這間餐廳我寧願一世絕食，服務態度又差，還有廚房員工無遮無掩大大聲講粗口食煙飲酒！以後都不會光顧

呢間野一開已經見個招牌係"非一般"嘅設計，3個人像嘅油畫style大大張，樣好樣衰我就唔評論啦，個人眼光都唔同，但放得做招牌都似乎有d自信咁樣。個名叫難兄難弟2018,唔。。。真係唔睇餐牌唔知有乜食。原來茶記野加中菜啦。本來睇餐牌都唔係特別大興趣，因為真係冇特別，係有一日貪近同貪新想發掘下灣仔街坊店好去處，點知就試出一肚氣。點左個黑松露蝦仁炒蛋午市餐，小試下先，我叫走飯，食完埋單要收我小菜價，90 幾蚊，頭都大，感覺被老屈，又唔係特別大份，茶餐份量，點都唔似小菜份量。又唔係好好食，又亂收錢，真係難兄難弟，不知所謂，2018,希望2019唔好再見

難兄難弟Fearless Brother 2018供應A-F 款醒晨早餐 和 1-4 款經典早餐。 份糧合當，味道佳。 配合店內的70/80 年代装修，感觉不错！有樓上雅座 、及樓下木長櫈

朋友生日幾丁友想揾個地方聚下，酒樓太行太趕太嘈(基本上我地都好嘈)，就問附近茶廳老细可唔可 以寫幾個菜， 畀個閣樓我哋玩下， 老細好好人 馬上食咗張菜單畀我哋，又四小碟又炒飯水餃好似擺酒咁， 食物唔使止好味擺盤仲好靚, 價錢仲好實惠, 朋友們個個都好滿意仲玩得好開心, 佢哋嘅秘製牛尾一定要試、 咕嚕肉都好出色, 仲有清蒸龍躉，豉椒炒聖子 杏汁豬肺湯， 特別要提一提餃子係自家製， 每日新鮮包嘅 ， 餃子皮彈牙， 餡料新鮮, 分量成多到食唔曬, 一個字講曬"抵", 而家已經變咗我嘅飯堂, 一個星期最少食四次