雅士餐廳

营业中

休息中

收工過後去左粉嶺與男朋友見到舊式既西餐廳因男朋友特愛食西餐❤️所以就入左去試雖然平日去都見到有人等位，今次都要不過等得唔耐👫 大約10分鐘內都有位環境唔錯，雖然舊，但食物、服務、環境都唔差！我地兩個一人叫左一個set，同出面西餐廳一樣有湯同甜品我叫左個煎魚，唔錯 🤤男朋友叫左牛扒，6成熟，雖然有小小over 左6成，不過男朋友都話唔錯，食物真係好食最後仲附送甜品，啫喱一個，食落似係自家制總括黎講雖然係舊餐廳，但食物同價錢絕對係抵食！

粉嶺聯和虛算多特式食店，今天就試試這典雅的西餐廳，應該是模仿跑馬地某間老牌西歺廳吧！總算冇失望。喜歡他們的室內優雅佈局，喜歡侍應們的服務，喜歡久違了的周打魚湯，喜歡他們寫上不準搭台。

粉嶺聯和墟的老牌「豉油西」雅士餐廳，始終是價廉物美的兒時老香港風味之選，羅宋湯和酥皮海皇湯一定是賣點，牛扒也不會用過多鬆肉粉而保留不俗的肉香。以本文的第一張照片為證，就說明了「雅士」是我們在上水粉嶺光顧多年非常喜歡的餐廳。

從男友口中得知這餐廳抵食夾大份，所以便決定親身試試～此店隱藏於住宅區，本以為是小鋪位，但進去後原來很大，超多位子，燈光暗暗的，裝修也有點西式，兩人被安排在近牆的四人位置，很自成一角的感覺 😆餐湯 - 選了白湯，裡面有超多雞肉粒，不過肉質有點鞋餐包 - 正常，但如果再熱一點會心較好紐西蘭肉眼扒配意粉 - 大大塊又厚身，意粉份量也不少，夠淋身，不會太過硬什扒配薯菜 - 有豬扒，牛扒，雞扒，虎蝦，非常豐富，三種扒也很厚及大塊，絕對是飽肚之選甜品 - 啫哩，內有少量菠蘿，好懷念的感覺總體來說性價比高，每樣都大大份，不過之後頗為口渴，但有機會還是可以再encore

首先,本人住上水,已經唔係第一次幫襯,因為老公既朋友鐘意,所以我地一年都黎一兩次,對上一次食應該係年幾前左右啦,當時叫左鵝肝牛柳餐,5成熟,走汁,配薯菜,老公都係叫鵝肝牛柳餐,7成熟,唔記得左佢要左咩汁啦,好喇,等左陣,個餐到喇,好興奮咁切一舊想放入口,一切,個牛柳全熟咁款,咬落韌既,我已經覺得奇怪喇,咁樣係5成咩？再望下老公個7成,佢果塊又有血水出,唔多似7成,我就以為我地叫埋兩個餐一樣,廚房搞亂左啦,就照食.到左今日,去到聯和墟,食泰菜又勁多人排隊,唯有又入去雅士試下啦,今次老公叫個一級西冷,7成熟,聽個名好似好上品咁,點知上台又係全熟咁樣,我就叫左無骨燒春雞,要薯菜,上到台,原來隻燒春雞係有汁既,成件雞扒咁既款,一塊咁上碟,算啦,食啦,但係食落係鞋口既,點解春雞會鞋口,再試下薯菜,即係薯條啦,唔明點解可以一上台已經係凍既,又林又凍,唉唯有又係照食件雞啦,,薯條真係sorry喇,食到第3條真係頂唔順..隻燒春雞,真係食過好多茶記都好過佢..人地茶記講緊幾十蚊有埋野飲.雅士收多左3倍價錢,我唔知自己食緊照燒雞扒定燒春雞. 係喇,佢個feel真係似平時lunch茶記a餐果d雞扒腸仔意果

兩年前同屋企人黎過一次，份量大，味道唔差，價錢唔算貴好抵食。今晚心血來潮一個人黎食，食剩一半有多非常飽，而且仲有甜品jelly，價錢都係$131。落完單轉頭已經即刻上菜，先黎牛油餐包冇咩特別，唔係凍晒個d，仲係暖暖地既接住即刻上埋個餐湯幾足料不過覺得有少少口渴一食完已經即刻幫我收起左，然後就馬上上主菜。今次叫左什扒薯菜望落普普通通隻蝦比想像中大隻幾吸引不過咬完發現送左少少蝦腸，即係唔夠乾淨，但係冇咩所謂啦，幾好食既我個人覺得份量真係好多，完全食唔晒。野飲嗌左凍奶茶，但覺得味道怪怪地，飲唔慣，話係西式奶茶所以同平時茶餐廳有d分別。最後原來送埋甜品啫喱，入面仲有好多果肉tim，味道同平時出面買既都差唔多。

今日放工之後，約咗媽媽食飯。一間餐廳，平時成日會食，今次第一次寫食評。餐廳用木做主要風格，有西式酒吧的風味。餐牌上，卻是港式西餐廳餐牌，非常有懷舊風格。相信有不少80後依然會記得，小時候與爸爸媽媽吃西餐的感覺啊？最喜歡，當然用係童年回憶酥皮海鮮湯。唔知點解，加＄15 ,酥皮海鮮湯呢會，小朋友覺得好吸引？小女童心未泯，當然要叫了。忌廉湯，加上香濃的魚味，仲有脆脆地嘅酥皮，混合在一起，非常滿足。當然，要分享一啲俾媽媽食啦。媽媽叫咗燒大蝦、牛扒意粉、紅酒燒汁正！大蝦燒得好香，不會太燒焦。皮依然好好味，鹹鹹地，會咬下先吐出來。不過一隻蝦，唔夠，一啖就食晒。好彩仲有牛扒燒汁唔會太鹹，啱啱好。配意粉牛扒就啱晒我就叫咗紐西蘭肉眼扒配薯條。炸薯條雖然有啲熱氣，但係我喜歡吃。我就會有少少蘑菇汁，肉眼扒外邊燒得有一點脆、肉質是八成熟、有穩重的感覺。次出來依然有不少肉汁，配上薯條吃，滋味一流。咁多年幫襯，依然沒有令我失望買單大概＄300非常化算，下次再來！

餐廳裝修懷舊，臨近聖誕，頗有聖誕氣氛，座位寬敞，入座唔洗等。餐牌樣樣都有興趣，燒春雞乳鴿安格斯扒鵝肝羊鞍田螺，但套餐有齊頭湯大甜，驚食唔哂所以只嗌了羊扒同食咗個frd舊鵝肝。羊扒168蚊有四支骨，味道值呢個價錢。鵝肝夠香但略嫌唔夠肥。羅宋湯最好飲。

諗住去試下啦。一入去環境ok.幾懷舊。我見個環境所以去試食下。下午茶平日沒有很多人。很舒適。那個年輕的waiter黑口黑面。已經冇乜客㗎啦。嗰pizza好難食。林過毛巾。冇食到。薯條好味。三文治一般。欣賞咖啡，因為是自己调的。整體失望。唔知食唔食夜晚好。

七八年代懷舊西餐廳假日去平日少去既區行，總好過留係屋企。今次朋友話要帶我去食野，係去粉嶺一間懷舊西餐廳，去一間曾經係區內高級餐廳。由粉嶺火車站行去聯和墟樹多人少，傾著計好快就到。呢間餐廳外觀同內裏既裝潢同陳設都充滿七八十年代西餐廳既情懷。一走入去就會感到到充滿歐陸風情。白色牆身同柱樑，泛黃籐製既燈罩同籐椅，原木製既枱再配合懷舊既水吧,令人覺得有如回到七八十年代。下午餐餐牌選擇非常多，四十幾蚊已經食到飽。份量又大又飽肚，好在我未食晏。我叫左焗肉醬意粉$45,朋友就叫左海鮮炒烏冬$48,食物一黎到第一感覺就係大到超乎我想像。食落重好好味，下次黎呢區必食。懷舊到連飲杯熱檸茶都係用七八十年代既手法去service,唔係比個茶包你，而係一個茶壺自己沖茶落杯，重有個迷你茶隔，檸檬一片片排好係細碟，比客人自己加。（我放檸檬片落茶，一D都冇苦同酸味，飲得出D檸檬有揀過）所以我今次飲茶係慢慢享受既）

5:45pm落單，追左2⃣️次單追到7:00pm食完扒都未有酥皮湯到😡！而每次追都話整緊...我地相信所以繼續等🙄！到追第三次終於有個穿便服的職員同我地講未整依家整！仲等咩？！嬲爆！超失望！

一般都不會對扒房的咖啡有乜期望，因為近來對精品咖啡有D研究，今日經過，即管試下！此餐廳應該有一定曆史，細細個爸媽帶去吃扒的感覺立刻湧番來！從裝修風格，我估計有十年起碼！去到時是下午茶時間，因為之前已和客戶吃飯，但今天未餵咖啡蟲，便揀個窗口位，叫杯咖啡止下忍！想不到還可以喎，我竟然可喝了半杯後才加糖加奶，如果和精品咖啡比，當然無得比，因為煮法及財料都唔同，但如果以扒房一般煮的咖啡感覺，加糖加奶飲，再加埋價錢環境服務，我比七十分！

聯和墟街坊，由細食你到大，一個字係：唉…環境：好在哥德式櫥窗同拱圓內頂假天花都冇改變，亦求你千祈唔好變食物：大不如前，似快餐店！堅要炳！扒爐，貨嘅品質都…幾十年招牌就咁毀左你唔心痛街坊們都心痛。好嘅野要繼續keep返啦，香港仲有幾多地方有銀袋牛仔食？既然你雅士老，恃老賣老有乜嘢唔好？服務：有位waitress，問佢海鮮什扒餐同海鮮大會餐有乜分別，佢唔識答…轉個頭見佢同經理頂撞，期間呢位waitress有爆粗(27/9)。爆還爆，唔好畀啲客聽到呀嘛，仲要我果枱有小朋友呀其他：關於啲用具餐具，都係中意裝啫喱果種銀具嘅復古感覺。餐單其實以前人手寫都幾好幾特別，我見網上都有唔少人讚以前嘅手寫餐單。雖然人手寫唔夠電腦字耐用，但其實唔係樣樣野都要公式化咖嘛畀個4星+好評你啦！繼續加油啦！

1. 待應服務水平差，叫了5分鐘，應了3次都係等等2.落了單8分鐘後，先話冇燒雞，大力推薦原條龍 利，腥到入不了口3. 叫了安格斯肉眼6成熟，來了9成熟4.羊鞍的黑椒汁勁咸5. BBQ雞翼，有一團漿狀，又濃又咸的醬汁包著

正所謂區區有扒房，粉嶺也有專業扒房，歷史最悠久的，莫過於雅士餐廳。內裡裝潢如同三四十年前的傳統歐洲餐廳一樣，充滿歐洲風情，環境一定比滿分。上星期舊同事請我同老婆鋸扒，當然揀咗呢樹啦！同事叫了雜扒118元，有好大隻虎蝦。我叫了紐西蘭肉眼扒138元，而老婆就叫了安格斯西冷扒178元，貴咁多，除咗塊扒靚啲、筋少啲、肉質啉啲香啲之外，當然再多啲嘢食既，就係多咗個薯蓉田螺，同埋飲酥皮湯，非常好飲噃！即使係我個扒跟既係羅宋湯，味道都唔錯，仲有加埋一塊蒜蓉多士，配搭簡直一流。咁啱隔離枱有人生日，吹蠟燭、食蛋糕，睇落响呢樹搞生日會都唔錯，淨係氣氛都贏晒啦！