雅高·33

营业中

休息中

平時行過見到店面以為呢間係普通茶餐廳, 今日入去食先知原來係一間西餐廳店入面D枱凳都放得幾開, 幾闊落, 坐得幾舒服我同朋友分別叫左牛扒意粉同鰻魚飯, 另外仲叫左2個小食牛扒我叫左7成熟, 黎到完全超出左我既預期, 唔單止好淋有牛味入面仲係粉紅色, 煎得岩岩好, 仲好juicy, 直情有高級扒房既水準鰻魚飯都好出色, 原條鰻魚咁上, 冇欺場, 條鰻魚仲要好肥美, 有口感以$80蚊黎講性價比超高, 出面食一定要百幾蚊至於小食方面, 可以跟餐加錢叫, 見到幾抵, 所以都叫左黎虐下分別叫左焗田螺同埋焗大啡菇焗田螺加$28蚊有6蚊, 好抵, 仲有薯蓉一齊焗, 如果同唔係咁大食既女仔一齊黎食, 加呢個小食連埋個餐跟既餐包餐湯, 已經夠食, 份量好足焗大啡菇又係另一樣超出我預期既菜, 一黎芝士多到可以拉絲, 二黎焗完之後個菇仲係好juicy, 完全冇乾到, 超級好食, 10級推薦大家要食呢個小食最後餐飲我地仲見到有黑牛, 即刻叫左黎試, 係兒時既回憶呀!!下次如果想食西餐, 絕對會再返黎食多次!!!

位置：雅高·33 (荃灣)荃灣沙咀道328號寶石大廈地下21號舖雅高·33 (荃灣)食後感：今晚同老公行經荃灣寶石大廈附近，見到有間餐廳都幾光猛 乾淨 裝修幾好 餐牌又多選擇 主要都係食扒同西餐 決定同老公入去試一試，坐低後 周圍環境都舒服舒適 睇睇餐牌 餐廳都有好多選擇，有生蠔 羊架 牛扒 豬扒 雞扒 三文魚扒，而我哋就叫咗牛舌心配三文魚同埋雜扒餐。味道：兩個餐都包左餐湯及蒜蓉包羅宋湯：有蕃茄味，酸酸甜甜好多雜菜喺入邊 蒜蓉包：好脆口好香蒜蓉味B6 鹽燒牛舌芯伴挪威三文魚（$148）配飯牛舌心非常之淋，周邊煙韌切走哂，正！三文魚扒都算大嚿，香煎三文魚皮，魚油非常甘香 魚肉亦非常之有三文魚味，出色！雜扒餐（可選黑椒/蒜蓉/燒汁）（$78）配蕃茄意粉雜扒餐上枱後，香氣撲鼻，充滿香煎炸雞味同埋豬扒味，好正！配上大份嘅蕃茄意粉，性價比非常之高😘心太軟：朱古力濃厚，配埋雪糕一絕！整體間餐廳都算抵食 環境舒服乾淨

午餐食黎食去都係碟頭飯或焗飯，今日就搵到同事一齊去剧扒，食餐好，再開工！餐湯係羅送湯，唔會太濃，相對地清清地，無甘咸。甜餐包都幾大個，鬆軟。煙肉芝士洋蔥焗大蘑菇真係好大只，啡菇係我至愛，加埋芝士焗無得輸，熱辣辣食，好好味！芝士焗蠔，套餐加$12就食到，抵食！蠔好大只，漲卜卜，咬落剛好熟，啖啖肉，好juicy!主菜叫左西冷同肉眼扒首先，個薯菜好多，剛炸起，好香脆！我自己就食肉眼，好大塊！唔會薄chikchik ，都幾厚身！叫左7成熟，肉質唔韌，一咬就開。雖然肉眼，但唔會好多筋，但又有肉眼精髓，伴隨少少肥肉，好多肉汁，有牛味，正！最後叫返杯冰飲就完美啦！餐廳上菜快又坐得舒服，職員都有禮，可一可再既餐廳！

放假行完山同班friends 落咗荃灣雅高33食番個西餐睇吓有幾個set menu 午餐、商務午餐同下午茶餐有好多款選擇岩哂我呢班腌尖friends😆商務午餐全部都有肉類為主岩哂我啲食肉獸😆朋友就睇岩下午茶餐佢哋話夠抵食。我決定叫咗個商務午餐B所有午餐都跟餐湯同蒜蓉飽德國咸豬手配蜜糖芥茉醬（薯菜/飯/意粉）跟咗薯菜嘩德國🇩🇪咸豬手大過我隻手食落外皮脆卜卜肉質鮮嫩有口感正呀！我個商務午餐仲可以加錢追加小食我叫咗煙肉洋蔥芝士焗大蘑菇新鮮焗起香噴噴芝士味大蘑菇咬落好多汁新鮮好味😋朋友佢哋叫咗午餐同下午茶餐食馬來咖哩燴牛腩飯午餐佢話啲牛腩好淋個咖哩汁好正。下午茶香炸雞脾什果沙律嘩我見隻雞髀咁大隻切咗少少嚟食外皮炸到卜卜脆雞髀肉好滑😋下午茶特式豬扒包什果沙律豬扒大大塊個friend 話好食。

放工經過荃灣，望到餐牌價錢，食物選擇好似幾吸引，就決定入去試下，發現都幾唔錯🤣雖然無嗌到生蠔，但離遠見到侍應拎比其他客人個啲，好似都幾靚仔🥸而且價錢好抵🤌🏻instead我嗌左個焗蠔黎食。個人都幾推薦呢個小食👍🏻 雖然又有芝士又有煙肉，但都唔會蓋過左蠔嘅味道，想食蠔但又怕生蠔會腥嘅話絕對值得一試主食就叫左個西冷牛扒。呢度會有幾款汁比你揀，但我覺得就咁食已經好夠味，唔洗淋汁都okay😂套餐包埋蒜蓉包同餐湯，亦有有沙律😛抵食！而且味道都賣相一樣都係唔錯的，唯一一樣挑剔嘅係牛扒煮得熟左少少🤏想試嘅朋友可能要求煮生啲，就會係你想要嘅熟度🤣最後唔係好夠飽仲嗌多左個芝士薯蓉西蘭花🥸間餐廳仲有好多其他小食，覺得都應該會唔錯，行開附近嘅朋友推薦一試😙

雅高·33喺荃灣區無論邊一個時段都係人頭湧湧，今日經過一於試試佢~估唔到早餐時段去到12pm, 我哋索性嗌咗一個早餐、兩個午餐try try 😙沙嗲牛肉公仔麵好高質喎！麵條爽口，沙嗲牛肉調味恰到好處配既蒜蓉包新鮮烘起，好好味😋一上嚟見到件香草烤西冷羊扒有兩個我嘅拳頭咁大，份量超巨！件羊西冷超稔身呀，幾乎唔使點咬，又有羊騷味，配埋mustard超正 配菜薯菜一樣咁出色，薯條新鮮炸起脆卜卜，配菜唔係一般貨色，係新鮮嘅沙律菜！嗌左個煙三文魚沙律🥗做小食，有4片煙三文魚再加一大碗新鮮爽脆清甜沙律菜，健康又美味☺️美式烤BBQ醬豬肋骨係更加誇張，佢嘅份量有我手臂咁長！配BBQ醬好惹味～ 熱奶茶☕️港式標準，用來結束食飽飽美味的一餐，非常好☺️

呢幾日係附近酒店staycation，周邊都有唔少好野食，今日黎左artco.33早餐時段都好多人，早餐款式有八款，有中有西都好多選擇西式少不了all day breakfast! 標配牛角包、炒蛋、火腿煙肉、茄汁豆、炒菇、沙律加薯蓉牛角包夠香夠鬆軟! 炒菇夠juicy，唯獨炒蛋有D過左火😂 加杯cappacino慢慢食，非常享受~另外點左雞扒炒蛋火腿沙律，雞扒調味唔錯，煎得又夠香，切開雞肉仲好juicy。再加左7蚊要蕃茄通粉，好抵! 而且味道都唔錯，蕃茄湯超香!忍唔住點多左一個吞拿魚火腿牛角包，最多吞拿魚醬! 食落啖啖吞拿魚，好滿足👍🏻

前菜小食的蒜蓉包口感很鬆脆，再加上入味的蒜蓉，超級惹味！餐湯都很黏稠，一點也不稀，咸度適中，好好飲！１２吋大大個的夏威夷海鮮薄餅＄１２８餅底一樣鬆脆，不會像某些餐廳一樣餅底厚硬到切不到的地步，稍稍用力就可以乾淨俐落的切開，一啖放進口里豐富的味道令我忍不住舉起大拇指蝦仁、番茄、火腿、芝士等等一級棒！大份忌廉魚柳焗飯＄８８忌廉的味道很濃郁，份量都很多，每吃一口飯都有一口鮮濃美味的忌廉。魚柳也很新鮮嫩滑，外脆內軟，食完個飯超級滿足。Tiramisu＄３６味道非常好，味道很濃，很香醇，比正經西餐廳或者甜品店的Tiramisu還要好吃！超讚！總結非常抵食！非常好食！有機會一定要再來！！！如果在附近上班的話，我一定天天過來食LＵＮＣＨ！推薦程度：５星星

嚟到荃灣想食好啲， 我會推介呢間 雅高33。 呢一間西餐廳 坐位闊落。 非常之多 選擇， 今次我哋就叫咗 商務西餐 餐前仲有餐廳 同埋前菜。之後我就叫咗條菜 薯菜配豬肋骨， 豬肋骨軟硬適中 好入味， 薯菜分量都好多， 而且用上光波爐製作 薯條唔會太油膩。然後再叫咗兩隻生蠔 大大隻 生蠔海水味濃沃， 食得出是新鮮的生蠔。呢次就叫咗一客 紐西蘭羊扒， 羊扒 七成熟 外脆內軟 外面焦香。 肉質鮮甜味美。最後叫多兩杯透心涼的 凍檸茶呢度客戶服務員服務態度好好 值得再嚟

搬離左荃灣後都好耐有食過呢間餐廳, 以前經常都食佢的下午茶, 今日同老婆經開千色店就專登去食返.佢裝修左, 新裝修令座位座得更舒服, 感覺光猛左同好似多左座位.我地叫左2個set dinner , 一個肉眼配薯菜, 另一個係帶子意大利飯.餐飲嚟先, 鐘意佢可樂係用冰底, 自己再倒出一罐, 正. 老婆的朱古力係用大杯裝, 唔會飲幾啖就冇晒.湯係南瓜湯, 蒜溶包好好食, 睇住佢放入焗爈, 配上湯係一流.肉眼扒 煎得啱啱好, 好juicy, 夠厚又鬆化, 仲有好多薯角, 薯角熱騰騰, 好脆, 好味, 仲有好多新鮮的沙律菜, 沙律菜配上黑醋好開胃.帶子意大利飯意大利飯好creamy, 軟硬適中, 裏面仲有好多姑菌, 同黑松露係絕配, 同埋黑松露一d都唔少, 每啖飯都充滿其香味, 好味. 帶子大大隻, 厚肉, 用左海鹽去煎, 好味.

今次黎到荃灣呢間親民餐廳😽入面裝修唔錯，空間好闊落，而且燈飾幾特別👍🏻餐牌選擇唔少😋😋除咗有唔同嘅Lunch set同特色野飲，仲有好多唔同嘅小食揀😻我哋叫咗兩道商務午餐😽🧡德國鹹豬手配蜜糖芥末醬（意粉）$115超級大份同足料啊😻😻😻鹹豬手超大舊，而且整得好入味，點蜜糖芥末漿超正，配埋意粉一齊食好夾！🧡香煎澳洲肉眼牛扒（薯菜）$123牛扒叫咗五成熟😋😋好大塊之餘煎得啱啱好，啲肉咬落好嫩，薯條炸得好香口好脆👍🏻🧡特色焗蠔 （兩隻）+$24好大隻嘅蠔😻😻😻焗得超入味，蠔底仲有啲薯蓉，好creamy好好食🤤🧡煙肉洋蔥芝士焗大蘑菇 +$28🥰🥰推薦！！煙肉同芝士味道超夾，大蘑菇好juicy🤤🤤正野飲叫咗🧡凍檸茶（+3蚊）同🧡熱檸水，仲有餐湯同餐包😋

如果想吃西餐但你又唔想去價錢太高嘅西餐廳，這裏荃灣雅高.33一定啱曬你。餐廳面積都大，佈置簡潔明亮，座位闊落坐得舒服，食物質素好好👍，分量大大分，而且價錢親民免收加一，午市餐牌都有普通午餐牌和商務午餐牌，還可散叫。我們叫了兩個商務午餐，包括餐湯🥣、餐包🥐和飲品🥤，加錢追加了三樣小食。追加小食有六樣選擇，而且價錢亦都好優惠：煙肉洋蔥芝士焗大蘑菇$28法式田螺焗薯蓉🥔$28特色焗蠔🦪$12香煎雞翼$14炸吉列大蝦🍤兩隻$18煙三文魚田園沙律🥗$20餐湯係好香濃嘅忌廉蘑菇湯，一入口勁香濃嘅蘑菇味，湯內還有粒粒的蘑菇，勁有口感，飲品叫了凍菜蜜和凍檸檬茶（凍飲加$3）美式BBQ醬燒豬肋骨配意粉$101豬肋骨好大塊，有五條肋骨，燒過的豬肋骨條條都好多肉而且唔乾很嫩滑，加上BBQ醬吃到停唔到口😋。香煎澳洲肉眼牛扒🥩配意粉🍝五成熟$123呢塊肉眼扒🥩真係大大塊，而且是厚切，唔同其他餐廳的薄切，五成熟剛剛好，肉質嫩滑配芝麻沙律菜🥗可減低肥膩感。👍🫶特色焗蠔🦪一隻/追加小食$12焗蠔🦪相當抵食，蠔身完全被煙肉🥓、洋葱碎🧄和半溶芝士🧀蓋住，蠔身大大隻咬下去蠔汁在口中爆開，鮮味十足，混埋半溶芝士🧀一起吃，冇得

如果鍾意食西餐，但係又唔想去價格太高嘅西餐廳，呢度就啱晒你～雅高33位於荃灣，貌似係港式嘅冰室，但提供性價比高嘅西餐，價錢平民化，鋸扒意粉當然唔少得，更加驚喜嘅係連生蠔都有！1️⃣生蠔⭐️⭐️⭐️生蠔價格有貴有平，任君選擇，今次比餐廳大推嘅跟餐$15一隻生蠔吸引咗，最多可以叫半打。餐廳內價格較高嘅生蠔就無試過，而特價生蠔比平時價格較高嘅日本美國珍珠蠔較為細隻少少，但係過下口癮又唔想花費太多可以考慮下～2️⃣香草烤燒春雞⭐️⭐️⭐️燒春雞燒得外皮頗脆，內裏肉質嫩滑，鎖住肉汁喺裏頭份外juicy。點少少特製醬汁味道更加配襯，用嚟送飯一流！3️⃣藍青口海鮮焗意粉⭐️⭐️⭐️青口都幾多隻～焗到意粉都入晒味，吸晒青口嘅鮮味。意粉口感亦都一流，唔會話太硬身或者太乾。一個餐仲要有埋餐湯餐包餐飲，實在超值！平時食個米線都要呢個價錢。總括而言，餐廳價錢豐儉由人，由80多元一個餐，到三百幾蚊嘅牛扒都有。生蠔亦都由15蚊一隻到40幾蚊都有，大家如果有不值不妨試吓價錢較高嘅食材😋

首先店的位置好容易搵到就係大馬路當眼位，一入去就以經見到好多人光顧，幾乎坐滿晒，覺得食物質素較一定有保證，就去試下。今日試下餐廳的套餐是日湯餐係忌廉粟米🌽湯，好濃郁的忌廉湯德國咸豬手配蜜糖芥末醬 （有得揀配薯菜、飯定意粉）今次我就揀左薯菜，係粗條美式薯條，咸豬手比起我平時食開既巨型，咸豬手的味道好夠味亦唔會太咸，證明醃製時間掌握到非常好。而且，用刀去切個陣都好易分開肉和骨，個皮仲要好脆，火喉控制得非常好，鐘意食咸豬手，值得一試😋叫左正餐想睇下有咩小食，點知見到有小驚喜法式田螺焗薯蓉同特式焗蠔,平時好少會係lunch 見到，田螺粒粒係大大粒，薯蓉上面仲有芝士，仲可以做到拉絲效果🤤特式焗蠔配上煙肉的口感真心唔錯👍

午飯時間經過荃灣呢一間西餐廳，望一望menus見都多選擇，於是就入咗去試下，午飯時間餐廳入面都坐滿人，餐廳內空間都算闊落同環境舒適。午市餐牌有商務午餐同埋普通嘅午餐牌，於是我地叫咗一份商務午餐同一份普通午餐，而追加小食嘅價錢亦都好優惠，所以都忍唔住叫咗幾個小食試吓餐湯餐包餐飲Lunch set配有餐湯餐包同飲品，是日餐湯係羅宋湯，牛油餐包非常鬆軟。餐飲叫左檸檬橘蜜同檸檬柚子蜜茶，值得一題既係檸檬橘蜜入而檸檬和橘子的酸味和甜味完美融合，再加上蜜糖的甜味，味道好特別。香草烤西冷羊扒配法式芥末醬薯菜🥩羊扒肉質好嫩滑，而且香草的味道恰到好處，唔會太濃亦唔會太淡，薯條都炸得好香脆BBQ醬菠蘿煙鴨胸薄餅🍕Pizza嘅餅底係薄身，焗得好香脆，煙鴨胸的肉質非常鮮嫩，搭配上酸甜的菠蘿，非常開胃追加小食 - 法式田螺焗薯蓉🥔熱辣辣嘅田螺味道好濃郁，芝士仲有拉絲效果，再配上薯蓉既質感非常順滑，食落好有驚喜追加小食 - 特色焗蠔🦪蠔肉好鮮同好Juicy，配上一啲煙肉同芝士覆蓋，非常惹味追加小食 - 香煎雞翼雞翼煎得外皮酥脆，內裡肉質好嫩滑整體黎講，餐廳環境舒適，菜式款式多，價錢親民，食物亦都好高質。⭐️