雙連台式美食 (已結業)

今日有同事提議來這間台式食店。出發來取位前，已獲同事告知此店一向多人客，所以已預早出來。想不到已座無虛席，門前也已開始有人正等位。幸好大概等了十至十五分鐘後總算能入席。見到鄰座的雞扒干伴麵幾吸引，$38連飲品(凍飲加$3)，就跟著order了。真是幾好味，相當彈牙，與底的花生醬攪勻味道配搭一流。雞扒也夠爽滑入味。可惜麵的份量少，比鄰座那碗略少，真奇怪，朋友的也是我這份量。不知是因為鄰座加了底還是熟客優惠?大家齊齊也是吃干伴麵，真的不錯。

天氣通常都好影響食慾，無咩胃口嘅時候硬係想揾啲酸酸甜甜嘅野食去吊下胃口，好彩附近有呢間雙連台式餐廳，第一次黎就覺得佢好多款揀，樣樣都想試下，一見到佢有撈檬就想試下，因為撈檬個汁係最緊要嘅 今次叫左香茅豬肉撈檬，配上珍珠奶茶正常係有花生碎嘅，不過小妹覺得呢個配搭有啲怪，所以走左，豬肉薄薄唔會好un,有青瓜配搭好青新，果枝撈檬汁酸酸甜甜就係好開胃，食完成碗好滿足，呢度嘅香茅系列都幾好，肉類都好入味，唔會淡mou mou, 真係食過番尋味 重點價錢都ok,下午茶都有撈檬，平啲，不過細碗啲，但其實對於女仔黎講，下午茶份量岩岩好，小妹食完呢個都full full地

上星期下午放假見有時間入去食個tea，叫左個香芽豬扒湯河+熱檸水，豬扒尚算淋但湯底味道偏喊，但杯熱檸水有一浸油係面，完成係入唔到，最慘係食到一半發現有兩條唔知咩既東西係碗粉入面，完全影響哂我既食慾只好埋單走人。

路痴因事黎到何文田，唔識周圍去搵食，唯有近近地是旦入一間好似多客啲嘅餐廳啦，呢度應該都幾多街坊同open u學生幫襯。睇一睇餐牌，大約３十幾蚊一碗麵，有台灣麵，都有越南粉。好油，好少菇，但同其他有肉嘅麵差不多價錢望落都不錯，牛肉分量幾多，不過就太un,好似食緊香口膠咁話就話係花枝丸，但食落就似港式墨魚丸，豬賜冇咩味。皮蛋好少。。。。冇咩特別較出色！！雞肉嫩滑，唔會太肥，不過食到最後有啲鹹

我係街坊黎。食過2次，第1次下午茶（食過一次都唔想再幫襯），今次係外賣（因為SWEETSPICE無開，焗住試佢D飯）比次翻身既機會。點左「豬肉肉燥飯」諗住肉燥飯都唔會好伏掛？食左一啖真係喊出黎 我未食過肉燥係咁既味「好中式，我詞窮」⋯一PAT漿咁（係漿，唔係醬）杯奶茶得7成滿我以為我倒瀉左算啦，真係唔會再哂錢食佢。比下正面既評價，足料，夠飽。

屋邨街坊生意，台灣牛肉麵，麵似烏冬麵，幾滑，可以可以，牛肉份量算多，價錢連飲品，只係卅五，晚飯絕對合理， 但已經港式化，沒有台灣重口味，所以話唔係台灣牛肉麵，沙薑無骨雞飯，味道OK， 涼拌豬腸木耳，有普通及麻辣味選擇，醋味重手咗。

屋企附近終於開間台式食物，開左無耐已經食左好幾次，食左幾次都係食蕃茄牛肉面，湯底好好味，面又好滑，仲會有酸菜做配料，牛肉又入面，所以一直無轉其他款，直到最近去食面時睇到好多人叫酸辣粉，我都學人試下，要左碗酸辣腩肉貢丸拉面，唔食得辣既我要左碗小辣，味道剛剛好，成碗面都好惹味，唯有美中不足係拉面唔夠淋，可以用硬黎形容，下次都係要番紅薯粉了。大大碗面加杯野食成為$35，絕對抵食啦！