雞蛋仔專門店

营业中

休息中

話說呢間雞蛋仔其實喺大埔開咗好多年以前補習前成日都會買底雞蛋仔食不過慢慢覺得麻麻好味啲粉太厚 冇蛋味🤦🏾‍♀️所以冇幫襯好多年🤦🏾‍♀️.直至琴晚東張西望有訪問呢間鋪今日經過就買咗底冷糕冷糕係香港傳統小食基本上都係夾餅雞蛋仔嘅味道但入邊有花生,砂糖同椰絲🤔佢味道唔會太甜 可惜冇乜蛋味不過佢新鮮即叫即整所以都幾熱辣辣幾脆口.Anyways食完今次都冇話特別想再幫襯可能因為都唔係特別太好味今次幫襯純粹係試吓香港傳統小食冷糕反而大埔另一間喺寶湖商場嘅雞蛋仔店TakEateasy就真係回頭率高！下次有機會會幫佢哋做返個食評😁

大埔呢個商場仔，除咗大榮樺既牛仔柳正之外，有間賣港式小食既舖頭我都成日幫襯既，不過今次啲水準就一般喇。去到落單，老板都好好人話重新整底熱既比我地，咁我地就攞住張飛仔等喇今次同平時一樣都係嗌朱古力雞蛋仔，熱辣辣好香好吸引。但食落去好似啲朱古力味冇平時咁濃，平時會有少少好似流心既感覺，今日就...普通啡色雞蛋仔囉😅😅😅同埋可能趕住出貨，今日唔係每粒都清脆俐落咁啪得開，有啲位會淋啲，吹得唔夠耐。以$17一底雞蛋仔黎講，今次真心麻麻喇，不過見其他人叫原味雞蛋仔呀冷糕呀嗰啲都好似ok，會再試多次睇下係咪只係老板一時失手，溝稀咗個粉漿🤷🏻‍♀️🤷🏻‍♀️🤷🏻‍♀️

今日終於一試睇食評同平時d人講好好味既「昌運雞蛋仔」。我地叫左朱古力雞蛋仔，加一杯「杯芽奶茶」，好期待既，點知一拎上手就知伙了☹️（合共$31）點解甘講？因為佢超級凍。店員隨手拎左個擺凍左既朱古力雞蛋仔比我地，朱古力味唔夠濃，唔脆，基本上熱辣辣既食物應該係對雞蛋仔既最低要求吧，完全失望🙍🏻店員亦都唔係十分nice同有人情味，野飲明明叫700cc但一d都唔大杯💁🏻‍♀️總結，完全大失所望，唔會再幫襯😂

夜晚想食格仔餅，第一時間就諗到大埔嘅雞蛋仔專門店細細個開始就食佢，咁多年之後味道依然不變，依然好多人排隊去買雖然格仔餅好高卡路里，但偶爾放縱一下倒是可以的我習慣走牛油同砂糖，咁樣就無咁肥喇。格仔餅拎到返屋企仲係和暖，裡面嘅花生醬多到漏出黎，每一口都食到濃濃嘅花生醬味同朱古力味。格仔餅又厚又軟，加埋一齊食又咸又甜，真係好正咁多年黎食過最好食嘅格仔餅就係呢間，就算排隊等佢新鮮整一份熱嘅都值得係童年嘅味道

好中意食雞蛋仔，呢間系大埔都幾受歡迎，最重要價錢好平民!朱古力雞蛋仔 $17朱古力味濃，甜度剛剛好。士多啤梨雞蛋仔 $17士多啤梨味不算重，相對朱古力味比較淡，但都唔錯，值得一試。啲雞蛋仔好熱好脆，粒粒都好完整，好好味。經過都會食香橙朱古力格仔餅 $22實在太好食，忘記左相機食先，橙味好香，朱古力味都好濃，配搭很好，又唔會太甜，格仔餅好熱好脆，真心推介!依家有特別味道既雞蛋仔同格仔餅最平都要廿尾，呢間真系算抵食，平令正。

大埔最好味既雞蛋仔$20一底 以宜家物價黎講唔算太貴 平時街到食既雞蛋仔好多都空心/唔脆 但呢間真係做到外脆內軟 可以叫佢即整 會熱辣辣 除左傳統原味 仲有其他口味如朱古力味揀 朱古力味就係我既最愛

 走入大埔好想食雞蛋仔走到昌運中心雞蛋仔專門店來一底雞蛋仔只要$17另外有士多啤梨味,芝麻椰絲,朱古力雞蛋仔實淨脆身,內層鬆軟有雞蛋香,甜味又夠,好出色!好多市區好多所謂專門店呢!迷你花生夾餅(冷糕)放滿牛油沙糖,花生碎與椰絲幾近失傳的港式甜品 另外有招牌金莎朱古力格仔餅即點即做,拿上手時仍然熱辣辣呢!另外有香橙朱古力,朱古力焦糖,花生糖芝麻格仔餅草莓醬格仔餅,芒果醬可配台式特飲有得減$4 大埔安慈路4號昌運中心榮昌閣地下14A號舖

金莎朱古力格仔餅 $22Ferrero Rocher Waffles.呢度既格仔餅即叫即製，拎上手仲熱辣辣，咬落去有少少脆皮，好好食，而且格仔餅本身都已經好有朱古力味🤞🏼.裡面有厚厚既朱古力nutella醬同果仁，食落都似熱既金莎🤤，d醬都比得好闊綽，但食落又唔覺好漏，好想encore😍😋.可惜真係一d都唔近地鐵站T___T.利申:睇下呢幅相既影相風格就知...呢篇係一篇拖左2年既稿😅所以價錢可能有變🤪

山長水遠為左試下冷糕呢樣傳統野！第一次食！去到比完錢就有得拎，仲暖暖地，個邊仲脆！味道就好似雞蛋仔x糖葱餅。。。有椰絲、花生不過就無/好少煉奶乾爭爭咁另外仲叫左個金沙夾餅！新鮮熱辣整出黎，所以要等一陣等ge時候都不斷有人買野食！商場走廊位夠闊，等同企o係度食都唔會比人撞親大概等左十分鐘（包括食緊冷糕ge時間）WOW~個朱古力味夾餅外脆內軟好好味！朱古力味好濃但唔甜！加埋朱古力榛子醬同果仁脆脆！甜度啱啱好！值得encore!

突然有一刻好想好想好想食雞蛋仔所以雖然食飽飯都要買個雞蛋仔頂下癮呢間雞蛋仔例牌排晒隊加上放學時間好多學生但等候時間唔算長本身唔係一秒都不能等的人有食開雞蛋仔既人就知雞蛋仔一定唔可以一起爐即食否則會變chef lemon的毛巾(你懂的)一般雞蛋仔店整得切都會整定幾個係到攤一陣先小編屋企以前賣小食都有雞蛋仔深明呢個道理亦明白雞蛋仔間中會有失手好彩今日我呢個溫度剛好外脆內軟有朱古力味唔係死甜雖然食左飯都覺得好味所以係堅有水推

想食好味啲嘅雞蛋仔必須見到老闆或老闆娘企檔整先敢買，佢個仔同佢個fd整嗰啲同垃圾冇分別，真係好難食，一啲都唔脆，入邊啲料明顯未夠熟，入口即溶變成粉，賣相甩皮甩骨！

個人來講就非常非常喜歡食雞蛋仔聽講過呢間啲雞蛋仔好好食，就專登嚟到大埔試吓次次黎到都好多人排隊食過幾次，發現佢嘅質素時好時壞第一次食嘅時候真係好好食，外脆內軟但之後嗰幾次食呢，有陣時有個皮就好林所以食魚食到好味嘅雞蛋仔真係睇彩數

今日試左個雞蛋仔，朱古力雞蛋仔空心，而且味道難以形容，難以入口....怪怪的，唔係想像中咁好食都算，無諗過係唔好食，仲食左個小丸子，ok的個小丸子，但係個雞蛋仔就....

#美食推薦 下雨☔️天總掛念從前！下雨🌧️的時間總是多愁善感～今日中午冇食午餐🥣，搞完出糧既文件📄，無啦啦食左份回憶，那份童年回憶—夾餅。我食既係朱古力夾餅😋😋😋😋😋...熱呼呼，每次食都差不多即整，外脆內軟，而且有濃濃既朱古力味，再配合牛油、花生🥜醬同煉奶，真係超級無敵正！！！記得中學放學行番屋企果陣，如有多餘零用錢就食下，我有位同學仔佢好認真甘分享左一個食夾餅既方法，我地又真係認真聽，佢表示食夾餅向上要垂直甘食，結果佢示範左一啖，就搞到成件校服都係醬😂😂😂😂😂(當時情況真係好好笑）...其實佢都岩如果朝下 垂直甘食，啲醬會流晒係底。不過果陣我地表示一直將夾保持水平狀態咪得，呢位同學仔又表示岩wo，呢位同學仔仲好多笑料嫁......😂😂😂 呢間—雞蛋仔專門店係大埔開左好耐嫁喇，記得以前唔只佢一間，有幾間鋪都賣呢啲雞蛋仔同夾餅，其他以低價出售，曾試過10蚊3底，可惜最終關門大吉，只剩下雞蛋仔專門店，屹立不倒立，可見實力的象徵，雞蛋仔同夾餅依舊保持水準，現時更推出多款口味，深受食客歡迎👏🏿👏🏿👏🏿 地址：雞蛋仔專門店 (大埔)大埔安慈路4號昌運中心榮昌閣地下14A號舖ig: year19.9

由細食到大，係童年珍貴嘅回憶，滿滿嘅舊式香港情懷，金莎朱古力夾餅，外層香脆內層鬆軟，咬到中間夾心係熱辣辣嘅留心金莎朱古力漿， 甜而不膩， 係香濃嘅朱古力口感， 好似置身於朱古力浴缸一樣 成個口都係朱古力將想爆出嚟咁。夾新潮與傳統於一身，雖然其貌不揚，味道就一流， 完完全全真係禾稈冚珍珠， 雖然十幾年嚟都加過好多次價，但百物騰貴相信老闆都唔想收貴街坊既。除咗味道之外喺，呢度真真正正最令人享受嘅，係嗰種人情味，聽著此起彼落嘅計時器響起，老闆大叔豪邁嘅叫聲，係一種懷緬童年嘅享受。