雲來客棧 (已結業)

係旺角多野食我都知， 同朋友係旺角食到飽左啦，行行下黎左太子呢頭有人話要食甜品喎，咁我就帶左班frd黎左近太子呢頭既彌敦道726呢棟野食甜品， 我聽朋友講呢度有間客盞可以打牌食甜品..我心諗而家有開樓上麻雀館加餐廳架咩...咁我就帶左3 5 成群黎見識一下啦, 黎到就發覺原來唔係麻雀館咁打牌.. 係喺間客棧咁款既地方食像真度極高麻雀咁款既椰汁糕.. 我地叫左一盤黎試, 每人一兩粒咁岩岩好細細粒容易食...味道都唔錯唔太甜..重點係真係做得好細緻逼真，幾可亂真,同d朋友坐下吹下水食下麻雀都幾過癮。。。

今日女友人驚喜地帶左我黎呢間雲來客棧，我地之前都黎過呢棟大廈食過西餐打下邊爐咁...估唔到佢呢度仲有間咁特別既小食甜品店.. 佢地間小店主打食特色甜品，但我地去到嗰陣先6 點幾冇理由甜品當晚餐既.. 正好佢地度都有得叫d重慶酸辣粉。 女友人叫左清湯酸辣粉， 我就叫左微辣酸辣粉.. 我想講估唔到佢個清湯底竟然比微辣既更好味..食完個酸辣粉又覺得唔係好夠飽喎,咁我地就叫多左個小食瑞士雞翼。 個雞翼佢整得好入味好冧.. 最後到甜品我地就叫左個麻雀椰汁糕我想講佢做得實在太精緻,搞到我同女友人都唔捨得食..成間客盞既氣氛都好好， 好似返左古時咁.充滿回憶的一個晚上..

喜歡打麻雀的我在網上見到有最似麻雀的甜品出現，還是椰汁糕，吸引了我去朝聖的甜品店—雲來客棧超有心機的裝潢設計，好似電視看到的古裝戲，我們是超越時空的客人。可以免費試穿古裝，擺設也是酒瓶。可能是新開的樓上店，八點半還不需要等。麻雀椰汁糕需要等多過十五分鐘，不過吃甜品的我也是想找地方聊天，所以也沒關係。麻雀是十三么，入口好重椰汁味，吃完三張牌已經好飽好濟，非常足料。需要多人分享。奇異果沙冰有用新鮮奇異果🥝打成，清楚吃出奇異果的籽，不是很甜，不錯的選擇宇治芋圓豆花芋圓是剛煮好的，所以暖暖的，但也煙韌。抹茶雪糕的抹茶味有點淡，紅豆好甜配淡味的豆腐花就剛剛好。總結:很有心思的甜品店，連水杯及水瓶也是古代的茶杯和酒杯。

前排沉迷宮廷劇日日喺電視都睇，就比我見到雜誌介紹哩間令人回到過去嘅雲來客棧，裝修好吸引仲有好多costume可以飲著任影照😂好好笑😂 好彩我地揀左weekday晏奏黎唔洗同人爭可以慢慢玩😝我地黎之前已經諗左一定要食麻雀/象棋，$88 當造型費都抵啦😂 最終揀咗象棋牛奶凍!佢唔甜又唔膩，兩個人就算食曬成副落肚都啱啱好唔算多，趣味性加晒分!!最緊要係以影到靚相丫嘛 lol呢度除咗甜品仲有熱食一舉兩得! 我地見佢酸辣粉賣28蚊諗住細細碗，點知出嚟係可以當lunch嘅size!!! $28咋!! 辣味夠曬如果再酸啲仲好😋 加埋花雕醉雞翼大大隻 !!本身諗住下午茶輕食，變咗勁飽😂

同朋友出去食飯想搵間小食、甜品鋪，見到哩間好似幾特別就去試下。鋪頭裝修好特別，真係十足一間客棧咁，仲有衫可以俾你著黎影相。我地兩個人叫左幾款點心，同一款甜品。點心好好食，有酒樓級數，我最鐘意食佢個鮮蝦菜苗餃，唔似出面食咁油🙆🏻‍♀️😊但又好香，然後係黑椒金錢肚，個汁非常ok !仲有個重慶酸辣粉，都幾大碗，食完真係好飽。不過上到黎一定要試下甜品。所以就算好飽我地都叫左麻雀椰汁膏，好香椰香味，又好特別！值得一試！

係網上見到介紹過呢間穿越古代既雲來客棧，lunch time 就同同事去睇睇先！入到店內真係好似去左古代既客棧，好得意！另外，仲有古代既服飾提供比客人著或影相。仲有一排武功秘及🤣🤣🤣所有既擺設都好有心思，都好似入左金庸小説既世界！花雕醉雞翼唔係冷盤，係熱食既小食，花雕味香濃！重慶酸辣粉粉係幼條，勁濃重慶辣味，花生好香脆！象棋牛奶凍棋上每隻字都係服務員用心點上去，離遠少少睇真係估唔到係可以食🤣🤣🤣好有牛奶味！

見有特色特意來，但太失望，作為主題食店，也做得太差了。 打卡還可以。雞翼一般，普通普通。串燒韮菜比較好， 燒烤味很足夠調味也不錯。我想叫蝦米腸佢竟然，沒有所以改白布腸， 名正言順白布，沒有味， 但又不滑。酸辣粉和照片所顯示的不一樣， 單單調調沒有味。烏冬只是單純地烏冬，太過分了！要叉燒包又無！最有特色的象棋奶凍~嗯，講味道一般，但都有特色既。打卡都可以。這裡人手實在不足， 而且想食飯又沒有飯， 太多東西沒有了。真的打卡還，可以其他就不好了， 一次貨仔。

喺呢度食野既感覺真係前所未有咁過癮!!!野食好fusion,mix and match之外店員都會專稱我地一聲:"客官!"枱枱椅椅都係以前客棧既feel等我着衫套母儀天下皇后look衫衫先呵!"平身啦!"先叫兩籠點心迎合下客棧環境先啦懷舊野唔少得佢地啦!!!牛肚有味既，唔會好難咬開!糯米雞又鬼死咁過癮真係前所未有架未食過咁得意既野食一打開入面居然有隻原整雞翼!!!!!而且仲有少量薑絲冬菇肉餅!!!!!!新奇到爆之後到個酸辣麵係全晚最滿意既一道菜式拍得住出面專賣店質素一入口酸味超明顯之後好多朋友都話好麻好辣頂唔順但我反而好受落woo，成碗食曬🌶🌶🌶🌶🌶麻味慢慢滲出黎會維持5分鐘左右估下我麻左幾耐???!!!甜品係較為特別既一環成隻麻雀擺落口亦得!得左!椰汁味超濃適合喜歡甜既朋友仔而且造功都好精細下事關唔會見到啲花紋模模糊糊咁，100%將麻雀表現出黎!!!喺上面既自不然係不同顏色既糖水但味道唔會好假入口都無影響椰汁糕本身味道雪糕紅豆冰雪糕雪到好硬起曬冰粒無咁容易溶椰汁底偏甜如果可以偏輕味一啲就好啦另外一個甜品都值得介紹近來好多人鐘意飲奶蓋飲品加埋落豆腐花度同樣ok woo層次相當分明先係咸

近年都好多興懷舊或者係有傳統風味嘅餐廳，見到旺角開咗間別具風格嘅懷舊小店入邊有好多好似客棧嘅木枱木櫈，一入到去右邊就擺放住唔同嘅古裝服飾，可以供客人穿著嚟影相打卡。廁所仲寫住茅廁，好有古代feel!餐廳有麵食、糖水、飲品等等，上網睇最得意嘅係椰汁麻雀，係椰汁糕黎！麻雀做得好似，不過需要一啲時間，因為店員逐隻麻雀唧出黎上色，所以如果好多客人同時叫就要耐心等候。另外叫咗飲品，叫咗奇異果汁，好得意！佢用個酒壺裝住，好似以前古代飲酒嘅酒樽！另外叫咗鮮雜果豆腐花，好大碗兩個人食最好！

Happy Friday 當然頭Relax relax ,來到MK食野兼扮野最Happy!Food:醫飽肚係一大重點!勢估唔到「客棧」都有串燒食!!!1)咁大串攞住影相一流:丸，腸，雞翼，蔬菜咩都齊!!!2)食串燒點可以唔食粟米?雖然夠Juicy不過味道好似較Heavy!3) 本人乃係雞翼怪!醉雞翼第一次試!暖暖地，唔會勁重酒味，啱飲酒初級LV既朋友。由於是日太好賣，得返3隻，後補返隻瑞士山區雞翼俾我哋。Dim Sum:1)糯米雞唔似糯米雞，勁Surprise!米質唔會too sticky! NEW TRY!Dessert:1)麻雀椰汁糕，睇得唔玩得😆不過幾頂癮，啱曬喜歡「六嬸」的你!着起古裝食都幾Yo!唔好食曬，留返啲俾「三太公」呀!改埋名叫馬吊仲古代呀!2)奶蓋豆腐花如果你以為係Ice cream就NoNoNo啦!有三款材料架!好似座雪山，有咸有甜，滿足曬幾個願望。

難食又貴，豆腐花唔滑，芋圓仲難食，成粒粉團，麻雀椰汁糕得個樣，榴連餃子得cream，樣又唔掂，環境幾有feel，但野食真係唔掂，又貴，仲要品道差，唔建議大家去試！

餐廳環境好特別，好似拍古裝片咁，又有古代服飾試穿試左楊枝甘露、椰子冰、豆腐花、麻雀形椰汁糕甜品精緻又符合主題同埋唔會好甜，適合減肥人士正餐食左微辣酸辣薯粉，味道正常麵底同正餐可以多少少選擇同埋放置有水嘅茶壺

作為一名健身教練, 食麻雀又洗乜練呀今日陪朋友上左726依間雲來客棧食個宵夜, 一開門全部木色裝修, 連d窗邊都好有心機裝修到古代咁, 有趣!側邊擺左d古裝衫係度比人影相打卡, 扮清兵又得扮皇帝又得, 好岩年青人黎打卡想舉手落單之際, 店員問:客官要乜野? 心諗哩d細節位都做到咁足😂哩度唔止裝修靚, 連店員都化身小二, 確係有心思山竹牛肉球比平時牛肉球大size, 夠熱夠新鮮小籠包芒果西米露有甜既芒果肉係入面麻雀椰汁糕朋友話要食既13么椰汁糕, 像真度好高, 唔止樣似顏色似, 連size都一比一咁, 畫依盤麻雀既師傅手勢有番咁上下呀!依度裝修真係滿分, 令客人真係置身客棧既感覺, 成班朋友黎食下野扮下古代人打卡都唔錯

之前係fb碌碌下見到依間野係726新開, 叫雲來客棧, 個裝修真係成間客棧咁好得意, 仲可以免費着古裝打卡今晚就上左去諗住食下糖水~真係一開門就回到過去去左古代咁裝修真係好得意好有特色!最攪笑係佢連洗手間造型都係矛廁既樣😂古裝服就放係旁邊任揀, 上到去已經見到隔離枱2個女仔著哂上身影相打卡 本身諗住食碗糖水架咋, 點知越叫越多😂因為見佢餐牌都好多野揀又小食又點心又串燒咁, 每樣食dd啦燒牛柳粒落左少少孜然粉調味, 又唔會落得太多攪到食唔到牛肉味山竹牛肉球依個牛肉球大大粒, 熱辣辣即蒸B仔雞翼尖調味好好! 夠蒜香又夠辣, 正!芒果西米露有大大粒芒果肉仲有一球芒果雪糕, 足料麻雀椰汁糕打卡必選!! 賣相真係做得好精緻, 就咁睇同真麻雀係無乜分別, 連最難畫既一索都畫到咁似除左靚之餘味道都有水準, 椰汁味重糕點又夠凍, 唯一係兩個人食真係太多足足有14隻麻雀, 大家想試就記得搵多d人一齊share

今日食飽晚餐，當然要醫飽埋第二個胃😆～最近見雜誌有間古代甜品店，當然要試一試！大廈好新淨，一打開Lift門，眼前一亮😆，真係好似番左古代咁，連店員都著埋小二服飾，又幾特別！楊枝甘露：有一大塊切好既芒果肉，超甜既芒果🥭味較重，西米份量亦唔少，較為杰身，如果多d柚子會仲正，而且仲配有一球雪糕，而家天氣咁熱，的確透心涼😋象棋牛奶凍：小二一捧上台，真係要相機食先，外形超靚，出面甜品店暫時未見過👍牛奶凍，有淡淡既奶味，唔算太甜，都溶得快，亦好貼心比左兩隻匙🥄，咁先確保完粒象棋放入口！地方夠闊落，燈光充足！店內仲提供古裝衫免費任著，連廁所都變成茅廁咁用草圍住，又有最近好Hit既夾公仔機，而且亦有酸辣粉，小食等選擇，名副其實又有得食又有得玩！