雲南小鍋米線 (已結業)

味道一般可以揀的配料好少，而份量亦好少...小食方面，亦都係選擇少，份量少...而炭燒豬頸肉似係蒸出黎, 毫無炭燒的味道平時食完米線會好飽，但係o係呢度食完之後... 仲係肚餓....

前幾個星期睇完食評走去試,點知好失望.叫左個淨魚冊同墨魚冊,係凍o既!食完一條覺得勁鯹,問個侍應本身係咪凍食o既.佢淨係話幫我整番熱佢.點知都係食唔落....米線就普通啦, 唔係好特別.

工作關係要一人在深水埗食午飯, 求其試下一間.叫了軟骨丸加腐皮米線(小辣): 軟骨丸是豬肉丸加似豬皮而混成, 肉味唔太濃, 軟骨分量唔夠, 得兩粒. 米線爽口, 湯底竟有D層次, 酸辣平衡.加豆漿一杯, $24, 算係咁啦!

本身唔係特別"好"米線，不過唔知點解就呢到。未夠12:30，未到午飯高峰時段(學生哥未到)，仲有少量吉位。叫個腩肉雲吞麻辣米線小辣，加熱奶茶。奶茶先到，味道麻麻地，冇咩茶味，始終做唔到茶餐廳水準。不過都可接受啦。等10分鐘，主角先出場。雖則叫小辣，但都好勁，不過冇咩麻香喎？！除非麻=芝麻...米線幾彈牙幾爽口，有水準。腩仔唔肥同好入味，份量亦都唔少。雲吞出色，皮滑餡料足，可惜只得兩隻唔夠喉。而配菜有四種，酸菜、芽菜、肉碎同韭菜。食之前攪攪好，因為肉碎沉晒底。尋日眼見三位阿姐，其中一個仲應該做外賣，都幾踼腳。廚房又好似得一個師傅咁大把，所以上菜都幾慢。繁忙時間唔知點算？！$20 包兩，加$3 凍熱飲品。價錢掂！

原先打算去x仔米線, 見咁多人又要等位, 於是o係附近見到呢間都係食米線o既就入o左去.叫左個軟骨丸、腐竹、豬腸米線, 要中麻辣湯底. 一試個湯, 就覺得好正, 又夠麻又夠辣. 真係有d芝麻o係d湯入面. 好正呀. 不過軟骨丸就麻麻, 冇乜特別呀.

尋晚放工同朋友黎食,佢成日都黎食架話超正喎,咁咪試下,我朋友話可以揀好小辣都得(因為我又想食又係怕辣...)我要左個小小小小辣紫菜貢丸米線,朋友要小小小辣炸菜雞肉米線加珍茶奶茶x 2;估唔到四個小辣都幾勁,我係只可以食少少架咋!米線幾淋,係我中意既淋度,同埋20蚊都差唔多仲平過我屋企樓下果間米線店~~都會再黎食!

好抵食, $20 包2餸, 加$3有野飲.麻辣有雲南風味, 米線彈牙, 豬腩肉, 牛展同腐竹都有水準.

見譚仔記咁多人就轉去此店食米線..不過星期六下午都要等一陣先有位..2個人叫左個炸醬加福州丸米線(小辣)加一客口水雞翼.個米線份量都幾大下..仲有唔少既酸菜(原來你可以要求俾多d酸菜架, 都唔錯)...酸菜味道都幾好味..d炸醬我就覺得譚仔記好似正d, 不過粒丸又唔差..個口水雞翼就麻麻地...真係有少少麻而不辣既感覺..可以一試既食店啦.

我鍾意呢度的米線，彈牙爽口，而酸辣湯底好好味，酸菜夠多，my favorite。呢度配料有兩款較特別，有魚冊同墨魚冊。其實味道差不多。但外型有分別，一款較長身，一款較圓。$20可包兩款配料。加入$3有冷熱飲品，好抵o下。呢度d辣較"陰濕" ，係飲陰d陰d辣死你o個隻，愈食愈辣。

腩肉、腐竹都好。小辣巳很辣。豬頸肉選肉太肥剩食到膏。$2X 包飲品抵。

一行數人, 去松記食甜品前醫下肚先。我地叫左三碗, 分別係酸辣, 小辣及甜湯湯底。綜合三種湯底, 個人及朋友也認為酸辣湯底最好味, 酸酸辣辣咁, 極之開胃。而配料方面, 腐竹係最好味架!可惜既係,呢度d 衛生係差左d, 我地問佢攞碗仔, 點知五個中有三個係污漕, 好似未洗乾淨。總括黎講, 呢度價錢相宜, 米線亦幾好味, 有機會會再幫襯。

自己唔算好嗜辣,不過硬係覺得唔辣0既雲南米線唔好味,就試佢個小辣啦~嘩,自問都算食到辣,都覺得佢勁過譚仔0既小辣好多囉~不過辣湯同d酸菜0既味道出奇地夾,好醒胃!!魚冊好得意,不過細細粒唔多夠喉~米線都幾彈牙,不過好似唔夠譚仔多。20蚊一碗兩麵唔算好平,不過叫做幾大碗,加埋凍飲都係$23,食完仲飽到捧肚,點都抵食過雲吞麵0既~

剛剛係電腦節，成街都係人，行左陣就食野，成兩點幾都鬼咁多人。坐低睇下個牌，要左個雲吞腩肉米線，因為第一次幫襯，穩陣咁要小辣。米線一來到，第一時間試下小辣湯有幾辣，唔．．．下次會要中辣，同譚仔比較就冇咁麻，我諗小辣同譚仔1/3小辣差唔多。可能加左腩肉的汁，成碗米線味道顯得幾搶，腩肉亦頗入味，不過雲吞（菜肉）就比較一般，下次有機會會試下其他送。呢度加野飲只係$2，而碗兩送米線就$20，比譚仔平少少！

返學前食野,食粉麵最好.對米線感覺一向一般,但見冇咩好食,就試試啦!叫個三"食送"小鍋米線,唔辣o既,米線夠爽口彈牙,唔係咁腍,好!三"食送"有貢丸,墨魚丸及魚腐,貢丸反而比較腍,同一般貢丸較硬身唔同,但仍然充滿菇味.墨魚丸就好一般,小墨魚多粉,魚腐唔掂,同魚蛋冇分別,但畢境而家已經好難食到好o既魚腐,算數!最欣賞,反而係個湯底.湯底配料用左肉碎,酸菜,牙菜及韭菜,而酸菜o既酸味融入左個湯底度,令到個湯底酸酸甜甜咁,極之開胃.除左米線之外,香矛雞翼亦都唔錯,$10四隻,皮脆肉滑,點酸甜醬一流.可以一試!

今日11點左右一丁友黎食個2送米線$20,要左魚冊,水餃,小辣少米線,多芽菜.魚冊外層系魚肉,內裏系豬肉,味道都ok!頗爽口.水餃系韭菜餃,2隻,味道一般,略嫌頗太厚.湯底及米線亦合格!米線有咬口.環境尚算光猛乾淨,阿姐夠親切,$20抵食!