雲南過橋米線

营业中

休息中

好地地想食個米線都要搞到成肚火，知你地間野下午好多人排隊，明明我排先過後面兩個人，店舖個姐姐仲要俾後面兩個人入先過我，仲話係佢地尼先，我再三強調係我尼先，而事實上都係我尼先，但個姐姐完全冇理過我。我幫襯尼間米線好多次，亦都唔止一次以第三者角度見到其他客人因為排隊次序問題而發生爭執，希望曾經遇到有關問題既人都上尼反映下，雖然可能我過份誇張左，等多張枱唔洗死，但我都要為自己攞返公道！尼間野對排隊人流管制做得好差，只係靠店舖姐姐既「記憶」確認，寫張紙mark個編號都懶，錯左仲要怪客人，奉勸大家唔好幫襯尼間米線。

呢間米線舖行過真係唔多覺眼，係朋友叫我黎我先知，原來都幾多人食本身對佢地嘅米線都冇咩期待，因為可能俾裝修影響左，因為都偏舊同坐位好窄，米線都係一般餐廳既款式，我今次就叫左炸春卷米線，春卷得一條，不過就好大條嘅，啲米線偏淋，個人幾鐘意，我叫左小小辣就岩晒，因為朋友話佢小辣都幾辣，碗米線最主要靠酸菜、辣椒同肉碎令到有味，不過不失，不過$38黎講就有少少貴，另加飲品$7朋友就叫左撈米線，啲餸放晒係底冇影到，佢叫左韭菜餃同紫菜做餸，都係正常質素

好味指數😋😋😋😋回頭指數⭐️⭐️⭐️⭐️開心指數🤗🤗🤗又到咗食外賣日，今日雖然天氣好熱，作為米線控嘅我，又心郁郁好想食又熱又辣嘅米線！呢間都係我不時會買外賣食嘅，作為雲南米線，佢個湯底都好唔錯，中辣都算幾辣，唔食得辣嘅就最好叫少辣，我自己就係鍾意佢個湯底同埋佢個辣度，辣得好鬼爽！唯一有啲唔開心嘅係，明明我叫咗3個餸，打開碗麵發現佢只係俾咗2個餸我，冇俾到麻辣豬耳我！呢方面要大大地扣一分！😤🍴酸辣炸醬米線中辣($26) + 腩肉（$6）+豬肚（$6）+漏咗俾我嘅麻辣豬耳（$6）打開時熱辣辣，今次發現餸方面好足料，比起之前食嘅多咗餸，尤其係炸醬，係勁多，炸醬勁好味，佢嘅肉碎好有質感又唔硬，仲要調味足！兩款餸份量都頗多，唔會好似有啲米線舖咁得兩舊餸咁少，腩肉比較大舊，有一兩舊有少少「鞋」同埋唔太入味，但有啲又好淋好入味，豬肚就淋得嚟有少少咬口，好好味！

基本上撈米線或是撈紅薯粉，之前就經常吃，近期少吃了，即使去，也可能比較多去川味，但記得之前吃過這一間，這間的辣味非常之強勁。當年見工見成，好像也碰巧吃川味定南記慶祝。😂還在生怕會不會有很多人，然之後吃到又辣又滴汗浹背，大家又對着坐，但原來疫情之下，連米線店亦都加了圍板吃了個撈紅薯粉，不過紅薯粉分量相當多，應該比起米線多得很多，另外的豬腸，不算太過肥，脂肪不太多，吃起來感覺比較瘦的；豬耳的麻辣味還算強勁，另外點了小辣的味道，它的辣醬在旁邊，味道的確是非常之辣非常嗆口。平日少吃菜，但通常感覺外出㕥吃小菜付$70-80 吃菜很岸九，但到米線店幾元一個餸倒可，生菜份量不少，浸著又不會太老後來要用凍黑豆漿解辣，黑豆比白豆漿濃味

鑑於疫情關係，做個負責任而又要支持飲食商戶嘅香港人，決定買外賣。今次叫左呢個米線，等左十多分鐘(不太明白為何今次比入座慢，或者剛好有新員工？未準備好食材？明明唔算爆)回程十分鐘倒，清潔好隨身物品，開餐！眼見餸料都是滿滿的，特地唔分開湯同料外賣，測試下個米線本身質素，可以接受。BB辣度，剛好只係一兩滴鼻水。不錯！黎緊揀其他料試下先。補充一下，店內全是卡位比較狹窄，平時都剛好碗貼碗，汁彈對面十分容易，期後入黎嘅你要留意，小心食嘞！

天氣凍左，想食返d熱熱地既野，所以去食米線，米線我成日食，呢間係第一次，舖仔細細，都要等一陣位先入到，坐低左一陣都無因為地方細而追你落單，我叫左個豬大腸米線，大腸夠淋，湯底唔會太咸，仲配埋酸菜肉碎，酸酸地，好開胃，食一碗就夠曬飽

係荃灣住既朋友大多都會食呢間米線店 佢既店係有湯米線同撈 仲有粗既木薯粉 同樣都係有撈同湯 無論佢既湯同撈都十分好味 我個人覺得佢既撈做得好出色 味道好夠 而佢有好多既配菜 好鐘意食牛柏葉 同豬紅！好好味🤤別外，佢個春卷都係好多人叫之一 因為佢唔會好淋而係好QQ😳 姨姨都好有禮貌 下午茶仲有凍飲送！ 成個餐都係四十幾蚊 不過個本杯豆漿飲入口覺得味道怪怪的 同姨姨講 佢都會轉過嘢飲俾你！ 呢D小店好有人情味！不過環境就比較細 坐得會有點窄狹但整體都ok!

話說同事話無乜胃口，想食酸辣米線🍜，於是我地就黎咗荃灣享和街呢間雲南過橋米線食lunch😂我叫左一碗魚肉春卷炸醬酸辣米線，我另外再加左麻辣豬耳同雞腳魚肉春卷好有咬口，麻辣豬耳亦都好爽口，配埋炸醬肉碎，十分開胃！不過個酸辣湯底就略嫌辣左少少，我同我同事一邊食一邊咳（已經係叫小辣）🙈🙈🙈至於個個雞腳，完全似係魯水味，但後來同店職員傾謁，原來佢話其實係有辣味，不過個汁仲係改良中，不斷改良個味道

朋友今日帶愛犬🐶到享和街附近獸醫診所打BB針，順便約我食飯。但大家都唔想食飯，所以就到這間食米線🍜。 舖頭門口細細的，卡位形式排兩邊，約有10個卡位左右，如果繁忙時間坐四人，感覺非常擠迫。 這裡除米線外，還有粗、幼薯粉，拉麵和河粉，可配湯食又或者配撈秘汁食。 湯底有豬骨湯外，還有酸辣味，麻辣味和麻酸辣味。而辣度由唔辣到大辣有5個選擇，麻辣就有大中小3種。 朋友點了自家製韭菜餃，而我剛收工，很肚餓，所以點了韭菜餃、牛柏葉、雲耳和麻辣豬耳，幼薯粉豬骨湯底。 淨食韭菜餃有8隻，隻隻都脹卜卜配少許生菜，份量都足夠。 我叫的都到了，滿滿的一大碗，香噴噴的，有韭菜餃、牛柏葉，雲耳、麻辣豬耳。另再配送炸醬、生菜、酸菜、蔥花和芫荽，連埋薯粉大大碗，非常足料，濃郁的湯底配彈牙薯粉，很好味👍。

自家製魚肉春卷蘿蔔酸辣河粉- 酸菜酸味沉穩，辣勁足，辣感持久，帶豬肉油香- 青蔥新鮮添香- 魚肉春卷以腐皮包裏，富豆香，魚肉頗彈牙，中度香甜- 蘿蔔香甜無渣，但中間微冷- 河粉腍滑吸湯

喺荃灣廣場行完街突然想食米線，即刻想起好耐無黎呢度，就一於同男朋友過黎。之前黎親大多是食撈米線，今次想食濕濕地，所以叫酸辣炸醬米線(唔辣) ，配炸醬、酸菜、芽菜、芫茜、蔥花，另加錢叫配料 肥牛和豬頸肉 有D韌，有D腍，無牛味，下次不會再叫 每次都叫！肉質爽，厚度適中有口感 口感煙靭彈牙 有點油膩且欠缺酸味整體感覺好像比以前差了

情人節街裡愛人一對對，就算冰室都變晒情人節套餐，唔想排又唔想俾人劏到一頸血，呢晚放工決定去最愛嘅飯堂開餐 --- 食米線！荃灣係有名嘅米線之城，好多間人氣米線店，呢間就係我哋嘅至愛。舖頭勁細加埋應該唔夠30個位，繁忙時間仲好逼下。但咁多年嚟加價幅度真係相對較低，叫一個餸米線真係30蚊就搞掂，今時今日去連鎖店食淨米線都要呢個價啦！未到7點到場剩返一張卡位，有默契地一坐低就叫得湯米線走青走芽小小辣 豬大腸 豬頸肉湯米線走辣魚皮餃豬肚加多支豆漿share一碗份量超大我真係走埋青芽都食唔晒，米線軟硬度剛剛好，不過留意佢d辣真係唔小野，第一次去千其唔好太逞英雄哈哈哈放眼望去都幾多情侶夫婦，甚至一家幾口過嚟做節，落單到食完走人唔使20分鐘，平靚正又好味，慳返啲時間拍拖行街睇戲仲好！

朋友今晚過嚟荃灣等我收工再食晚飯，大家都唔想食飯，就決定食粉麵。咁喺附近兜下，睇下有咩粉麵啱食。見到呢間米線好似幾吸引，而且都多人食，就決定試下。我就點了一份雞絲小鍋酸辣米線，上菜速度好快，當然要試一試啖湯先啦。湯頭很濃郁，感覺很足料去淆製的。米線淋而有彈牙口感，唔錯。而且碗底有好多芽菜，每啖都有爽爽聲的口感，但好似真係太多，米線就少左啲。整體來就，米線價錢相宜，而且食得出係足料，下次都會再食的👍🏽

今晚去買兩碗外賣，返到屋企先知店員俾錯左，又要行多轉再去換番，點知換完返黎，佢又俾少左餸，唔單止蝕左幾蚊，仲浪費時間同腳骨力，點解兩碗米線都可以錯完又錯咁混亂架....

早兩日喺荃灣愉景新城相約一班朋友仔睇完首映, 見大家都未食飯肚仔又好肚餓, 當佢是朋友就即刻介紹我哋去荃灣享和街, 試下呢個"雲南過橋米線", 當去之前朋友仔都讚不絕口, 話湯底同配料都好正, 食過都會返尋味！於是一行四人, 大家都急急腳, 行快兩步走去呢間隱世嘅店鋪試一試, 睇下佢有幾"堅"先, hehe... 原來荃灣愉景新城行過去依間店鋪, 要天橋過天橋, 都起碼差唔多要行大約十五分鐘左右先至搵到呢間鋪頭。大家去到都差唔多晚上十點十五分左右, 所以店鋪都有好多空位, 任我哋揀枱坐, 但係我哋都四個人坐埋同一張枱, 為的是就係大家想開開心心食一餐晚飯。因為大家都肚餓關係, 所以大家都嗱嗱臨已經拿起餐牌叫姐姐點餐, 雖然小弟都好嘴刁, 但餐牌都有好多餸係啱我嘅口味, 粉頓基本上都分兩大類, 一係川味湯粉, 二係無湯撈粉, 而我就揀咗自己最喜歡嘅酸辣炸醬米線, 同要最少辣因為本人就最怕喉嚨痛。湯米線配以冬菇、春捲、豆卜同牛丸, 有得食當然有得飲啦！餵食同嘴刁嘅我揀咗飲檸檬可樂加冰底, 之後仲要加多一碟腐乳通菜至醒神... 整體嚟講我最中意就係春捲有兩大條😍, 至於牛丸、豆卜同冬菇, 味