雲桂香米線專門店

营业中

休息中

尋日同個friend上完3⃣個鐘嘅堂就岀左太子，之後個friend就介紹食☁️雲桂香☁️。其實之前成日經過，但都冇試度，所以今日就試下啦～😉我地四點半左右🕟到，店內唔係好多人，打開餐牌睇下👀有咩食。見佢d配料都好多種；有分5蚊，6蚊同10蚊三種。種類同譚X不相伯仲😂。最後叫左小辣🔥嘅小窩米線🍜，而配料係腐皮，炸醬，豆卜同豬脷👅。而朋友就叫左白蘿蔔，豬耳👂同牛𦟌同小辣小窩米線，因為下午茶，加5蚊有枝豆漿。但我friend話有d甜，而我又有帶水，所以淨係佢叫左枝豆漿。落完單當然是豆漿先上，意外地，俾我想像中大枝。我以為係杯上，但佢係整枝上。我冇試到係咩味，但覺得都幾掋👌。米線🍜好快就上啦～都幾大碗。而配料分量同其他食米線嘅店都差唔多，唔會好少，又唔會好多👌。但我覺得米線好似少左dd😩。因為佢裏面有芽菜，而我唔食芽菜😣，所以挾走曬d芽菜俾個friend就淨番好少米線😭。但今日都食得飽，因為叫左好多配料。如果大食嘅朋友可能會覺得有小小唔夠😣😣。而味道方面，首先食米線，有dd煙靭嘅口感，同岀面嘅米線有些分別，我個人覺得幾好👍👍。配料嘅味道就普普通通，冇咩特別👌。炸醬幾好食😋。而湯底就同岀面戈d唔同😯。

今日年初三，好多鋪頭都冇開到唯有係旺角周圍行下睇下有咩好食，行過見到雲桂香見幾多人就入去喇入到去人都算幾多，但呢一間環境都算闊落，而且裝修都唔錯。本來諗新年會加價或者收多1成服務費，不過價錢都一樣，呢樣抵讚但再睇真D，原來新年期間冇左餐飲既優惠，不過呢樣都理解既，話唒都新年。之後我就叫左個清湯既紅腸豬頸肉米線。好多人都覺得我食米線唔食辣好浪費，但我本來個人唔食得辣相反食清湯反而更食得出本來既味道食呢間既清湯相對起其他同類型既鋪頭，湯既味道冇咁好味，唔夠吸引材料同份量都OK豬頸肉既味道都錯口感幾好。紅腸就正正常常，冇咩特別我算好大食，食呢碗野都算有7成飽，都幾足料但呢間服務態度一般，可能因為新年都要返工哈

今日收工，見有ｄ肚餓，又唔想食太飽就去食米線，見呢一間唔多人，有位就入來個米線好大碗，但質素普通，重點雞翼好味青瓜爽脆，又麻又辣又香，下次再來可以唔食米線，下次要再來食小食

上次來吃湯米線感覺麻麻，這次來點新意思，叫了個「五色涼拌米線」$30，感覺上也比較健康。米線的味道其實不差，調味主要以酸汁作出主導，亦雪得夠冰凍，吃下去涼浸浸，的確幾開胃又醒神！這個可以考慮返兜。

本來想食在二樓的譚仔三哥，但行到過黎，見到雲桂香的酸辣粉都好似唔錯，反正未試過，比次機會佢先。睇睇餐牌，廿幾蚊再加餸，價錢合理。雞絲熱伴紅薯粉，配料有花生，鹹酸菜，炸菜。雞絲有少少麻醬調味，但比較乾。紅薯粉煮得熟透，淋得黎不失咬口。雖然叫了小辣，但對我黎講都幾辣，食到留鼻水。酸辣豬耳細薯粉，配料有酸菜，韮菜，芽菜，蔥，花生。餐牌上寫有芫荽，無寫花生，不過是但啦，我估廚房都係隨手落嘅。豬耳滷得幾入味，細薯粉有彈性，幾好食。酸辣湯底好味，夠酸又夠辣，我覺得無熱伴咁辣。加杯凍檸茶，無茶味無檸味，個杯仲要裂埋，要解辣局住要叫，無計。

LUNCH時間天氣熱,自然想找一些涼伴吃,到了這店便叫了這碗涼伴薯粉吃,點了兩餸連一杯凍飲盛惠48蚊,老實說不太好吃,餐牌寫有的上到檯卻另一回事,窄菜酸菜多而且偏咸,肉碎少,芽菜近乎零,墨丸只是一般沒有咬口和丸味,牛脷只是白焯沒有醃過。侍應不斷催點食物但檯也不清潔一下,只收了上一個客的碗便算,服務態度認真麻麻

我超喜歡食辣嘢的，當然米線亦包括在內。雖然鐘意食辣嘢，不過譚仔那種湯底同炸醬腩肉不是我喜歡的那種。這間店是我最愛的那種湯底，又夠辣。炸醬腩肉都是鹵過的，鹹香入味。我是常客來的，一排無食就會諗起佢，有時口痕唔去開嗰頭，都要叫朋友買外賣俾我食。舊址換了，新店搬返喺附近。晚飯時間，坐滿人，要等下位，要搭枱坐得略為逼一啲，人客多落單後要等成十五分鐘左右至有米線食。豬肚+蘿白+炸醬 小鍋米線酸辣中辣 ，中辣味道剛剛好，對喜愛食辣嘅我一啲負擔都無，亦唔會覺得無黎辣味。如果狀態好的話，食大辣就最過癮，feel到辣辣地嘅感覺，好正。炸雞翼 - 超普通，而且人多，等佢即炸，要等到你個米線食咗一半至到。不過人流都去得快嘅，差不多食完嘅時候，啲人就走咁三分一了，有空位唔使搭枱。建議唔好揀食飯嗰啲時候去，咁就可以唔使同人逼慢慢「嘆」米線。

這日想吃點辣，剛好路過見到這間雲南米線，店內看來光猛乾淨，便入內食個午餐。午餐時間生意不錯，全場都坐滿，搭枱亦是必須的。坐得有點擠逼。點餐是從menu自選米線，薯粉或QQ麵，配料和辣度。我正在該考慮點吃什麼時，聽到不少其他食客都點腩肉米線。自己第一次來嘛，一於亦來一碗腩肉米線吧（$30）。辣度選了中辣，要麻辣。飲品要了凍檸茶，跟麵送的。凍檸茶先到。頗有茶香，亦有4片厚薄適中的檸檬片，幾足料，以一杯免費餐飲來說，很有誠意呢。米線出得較慢，且有點亂，有些食客開始追單。我的中辣麻辣腩肉米線終於到。腩肉有點乾和嚡，米線不過不失。不過在我覺得既不麻之餘亦越食越辣之際，對面的食客就和朋友說不夠辣，這時我們交談之下相信出菜亂了單，她吃的是我的中辣麻辣米線而我就吃了他的大辣酸辣米線。原來鄰枱有食客的米線也送錯了，結果因為不夠辣而要跟店員要加辣湯。其實當初店員把米線送來時我們都有再次confirm order，但阿姐有點敷衍地說無錯的啦，於是結果大家就來了個'surprise'辣度的米線午餐。

今日放左學去食米線，之前食開果間雲南米線原來搬左對面!!!仲要改埋名~~!! 入到去好快就有位，地方都幾好~~起碼比以前光猛左~~裝修得都唔錯~一坐低個阿姐就問我要咩小食~ 原來有小食送~!!咁我就叫左個青瓜~~味道還不錯~~!!! 辣中帶點麻~~ 推介大家可以試下~~!!之後我叫左碗小鍋米線~~~~味道比以前好左好多~~不會太咸~~不過湯底好似酸了一點~~