雲桂香米線專門店

营业中

休息中

每次喺附近做嘢，Lunch唔知食咩好，我都會嚟呢度食嘅雲南米線！🍜因為真係好啱我嘅口味啊！😝雲南米線最緊要係湯底，我非常中意佢哋嘅酸辣湯底，酸酸辣辣好開胃！而且湯底非常濃郁！👍辣度可以自己揀，我每次都係食小辣，希望下次我可以食到更加辣啦！😂😂湯底入邊有辣肉碎芽菜韭菜，最中意食芽菜，可以中和湯底嘅辣度同埋無咁油膩😆配菜我最中意食雞翼，肉質軟腍，炆得好入味😝米線入口彈牙，正❗❗值得一提嘅係餐廳環境好靚，裝飾好別緻！😍

俾過3次機會，以後唔會再俾。食物質素真係麻麻，我未試過去米線餐廳會食唔曬碗米線。唔明點解佢同其他雲桂香（例如尖沙咀、銅鑼灣）會差別咁大。今次食個魚湯米線不止冇魚米咁好食，條魚煎得唔脆又難夾開，湯底不但冇得加辣又勁重姜味（店員亦冇事前話會有姜絲），成碗野又收我$65，真係勁唔扺！所以整體我只俾2/5分。另外！我朋友想去廁所時見到有隻疑似老鼠嘅物體好快經過，嚇到佢連廁所都唔敢去，而個阿姐竟然視而不見，單憑呢一點我已有足夠理由強烈質疑佢食物衛生水平欠佳！

講開米線，雲貴香一直都係我心頭好～呢度嘅湯底同其他地方與別不同，比其他地方更香濃，而且酸酸辣辣，零舍開胃！隔咗一段時間，今次再嚟幫襯雲貴香，平日下午1:30 ，幾乎爆場，但好彩唔需要排隊～食物質素保持水準，份量算多～我揀咗肥牛同埋芥蘭，湯底就係招牌小窩米線，價錢$47 ，唔算平但仍然可以接受～米線就冇咩特別，同其他米線專門店一樣彈牙爽口，富有米香～肥牛油脂比例啱啱好，每次食米線都叫！今次湯底揀咗微辣，酸酸辣辣好開胃，成碗食晒，幾乎連湯都飲埋，真係超級好食！

旺角大家就一定去過啦，但係呢間米線又唔知你地食過未呢？🤫我平時都好鐘意食米線，上星期去完日本返嚟之後即刻想整返碗😋佢嘅位置並唔係太顯眼，要喺登打士廣場對面搭電梯先上到去😯佢餸好多選擇，點食都唔怕悶，而且湯底好濃味，每次食完都會飲曬啲湯🤤順帶一提學生餐只需要加四蚊就可以加凍飲，絕對係學生嘅福利🥰地址：旺角西洋菜街2號1樓

這間米線小店位於旺角。我點左一碗小碢米線加豬頸肉，我朋友叫左一碗酸辣米線加豬潤同腩肉。兩碗米線嘅份量都好多，兩個湯都十分濃郁😋😋😋除此之外，這間米線有學生優惠，加餐飲只需加$4

雲桂香米線專門店旺角西洋菜街2號1樓雲桂香--絕對係我最愛既米線店，每次出trip 或者去完旅行返黎，都好想即時整返碗，嘆下今晚一個人係旺角，唸唔到食咩好，所以又貢左上黎呢間分店係正旺角西洋菜街好方便，搭電梯上1樓7點半到已經坐滿晒，好彩今日1個人食，攝到位坐基本上我係唔使睇餐牌，已經背左入腦，每次都係叫個幾樣小鍋米線小辣腩肉，雲吞，豬軟骨個人習慣走青走芽菜，所以望望好似好dry咁，無左D綠色點綴下凍奶茶好癲，每次連湯都會飲埋

近幾個月頻頻出國，人在異地特別掛住香港嘅食物，酸辣米線就係我第一樣會諗起嘅食物♥️雖然朋友成日批評雲桂香嘅湯底過濃過鹹，但我依然對佢獨特嘅湯底同偏幼細嘅米線情有獨鍾😛雲桂米線 ($58) 係我每次必叫，貪佢材料超豐富，有7種配料，包括腩肉、雞絲、魚肉春卷、鮮竹龍蝦卷、雲耳、腐竹同冬菇，超級抵食😛湯底超濃郁，啱哂我呢啲鍾意重口味嘅人😊而且米線比一般嘅幼少少，感覺更就掛湯，味道更好。豬軟骨腩肉米線 ($44) 係先生每次必叫，身為食肉獸嘅佢最鍾意豬軟骨同腩肉，因為非常入味，特別係豬軟骨，肉質鬆軟，近乎入口即溶😋而家百物騰貴，喺鬧市中依然能夠食到材料豐盛而便宜嘅晚餐，夫復何求？

相信大家都會去旺角行街兼食嘢，但係旺角放題嘅鋪頭比較多，平平哋想食一餐嘅選擇亦都唔係話太多。今次就腳搵咗呢一間雲南米線黎食，我丫張試咗個蟲草雞米線，47蚊，幾特別。啲雞都唔會話太肥，係會有一種雞油嘅味道。🐔座位方面都算坐得舒適，二人四人座位都唔會坐得太迫，不過可能人手唔夠都等左一陣先落到單。而丫梁就嗌左自選米線，揀左紅薯粉配肥牛小辣，味道都算唔錯，份量適中，啲牛唔會太多根。總括嚟講，想快快脆脆喺旺角油麻地食一餐，然後去行街街嘅話，呢度都算係一個唔錯嘅選擇唔使等太耐！

雲桂香幾時都係我既all time favourite~! 個湯底都真係我的最愛~~~------------------------------好中意叫D 送係可以索哂D湯汁 ，咁樣食落又更會仲更加惹味！今次就叫左芥蘭、雞絲同埋白蘿蔔，三樣都係可以索到酸辣D湯汁!!!!!!! 間間雲桂香既分店水準其實都真係維持到，唔會話一間好食另一間又唔好食咁，不過我都唔算食開好多間，但起碼我去個幾間都keep到個水準!!!!!!!!!!!!------------------------------講起又想快d再食!

同寶寶行街時想食米線就走左上黎叫左兩碟小食👇🏻麻辣青瓜 $20🌶夠辣，再加我最喜歡食嘅青瓜，味道一流😋😋😋👇🏻炸春卷（5隻）$22好好味🤩🤩🤩另外再每人叫左一碗粉麻辣好夠味🌶🌶🌶😋😋😋有機會會再黎🤟🏻🤟🏻🤟🏻

I went to the rice noodle shop I wrote before again . Because of the low price and the spicy beef brisket 🤫🤫🤫 never get disappointed with it . The spice is just on point not too strong or weak , but just fit . The only problem is that you have to order a drink with it as it is quite spicy😂😂😂😂As I have mentioned the environment and service might not be the best but the price point and the food definitely worth it .

旺角米線店都幾多，呢間位於樓上嘅雲桂香分店都幾受歡迎，基本上次次去都好多人幫襯。好彩雖然多人，但係收工去唔使等好耐就有位。想係旺角平平地食一餐的話，呢間都係個選擇。不過環境就唔算好好坐，比較逼，正常都要搭枱。-魚腐雞翼米線今次叫咗魚腐同雞翼呢兩款餸，算係比較無咁熱氣。魚腐幾有咬口。雞翼係滷水雞翼，食落口感唔算好，過份稔軟，味道偏鹹。米線就無咩特別，酸辣程度都岩岩好。-凍豆漿豆漿需要額外加錢先有得飲，不過呢度係一大枝，而唔係一杯。雖然味道無咩特別，豆味唔係特別突出，但勝在抵飲。

每次喺附近訂完貨，都會揀呢間米線黎食。你而每次都係會食雲貴米線，因為貪佢夠大碗，啲料都夠多。今次有點反感，首先上到去，無人比位，就咁講咗句入去等，完全係無所適從。到落單，好清楚咁講咗要乜，個侍應又從頭問多一次。到想加杯嘢飲，一波三折，經過三個侍應先至加到杯嘢飲。講返個米線，個湯帶點酸辣，好開胃，配料又多，特別係黑木耳，索左啲酸辣既味道係好好食，其次係海鮮卷，有味道得黎又有咬口。雞絲，腩肉都不錯。味道係好食，但服務態度就有待改善了。

前兩三年響旺角返學，所以成日幫襯呢間雲桂香，但完咗之後就好少幫襯喇！今次去開旺角，時間又比較趕，所以我又嚟咗幫襯啦喇！上到一樓發現成個裝修唔同曬，可以話係同時代進步咗，裝修設計有少少似啲大品牌茶餐廳，但少左份人情味。而且，以前嘅姐姐得返一個響度。我食返我以前最鍾意食嘅熱拌水晶粉，加豬軟骨同通菜，小辣。咦，點解啲味完全唔同咗嘅？料係唔錯，但味唔係我鍾意嘅style，我要諗下下一次仲幫唔幫襯好。。。朋友就叫咗炸雞翼同菜蜜，佢話個雞翼唔係好掂，炸完啲肉質都係霉霉。 菜蜜就淡到無味，一啲都唔甜。

聽日收工約咗朋友，我哋行咗陣朗豪坊，都冇嘢啱食，於是就過咗嚟西洋菜街，跟住一路行一路睇吓有咩食啦，我哋唔太肚餓又唔係好想食飯，咁我哋就搵一間食米線，呢一類嘅洗面啦。呢個時候就俾我哋見到雲桂香，佢好近H&M，即係兆萬中心嘅對面，冇記錯樓下係屈臣氏，門口搭lift上一層就到啦。呢度地方都幾大，座位唔少，有靠窗嘅幾個卡位，我哋就坐喺其中一個。我就叫左個紅薯粉，加豬頸肉，好鍾意佢嘅紅薯粉幾有拗口，唔會一夾落去就斷晒，越食越滋味。