影片
以上资料只供参考，请与餐厅确认详情
招牌菜
早排經過, 每次都係人山人海, 但今晚竟然大把位, 於是入是試下, 睇下咁耐冇幫襯, 有冇進步先.......唔知係咪轉咗手, 個名加咗個"新"字响頭, 而且d招牌同菜式風格等都有變, 變到越來越似港式茶餐廳............晚餐都係多數選擇食小菜, 佢有幾個精選小菜係比較平少少, 做套餐價, 其他小菜就散叫, 要加錢先有飯有湯, 似乎套餐抵食好多, 但由於款式唔多, 又有部份唔係太適合, 所以諗咗好耐都諗唔掂, 亞姐多次走來介紹, 又建議我地叫2人套餐, 當時先發現冇比2人套餐可選擇的小菜餐牌我地, 原來有十多廿款可選, 雖然好多都係改少少就變咗第樣, 實質又係唔太多選擇, 不過最後都可以選到2款小菜........... 蓮藕湯是日例湯, 好清, 唔夠濃味, 又冇湯渣, 飲多幾啖先估到佢係蓮耦湯~ 蜜桃生炒骨全部細細粒, 一口size, 炸得好脆, 雖然d粉漿都有少少厚, 同埋d汁都幾酸, 好勁醋味 薑蔥魚腩煲由於怕佢個魚雲煲冇乜嘢食, 而班腩煲又係d急凍魚, 所以選擇魚腩, 個煲仔已經細, 仲只係得半煲, 大部份都係薑, 魚腩都係得幾舊仔, 而且好多骨, 要好小心食, 但成個煲唔夠香, 雖然薑蔥多過魚, 但唔係好聞到薑蔥的香味, 同埋偏鹹咗d~ 蒜茸炒小棠菜冇得選咩菜, 因為套餐set死咗, 個菜油到反光, 又冇乜葉, 得返d莖, 雖然好似好多蒜茸, 但冇乜蒜茸味~ 白飯算係有飯味, 而且軟硬適中~ 蕃薯糖水又係冇得選, 不過味道都唔錯, 因為呢d咁簡單的糖水, 唔會衰得去邊, 不過唔夠薑味~原本見佢個套餐有2個湯+2個白飯+2個小菜+1個菜+2個糖水, 仲諗住有淨打包第日帶飯tim~~ 但點知碟碟都細細碟, 可以一次KO哂, 唔駛打包..............
继续阅读
以前幫珍過，痳痳地之後冇再幫珍。近來見佢轉手咪比多次机會比佢。點知原來仲衷過以前。可能生意唔好，就偷工減料。我老公碗墨丸米線得二粒墨丸，仲要一開四扮有四粒上。我嗰碗腩肉米線就只得三片肥肉。我們仲叫在碟水餃，但聽見㕑房叫出來話冇晒水餃，之後嗰老闆話出去買，咁都得?唔通佢地去街市買啲現成嘅再煮熟?我們食完碗米線就急急埋單啦! 癈事等個老闆買水餃返來。講真，已經完全冇晒食慾啦!机會真係只可以比一次，以後再轉手改名都唔會再幫珍啦!
继续阅读
店舖原來今日岩岩開始轉手...伙計同廚師換哂人...食物選擇少左.....食物質素比以前差左好多好多...本來叫了兩個套餐(咕嚕肉同埋時菜扒豆腐)...但兩個套餐都竟然話冇哂......果時只係晚上八時而已......咁點做生意呀...咁早咩都冇哂.....之後再改為叫白菜炒牛肉.....點知嚟左個菜心炒牛肉............同佢講話嚟錯左.....個廚師好惡咁話冇哂白菜咪轉做菜心囉.......咁你又唔一早同我講話冇哂.......如果我衰d我真係可以話唔要你呢碟菜退番俾你.....另外叫的兩個菜都唔好得去邊....茄子斑腩咁簡單既菜.....佢d 斑腩都可以炒到爛哂...粉多過肉之餘重要冇舊完整...全部碎濕濕咁....未食過賣相咁差既斑腩=_="再嚟既"重慶雞煲"話就話有半隻雞...但搵勻全煲都唔見有雞脾肉.....d雞又切到細細舊咁超多碎骨......冇咩肉食...重要煲一d都唔辣....真係好鬼失望...重要連最簡單既例湯都煲得唔好......味道淡到好似加左水咁....以前未轉手既時候佢d野唔錯架....而家轉左手...我唸都幾難會再去食了.....
继续阅读
昨日lunch time,叫咗一碗豬扒撈面，等咗成20分鐘都未到，好自然叫伙計吹下。點知佢竟然答廚房唔吹得嫁，吹就要自己煮！ 真是眼都突埋。態度惡劣，加埋低水準嘅食物，真係浪費時間去食！
继续阅读
真係嬲到要寫我生平第一篇食評!! 是日七一遊行，四個沙田友約係第一城食個快晏就搭車出去遊行入到呢間野，好快就揀到食咩，就叫個黑衫人過黎落單：友人A: 腩肉魚蛋木耳 酸辣小辣 轉薯粉 凍咖啡友人B: 牛肉魚蛋米線 麻辣大辣 凍檸茶少甜友人C: 魚蛋牛展米線 麻辣大辣 凍豆漿自己: 魚蛋豬紅雞肉米線 麻辣小辣 走韭芽 凍檸蜜黑衫人完全無覆單就走左，我地都唔為意，直到半個鐘後...點解咁耐都未黎?? 煮幾碗粉洗唔洗咁耐?? (間野當時只滿左1/3都唔知有無，廚房就見到4-5個人chit chur轉)同個姐姐講，佢只敷衍一句 "煮緊喇!!"之後望入廚房，見到師傅倒左半大包味精落鍋湯度...我地再同個黑衫人催單，佢竟然答我地 "唔關我事架 wor，係佢地 (廚房) 問題!!"跟都唔幫我地跟！友人們火起，同黑衫人講 "咁我係唔係要自己走入廚房叫佢地煮快D呢?"黑衫人回答 "咁我一陣入去鬧佢地 lor，咁得未??" 轉個頭黑衫人返黎，同我地講無腩肉...咁友人A就改要豬肉啦...繼續等，又等左 5-10 分鐘，第一碗米線終於出現！我碗 <魚蛋豬紅雞肉米線 麻辣小辣 走韭芽> 變左 -> 魚蛋豬紅米線 無走韭芽check 返單，佢根本寫漏雞肉同走韭芽！趕時間唔同佢計較就照食啦...哇！一夾米線上黎已經知道出事！根本就未煮透，硬到乜咁！之後友人C同友人D碗野都陸續黎到，但友人A就又等多左陣...又催單，黑衫人佢連咩黎左咩未黎都唔知，要逐碗對過晒先知...最後終於黎到，但係驚見無腩肉亦都無豬肉，咁改黎做乜？轉薯粉又變返米線check 返單，今次有落到 wor...但都係漏...又叫返個黑衫人過黎佢又係敷衍幾句，撩起我把火，就同佢講返佢落錯好多野，魚蛋豬紅雞肉走韭芽又得返魚蛋豬紅加一堆韭菜芽菜，腩肉轉完豬肉又連一粒肉都無黎過，米線轉薯粉又無件事...佢竟然答一句 "我聽唔到你講乜 wor！" 跟住就拎左張單去廚房度唔知搞咩唔好意思都唔無句 + 態度十分惡劣又過左幾分鐘黑衫人拎住個碟仔返黎，上面有幾舊白烚豬肉，應該係補返比友人A既豬肉...最後四人嬲爆爆咁食，都係食唔晒，D米線真係好硬 lor！明明 13:23 落單，最後搞到成 14:45 先走，食碗米線搞咁耐，出到去遊行都開始左咯...食物質素差不在話下，服務態度衰到爆炸，完全感覺唔到佢有心經營！
继续阅读