雲貴軒米線專門店

营业中

休息中

早晨必須要有個"美好"的早餐, 先至叫做 Good Morning, 相反食到個糟糕的早日會影響左全日既運程的 !!自從元朗朗屏商場進行大裝修, 到裝修完後都無再專登來過朗屏邨了，今日揸住架車無咩心水,心水店門外又泊晒車, 遊下遊下來左朗屏邨, 突然好想食呢間，34蚊性價比很高，而且蕃茄米線感覺健康，早餐有粟米芯供應的印象中唔多見有,呢間竟然粟米芯, 感覺上更加"超值"......除此之外, 仲有豬扒腸旦，及蒜蓉香草脆豬，咁既陣容, 而且餐廳乾淨企理, 完全收貨了。呢份早餐巧豐富兼有營養, 值得再吃,少少溫馨提示, 呢個朗屏個停車場，可能係舊式停車場的關係, 每個車位都好"細",如果你架車稍為大少少都唔好入去，俾你泊完頂到落唔到車的, 要小心注意

今天晚上到此分店買外賣，買外賣時要求粉麵加湯。收到服務員拿給我的粉麵只有半碗湯，剛蓋過我的麵。我再次要求服務員A加多點湯，服務員A詢問服務員B可否為我加湯，貴司的服務員B用不屑的嘴臉說“加囉”。在服務員A幫問加湯時，我詢問服務員B"請問加湯有什麼問題？" 服務員B仍然態度其差，不願意的面口並沒有面對著我說“加左一次就唔可以再加”！我跟她解釋，並沒有幫我加湯，她連看都沒看我一眼，當我這個客人是透明人！我覺得她極度沒禮貌，從此以後，我不會再光顧此店，如果同親朋戚友食飯，亦不會選此店舖！因為我是來買東西，不是來受罪的，更何況是在一更辛勞後，為的是一碗麵！😡😡😡😡😡😡😡😡😡😡😡😡😡真心希望呢間公司重視呢個問題，並加強培訓。做服務行業的人，每日都要面對過百以上的客人，我知道沒可能一天12小時都笑著，但最基本的禮貌還是要有的！如果這員工連最基本的都沒有，我覺得她應該另謀高就，免得影響公司的形象。 😠😠😠

尋日放工約佐家姐姐夫食飯，去佐佢哋屋企附近食，家姐話佢平時放工都鐘意去尼間店食米線，話鐘意佢D豬骨湯夠味。既然家姐都話正，咪又試下囉。況且我都鐘意食D濕口野!! 原來尼間米線平日夜晚都要等位，不過都係等左一陣，好快就到我地。坐低姐夫見到隔離台有碟炸豬大腸，就話忽然想食，佢話細個果時，呀哥成日帶佢掃街食炸大腸，依家好少地方會有得食，家姐聽到姐夫咁講，緊係即時和議啦。我地叫左米線和紅薯粉之外，還叫左3個小食，平時唔食開豬大腸既我，真係覺得味道幾好，脆口得尼有一種好特別味道，姐夫就話，就係想食翻尼種味道，古唔到係米線店都有尼D野食，真係直得一讚 !! 其他野食都唔錯，米線豬骨湯底都幾好味。

今早11:00叫咗早餐外賣，佢地連簡單麥皮也省錢，稀到是水還水，碗底只有小小麥皮；而水則甜到漏! 全碗麥皮也不覺有牛奶味，只有甜味! 好彩多士可以接受，但他預先擦的牛油太少! 牛油也不香

工作關係今日入到朗屏, 搞掂已經差不多到晚餐時間, 無乜選擇所以入咗去呢間雲貴軒度食. 同一般米線店一樣, 可以揀面底再配一餸. 我見佢有promote 緊一個香茜豬肉餃, 望落幾靚仔就叫咗一客配拉面. 上到枱有D失望, 屋村餐廳, 成$42一碗面 (有跟野飲), 但比得三大粒餃, 實在非常姑寒. 餃子唔算太大粒, 兩口食得晒. 幸而味道算係唔錯. 湯底都算係夠味, 但無乜特別. 拉面不過不失, 份量可以. 不過收咁ge 價錢, 下次未必會再幫襯了. 

屋企人去咗旅行, 唯有食自己, 去到元朗, 見到呢間米線店幾光猛, 就入去試下. 叫咗碗酸辣湯底香茜餃米線.間舖頭算幾大, 裝修企理, 但客人唔多, 我食飯個時七點幾, 只有1/3滿. 但佢D野食出奇地慢, 等咗好耐好肚餓先有野黎湯底比較淡, 無我想像中的酸辣感覺, 而似係就咁用粉開出黎的湯咁樣. 米線質地不過不失, 唔會太淋但唔算彈口. 不過個香茜餃算係多料, 而且味道調得唔錯, 莞茜味同肉味夾得啱啱好! 可惜一碗只有三粒, 份量真係唔多. 如果用$37一碗米線黎計, 真係略嫌貴咗D

雲貴軒朗屏分店地點方面：適合朗屏邨及附近居民。輪候入座方面：用輪候票等待入座位，安排及等待時間合格。用電腦系統及顯示螢幕會更好。食物方面：米線類合格，飯類有改善空間，飯帶乾及小硬，但可進食，整體食物質素合格。飲品方面：凍咖啡合格，如果奶減1/3更好及可凸出咖啡味。環境方面：座位密，裝修新及整潔合格。雖然有滅蒼蠅設備，但蒼蠅問題仍然存在及須加快改善(最小三隻蒼蠅伴隨小弟進餐）。店員方面：員工禮貌及態度合格。等待食物方面：由確認食物至食物到顧客枱前，等待時間合格。付款方面：大至合格，但有八達通會更好。整體評價：合格，會再光顧如蒼蠅問題改善。