影片
港铁火炭站 D 出口, 步行约7分钟
继续阅读
电话号码
36184536
96527033 (WhatsApp)
营业时间
今日营业
08:00 - 15:30
星期一至六
08:00 - 15:30
星期日
全日休息
公众假期
全日休息
公众假期前夕
08:00 - 15:30
以上资料只供参考，请与餐厅确认详情
食家推介
招牌菜
通常好少食完即刻出review，除非係好激氣或者勁好食，今日呢個係後者。上次見到隔離枱個年青食客食呢個燒雞餐好似食得好開心，忍唔住問佢好唔好食，佢話「正」。今日諗咗好耐，終於order咗試吓！😊我想影張「全家福」，特登等埋碟雞嚟先至開餐。😂碟上半隻雞雖然冇牆上面餐牌嗰隻望落去咁juicy，但係色澤均勻，雞髀位「漲卜卜」，外觀唔錯。我用餐刀揭起隻雞髀發現有煙湧出嚟，即係話個雞殼仲好熱，如果唔將啲雞胸肉即時離骨，就會overcooked!😅我好快咁將個雞髀同雞翼切開，然後極速起晒啲雞胸同雞背肉。隻雞整得啱啱好，好容易就起晒啲肉！👍🏼👍🏼我仲用把刀喺啲骨罅中間撩埋啲碎肉出嚟。🤣🤣我個人覺得如果一隻雞連雞胸都整得好okay,嗰隻雞就真係好食。今日第一時間試食一件胸肉，仲點咗跟餐嗰個醬汁，okay喎！跟住夾埋啲沙律菜一齊食仲「正」。當我食完個「雞肉沙律」，切咗少少髀試吓，再食多幾條薯條，已經飽晒。😂我唔想做「大嘥鬼」於是將雞髀、雞翼同沙律菜「外帶」返屋企，諗住今晚拆肉整雞肉沙律。😂上個月嚟食嘢已經見到佢哋有推介北海道牛乳布甸，今日有機會試吓。入口第一感覺：超滑，牛奶味好濃但係唔酥，重點：唔係好甜。😋😋連我呢個唔鍾意飲牛奶嘅人，都覺得唔錯，我估鍾意飲奶🥛🥛🥛嘅人一定會鍾意。雖然我今朝早餐食得好少嘢，今餐果然都係我預計中：食唔晒！😂😂個餐$72布甸$12，合共$84，咁嘅份量同質素，實在抵食兼好食。$$😋😋😋😋P.S. 其實已經坐𨋢落咗樓下，但係諗起個醬汁嘅味道好特別，有我最鍾意嘅芫荽，於是走返上去問吓嗰個係乜嘢汁，我初初聽到「亂但汁」，原來係「嫩彈汁」先至真，係佢哋秘製配佢哋德國嫩彈鹹豬手嘅汁。
继续阅读
一連幾日嘅復活節假期完結，又要回歸返工嘅日子，每次返工都要諗去邊度食晏，又諗唔到有啲咩idea喺邊食？於是沿住條坳背灣街斜路一路向下行，行到中間金豪工業大廈見到露絲咖啡既易拉架，睇落有好多午餐可以選擇，於是就上咗露絲咖啡食晏，上到12樓好易搵，係一個相連單位餐廳，門口有個貨架擺放咗盒裝嘅湯包，餐廳人流都好多，但係等位都唔算耐， 5分鐘左右就有位，坐低見到餐牌有10款以上嘅餐，今次叫咗個海鮮雞扒喇沙米線，味道都唔錯，下次可以再嚟食過。海鮮雞扒喇沙米線喇沙賣相吸引，份量十足，鮮蝦帶出喇沙嘅味道香濃，最欣賞係豆卜可以吸收喇沙湯嘅精華，可以encore再食
继续阅读
【沙田區】【露絲咖啡】講講吓好似好耐冇做火炭工商業區系列，不過大家體諒吓，我唔係成日有機會過嚟呢邊做嘢，係有一排多啲咁解。所以就冇得好恒常咁出，又或者咁講，呢排連紅館系列都少咗機會做，做我呢種 foodie 係真係好難架其實。咁今次講呢間火炭工商業區入面嘅餐廳係一間西餐嚟，乜都有得食嗰隻，選擇都相當之多。我因為做嘢關係實情都去咗呢間嘢四五次，不過有影相嘅就得兩次，所以就講呢兩次啦，我覺得都好夠架喇，附近又冇乜類似選擇。兩次我都係食午餐嘅，呢次見到農夫包覺得好吸引就想試吓，因此就叫咗 $108 嘅「清酒白汁海鮮芝士焗農夫包」，個汁幾香幾好食，芝士味都有。加 $5 配埋「凍薑蜜」一齊食，感覺唔差，雖然 $113 喺工商業區好似唔算平。我最想食嘅始終係扒，之後有次就食咗 $78 嘅「美式黑椒汁肉眼扒」跟「薯菜」，仲有「粟米湯」送。上菜係茶記薄牛扒 feel，成件事即刻冇晒 mood。加 $3 飲「熱咖啡」多奶，咁樣就 $81，咁樣食法成件事就唔算好抵喇。其餘嘅用餐體驗，我記得都係平平無奇，所以冇咩好寫。本身係想再食一次先寫，但睇落已經冇乜機會，再加上喺美國返嚟之後嚴重脫稿，有乜就寫咗先喇。唔知咩事，而家做親乜嘢都提唔起勁同速度好慢，睇嚟似外國人喇。。。（地址：火炭坳背灣街14-24號金豪工業大廈2期12樓G號舖）#1amfoodie #foodie #hkfoodie #thatfoodiething #hkfood #food #foodlover #delicious #foodies #tasty #globaleats #followforfollowback #love #eat #1am沙田區 #火炭 #露絲咖啡 #RoseCafe #午餐 #火炭西餐 #清酒白汁海鮮芝士焗農夫包 #凍薑蜜 #美式黑椒汁肉眼扒 #粟米湯 #熱咖啡 #1am火炭工業區 #1am0920 #1ambackup
继续阅读
去到火炭工廈重陣，難得搵到一間坐得舒服少少，冇咁趕客嘅餐廳。單睇餐牌真係好多選擇，原來依間係火炭辦公室名物。食物方面 - 午餐照燒雞扒鯖魚飯︰加購餐湯已經有四款選擇，羅宋、忌廉、南瓜、仲有一款湯唔記得。原本想點南瓜，聽講太受歡迎，已經售罄了。最近試基本野 - 羅宋湯，意外驚喜。絕對唔係是旦求其例湯咁簡單，滿滿一碗濃湯加雜菜料，幾粒真正牛肉粒。飲起嚟舒服，香濃牛肉味，酸甜度剛好，令人開胃。大件厚雞扒肉質嫩滑，又唔會雪藏到完全無雞味。鯖魚外圍煎得脆口，厚厚一層魚塊，用料十足。少少魚咸香，細心附上檸檬塊好開胃。照燒汁微甜濃郁，白飯偏濕軟，加上蛋絲增添味道層次感，無意間就食晒全部白飯。總結︰工廈區一般餐廳都係打工仔速食店，露絲咖啡唔趕客，座位算闊落，上餐速度快。如果跟同事一齊午餐，可以選擇慢坐亦能快食，兩者兼得。價錢相宜、食物味道、材料質素、份量等，全部都用心製作，性價比中高。
继续阅读
露絲咖啡嘅咖啡係咪好掂我就唔知喇，不過佢嘅西餐又真係幾唔錯喎。露絲咖啡佔左1/4層工廈，出𨋢一轉左就會見到佢佈置得好靚嘅走廊，同埋殷勤嘅侍應，成個氣氛好輕鬆。不過我就黎叫外賣嘅，佢午餐牌有成20幾個餐，花多眼亂最後揀左個三色芝士焗吞拿魚煙肉螺絲粉，加$5配個熱薑蜜。可能係焗野等左都差唔多20分鐘，不過拎到返屋企重好熱辣辣，佢個餐重有個羅宋湯，味覺酸酸地帶少少甜，好好飲。個焗螺絲粉真係好夠熱，芝士味咸咸地咁好夠味，有啲青紅椒絲同西芹絲，吞拿魚夠多，煙肉有煎過夠咸香，整體黎講係唔錯嘅焗螺絲粉。薑蜜都夠晒薑味同夠熱。一定會再幫襯🙂
继续阅读
您可能会有兴趣的...