霸王川莊 (已結業)

喺YOHO MALL睇完戲之後🎬🍿，因為有張cash coupon，所以嚟咗霸王川莊食個午餐。本來抱住一個要食到好熱辣辣🌶🌶， 㷫烚烚嘅午餐。所以我哋叫咗個🌶🌶四川麻辣牛肉紅薯粉套餐，午餐包一杯凍飲🥤及一碗麵。我哋另加左個跟餐嘅老家糖醋小排骨🍖。再另外叫咗個醋香皮蛋豆腐。碗紅薯粉淨係得個辣字，一啲都唔麻😢😢。顏色同我平日食開嘅麻辣一啲都唔一樣。隔離枱見到我碗麵仲以為我叫咗擔擔麵添。而糖醋小排骨就幾好味幾入味。我個人本身好鍾意食皮蛋豆腐，但係呢到既一啲都唔酸，皮蛋仲要冇乜皮蛋味，好失望。👎🏻霸王川莊嘅嘢食就真係好一般般，但係內部嘅裝修就幾靚嘅，坐位都好寬敞。我哋揀咗大概兩點鐘到黎食，旁邊嘅餐廳都有人等位，但係霸王川莊就一到就已經可以入座。。。

生日星之飯為左就朋友一家大細所以去元朗就佢食飯話須我唔食辣, 但友人指有唔辣嘅野食所以都試下呢間 手拍黃瓜拌木耳普通野可以酸多少少更開胃啦 老家糖醋小排骨份量比較少而伴碟的砂糖不確定要食還是不食 翡翠黃金蝦球滿滿的咸蛋黃蝦也大隻黃金秋葵都不錯 濃湯茶樹菇翡翠苗菜苗好清淡同濃湯配在一起很夾 水煮牛肩肉有少許麻辣我就算唔食辣就咁食牛肉都仲可以但如果食吸晒汁嘅粉呢就咪搞喇好辣呀好大盤適合一大班人分享 南充特色酸菜魚朋友統稱為三哥酸辣味道魚肉滑身都係一大盤最啱一大班人分 拔絲香蕉正常拔絲好甜嘅我喜歡厚而脆的糖面 南瓜條軟熟的南瓜條佈滿糖漿及脆脆粒 因為我地一大班人食嘅2大盤魚及牛足夠慢慢分享其他最好叫多份, 容易分享所有食物質素平均

下午茶不嬲都係平，最啱我地啲唔係反朝9晚6既人，川莊個下午茶餐，$128可以任㨂8串串燒，平時要18-25蚊一串，真係當晚餐食係幾抵... 佢啲串燒燒得唔錯，個川式飯團最特別，外面燒到飯焦咁，入面有肉鬆；和牛、豬肉同鰻魚串有少少遜色，無入口即溶既感覺，味道亦一般；煙肉包蕃茄、秋葵等夠惹味；雞肉串亦好嫩滑；總括黎講，係不過不失，唔洗廿蚊係餐廳食一串串燒，算係抵食既然食得川菜，如果嫌唔夠辣，餐廳仲會比4款唔同既辣椒醬你加辣

成都水煮鮮魚片 : hkd188 /regular，魚不滑，很鞋 , 質感很不好，味道 ok，沒什麼特別的。他們說188是盲曹。 238那種是桂花魚。免費加4款配料，4部分選擇豬肺，芝士香腸，豬紅，薯粉 + hkd18  蒿筍豬紅都很鞋 , 豬肺很爽脆,新鮮辣蘿蔔，非常辛辣 酸酸地，但口感相當好，香脆。飯x一碗八寶茶x2we arrived at 5:30pm and 2 tables have customer inside. total: about hkd260 all in too bad, only know openrice has discount after finish dinner. 

今次嚟到元朗行街，個肚餓餓地就嚟到呢度食下午茶喇😚呢到有16款串燒任你選擇， 有蔬菜、海鮮、雞、鴨、牛同豬😚圍返都係10幾蚊一串，都幾抵食😆另外仲會有唔同種類既調味粉比你落😈青椒綠🌶芥末黃🌶🌶紫天赤🌶🌶🌶川椒紅🌶🌶🌶🌶(男女小編推介)重慶串燒拼盤$64@4款 $99@6款 $128@8款#孜然雞肉串😋好味指數：(8/10)食落去肉質實得嚟又夠哂滑，孜然味都好重😍#一口和牛串😋好味指數：(8/10)肉質一啲都唔韌，食落去仲超淋，而且好juicy😍#肥美豬大腸串😋好味指數：(7/10)大腸外皮燒到脆脆地，入面仲好香😍#川味海鮮飯團串😋好味指數：(5/10)個飯團有少少飯焦，食落幾香口🤔不過食完成舊之後都發現唔到海鮮去咗邊🙄.⭐溫馨小提示📌落粉果陣記得遮一遮，如果唔係啲粉就好容易周圍飛😲

霸王川莊,推薦GE菜色係酸菜魚、水煮魚等大碗野,叫個例牌,份量已經係二人份量有多,樣子幾吸引,屬於聞到都流哂口水GE菜色。但唔知係咪其實唔係好多人識欣賞酸菜魚,通常黎到都唔使等位,好少滿坐的,對食客黎講係好事黎GE,人少D又靜D,香港地難搵安靜GE食店。枱面有QR CODE,可以自己上網自行點餐,好方便,唔使同D黑面侍應交流添,不過呢度D侍應都冇黑面GE,發呆GE就有D。除左酸菜魚,仲有其他小菜、串燒什至係手工啤酒都有架,款式都算唔少的。每人餐前都有杯八寶茶,甜甜地,個人幾鐘意架,清清地又特別。講左咁耐,主角出場!酸菜魚本身入面已經有薯粉,所以記得唔使另加,我地呢個仲加左茶樹菇同埋凍豆腐,要加餸GE話記得點GE時候要加埋,冇得後加架!喜歡食酸GE朋友,姐係我,一定喜愛,酸酸地好開胃,碗野好大,但我地兩個人都食得哂,因為太開胃LA=]以下仲有幾個小菜俾大家望望LA~燒雞翼,燒得好香!不過全家都唔食辣GE關係,辣果3隻係辣到冇人食到,愛辣GE朋友可以試下牙~皮蛋好香,甜甜酸酸的前菜。冇咩特別,而且好細碟,呢個唔抵食。手撕雞?唔記得左呢個名係咩,因為食完唔特別到會忘記左佢,雞好普通淡淡雞味嫰

要迫一個三歳小朋友叫一個餐，如果5係要收$58元自助bar費用，完全不合邏輯，入到去要個小朋友出示身分證是証明三歲，不知所謂，又反問如何証明小朋友是三歲，一個三歲小朋友如何可以食到一個set lunch,又怎能可以吃到自助bar的辣味小食，不要價錢的問題，完全是過份的要求，即是要一個大去吃兩份set lunch,況且餐牌上沒有列明三歲小朋友要收費，完全有被老屈的感覺⋯⋯其實小朋友已經有收茶錢沒加一服務費，我覚得冇問題，但不應強迫一個小朋友去叫多個set 。

久唔久都會想食下d濃味既菜式朋友一向都好川菜所以就試下yoho mall既霸王川莊～首先黎左個涼菜醋香皮蛋豆腐豆腐幾滑成個味都好夾不過份量偏少翡翠黃金蝦球係用咸蛋黃炸架😆好香口野味😋😋加上我本身鐘意食秋葵推介👍🏻👍🏻👍🏻辣妹子乾煸肥腸味道不錯仲好香👍🏻水煮魚好大鍋😆我覺得魚既份量可以多d我唔食得好辣 不過都食到😋順帶一提 個茶都好香 唔知係咩茶葉呢總括而言都係好味既一餐😆係份量偏少久唔久都會掛住想再食

之前，都食過一間旺角-川莊，同樣ge川菜，但地點唔同，不過都好味架同埋食飯對象唔同，所以要再一試因為唔食得太辣關係，所以都照叫左個例牌酸菜魚食，之後再叫3件羊架、一串豚肉串同雞肉串，再叫左個茶樹菇浸豆苗先來個酸菜魚，依個湯底係漁X咁好味，但魚質地好滑無骨，食得過不過湯底唔可以飲太底較咸而串燒方面，個羊架比想像中大件，但我果件較為難咬，雞肉串同豚肉串肉質較為好味仲配埋串燒粉到個茶樹菇浸豆苗，就覺得濃味中一片清泉因為前兩者（酸菜魚+串燒）都較重口味，反而依個就清淡點，變得好好味大家到時可以叫下試試

服務良好，對答好好，四眼男經理解釋食物好清楚，令到我好滿意，串燒好好味，辣味剛剛好！沙律吧有夠多食物，有青瓜，木耳，仲有我最喜歡既皮蛋，酸辣湯，不過添加食物有點慢，要留意，希望下一次在黎，會更好

一向食開中環嗰間，味道好服務一流，元朗呢間之前都食過一次，食物算Okay ，服務就麻麻，大部分侍應都黑口黑面。今日下午茶經過諗住試多次，16:25分門口攞位，個男經理話16:30截單16:45要交枱，我同老公2個話無問題我地淨係食碗麵2，3個字都食完，經理唔知係天生黑面樣定咩啦，木無表情示意我地行入去，坐低後經理拎menu 過來，比我見到佢反白眼反到上後腦，我即刻話洗唔洗反哂眼咁呀？跟住即刻離開，呀經理條氣咁唔順，我費事會比人喺食物加料。其實經理大可以直接同我地講要落場我地咪下次先再黎囉，而家無下次，Yoho 大把選擇，我無謂比錢受氣。

是晚大王又賜恩同我去yoho mall 試新嘢，就係呢間天橋上的「霸王川莊」！一坐底，門口位靚靚侍應姐姐為我地介紹，以及一人一個八寶茶；加入熱水，好香之後我地叫左一個「招牌水煮系列」嘅成都水煮鮮魚片（$238 ～ 包送3樣配料），其實都覺係貴左啲囉～我地就揀左豬紅，木薯粉條同牛柏葉！味道係唔錯，粉條都夠晒林，豬紅都好滑...不過呢～份量就略嫌小左啲我同大王都好似唔多夠喉🤭我地去到都好晏，食到發覺唔夠時又接近收工，所以最後都無加野！

之前成日以為哩間只有辣嘅野食，一直都無去試（隔離果個唔食得辣）今日見到原來有串燒，可以唔辣，咁就即刻入去啦成間店都黑麻麻咁，我地坐個位係望住串燒，睇住佢燒，佢地見我望已經主動介紹首先講個茶先，唔知係咩茶，好似啲草本茶，又有啲玄米咁，飲落甜甜地，甘甘地，不過個人覺得味道好怪，唔鍾意孜然雞皮，夠脆，正黑椒雞泡魚乾，麻麻地，唔夠juicy，無外脆內軟嘅口感紐西蘭羊肉串，無羊味，麻麻墨魚鬚串，幾好食，只嫌份量太少胡椒花甲海藻湯，超超超咸！直頭叫個廚自己試！要求加湯之正常返少少！如果唔係咸到咁係幾好飲嘅濃醬宜檳紅燒肉，味道超濃，有茶樹菇好香幾好食嘅，白飯都食到成碗！唯一係肉唔夠淋，硬... 其實最想食係個水煮... 但條友又唔食得辣，見隔離2個人都叫咁大個水煮，又好香，好想食

今晚提早同家人食團年飯！黎到霸王川莊開餐！入座後每人桌上都有一杯百寶茶！入面有龍眼肉 杞子等唔同藥材，入口甜甜地幾好味.之後就開始點菜. 因為有家人之前黎過食，所以推介食幾款食物！今晚我地點左：串燒系列:豬大腸串 $20, 豬肺串 $18, 墨魚鬚串 $18, 一口和牛串 $25枱面上再有不同醬料任客人自行調味.乾煸四季豆 $88唔算好油, 食落爽甜!南充特色酸菜魚 (不辣) $188呢個碗影相唔係好大, 但其實係好大, 呢個大人細路都啱食, 因為味道咸咸酸酸好開胃, 入面既魚片啖啖肉, 連我自己唔識吐骨既都讚不絕口. 入面再有薯粉, 索晒湯既味道, 好入味! 唔錯!!招牌霸王炒飯 $95一望就見到有好多配料, 飯炒得乾身, 不過就唔算話好特別既一個菜色.七彩雞翼拼盤 $72顏色黎講幾吸引, 不過唔係款款都咁好味! 七隻雞翼都唔同口味, 有甜, 辣, 芝士, 芝麻, 紫薯口味.水煮牛肩肉 --> 要1辣 $248呢個應該係必食既食物, 個碗又係大到好似成個臉盤咁!因為家人有D唔係好食得辣, 所以我地叫左一辣黎食!對我而言, 我都覺得好味了.呢個牛肩肉係可以再自行配四款配料落去.

早幾日仲凍，突然好想食辣。Yoho E間霸王川莊通常唔洗等位，所以就去試下。松子桂花魚 $155仲係新年用155蚊就食到桂花魚真係好抵。完全冇骨仲好大條！加上配料十足，有蝦仁、椰果、蜜桃、同埋松子，非常好食。上枱脆卜卜、熱辣辣！10個正！酸辣湯加涼拌土豆絲十分開胃，個湯好足料！讚👍梅子紅茄酸酸地，食慾大增，而且解辣一流！豬腸、羊肉串、雞肉串 (由近到遠)串燒香口又唔會太乾，好好味牛柳粒丶豬肉串、雞腎、豬腸 （由左到右）因爲串燒太好食，所以encore左一轉。買單兩個人＄700