青松觀

营业中

休息中

來到青松觀附近, 就來食個齋菜, 洗滌一下腸胃, 味道不是太突出, 而且食飯要先付$20做會員 食物 : 2人套餐B ~ 五柳素仙斑 + 春卷併鰻魚 + 北菇扒西生菜 $220 ~ 共有三個餸, 另外有兩個白飯或者粥, 餸菜份量不算好大, 味道偏淡, 素魚幾香口, 唔油膩, 反而白粥有加腐竹, 味道幾好 環境 : 餐廳是中式裝修, 座位舒服, 當天人不多, 可以慢慢食 服務 : 職員有禮貌 價錢 : HK$220 (無加一服務費), 入場前要先點菜及付款

我們一家早已從以前他們還沒有冷氣的時候便開始光顧，所以是老顧客了。新起嘅大樓環境舒適，食物質素和員工態度一如既往的好，但比以前有些少更改的是需要先支付$20成為會員，不過這會員制度是終身的，所以不錯！.是次我們一家選擇了吃四人餐，款式多、上菜快、份量足，跟以往一樣是可選吃白飯還是白粥～西檸雞作為第一道菜非常開胃可口，而我最喜愛的是炸得酥脆的芋頭魚，入口即溶、啖啖滋味我們都是捧着肚皮走的♥️是聚餐的好地方♥️.順帶一提，洗手間環境乾爽企理，值得加分！推薦大家！

會員制！HK$20 做張會員咭，即做即幫襯都得。先在前台點餐付款後才可到飯廳入座。一行七人 點了 一個麵六個餸每一個餸都附送一碗 白飯 / 有粟米粒嘅粥💥 服務不錯，職員友善。💥 可能自己本身食得比較清淡，所以就覺得每道菜都比較油笠笠左啲啲 😅我哋下單嗰幾樣都只係覺得 不過不失 🥺大石斑啲芋頭蓉太爛又太濕，同埋好多油 🙈大拼盤嘅素鹵肉唔係大家杯茶 。但，當中嘅春卷同素鴨就不錯 👍🏻 腰果、三色椒白合 嘅蔬菜面係令笠笠嘅 😔炒麵嘅麵質 夠脆口嘅 👌🏻最滿意係紅燒豆腐 上枱秒清 ✅

先去咗青松觀拜呂祖師爺。之後要行去附近青松觀綜合大樓個齋菜館醫肚。入面只收Alipay，微信支付及現金。要先付會員年費$20，才可以進入食堂。如果有一群食客想入內食飯。一桌人至少要有一位會員。要先在登記處出示會員卡，再付齋菜價錢。我先過目，菜單有一味金針雲耳素雞煲。咁我就點咗依味餸。再加多$12叫多一碗白飯。因為一碗白飯通常好細碗。個雲耳好大塊，爽口。素雞其實係豆腐。雜菜煲好重新鮮蔬菜味。混入白飯一齊食。好滋味。個人建議如果行開去青松觀拜呂祖，可以去埋綜合大樓醫肚。

同就3個朋友行完山就去左青松觀食齊，比左20蚊做會員就order野食，😅😅😅初頭驚唔夠食就叫左5個餸，點知碟碟都好大碟最終都係食唔哂打包食2餐，全部都好好味

今日去咗青松觀食齋。我個人點咗個北菇菜遠炒麵。價錢$70。個炒麵好脆。個北菇好美味。屬上等食材。個小棠菜好清甜。食落好爽口。加埋個炒麵，好食。係青松觀是食全素。個人建議拜完神，可以進來食素食餐。

本來好靜嘅廟宇，地方大，求完簽就少不免肚仔餓！ 我叫左個瑤柱金菇南瓜，一塊塊方型嘅南瓜同淋在面層嘅瑤柱金菇茨汁！ 正！ 75蚊一碟！比出面齋鋪我覺得呢度係唔錯選擇！ 有機會我想試埋其實齋菜！

是日同事洗滌心靈聚餐，包左3圍，每圍一桶飯、一桶粥，準時起菜。最鍾意既有芋頭魚，好香口；生菜鮑片，夠爽口；三色拼盤，原材料是豆腐、蒟蒻、麵筋，做得出色，味道好。是次唯一要改善的是青松上素咸左d,其他都ok。食素菜，最驚是油膩同油膱味，青松觀的素食就完全無這兩個問題，食左幾次，都keep 到，值得推介。唯一係要預d姐姐完全唔會理你， 所有事自己做， 飯同粥放邊邊任食， 仲有就係食既位相當熱， 開左冷熱都唔夠， 個個同事食完急住走， 5-8月去食就辛苦d啦

這天跟家人到青松觀拜祖先，就在那裡訂素菜吃午餐，一行九人點了8個菜，羅漢齋😋 - 足料好味，材料包括雪耳，雲耳，粟米仔，紅蘿蔔，生菜等紅燒豆腐😋 - 除了很多好味的豆腐，還有西蘭花及冬菇伴碟五柳素仙斑🤩 - 這個基本上是每次食素必點的其他還有雲吞丶炒麵丶草菇丶鮑片

下午茶去咗青松觀食羅漢齋。價錢$68。碟羅漢齋好大碟。加個白飯。 混入白飯一齊食。好正。碟羅漢齋有東菇、蘿蔔、波菜等。好多汁但油份唔算高。 食材屬上等。即叫即煮。 個白飯好細碗。白飯好軟好易入口。將D汁混入白飯一齊食。 好滋味。東菇好爽口。新屬東菇好有咬勁。蘿蔔係上等食材。混入波菜好好食。波菜煮到好軟身。入口好食。

店名：青松觀地點：新界屯門青松觀路青松徑，電話：2461 7117(1) 紅燒豆腐；(2) 三重色拼盤；(3) 美果雜錦；(4) 青綠雜錦湯； (5) 青松頂上素 ；(6) 五柳素鮮斑本餐為團體套餐，團費連餐合共$118。食物的色香味如何：三重色拼盤中的“燒肉”製作得出神入化，跟腥葷中的燒肉外貌十分相似，用兩種不同的食材分別製成脆皮與肉，竟能巧妙地把兩種選料有機地合二為一，所以是藝術的製作；青綠雜錦湯清淡而可口，生津止渴；紅燒豆腐鮮美，青松頂上素內涵豐富，有:玉米笋、冬菇、黃芽白、黑木耳、紅蘿蔔；唯一欠佳的是五柳素鮮斑沒有五柳，但富於鮮香芋頭味。環境：整齊。服 務：很有辦理團餐的經驗，流水作業的上菜，令行程不誤時。衛生：良好。抵食：合理。

今年時間關係要提早拜山，拜完山當然要醫吓肚啦!黎到青松觀緊係食齋菜喇！依度係要先到售票處點餐買票，後到上院進餐。依度有圍餐同散叫，小菜類仲有粥，飯跟。香口野始終係我地[]既首選，素鵝拼春卷，夠香脆但係有少少滴油[]既感覺錦鹵雲吞，感覺相同 ，而且唔係雲吞皮做係用春卷皮價錢同素鵝拼春卷相約，唔抵食又唔好食每次食齋都會叫荔芋魚，香軟[]既芋茸加埋炸得脆脆[]既外層，配合得天衣無縫紅燒豆腐，豆腐夠滑但係冇豆味，冬菇炆得又淋又入味三菇燒曼魚，菇夠入味，曼魚係紫菜包麵根，型似味道就唔似，但一樣好味青松上素，冇咩特別，都係素蠔油炒菜鹵水豬腩肉，型似，味似，咬感更似，只係稍微咸左D，用黎送飯就一流紫羅雞球，甜甜酸酸好醒胃，D薑芽淹得好好味！真係想食多碟豉油皇炒麵，炒得唔夠乾身太濕所以麻麻地明年拜山我地都會再黎食

難得假期老豆叫我陪佢入去屯門食齋, 反正無事做更係要相陪.最終約埋佢既朋友一行8人一起入青松觀.如果唔係佢帶路真係唔識來.這裡環境真係唔錯又多植物令人幾舒服佢地叫左幾款齋菜, 不過當中我自己最愛只係青松頂上素及春卷拚素鵝青松上素就似羅漢齋用上多款不同既材料如木耳, 冬姑, 豆腐, 粟米仔一起炆煮, 齋菜炆得非常入味估唔到此店既齋春卷同樣出色, 炸得金黃而不油, 加上用上素菜作餡料帶點爽口非常好味.而素鵝亦好有豆香味道, 而且鬆脆最岩我喜歡香口食物既人士.

山長水遠由銅鑼灣嚟呢度拜我表舅父，拜完之後梗係要試吓評語唔錯嘅齋菜部啦！首先要去買飛，好快就揀咗我鍾意嘅香口嘢啦，雀巢什錦肉丁，仲有我媽咪喜歡嘅紅燒豆腐！媽咪叫嘅豆腐都幾好味，略嫌佢嘅冬菇咸咗啲！但我嗰個肉丁真係超水準，炒得好香口，脆卜卜！好正！估唔到喺咁遠咁少人嘅地方，都咁好味！頭先我去嘅時候，得我同媽媽呢枱咋，或者因為未係旺季

尋日一行21人有老有少又有中女和中男山長水遠走入青松觀食齋.我地有成5個小朋友一齊去呢.好熱鬧呢!呢度開11:30am齋宴部.4pm last order.很準時的5p會收工.呢度d齋菜確實正.我和朋友食完都又打包再買走.亦見其他人都有買外賣.買齋券那間房,貼滿相片,寫上必食推介.大家去到可以睇吓.賣票小姐話老友記最愛"金牌滷豬肉"淋淋地易入口又夠味又似豬肉噃.另外,重有些齋宴的菜式要係三天前預訂才有,1500蚊12位用.有三款菜單.我都好想試吓呢個.要下之儲夠人再訂好先入得去食.大家都話碟碟都好味.套餐包左一桶飯和一桶粥架,好夠食.而散叫點菜會跟飯架.我地叫左兩個450蚊的套餐,再加6碟散叫.叫左紅燒豆腐,炒面,金牌滷豬肉和炒蟮等,碟碟都好味.係青松觀食完,再打包成6道菜回家俾媽子一家吃.但都覺得好好味,唔會中午食完,晚上唔上食.可想佢地的齋菜確實有一定的質素我覺得青松觀d齋好食過出面的高級齋舖.個人最愛芋頭魚,炸云吞和酸齋.無油億叶味,酸汁又做到啱酸度.正!正!大家去開食齋不忘去青松觀內走走,有流水有雀仔,有龜.很清優的地方.如果帶小朋友去,可以順便參加埋新生互動農場活動.我地成班