青葉海鮮酒家 (新山道)

营业中

休息中

疫情規例改4人聚會後首次到酒樓飲早茶，眼見枱與枱之間吾系太密，近牆邊個啲就有屏風檔隔，不過最吾好就系可以搭枱，呢啲時勢竟然重有搭枱就真的不應該啦，不過附近有間執左，有間就無開，所以變相都多人，好彩我地剛好4人，早茶點心點都比正常時間平，最抵系盅頭飯$9.8，其他孖寶就一般，選擇吾算太多，我地叫左3個盅頭飯，1個粉卷，1個义燒包，再加2個孖寶，佢標榜有營食肆，所以啲盅頭飯有少量紅米，腸粉就有菜系入邊，其他點心就無咩特別啦！

時間過得好快，8月的BB咁快一百日啦，今晚好開心有份參加她們的百日宴，一早搞掂各人出門後就過咗去呢個媽咪度，呢個媽咪好乖，但BB就精力過高令到爸媽成日都無覺好瞓，見今日還未開工就專登早啲去幫手，等她有時間休息一下，順便整咗幾個燉湯包同預備2個早餐，等個媽咪食多個星期就開始返工啦，喺度祝BB快高長大，健康活潑，她們一家每日都開心幸福快樂，呢個喺我湊咗二十幾個最有精力的BB,就算而家3個月更加唔洗點瞓，今日10點左右到後BB飲完奶又唔瞓，跟住去咗飲茶食午餐，之後有啲打麻雀，有啲唱K, 我哋就先同BB回家諗住BB會瞓一陣，沖埋涼先再落嚟，點知BB一直都唔瞓，差唔多7點左右我哋就落酒樓，BB好叻初頭好精神同我哋影相，跟住喺車仔度瞓覺我哋就可以安心食嘢，但差唔多尾段又起身可能車休太細瞓得唔好，醒咗就想人抱開始扭，其實喺想瞓但又瞓唔到，最後媽咪就帶咗她周圍行，她的爺爺麻麻送啲朋友走同埋單跟住我都回家啦，過咗愉快的天天

第一次去依間酒樓、好似新開左一段日子、所以就去試下～ 食物感覺一般、好似比不試下一條街既雙囍坐既位置比較入、所以感受不到冷氣、用膳途中已經覺得好熱同流汗、同過兩位職員反映、但佢地冇打算解決～我地比左錢之後再同經理反映、佢既態度及回應係我地既問題～ 我地應該早D提出😅😅😅🤣🤣🤣

入到去，眼見仲有好多空檯，部長係都要俾張廁所門口嘅檯嚟。同部長講「因為近廁所，可唔可以俾第二張檯嚟？」。點知部長話「近度門啫，廁所好遠㗎」。咁好啦，坐低叫嘢食，點知越坐越覺熱。原來係個廁所門口係咁噴熱氣出嚟。我係咁撥扇，由坐低撥到食完走人，先至稍為唔會熱到出汗。夏天33度呀大佬，咁熱簡直係食住受罪。另外，落單又係出事。落單落咗成4次，入單嗰位都係可以漏咗個腸粉，係都唔落。又唔係賣哂喎，人哋嗰檯都有腸粉上。仲有，叫阿姐俾碟辣椒油，阿姐應完「好！」之後就冇咗件事。之後叫部長俾，部長又係「好！」，然後又冇咗件事。再再再之後，叫另一部長拎先有。認真超級無奈。其實之前開張都食過一次，雖然有落漏單但覺得唔錯。但係依家做落咗就求求其其，由得你死。嬲到我要開account嚟寫食評！

今次第二次黎中午黎飲茶 問個阿姐攞洗野個D玻璃碗 拎個用過既都算 （隔離枱）之後攞到黎個陣 睇都吾睇 成篼水倒落我到 好彩唔係熱水 但係做野唔帶眼真係接受唔到 上次夜晚黎食母親節飯 都已經唔多滿意一直叫上餸 等左30分鐘都未上 D溝通真係好唔得

趁端午節跟家人外出食飯, 就選擇了新開的青葉。其實地方很大, 但我們被安排到較靜的位置(收銀附近)。最初受到幾熱情的招待, 但我們還未決定吃什麼, 侍應們不停過黎我地張枱問食乜！其實食物選擇不多, 我們都係叫咗家常菜。味道還是可以的。但由於坐近後樓梯門位置, 出出入入的確幾困擾, 叫侍應處理一下, 3 個都扮到聽唔到咁... 然後索性開大度門, 讓 d 熱風走入黎，叫佢地關門完全無反應...唯有自己走去關... 另外他們成日响收銀處傾偈，本身無乜所謂, 但奈何爆粗同發脾氣, 成個感覺差晒!!! 其實香港邊個打工唔爆粗, 但都要睇下附近有無客人... 佢地服務唔算係差, 但好怪....! 希望留意一下!!!

本身見d 評語麻麻， 我都係帶住勇者既心態去試， 點知整體味道比預期好，令人有點喜出望外🤣個人最鍾意食佢個燒腩仔，入味得黎又唔會死咸， 搞到我係咁狂食。青葉金牌炒飯（$108）都唔錯，佢係海鮮飯黎，都幾足料 。但個排骨(套餐價）同椒鹽鮮魷（$48）就麻麻，無咩味...最難頂係個黃金流沙包（$19.8@3）， d 餡唔係流沙黎，係水狀，真係O曬嘴其他點心不過不失， 但平均都要$20-25， 烚菜一碟仔$38， 午市黎講價錢偏貴。不過晚市佢因爲新開張宣傳，推出好多抵食餸， 有機會都想試下至於環境，因爲新開所以都乾淨， 廁所無臭味而且有自動沖廁，而洗手都係有自動系統。

絕對無下次‼️一入到去個待應捧住張凳擺喺頭上完全睇人，屋企人差啲俾佢撞到，第一味餸 粟米斑塊，就有梳打粉味🤮第二味餸菠蘿咕嚕肉，還好，但味道一般第三味餸瑤柱蛋白炒飯，叫最正常第四味餸燒鵝，45分鐘先有得食，仲要又梅又唔好食😡

一入到上去 staff問幾多位之後被帶到去搭枱位置,事前是沒有問人哋介唔介意搭枱，就被安排到搭檯這個位置，我話我介意，佢後尾另一位服務員禮貌地帶我們去另一個服務員帶位，然後又叫我哋坐搭枱嘅位置，為什麼沒有事前入門口前不問我們介不介意，呢這個是禮貌上重要的問題