靚靚車仔麵 (已結業)

　　　我進去這家麵店是因為貪這裏安靜少人，經過了忙碌的一天，我實在不想等位與人擠了，因此在門外看到這家餐廳，便進去了。　　　我忽然很想吃餐蛋麵，但這星期己吃了一遍蛋了，因此不敢再吃，以免膽固醇超標，因此只要餐肉和韮菜算了，可能這會顯得太過小氣吧，我既貪吃又怕胖，只好這樣計算著。　　　我們可以在紙上圈點想要的配料，餐廳所提供的配料可是十分多的，而我點的麵是公仔麵，這種公仔麵似乎質料也較優勝，煙靭有嚼頭。而五元一片的午餐肉卻似乎貴了一點，我期望他們會提供兩片的。　　至於奶茶方面，份量算多，可惜太濃，濃得有點澀口了。　　　　　　　　　

3月25日, 今日放工後去咗尖沙咀同人傾野~ o係 starbucks飲完杯肥肥滯滯嘅chocolate frappucino之後, 百無聊賴o係附近搵野食, 結果入咗黎呢間靚靚車仔麵~::: 蒸排骨飯 + 凍檸茶 ::: $40由於太肚餓關係, 好想食飯, 連佢出名嘅車仔麵都冇叫到. 見到佢有晚市快餐, 剩低一個蒸排骨飯, 好吸引~ 以為似係盅頭飯, 原來只係將d排骨蒸咗, 放上白飯, 再淋上豉油, 估唔到咁求其添… 排骨肉地偏韌, 可幸佢蒸完嘅肉汁仲保留到, 似係屋企食嘅蒸排骨感覺~ 伴碟有白菜同豆卜, 總算為成碟飯睇落健康d~ 而白飯如果冇咗豉油, 就非常乾, 可能放得太耐… 下次都係食車仔麵穩陣d…凍檸茶好甜, 下手太重, 飲唔落. 下次黎食飲凍飲都係叫少甜一定冇死…::: 油菜 ::: $12油菜加咗腩汁, 仲有d牛腩碎~ 好好味! d菜味道都幾甜, 係d莖硬咗d…其實都幾想試佢d車仔麵~ 因為好似真係好多料揀~ 拍得住打邊爐張order紙!! 而且唔只車仔”食送” , 連d麵都有好多種~ 仲有成7隻汁醬比你配!! 連我呢d少食車仔麵嘅人都好想試!!

近期好吃的車仔麵好似買少見少，可能被雲南米線、四川酸辣粉蓋過了，但這個是香港的特色、地道食品，我久不久就想食1次，今日剛剛經過又入去回味回味小什車仔麵 連熱飲 $28我選了河粉，配了豆卜、蘿白、魚蛋、豬皮、豬紅、生根、時菜、豬大腸、炸枝竹和牛腩。加埋都有10款，味道都過得去，只是豬皮就見到有好多豬毛我就無吃到，再有飲品1杯，其實都算抵食呀！酸甜炸雲吞 $7麻麻地，好多油，個醬汁都不太酸。