麵屋神匠

营业中

休息中

在這個忙碌的城市中，找到一碗真正能讓人感到滿足的日式拉麵是件不容易的事。所以在星期五的晚上我決定一口暖笠笠的拉麵。火炙叉燒醬油拉麵火炙叉燒醬油拉麵是這家餐廳的招牌菜之一，當我端上桌時，濃郁的香氣立刻撲鼻而來。濃厚的醬油湯底呈現出誘人的琥珀色，湯汁清澈卻又不失厚重感，完美地融入了豐富的豚骨風味。拉麵的口感彈牙，吸附了湯底的精華，每一口都讓人感受到滿足。火炙叉燒丼飯接下來是火炙叉燒丼飯，這道菜品令人難以抗拒。醬油的香氣與米飯的柔軟度相互交融，每一口都令人驚喜。叉燒的火炙處理使得外皮酥脆，內裡的肉質依然保持多汁，搭配上香甜的醬汁，讓人一口接著一口。米飯的搭配恰到好處，讓整個丼飯不會過於油膩，反而讓人感受到一種清新的滿足感。溏心蛋溏心蛋是拉麵的經典配角，而這裡的溏心蛋恰到好處，蛋黃呈現出金黃色，流動的蛋黃與拉麵的湯底融合在一起，增添了濃郁的風味。黃金熔岩蝦球最後，我點了黃金熔岩蝦球，外層的炸衣酥脆，內裡的蝦仁鮮嫩多汁，當咬下去的瞬間，濃郁的蝦仁醬瞬間在口中爆開，帶來一種無法抗拒的美味。總的來說，這次的日式拉麵之旅讓我感受到日式料理的魅力。從火炙叉燒醬油拉麵到黃金熔岩蝦球，每一道菜品都展現了廚師

本身一直偏好蝦湯底嘅拉麵，咁岩去開附近，又見openrice 有得book 位，就決定試一試佢🍜拉麵鋪嚟講，佢d 位都唔算窄坐得尚算舒服。拉麵上枱，温度控制得幾好噴曬煙熱辣辣，最怕有d 拉麵只係暖嘅狀態，成件事就差好遠。先試啖湯，湯唔算好杰身，濃厚嘅蝦鮮味，呢個鮮甜嘅味道忍唔住飲多兩啖🦐🦐🦐再試啖麵，係本人喜好唔太粗嘅幼麵，對我嚟講軟硬適中，唔錯。蛋亦係流心狀態，無過熟，合格。叉燒唔錯，不過就無乜驚喜。整體嚟講，唔過hkd100 食到嚟個質素嘅拉麵，味道價錢都非常合理，最重要係可以book 位唔使排隊。下次有機會會試埋個沾麵🤪

油麻地地鐵站一出行唔夠2分鐘，小朋友一見到拉麵舖，已經拉住我話好肚餓要入去，不過我見近呢間拉麵店唔止係有豬骨口味，仲有蝦湯，同埋有蜆肉，我都想試吓。最好係有套餐可以揀，唔使諗，仲有小食同埋飲品，二人餐可以揀餃子或者炸雞，炸雞大大嚿，新鮮炸起，有入口非常Juicy。二人餐包括兩碗拉麵，小朋友揀咗蝦湯，我就揀咗蜆肉，見到蝦湯湯底非常濃郁，成個湯係血紅色，好香濃濃嘅蝦味，拉麵軟硬度適中，真係好味。蜆湯有幾隻大蜆，湯底好鮮味，而且鹹鹹地好開胃，我鍾意佢湯底一啲都唔肥膩，飲多幾啖都唔會口渴，其實每碗都有叉燒放喺側邊，不過個人覺得，湯底先係重點，小朋友一個人食晒一碗，證明真係好味，而我都可以將成碗湯飲晒，味道真係幾出色，下次經過可以再試吓其他口味。

麵屋神匠❤️超近油麻地港鐵站，以其獨特的日式裝潢，打卡影相一流🤗👍上網睇過評價，佢地店既湯底和食材都好有評級。🔅湯底濃郁👍 拉麵湯底使用豚骨或濃蝦湯熬製，湯頭濃郁，香氣四溢，仲要有層次感，湯底的味道豐富🔅麵屋神匠麵條口感彈牙，搭配湯底更是絕配。當天亦煮得剛剛好，保持到一定既口感🔅新鮮食材配料，好似叉燒、煮蛋等，都選用新鮮食材，滿足到唔同顧客的需求。總括：餐廳的裝潢簡約，但好靚既日式風味好岩打卡，waitress 態度好nice，我地坐低時，菜單介紹也十分詳盡。如果你喜歡拉麵，這裡絕對值得一試！

上網見到咁多人話沾麵好食，於是我都試咗碗。點知碗面嚟到一食落口硬到好似擦膠咁咬唔斷， 夾硬咬斷咗之後仲要黐到成隻牙都係。。。可能我唔識欣賞，不過應該唔會再幫襯。。。sadps. 不過佢嘅火炙豬肉 同埋筍係幾好食嘅,可惜連個主食都未搞掂。原來要寫夠200字先可以評分咁我唯有再講多兩句。 因為呢間嘢嘅沾麵真係我食過最硬（生？）嘅沾麵 我唔知道係‘’feature‘’定係有根本有問題。不過係想話返畀大家聽如果嚟到呢間舖頭想食沾麵嘅話就可能要做好心理準備。

經朋友介紹係旺角的小巷有一間拉麵店，無論是購物後的休息，還是與朋友聚餐，這裡都是一個絕佳的選擇。聽店員介紹，蝦湯以日本甜蝦、赤蝦及蝦乾，每日熬4至5小時而成，可見店家對食材的認真態度。花咲蟹湯拉麵以蝦湯做膽湯，加蟹肉熬成，湯汁奶白，吃的是蝦蟹鮮甜味，不油膩，鮮蟹肉拆碎，偏濕身不過肉腍夠甜。超濃郁蕃茄蝦湯沾麵，番茄味足，濃郁中帶淡淡酸味，仲有微辣感，醒神又開胃。炸日式餃子色澤金黃又有卡滋聲脆皮，忍不住一口接一口食落肚!

**濃厚蝦湯拉麵**如同一碗海洋的精華，湯底以新鮮蝦殼熬製而成，濃郁的海鮮香氣撲鼻而來。每一口湯都充滿了蝦的鮮甜，拉麵的口感滑順，與湯底的濃厚相得益彰，讓人不禁沈醉於這份海洋的饗宴。搭配的配料如嫩滑的蝦仁和新鮮的蔬菜，為整道菜增添了色彩與層次感，讓人每一口都充滿驚喜。**火炙叉燒醬油拉麵**則是一道令人垂涎的拉麵。叉燒經過火炙處理，外焦內嫩，散發著誘人的香氣。醬油的鹹香與叉燒的甜味相互交融，讓人每一口都感受到肉質的豐滿與醇厚。湯底則是以醬油為基礎，清爽卻不失深度，讓人感受到一種溫暖的懷舊感。拉麵的彈性與湯底的完美結合，無論是濃厚的蝦湯還是香氣四溢的叉燒，都是對味蕾的極致呵護。麵屋神匠 (旺角)旺角彌敦道562號地下B號舖

每次經過油麻地小巷都比呢間拉麵店吸引住，今日終於去試啦🤤🏮店內滿滿日式和風佈置，用上木系餐桌及餐椅，還掛上大量日系燈籠，完美還完日本拉麵店味道🍜🇯🇵====—====—====—====—✦ 二人套餐 ✦（$218）⋄✦ 拉麵 ✦ （10選2）濃厚蝦湯拉麵｜柚子鹽湯蜆肉拉麵｜火炙叉燒醬油拉麵｜辛辣蝦湯拉麵｜黑蒜醬油拉麵｜神匠蝦汁拌麵｜神匠火炙叉燒飯｜南蠻炸雞丼飯｜極上蟹白湯拉麵（+$28）｜神匠蕃茄蝦湯沾麵（+$28）🦐濃厚蝦湯拉麵兩片粉嫩叉燒，加入櫻花蝦、溏心蛋、荀片、紫菜及蔥花，吃麵前先嚐一口拉麵湯，蝦味濃而不膩，鹹度適中，叉燒脂肪比例恰度好處，富軟嫩口感，拉麵選用幼身，質感細滑，非常掛湯😋—🐚 柚子鹽湯蜆肉拉麵柚子鹽湯蜆肉拉麵清新爽口，湯底清澈而鮮美，配有淡淡柚子香氣，蜆肉的鮮甜令人回味無窮😋⋄✦ 雞蛋 ✦🥚溏心蛋1隻蛋黃流心，搭配拉麵絕配，真係好滋味😝 ⋄✦ 小食 ✦ （8選1）炸日式餃子｜日式南蠻炸雞｜炸日式芝士年糕｜日式吉列炸蠔｜黃金熔岩蝦球｜脆炸雞軟骨｜法包配羅勒醬｜枝豆🐥日式南蠻炸雞炸雞大件肉厚，外皮薄而香脆，肉質嫩滑，經油炸仍能保持豐富肉汁，配搭沙律醬，滋味倍增😍⋄✦

「性價比極高的拉麵小屋！」每次經過旺角都會見到呢間小店次次都排曬長龍好誇張今日趁假期就和朋友一齊來試試佢估唔到性價比咁高又咁好味！❣️二人套餐 $234✨柚子鹽湯蜆肉拉麵湯底鮮甜美味 蜆肉爽口新鮮清爽的黎又有濃郁海鮮的風味仲搭配埋兩塊超大叉燒！清清淡淡好啱口味！✨火炙叉燒醬油拉麵呢個由濃郁的豬骨湯底組成湯底濃郁到好似醬汁咁！醬油味十足又不會過鹹✨日式南蠻炸雞（4件）炸雞外脆內軟 鮮美多汁炸得鮮嫩滋味 一點也不乾柴兩瓶汽水忌廉+ $8雪碧 + $8

2人set 🍜🍜▫️濃厚蝦湯拉麵湯底濃厚質感，充滿蝦香味！有2大片叉燒，經過慢煮後，肉質粉嫩軟腍～▫️柚子鹽湯蜆肉拉麵呢個湯底相對輕盈，用咗大量魚乾敖製而成，鮮甜十足！ 再加上柚子清香，倍感清爽！蜆肉厚肉，完全無沙而且好鮮甜▫️溏心蛋（1隻）好細心，已經將溏心蛋一分為二，方便share~▫️炸日式餃子（5隻）炸餃子外皮好脆，即炸熱辣辣！▫️飲品各款汽水+$8麵屋神匠 (旺角)旺角彌敦道562號地下B號舖

近年高質拉麵店越來越多，但呢間一直都係我心目中既number one!雖然鋪仔細細，但整體好乾淨企理，食得好舒適先來一客炸餃子因為佢係炸而唔係煎，所以會更加香脆，入面都仲好ｊｕｉｃｙ神匠蝦汁拌麵超極力推薦！勁有驚喜既一個拌麵！首先係佢櫻花蝦勁多，多到你每一啖都一定會食到最重要係佢既蝦汁，味道十分之香濃，仲帶有少少甜味，勁開胃叉燒因為佢燒得焦香，令佢肥而不膩糖心蛋十分ＣＲＥＡＭＹ，而且蛋香十足麵條爽口有麵香，仲啖啖都掛到汁總體黎講，呢碗拌麵暫時係我食過最好食既一碗鍾意食拌麵既一定要食

位於旺角的麵屋神匠，地理位置極其方便，正處於繁華的旺角旺區，無論是購物後的休息，還是與朋友聚餐，這裡都是一個絕佳的選擇。在這裡，最值得推薦的就是他們的「神匠二人套餐」，只需 $234，便可以享受一頓豐盛的拉麵盛宴。套餐包括兩款拉麵：柚子鹽湯蜆肉拉麵和辛辣蝦湯拉麵。柚子鹽湯蜆肉拉麵清新爽口，湯底清澈而鮮美，蜆肉的鮮甜令人回味無窮；而辛辣蝦湯拉麵則是另一種風味，湯底濃郁，蝦味十足，辛辣的滋味讓人忍不住一口接一口，實在是愛蝦者的必試之選。套餐中還包括一隻溏心蛋，蛋黃濃郁，為拉麵增添了一層豐富的口感。此外，五隻日式煎餃子的搭配，外脆內嫩，每一口都是滿滿的驚喜。環境方面，麵屋神匠充滿了濃濃的日本風情，木質的裝潢和柔和的燈光，營造出一種舒適而有情調的用餐氛圍。無論是獨自品嘗，還是與摯友分享，這裡都能讓你感受到日本拉麵的獨特魅力。總結來說，麵屋神匠不僅地點方便，食物質量高，套餐價格也相當抵食，是在旺角尋找美味拉麵的不二之選。

每次經過旺角都見到呢間拉麵大排長龍難得今日晏左小小 唔係好長龍就入左去試下主食有拉麵 拌麵同丼飯 $78起 價錢都好合理環境唔算好大 但牆上嘅壁畫同埋日式燈籠都好靚二人套餐 $218包拉麵2碗 溏心蛋1隻 小食1份濃厚蝦湯拉麵 蝦湯底真係好濃郁 仲有多櫻花蝦 啖啖都好鮮甜除左紫菜 仲有兩片叉燒 半隻糖心蛋 叉燒用咗慢煮方式烹調 十分軟腍麵條係屬於比較幼身 但都好掛汁同好彈牙柚子鹽湯拉麵蜆肉拉麵另一款揀咗鹽湯拉麵 不過加咗柚子皮 味道更清新仲有好多大蜆 蜆肉粒粒都好飽滿鮮甜 亦都冇沙日式南蠻炸雞炸雞都幾大粒 外脆內嫩再點埋沙律醬 平衡番油膩感

📍麵屋神匠 (旺角)旺角彌敦道562號地下B號舖位於油麻地站附近的拉麵店，店舖掛滿日式燈籠，充滿日系特色，座位寬敞，叫左二人套餐，可選兩款拉麵，包飲品，一款小食同糖心蛋，大滿足🧊二人套餐🍜神匠蝦汁拌麵材料非常豐富，表面鋪滿大量櫻花蝦，兩片火炙豬腩，豬腩軟腍，流心溏心蛋，加上芫荽大蔥等，口感豐富，蝦汁非常濃郁，拉麵爽口彈牙，攪拌後麵條掛汁，好好食，推薦🍜柚子鹽湯蜆肉拉麵湯底柚子清香，湯頭創新，配上五隻蜆肉，蜆肉鮮甜大隻，另有兩大片慢煮日式叉燒，紫菜，糖心蛋半隻，荀，大蔥等，色香味俱全，叉燒不肥膩，拉麵麵條有嚼勁，軟硬適中，好快食晒成碗拉麵🧊溏心蛋（1隻）🧊日式南蠻炸雞（4件）即叫即炸，外層炸得乾身，熱辣辣，雞肉嫩滑，配上沙律醬，好食#旺角#旺角美食#油麻地#油麻地美食#mongkok#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#拉麵#日式拉麵#拌麵#炸雞#餃子#溏心蛋#日式叉燒#noodles

呢幾日落雨，涼左啲，感覺好想食拉麵‼️（咦？……）近近地，學完結他就有間係左近。<極上蟹白湯拉麵>離遠都聞得到好香既🦀味，湯底濃郁鮮甜，又有啖啖蟹肉，麵身亦都掛湯...... 無投訴‼️慢煮既叉燒亦有驚喜。<神匠蕃茄蝦湯沾麵>身為蕃茄控忍唔住叫左，一樣非常香濃，茄湯同櫻花蝦係絕配‼️平時食開拉麵，今次食沾麵就略嫌湯汁太鹹朋友本身教路可以叫店員比木魚汁......不過今次就用偷佢啲蟹湯代替😛 都好唔錯！麵身比較硬，岩晒我鍾意嘅口感。套餐加左兩款小食🤭🤭<溏心蛋>雨天唔食得炒蛋，但就可以食溏心蛋？🤔（有冇人話我知點解唔食得炒蛋......）有冇咁鍾意食，麵本身已經有半粒，小食仲嗌就知朋友有幾熱愛溏心蛋，正常發揮，好友認證係過到佢個關。<南蠻炸雞>不過不失，雞有雞味...xD 同mayonnaise都夾。<梅酒>少見拉麵店有梅酒‼️cheers🥃