麵站 (荔枝角道)

营业中

休息中

4月29日揾食肥華，路過此店，見舖內人氣鼎盛，就入去食咗過$4O蚊嘅，雲吞麵套餐，講真呢個餐内食品味道並不出色，衹喺做到，好食冇佢份，難食又唔到佢嘅水平，呢嗰餐，衹值C+評分。雖然此店食品並不出色，但店内女員工待客態度，就令肥華讚賞，因同枱的一位食客，向此店一位女員工，落左單，點咗雲吞麵套餐後，又改食，魚片米粉套餐，要食腐乳通菜，又話驚啲，腐乳辣，要求該位女員工，落單時指明，腐乳和通菜要分開上，面對咁嘅，麻煩客，該女員工，依然笑面迎人，照顧客要求落單，今時今日在香港食店，有咁嘅待客態度，肥華俾👍👍👍佢🥰🥰🥰🥰🥰

本來間野態度就唔好，如果唔係一早前面街口間雲吞麵未開都唔食佢。買左碗雲吞，用八達通比錢，我係錯，無睇清楚就放左張卡去do,睇到佢出錯價錢，我都無出聲，收嗰個仲要不停話我，其實大家都有錯，佢按enter前應該要睇清楚。雲吞我知一向都煮定，但係佢1分鐘都唔使就完成所有野，有d驚。

#麵站上星期去開深水埗，記得有一間麵檔好多人都話平得嚟好好食，所以特登去試下😋通常我都係會叫 #雲吞麵 ，不過一場嚟到就叫雙拼啦，要買 #牛肚 ，雙拼都係$34。份量一啲都唔細碗，可能係雙拼嘅關係，脹卜卜嘅雲吞只係得兩粒，真係好足料好好食，又夠爽口。牛肚就畀得比較多，係草肚，但就冇雲吞咁驚喜。雲吞真係幾回味👍 最好食其實係個麵，淥嘅時間啱啱好，仍然保持住爽口彈牙。喺呢裏面譜其實我比較少會追加食物，不過見到佢加碟 #油菜 連 #豆漿 都只係加十蚊，真係好自然就加咗🤪要咗 #腐乳通菜 ，真係好大碟！腐乳個味都好夠，我個人想食清淡啲就冇撈到咁勻，仲保持到清脆聯絡嘅顏色👍埋單$44，不過好滿足😁 下次想試下個豬手麵。麵站 (荔枝角道)深水埗荔枝角道322號地舖@foodiehck2022 #港飲港食平靚正 #深水埗美食 #麵食 #抵食 #平民之選

荔枝角道麵站老板，日日飲醉酒坐係道唔戴口罩大大聲粗口爛舌鬧幾個亞姐伙記，語無倫次，都見過幾次😡😡😡今朝我去幫趁連我都鬧埋😡😡😡現在每日過萬宗新冠，我見佢唔戴口罩仲猛噴口水，我即刻轉到最遠張枱坐，点知佢飲醉，見我轉枱就開始鬧我，好似我錯咗咁。其實店內都無乜客，我轉枱又阻唔到其他人，根本老板就借醉撩交嗌 。 佢仲變本加厲企喺我枱前面唔戴口罩猛講粗口 。 我叫佢帶番口罩同收聲，直到我攞手機出嚟拍片， 佢個仔就衝過嚟道歉， 同其他伙記拖佢入去後舖， 但佢仍一直在後舖大大聲講粗口。亞仔出嚟講老板飲醉咗，並不斷向我道歉。食物本來已普通到其實有啲難食，唔係趕住開工求其快快趣食碗麵，至會幫趁過幾次，不過以後唔會再幫趁啦😡😡😡之後亞仔話唔收我錢，我當然比足， 費事轉頭報警話我食嘢唔畀錢。大家鐘意聽粗口嘅就多D去幫趁啦

我都知今日打風，諗住趁未轉八號波之前買個外賣牛肚河….幾間都冇開得呢間麵站有開，op 食評又唔見好伏給果我錯啦呀姐話大碗好唔好，我心諗事但啦生意難做，仲比多十蚊買左個炸魚皮，收左我45蚊 （同價錢牌唔同架，收左我套餐價，明明大碗28，魚皮9蚊，我事後上op 再睇先知）返到去….睇相啦加底先得果5、6舊牛肚，只可以講味道正常既(利申我食左兩野摷過先影相）湯都偏少，相係20分鐘內影既，我諗點索都唔係咁少卦河粉係垃圾，一夾就碎，一食就知似放雪櫃過夜再煮好少嬲到寫食評。直接black list

雲吞牛筋河粉🍜$31秘製牛腩撈麵🐮$31揀任何一款單撈都係同一個價錢😎而且細碗都係$22起😆第一次就食雲吞牛筋河😉雲吞好大粒，牛筋好爽滑😊份量都真係幾多吓🤓第二次就食牛腩撈麵😇牛腩好大件，夠淋夠入味，好食😋麵夠爽口，可惜鹼水味比較重🧐另外，加$10有油菜或炸魚皮🤓再加埋杯豆漿添🥛麵站 (深水埗)深水埗荔枝角道322號地下

深水埗有好多食店, 普遍都是比較其他區便宜, 但未必是平嘢冇好. 其中一間抵食又好食麵店就是這間.晚飯時間與友人入到去, 大熱天時冷氣涼快, 左右兩邊放枱櫈, 通道闊落, 坐底隨即點一個雲吞撈麵, 一個牛腩湯河, 腐乳通菜, 魚皮...等, 冇耐就逐一送上, 撈麵底稍嫌乾身, 但雲吞好大粒, 午腩未夠淋但湯河夠滑, 油菜夠味, 魚皮脆口, 整體有水準, 勝在價錢經濟.

今日叫左2個大雲吞麵加一可樂，埋單比左70蚊只找左3元，我哋同啊姐講係找返$13，跟著一個身穿格仔衫穿水鞋黑色眼鏡嘅中年阿叔，叫我地岀黎做野醒少少，使唔使比多兩蚊你哋。

洗碗呀姐洗完碗，雙手五知乾五乾淨就拿雲吞麫比客~仲要經過我身邊，整D污垢水落我背脊度~洗碗呀姐極知無禮貌~仲要講到自己岩衛生情況極差，冷氣機不斷滴水~亦都五會再黎

嚟過麵店好多次了，每次都係食大水餃麵，有時會另加$10元改套餐，有油菜及豆漿，真係相當抵食，除咗水餃外，雲吞同鯪魚球都係幾好食，不過一定要逐款逐款輪住嚟試，因為一次過根本冇可能食到咁多嘢，呢度嘅一品麵(雲吞/水餃/鯪魚球)都相當唔錯，下次一定會試，因為可以一次過滿足哂3個願望，除咗麵食之外，呢度仲有各式飯類供應，有牛腩飯、豬手飯、牛筋飯及牛什飯等，配一碗例湯，每客$28元，幾抵食，五香牛腩飯最好味，我已經食上癮了

裝修左之後，地方光猛左，乾淨左好多，幾好😊😊。哈哈，呢間麵店的確係唔錯架，一定會叫鮮墨魚丸，好好味，牛腩都好食，29蚊雙拼，仲可以加10蚊有豆漿同菜 / 魚皮。嘩，真係一大包魚皮，無o益味，好脆😋😋好正，通菜又好大碟，好抵食，又好味，鋪頭入面d人仲好nice 架😊😊

再次到深水埗入貨,途經以前經常幫襯過麵站,記得雲吞好足料,牛腩都好入味。原來店舖翻新過,但啲店員十幾年都仲喺度做好有親切感吖更驚訝嘅係雲吞依舊大大粒,蝦肉又夠彈牙。。20蚊食到咁嘅質素雲吞麵真係堅抵!可惜趕時間冇試下啲牛腩係咪仲咁正~

真怪誕，又有趣，想不到，荔枝角道，這一間小小的雲吞麵店，明知已經有點兒old school，原來歷史悠久。在報紙上可以看到它以前得過奬，還可以看到了1995年的蘋果日報。首次進來，原來這間麵店挺大間，內裏的空間挺廣闊，有很多將大桌，衛生情況不佳，地下有垃圾、廢紙、紙巾。但是我這碗牛腩水餃麵，卻有點兒強差人意，肥膏非常之多，牛腩其實不太多，還用了牛筋去混雜其內，真真正正吃到的牛腩，非常之少，一件起兩件止。之後可以看看下圖，整碗麵吃完之後，還剩下這麼多肥膏，相信不多人會將這些肥膏放入口吧。水餃普普通通，有些木耳絲、有些筍絲，味道普普通通，我不會再吃這一水餃。麵條，還尚算爽彈，份量算多。因為看見門口有一個牌，寫着自家製辣椒油，於是我次次辣椒油，不覺得有什麼特別，有點兒麻辣的感覺，並無吃得出特別香氣。可取之處，就是這一間麵站，湯底的溫度非常熱， 或者拿出來的時候，熱得出煙，非常熱燙。第二次來，吃了個雲吞牛腩麵，牛腩，比起之前晚上八時許、九時來的時候，質素好得多了。可能由於上次臨收工，只剩下買剩的牛腩，很多肥膏，這一次半肥瘦，味道好好多。麵站這裏叫得做招牌雲吞，梗要試試雲吞，雲吞充滿蝦肉及少許豬

天氣熱辣辣，食碗麵開胃啲。係深水埗行過見呢間麵家似老字號，就入去試下。食前都無諗過上黎介紹，所以無影定相，但碗雲吞麵黎到，一飲湯，好清甜喎！再食粒雲吞，啲蝦好爽口彈牙！跟住食麵，又好爽滑！真係一食就不能停口，咁正既雲吞麵好耐無食過，無理由唔介紹比大家，所以就算係食左大半，都即刻影返張相比大家睇下！雲吞雖然得三粒，但$20一碗真係超值！另外雲吞麵配可樂可算係絕配，呢度有玻璃樽裝，都只係加$5支，今日完全大滿足！

 １３年１０月５日（六）中午二時，由桂林街港鐵出口至荔枝角道中，再行到目的地，收銀處大字貼著炸魚皮（大）＄８，（小）＄４。 　 坐下看水牌，１９９５年地區美食冠軍，四粒雲吞麵（＄１２）。本想要牛什麵的，只見三個鐵鍋內的所謂牛什。。。一堆牛腩、牛筋和牛肚，好久未吃過水餃了，就水餃麵加腩汁（小）＄１６，炸魚皮（大）吧。　 　  炸魚皮的碟子有水漬，怪不得用膠袋載入啦，縮水水餃三隻，蝦是碎蝦仔加豬肉，有些更有霉味的，至多是木耳絲！麵只有半個，三、四啖本可吃完，可惜太重鹼水味，味精湯過鹹，炸魚皮蘸上湯汁更鹹上加鹹！！！！！ 　  辛苦的吃完不斷飲樽裝水之際，對坐的超肥女士要了鯪魚球（４大粒）河粉（大）＄２０，凈雲吞水餃（３雲吞２水餃）＄２５，汽水＄５，再環顧各檯的食客應該是附近的街坊吧。                      不知他們的味覺是習慣了，還是別無選擇哩？只看到的是食肆多集中某幾條街，而荔枝角道則比較分散，找所謂的美食的確難，交通也不便。