韓樂 (將軍澳廣場)

营业中

休息中

早幾天，工作後想吃個early dinner，便到韓樂叫了個下午茶，韓式芝麻汁焗雞扒飯（輕量版）。等候時間不算夠，只需約10分鐘，店員就把雞扒飯送上。雞扒飯份量看似少，但當我吃完整個飯後，有飽足感。雞扒能與韓式醬汁配合得好，但對我來說，醬汁有點太鹹。而飯是有炒底的，感覺上飯並沒有跟蛋融合於一起。當然，以不用$40的價錢可享用一個套餐作為早晚餐，仍算是不過不失吧！小提示：選購下午茶餐時，可以加$10享用薯條或雞翼兩隻，只是當天我吃不下那麼多的食物，沒有叫到。下次再光顧時，喜歡炸物的人如我，定必嘗試脆炸薯條。

Lunch同同事去左韓樂食😋😋同事叫左人蔘雞湯配飯佢上次就想叫，今次一見到果斷叫左😂而我呢就叫咗平時都叫嘅牛肉石鍋飯🥰🥰我真係好鐘意食飯焦😚成個飯又香又好味

這間餐廳的早餐有多種款式，有飽肚的通粉類，也有健怡的麥皮早餐。我叫了健怡早餐，欣賞其麥皮真的是無糖，濃稠程度剛好，蘑菇雞蛋滑滑而不會過熟。沙律最值得一讚，如果不夠新鮮的，會帶苦味，但此份沙律非常新鮮，是不錯的健康選擇。牛角包夠熱而不太油，爽趣鬆軟，頗有水準。家人叫了蒜蓉多，脆而不油膩。此間餐廳的🍋茶不是加鮮檸檬片，而是壓制的，我覺得新鮮檸檬的檸茶比較好，而即磨咖啡和其他餐廳不同，加了咖啡粉，味道怪怪的，沒有真正的咖啡味，飲品相對食品較為失色。以價錢、種類和食物質素來說，此餐廳算是不錯，值得一試再試！

本身對唔太傳統既韓國餐廳無咩興趣，亦預左唔會覺得好韓feel, 而且食過一次韓樂既其他分店覺得一啲都唔好味，所以根本無諗過我會再食韓樂。但唯獨是呢一間分店係唔同架！事源有人同我講呢間啲野食好好味，而且成日都大排長龍。一開始我唔信，到真係俾人捉去食，親眼見到真係好多人排隊喎，親口食落真係好好味喎，從此我對韓樂180度改觀，亦有再幫親呢一間分店。我每次都係下午茶黎食，每一次都係叫鮮茄焗豬扒飯。我已經無視左佢究竟韓唔韓feel, 我只專心咁細味品嚐佢個豬扒飯。飯粒俾半溶芝士同蕃茄包裹，而豬扒亦充滿煎香味，仲要由頭食到尾都係熱辣辣架！天呀，真係好鬼好味！

幾喜歡去 MoMoku 進餐，因覺得呢間食肆分店頗多，容易搵位，座位都算寬敞；另外食物款式頗多，尤其下午茶，炒粉麵飯夠晒煱氣、價錢相宜兼 keep 到水準！😉👆🏻“芝麻烤雞炒珍珠飯”～賣相顏色望落令人頗開心，雞粒、粟米粒、紅蘿蔔粒，配合野味醬汁一起炒好野味！😋👆🏻“野菌豚肉炒烏冬”～烏冬炒得好彈牙，豚肉煮得夠淋但有咬口，配合椰菜、紅蘿蔔絲，好味！😋👆🏻“熱🍋水”～幾特別，係用🍋蓉，少了點苦澀味，都唔錯！😉

這個石頭鍋珍珠飯，外形靚，亦非常美味，上枱時，餐廳特意提供豉油及辣汁作調味， 這是非常細心的舉動。飯是夠熱，牛肉亦夠嫩，至於溫泉蛋亦夠鮮，再配上很多紅蘿蔔細粒及蔥粒，我一羹一羹的食下，感覺幸福及這刻的精彩萬分。

放假日日出街食飯，食到都唔知有咩好食，起身都已經下午了，再係屋企har 左陣，下午茶時間，呢間餐廳開左成年都未食過，今日試試佢先，⭐⭐下午茶時段 ⏰2：00 - 6：00 pm⭐⭐， 見餐牌都己經好吸引，仲有4頁咁多選擇，加埋裝修，CP值好高👍點了🙋： 鮮野菌忌廉扁意粉🍝$37，熱奶茶☕，另加柚子蜜糖雞翼兩隻$10食後感💝： 雞翼先上餐，都幾大隻，$10兩隻真係無收多你，炸得剛剛好，外脆內嫩 ，唔錯, 野菌意粉，清清低，都好足料💯野菌豚肉炒烏冬$39, 熱咖啡☕，另加香脆炸薯條🍟$10食後感💝： 烏冬即炒，好野味，份量中等，薯條熱辣辣🍟，賣相滿分會再encore

尋晚兩個人去咗食飯，叫咗一個石鍋雞飯（唔記得咗叫咩名😅），初頭以為佢會好似平時嘅石鍋飯一樣係拌飯，但原來白飯係分開上，佢嘅汁甜甜地幾好味。之後仲有嗌咗一個芝士炸雞，同埋薯條。略嫌佢哋有啲唔夠熱，影響咗好食嘅程度，所以有少少失望。

今晚要加班，搭緊地鐵返屋企途中就係 OpenRice 訂定外賣，行到去韓樂就有得攞盒飛魚籽三文魚滑蛋炒珍珠飯，好足料，炒飯仲粒粒分明，唔太油膩，味道不錯。另外加左杯熱朱古力，入口幾滑幾好飲。

昨日我7點10分打電話叫外賣！我過左十分鐘落樓到店比錢 企門口等 直到等到39分 隔離有個外賣平台 講落單半個鐘 仲要等幾耐 心諗等左半個鐘 好啦 我好聲好氣 問下我個餐幾時有 有個答 等多陣 就直接叫入去話催單 我張單係683，684係五分鐘後拎餐走，我都未有 ， 再追單後，佢都拎埋走左 好似仲有張後過我嘅number都走埋 我張單再催 又再叫入去話催單 已經係50分~ 等到50幾分再問 我已經等到唔耐煩 我問係咪堂食係咪唔洗等甘耐？ 答我都要等半個鐘 但我已經由落單到個陣已經有45分！ 就到8點鐘再問 ，答我炒緊 等多2分鐘 ，我等多5分鐘再問 ，佢先開始包緊 包完出到嚟 剩係拎得兩盒排骨 出嚟 ，同我講退錢一係等雞球 後面有個侍應就話出咗餐包緊啦 來來回回 落單到拎排骨一共要一個鐘！ 最後我唔要兩盒排骨 已經唔夠熱 唔知擺咗幾耐 買外賣真係要諗清楚究竟食唔食佢 我可能唔出聲 唔知要唔要等兩個鐘先拎到餐

意樂同一集團食韓國菜味道非常港式，濃味。因行完山肚餓，好耐無食過濃味食物，非常好胃口的晚餐炸雞，好懷念韓宮，但疫情下轉營無堂食和超市石窩飯，有飯焦，正。加了炸魚仔，非常美味煎餅完全是港式製作特飲半價可加，我叫了蘆薈雪梨。我好懷念許留山！

依間韓樂喺將軍澳都開咗有幾個月，一直想試但係都未有機會，既然今日OT，就決定喺附近食埋飯先返屋企。位置坐得舒服，有卡位同埋沙發櫈，夜晚餐牌價錢都正常，大約$50至$60幾蚊左右，唔算太貴，餐牌見到除咗有韓式菜之外，仲有啲fusion菜，都幾特別㗎我今次就揀咗韓式燒汁豚肉炒年糕（$59），味道係偏濃味，食到好香蒜蓉味，豚肉份量就正正常常，係腩肉部位，食到最底都仲有好多醬，整體來講都OK，不過就略油左少少，如果之後有機會嘅話都可以再試下

晚市冇堂食諗住試下買個外賣........點知ummmmmm蟹子三文魚炒飯偏乾身 煙燻三文魚唔多應該一片整碎？味道不過不失～普普通通但一拎上手feel到淨係暖嘅 應該上轉炒多份放咗喺度？拎到返去都開始凍（5-10mins路程）另一個野菌忌廉意大利粉 好明顯熱好多返到去仲熱辣辣普普通通野菌忌廉意大利粉份量正常～ 應該三樣最好嘅一樣最後一樣海鮮薄餅 佢話要等耐啲 仲話個盒大 外賣盒正常加$1 佢要加$2 見個盒size 好似ok 打開 哇～ 等完又加完外賣盒錢 個薄餅得個盒一半咁大 仲要收多啲錢 都算喇 食落冇咩特別 皮有啲位脆有啲位淋 餡就有章魚蝦青口麵粉 比左個醬 應該係甜豉油 唔用醬都真係比較淡味～呢個真係冇下次雖然唔係咩貴野但可以做好啲 個薄餅令到我想比差評要人等耐少少，加錢買個大盒但個薄餅冇咁大就唔好要人加錢買個大盒比個迷你薄餅人咁肉酸

行過見到餐廳有下午茶餐，而且選擇多。環境乾淨，氣氛都很悠閒，適合歎個下午茶。點了脆炸雞髀配薯條。雞排炸得很香，保留到肉汁，雞脾肉質是嫩滑的。配了薯條，薯條份量不算多，但炸得夠香脆。薯條炸脾是下午茶必選。另點了鮮蜆白汁煙肉蒜香天使麵。白汁很稀，意粉掛不了任何汁，味道偏淡。蜆肉鮮味不足，蒜味不出，汁亦不濃郁。意粉相對顯得普通。跟餐點了熱阿華田和特飲玫瑰花柚子茶。柚子茶味道不錯，柚子的甜味加了淡淡玫瑰花香。

第三次堂食，外賣早餐，晚餐都試過，今次食下午茶先記得同大家分享⋯⋯🐷輕量焗豬扒飯，啱我啲細食靚女😊，飯面上有適量嘅芝士，茄汁甜甜酸酸，有啲香草🌿，豬扒雖然有骨，不過肉質都幾好，有3小塊，下午茶$39都幾好喎！🍋凍檸茶少甜少冰，好味，凍飲+$3，慢磨🍋，佢話可增強免疫力，我鍾意的懶人🍋茶，因為唔使「篤」🍋嗎！🤣某日午餐：韓式牛肉🐮炒粉絲，即炒好香，粉絲軟硬適中，冰🍋茶少甜少冰