韓樂 (華心商場)

营业中

休息中

感恩今日完成了陪伴的心願，獨自步行至此。獎勵一下，開心都係食一餐。中午12點左右到，人唔多，唔駛等位，馬上可以選位坐。 又想食石頭窩飯，又想要人參雞……可惜肚容量少，二選一中，選了滋保養生的人參雞湯飯，配上啡走。。。呵呵呵。。。 人參雞湯🐔的人參味濃，真係估唔到，有雪耳令湯膠質更重，栗子、蒜粒、龍眼肉都有，樣樣都令人感到湯品養生。 咖啡：啡味香濃，仲要奶夠滑。下次可試試齋啡。勾起韓食回憶，下次要找間有小碟前菜（芽菜，泡菜，菠菜……）👍👍

這韓國餐廳不用等位， 數年前前身係藥房。 我 唔知老闆係邊個，定價30以上是這樣吧。個窩暖笠笠 但韓國比香港冷而且有文化 豚肉是指豬 以前親身到韓國就有雞湯 去韓國2380 元港紙。 呢度就65 有得落樓。侍應比多啲笑容啦 主動俾紙巾呀 牙簽....仲有其他美食如:年糕 牛角包.

當日買左五個餐，其中三個餐是有麵包的。結果3個餐全部都遺留了麵包，其中兩塊更是自己額外加錢買的。雖然食物質素不錯，但都希望待應包裝是確認一下食物是否已齊。不然受影響的就是客人

疫情下能夠堂食都變得奢侈，隨手可得時不懂珍惜，失去時才知可貴。因為怕肥平時不會食牛角酥，今日這個牛角酥出奇地好食，鬆香細軟陣陣牛油香氣令我捨不得丟下半片包碎，鮮菇炒滑蛋滑溜溜的，伴碟的沙律菜爽口新鮮，非常完美一份早餐。這間韓樂新開不久，店內乾淨燈光柔和很舒服。

做完嘢諗住屋企附近搵啲嘢食，見仲未試過依間韓國餐廳就過嚟食下今次食嘅係下午茶時段，人流唔算多，價位主要係$4x左右。🌈鮮茄焗豬扒飯 $41 （套餐連野飲）個飯用嘅係珍珠米，面頭都鋪咗幾多芝士，個醬都夠多同埋夠味。豬扒有整整三件，係預先煎香左再放落面焗，所以都夠香口。肉質都算鬆軟，唔會咬唔開。🌈一口炸雞湯粉絲 $41（套餐連野飲）粉絲份量都算多，湯底用咗胡椒豬骨湯，面頭亦都有蔥花&炸蒜，同埋半隻糖心蛋，整體都幾好味。但可惜炸雞唔係新鮮嘅，食嘅時候微暖，肉質都算乾，而且醬只係求其淋係面頭，麻麻地🌈跟餐加配薯條$10任何套餐加$10就有多一份薯條，薯條正正常常係新鮮炸出嚟，份量都夠嘅，大家口痕可以加一份

上個月開新店，放假時經過都大派人龍。反而今日天色麻麻地，下午茶時間唔洗等位即管試試。芝士肉醬意粉有拉絲，由鐵小煎pan上熱辣辣很不錯。韓式牛肉粉絲(轉即食麵)合格。 餐飲咖啡係即磨。細看茶杯和menu上有些選項和意樂很相似，或許是同一集團吧。

至疫情封關後北區嘅商場轉型大家都有目共睹，特別係食肆越開越多元化，合適番香港人嘅口味！粉嶺南華心就開咗兩間令區內人都甘於排隊👩🏻‍🤝‍👨🏼👭👩🏻‍🤝‍👨🏼👭入去食嘅🇰🇷韓國食店，小妹今次就幫襯咗其中一間—— MoMoKu。新鮮滾熱辣🍳韓式芝麻燒汁焗雞扒飯，🧀芝士仲係識拉絲架！個飯都係有🥚蛋嘅炒飯底，但比一般味道唔同嘅係佢加咗燒汁落哩個焗飯，加上冬冰冰食焗飯，真係零舍好食😋！🍊柚子蜜糖雞翼都同樣出色，好多地方嘅蜜糖雞翼都會加黑椒，但哩間店就用柚子蜜，食緊雞翼同時食緊柚子皮，味道新鮮唔膩！仲有好多唔同具韓國特色嘅美食選擇，影定個menu 📔比大家參考下啦！