影片
港铁葵芳站 D/ E 出口
继续阅读
营业时间
星期一至日
11:30 - 22:00
以上资料只供参考，请与餐厅确认详情
已經試過幾次，但每次都忘記影相，太肚餓啦！第一次係試韓國炒年糕，因為係第一次食，年糕煙韌，辣醬夠味，有小許泡菜，但無魚片，真係純粹炒年糕，但因為係第一次食，所以覺得ok。第二次再買炒年糕，係中午1點半左右，上次買係下午6點幾差唔多7點。味道已經有不同。年糕偏硬，係未煮透果隻硬，辣醬唔香，食落唔辣兼無味，而且醬料稀到似水，色淡，食左小小已經食唔到落去而韓式壽司則ok，但佢地係預先包裝好，用透明膠盒裝，有客人要就直接係架上拎出黎，5秒都唔洗而餡料有紅、酸蘿蔔、腸仔、菠菜、雞蛋、羊羹咁就一定唔係傳統韓國紫菜包飯啦飯較黏同爛，因為預先製作好，所以不要期待會有爽脆紫菜。但價錢唔大眾化
继续阅读
一直聽過這店在紅磡蠻受歡迎,可自己極少去紅磡,幸好看openrice知道在葵芳有分店⋯今日又會到葵芳,所以要試試好評較多的「杯杯雞」點了（小）份,但size卻有我2個拳頭大食量少的女生完全可當作下午茶!食落還以為是「咕嚕肉」,可能甜甜酸酸的,加上醬汁是紅色的,但食第2件就食出,帶少少辣,連我不能食辣的都覺得這少辣剛好!愈食愈美味！甜甜地,酸酸地,少少辣的杯杯雞讚!店員又有禮貌
继续阅读
午飯時間由於工作需要到了新都會商場，大部份餐廳也需排隊等候，所以自己一個隨意找點東西吃吃便算～走到商場下層，由於在韓國吃過一次韓式炸醬麵，味道不算，所以一直也想試試「韓點」所推的～對比初開業時，「韓點」的食物款式也增加了不少，不但有最常見的年糕、煎餅、炒粉絲類，還有冷麵、熱狗、杯杯雞等新品韓式炸醬麵（$35）以一大紙盒裝著，打開後發現原來炸醬與麵條是分開擺放著，避免麵條變淋，十分貼心黑卒卒的炸醬份量還真多呢，內裏佈滿了一粒粒不同的材料，原以為全都是肉粒，原來當中混合了不少薯仔粒及洋蔥粒，反而肉粒不算太多，份量足夠拌勻所有麵條，而炸醬味道帶點酸及咸，雖然顏色甚深，但不算太惹味，與韓國所吃的有點出入。至於麵條，粗幼適中，帶有口感及韌性～與炸醬拌勻後比較混潤，質感不錯～$35蚊大大碗尚算抵食～
继续阅读
近來韓劇熱潮，「來自星星的你」真係超級大熱，連平時唔煲劇既友人們都紛紛日煲夜煲，連報章雜誌都大肆報道，韓風既魅力真係不可睇小!因為「來自星星..」近期韓國炸雞同韓國醬汁雞都大受歡迎，在尖沙咀一帶的韓菜食店更大排長龍。而小妹當然無咁好耐性走去排2,3個鐘食雞，但想食韓國野又想近近地去邊度好呢? 小妹就揀左新都會廣場既韓點止止口癮。店子除了賣韓式小食外，更有售賣韓國罐裝飲品、零食等。其實之前都有食過佢地既泡菜餅及芝士魚棒，但感覺味道普通，所以今次就試試其他野。韓式冷拌麵 $34除了冷拌麵外，配料有泡菜、紫菜、青瓜絲、紅椰菜絲及半隻烚蛋，另配上兩包醬料拌麵食，其中一包係韓式辣醬。麵條食落爽口彈牙，未加辣醬前沒什麼味道，拌上辣醬後立即好味很多，很開胃。不過略嫌有些麵條未完全熟透，夾起上黎仲見到有幾條麵還是硬掘掘的未煮熟，這點要稍稍注意。杯杯雞 (細$20 / 大$28)小妹圖中的係大杯，與細杯的只相差八蚊，當然選了大杯 (現在盛載的杯子已轉了用白色膠碗)，以$28的份量來說滿抵食的，除了雞肉，也有少許薯仔肉及花生碎，店方更會灑上一些芝麻來增加惹味感。每件雞肉都沾上濃郁的醬汁，雞肉有些肉質幼嫩，有些卻有點韌及老，秘製醬汁除帶著甜酸的味道外，更帶點微辣，所以整體味道還可以。
继续阅读
之前已經試過佢地嘅年糕，價格適宜，好似20蚊左右，就已經好飽。今日去試下佢地個炸醬麵同至尊年糕仲有海帶湯。個至尊年糕幾好食，辣辣睇~而且有南瓜，芝士，芋頭年糕，幾新奇唔會話得一種年糕甘單調。個人覺得海帶湯幾好飲，海帶幾多。但系個炸醬麵唔知系佢唔好食定系韓國嘅炸醬麵吾適合我口味，所以吾覺得好味但系總括離講，個味道我都接受到如果對韓國食物有興趣不妨試一下，價錢都唔算特別貴，值得一試
继续阅读