韓樂 (淘大商場3期)

营业中

休息中

今日 星期日 出街食飯間間都多人 ， 最後決定去韓樂買外賣返屋企食😂， 我哋買咗個 鮮茄 焗豬扒飯， 小辣 泡菜 牛肉炒 珍珠飯， 柚子 蜜糖 雞翼。鮮茄 焗豬扒飯： 豬扒幾好食 唔會太鞋 又唔會畀鬆肉粉拿到 淋 過頭， 肥瘦肉適中， 飯係 珍珠飯炒底， 淋喺面嘅鮮茄醬汁 香濃， 仲加上芝士 好味👍👍小辣泡菜牛肉炒珍珠飯： 呢個飯 一打開蓋 好香但 牛肉好碎， 泡菜炒飯冇泡菜味， 亦都唔係好覺見到泡菜💔， 有啲失望柚子蜜糖雞翼： 佢係炸香雞翼 再加上柚子蜜糖淋喺面， 呢款唔錯， 柚子 蜜糖 另上， 要食嘅時候先淋上面， 唔會 拎到返屋企 脆炸雞翼淋曬👍另外 值得一讚嘅係 門口 帶位哥哥 好nice好有禮貌👍👍

今日行過淘大商場戲院隔離嘅一個小food court，揀咗入面間韓樂Momoku嚟食，發現佢嘅食物真係大件夾抵食！我哋嗌咗韓式泡菜海鮮炒年糕、野菜牛肉炒粉絲同韓風香酥炸雞，跟餐仲嗌咗兩杯凍柚子洋薏米，埋單都唔洗$200！炒年糕配上韓式辣醬係經典，配料有八爪魚、蜆肉同雜菜，份量好多好飽肚。炒粉絲係用燒汁醬去炒，食落幾濃味，配料牛肉份量都多同埋幾大片，咬落去唔韌，加埋紅蘿蔔絲、椰菜同洋蔥都好夾，兩碟主菜嘅份量都大到我哋兩個女仔食唔晒！不過炸雞就麻麻地，唔係即叫即炸所以咬落去唔係好熱，而且炸粉偏多。杯柚子薏米就比較淡，就算撈均咗都係無乜味，建議唔洗加錢嗌。📍九龍灣牛頭角道77號淘大商場3期地下G301-320號舖位置就腳：🍊🍊🍊🍊餐廳環境：🍊🍊🍊食物味道：🍊🍊🍊整體CP值：🍊🍊🍊🍊

一講諗起韓樂🐷我一定一定會叫佢個熱溶芝士🤭🤭同fd係九龍灣行完街玩完namco本身諗住行去淘大食燒肉😂😂😂(諗唔到食乜就係食燒肉🥩)咁岩見到燒肉店隔離😮😮👉🏻👉🏻就係韓樂🍳就同個fd講不如諗下呢間啦 個芝士好味！必叫 熱溶芝士炸雞+ 薯條👍🏻👍🏻啲芝士感覺上比以前真係少左咁🙁再叫咗個泡菜牛 牛角包👍🏻👍🏻不過不過 果個八爪魚🐙就麻麻地 唔太岩我口味🫠下次可以唔洗叫了😮😮

呢間舖頭一邊係橙色貨櫃牆身，一邊係銀色牆身，都幾光猛，座位大部份以卡座為主，出面仲有個小零售區，賣吓韓式雪糕、飲品、零食等韓式芝麻燒汁焗雞扒飯個雞扒肉嫩滑，醃得幾入味，個飯配埋燒汁，面層有加埋芝士焗，味道一流，食落又有口感。一口炸雞部隊麵炸雞揸得好香脆，啲肉又嫩滑，一啲都唔乾身，部隊麵彈牙，湯底有豬骨味，配有菠菜同流心蛋，好好味。惹味豬肉湯烏冬烏冬彈牙，豬肉有少少辣，湯底有豬骨味，配有菠菜同流心蛋，味道不錯！鮮野菌忌廉扁意粉意粉爽口唔淋，忌廉汁算多，配埋野菌加洋蔥，口感一流。輕量芝麻烤雞炒珍珠米珍珠米粒粒分明又彈牙，配埋雞粒、洋蔥粒、紅蘿蔔粒、粟米同蔥炒，又香又惹味。加炸薯條薯條炸得香脆，外脆內軟，正～

韓樂係九龍灣開業一年？半年？都唔記得了，因爲未去過，但今日有時間經過，2小口子諗住嘆番個下午茶，唔使等便入去休息下。叫咗個韓式牛肉湯粉絲，湯底有種好蘇嘅牛肉味，韓式牛肉好碎，但粉絲都算多，鍾意食韓國粉絲嘅一定鍾意，只是性價比差d.另一個係一口炸雞部隊麵，炸雞都有5-6件，尼個性價比抵好多，炸雞🍗好脆，真係一口一件，醬汁剛好，唔太濃。飲品叫咗凍檸茶，無🍋，但有好多檸檬肉，感覺似飲雀檸。熱檸水就正常。

今日淘大搵食，真係冇乜選擇，唯有食下集團韓國餐廳。自助落單嗌咗個赤豚運部隊辛拉麵🍜睇menu張相都正正常常，無幾耐哥仔盛來一碗齋辛辣麵，一翻猶豫決定問下阿姐，是上錯。耐心等候不久，再次盛來蜜汁叉燒辛辣麵（外觀90%蜜汁叉燒）。好啦今次對到名，照食。生大豆芽，冇味醃蘿蔔，灼菠菜，辛辣麵，蜜汁叉燒。有期待就有失望，說好的韓國菜呢？

下午茶食品選擇種類夠多，環境舒適，服務有禮。👏食物份量也不少，味道也剛好，可再返食架餐廳。鮮野菌忌廉扁意粉忌廉味足，炒後太乾身😍輕量芝麻烤雞炒珍珠飯好野味，飯軟度適中，有口感👍凍檸茶,熱檸水飲品如改用真檸檬，會好飲D

次次去德福行街都好多人食嘢又要排隊～今次去吓淘大食～試下依間韓式嘢先下午茶時段價錢3x-5x不等包奶茶、咖啡～可以選擇升級凍飲、爆檸系列、特飲～自助手機落單夠方便簡咗鮮茄焗豬扒飯、脆炸薯條、熱咖啡～焗豬扒飯可能因為下午菜份量少D～芝士焗溶咗好香～鮮茄唔多～不過茄汁多～豬扒一開二好入味跟餐可以加$10-$12換小食～有脆炸薯條、自家制泡菜、柚子蜜糖雞翼～脆薯條即叫即炸配茄汁跟餐熱咖啡都幾香服務一般～味道幾好～下午茶嚟講價錢比較貴

淘大商場本來沒有什麼韓式餐廳，今次特意來試一下這一間新開的韓式餐廳。閑日下午茶並沒有太多人，輕輕鬆鬆就可以坐在卡位上，裝修很明亮。下午茶餐選擇特別多，各式各樣都有。價錢也十分平宜。手機QR code落單，簡單方便。韓式芝麻燒汁焗雞扒$39份量不少，雞扒很多，鋪滿整個碟，芝士濃郁，還是珍珠米。魔鬼芝士一口炸雞$36濃厚的芝士汁看着非常吸引，芝士味濃郁，有甜甜的味道。配上炸雞，的確邪惡又吸引。加$8特飲 蘆薈梨子蜂蜜茶蘆薈不多，食得出有梨子🍐味道，蜜糖味道濃郁另外一個特飲 蝶豆花檸檬茶，顏色很漂亮，但味道很淡。輕量八爪魚椰菜炒年糕$45完全是泡菜汁椰菜炒年糕，年糕煙靭，八爪魚只有3隻，喜歡吃泡菜的可能會很喜歡。三個茶餐，買單$136 ，不用加一服務費。總括來說，下午茶選擇多，價錢並不貴，侍應姐姐服務不錯，餐廳的確有一定嘅吸引力。

係openrice apps 頭痛緊食咩, 搵搵下見到呢間新開韓國野, 又多款色揀, 同埋見到D食評都唔錯, 係openrice 叫外賣自取又有特價, 就揀左個食評話好食既辣八爪魚野菜炒年糕, 去到淘大分唔到邊度係3期, 搵極都搵唔到, 要去門口問保安先知, 原來係donki 下面電梯再行入去, 去攞外賣時都見到好多人排隊.攞到返家打開賣相麻麻, 但有一隻隻八爪魚仔就幾似樣, 食左啖D年糕好似未熟咁好難咬, D汁又唔似平時韓式辣醬, 淡淡冇辣味, 同埋底好多蒜蓉, 唔係好夾, 係隻八爪魚仔最正常, 睇返呢間開左十幾間分店, 都好叫外賣試左, 好過坐係度食仲貴, 但真係冇下次, 我係超市買支韓式辣醬炒年糕仲好食過佢, 同埋佢杯熱檸水又係冇檸檬果種, 好似飲緊洗潔精咁.

在淘大商場內街徘徊一回，原來藏於連鎖日式超市「檔期」樓下深處，相鄰幾間舖屬同一飲食集團，一望這「韓樂」工業風貨櫃裝潢似曾熟悉，連帶餐廳配樂都耳熟。見餐牌版面、鄰桌之通用搗碎凍檸檬茶就更無庸置疑。別於意樂，主打港式韓風。手機下單，上菜不出8分鐘。留得住客的板斧是以大眾化價錢，擺脫固有千篇一律的口味，換來顏值娟好且味道迎合港人聯合國式舌頭。別於既定百分比意思，與篤機文化接軌，也用手機下單。「野菜豚肉炒粉絲」$61驟眼頗像上海粗炒，只是沒那股鑊氣、相對少油、沒芡，春雨般粗幼的粉絲，盡收冷麵汁味的燒汁，勝在椰菜多肉不少，都夠裹腹。「柚子蜜糖雞翼」$32是平時分店吃那種脆邊柚子醬風味，不特別驚喜，不過此店熱燙燙的上，雞翼在口中尚會燙嘴。加配的「銀魚仔」$18有點乾硬，湊合着吃。「魔鬼芝士香焗八爪魚」$39芝士汁極度飽和，甚至夠多出來撈點飯，而八爪魚無雪味，尚有魚香，有意欲再添食。「小辣泡菜炒珍珠飯」$61，泡菜沒下太多，吊味程度，飯粒帶汁不過乾，些許肥牛片，幾惹味。似乎意頭上有點那個，不禁懷疑下回會否來間「日樂」。

難得放假梗係想試吓新嘢，淘大商場又有新食店，近我一定去試，攞張飛等左5分鐘就有位lucky 😄😄, 不過啲位有啲窄 ，我隔離枱那對男女 兼迫馬上走人唔食仲眼甘甘望住我哋，好似怪我咁迫仲坐落嚟，😅😅😅😅我就想坐卡位，無丫嘛！4人枱中間有塊膠板，係有少少迫。😂但我覺得唔係我特登走埋去，係侍應帶位🍴🍴🍴我叫了石窩豚肉飯，honey 叫咗安格斯牛肉7成熟，佢話以呢個價 算正及抵 。不過杯生薑蘆薈茶就唔係好夠味 ，呢個集團嘅所有檸檬茶檸檬水都係冇新鮮檸檬俾你篤，我都唔知佢已經打碎晒，所以係飲嘅時候係會飲到好多檸檬碎粒，我要不斷吐出來有啲麻煩😡正體也ok 等下次試那火山骨 見對面松食好香 應該會幾好味

九龍灣新開的韓樂Momoku下午茶非常抵食有小食、焗飯、公仔麵、三文治西多士等韓式泡菜豚肉牛角酥$36牛角包香脆又不會燶身泡菜配撘牛肉剛剛好包括一杯飲品凍飲加$3牛肉溏心蛋飯$40味道不錯下午茶份量較少但價錢合理包括一杯飲品生薑蘆薈茶加$8

中午飯約朋友來試下。服務幾好，反應迅速。裝修有格調。出餐速度可以。今日試三文魚石頭飯，夠熱，份量足夠，出到飯焦。溫泉蛋豬扒焗飯，個鐵碟夠熱，但入面飯未好夠熱，凍得好快。 芝士汁好味，唔（漏）。飲品都好飲，奶茶，咖啡。

淘大新開餐廳～韓樂6:45pm到達都full house 5大3小叫左人參雞有參味，但唔太濃八爪魚石頭飯好食，有燒汁同辣汁一齊撈飯豚肉溫泉蛋石頭飯Good ,石頭飯食到尾都keep 住熱野菜八爪魚年糕年糕似上海年糕，年糕好硬烤安格斯牛配脆薯條7成熟都好嫩，好食芝士炸雞炸雞好食，芝士醬麻麻牛肉炒粉絲個味好食但粉絲太淋總括來講，餐牌都好多選擇，平民價格，味道唔差，會再幫襯始終新開店，員工比較唔熟手，但都好有禮貌。