韓樂 (美林商場)

营业中

休息中

我係閒日早餐時段都未完嘅時候去嘅，當時入座率都未夠一半，所以我諗住石鍋飯應該預15分鐘整應該ok。點知等咗20分鐘都未到，但又見遲我10分鐘入場嘅人，同我嗌同一樣餐，竟然送咗比佢先。咁我就叫侍應幫手跟一跟，睇下有冇漏單。之後又等多咗10幾分鐘，中間又見到幾個遲過我入但一樣餐嘅人，竟然有飯先。我就舉手諗住叫侍應幫手再跟下。舉咗10分鐘都冇人應，我就直頭行出去，叫佢跟，點知佢話而家先開始整，勁嬲。漏單唔緊要，但我叫你跟過，你都冇跟到，繼續漏？仲要整咗好多個一模一樣嘅飯，送去遲我10-20分鐘入座嘅人度，但又唔比等咗超過半個鐘嘅我？以後唔會再食。

食食下 嗰個雞扒飯諗住撈勻啲飯 點知喺個底嗰度見到啲咁嘅嘢 條頭髮仲要穿住啲飯粒😰😰😰好核突 唔知有咩好講 太誇張了吧 希望佢哋會注重一下衛生 唔好再有同樣嘅事情再發生

今晚嚟食晚餐， 兩個人， 點了星期二牛扒餐， 塊牛扒都幾大塊， 五成熟， 煎得唔錯， 內層真係粉嫩， 肉味就中上， 但完全無筋， 正。 啲薯條亦都香脆可口， 黑椒汁都幾好， 但個人比較喜歡淡味， 所以只加小小就得好夠辣了。 配菜脆肉瓜也鮮味可口， 翻茄都新鮮。另外八爪魚什菜炒年糕， 也炒得很好， 味道幾好。全部食品即做， 新鮮滾熱辣。咖啡也美味， 特飲柚子蜜檸檬可樂 👍🏻

又一個快食之選，唔好講佢員工服務，野食真心唔錯，佢個野菌豚肉炒讚歧烏冬真係冇得輸，雖然豬肉偏肥，但料多，烏冬係入晒味焗飯都好正，睇落去份量唔多，但佢芝士/汁好多，絕對夠食

三個午餐，外賣時間需時35分鐘。查問係咪漏單，因為已經等30分鐘有多，『員工秒回30分鐘，你都要等。』態度差少少啦，食物味道又欠奉韓國風味。若果要一個鐘頭内食午餐，就係要早少少🤏🏻啦，費事搞到趕唔切啦。煙三文魚炒飯味道一般，味精較多，真係食唔出煙燻味道😆。韓式炒粉絲，一團團，好難🤯分開，唔知以為肉絲炒麵啊。焗飯唔夠熱，豬扒冇肉汁、太乾。韓式炸雞🍗預咗無雞味，但真係乾身到柴，完全唔係韓式。熱檸茶，真心唔好有期望，茶味較淡又唔熱。可能希望客人等到30幾分鐘，暖暖哋，入口易，幾為客人諗。😝

韓樂地址: 大圍美田路30號美林商場1樓F1號舖作為大聚化性價比高嘅茶餐廳一定有韓樂份😂。今次就叫咗驚喜晚市推介 (MoMoKy手工Pizza🍕$58 & 烤安格斯牛🥩$108) Pizza份量十足味道正正常常，但批邊較為厚＆韌咗少少。至於烤安格斯牛8成熟賣相煎得唔錯😉，但食落無咩牛味和韌咗少少，如果想過吓口癮都算係一個唔錯選擇🤣。#nicefoodie大圍----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #foodporn #hk #香港 #香港美食 #美食 #大圍美食 #打卡 #大圍 #香港口味 #隱世美食 #隱世小店 #半價優惠 #人氣餐廳 #人氣美食 #香港好去處 #茶餐廳 #西餐

本來今日約了舊同事食午飯突然間有事就改為晚餐了。去了餐廳叫了八爪魚🐙石頭鍋飯配熱朱，還叫了2個小吃（柚子蜜糖雞翼&魔鬼芝士焗香腸），上菜時幾混亂，一開始同事的凍鴛鴦變熱鴛鴦了。這點要多多改善。上菜幾快的，而且夠熱，味道有點辣，不能食辣的人要注意喔。八爪魚🐙幾好食，飯夠熱，柚子蜜糖雞翼唔入味，只有表面有味，要改善。芝士焗香腸，芝士味夠濃，香腸還幫我們切了一半。

早餐來至少10次，要牛角包每一次都上錯，員工素質待加強，不知道是什麼狀態可以每一次每一次都上錯，請該店店長認真的面對這問題，一次兩次錯就算，次次都錯完全不知道在幹嘛

我食左銀魚卡邦尼意粉🍝勁咸，勁多醬，份量又吾多，吾係幾岩。不過個檸檬茶好好飲，又冇檸檬係入面，吾會苦😋仲叫左個炸雞豬骨湯麵🍜，轉左烏冬，個烏冬係勁彈牙，有嚼勁，幾好食環境都吾錯，吾洗排好長隊，見都好多人食😂上送時間都幾快🤭

上次到韓樂食飯已經係差唔多四個月前嘅事。今日要出街買餸煮晚餐，買完已經到左午飯時間，於是偷下懶唔煮lunch，再到韓樂用膳。午餐menu嘅食物同上次唔同左，同時普通加左兩三蚊。同上次一樣我哋叫左石鍋飯：牛肉同八爪魚各一。八爪魚係用醬汁醃過，由雪櫃拎返出黎，配上菠菜、芽菜同泡菜韓式菜常見嘅配菜。牛肉石鍋飯就比較遜色，牛肉用料少，唔少重要成粒狀。石鍋溫度唔夠高，只能保溫，無法燙出飯焦，飯變成居家都整到嘅拌飯。今次我哋坐嘅位置係靠近廚房，點餐後無耐就聞到一陣油臭味，衛生有待改善。餐廳名帶韓字，但同韓式煮飯越走越遠，其實重係咪值得客人畀比港式餐畀多廿幾蚊去食呢？

近幾年大圍陸陸續續進駐左好多唔同類型既餐廳🍽，呢間連鎖式既韓式料理餐廳都營業左好幾個月啦～一於試吓佢下午茶餐既質素😆下午茶餐價錢十分相宜，大約$25~$40左右。正常午市一個焗飯大約$60左右，到了下午茶時間平左差唔多一半啊🤩，而且🐼app落order仲有8️⃣折添喎，好抵食！所以，習慣雁D先吃lunch既朋友仔，可以等到2點🕑先叫啦～餐廳款式多樣，除了韓式料理外，仲有港式西多士、牛角包🥐等等；岀餐既速度都好快喎，唔洗15分鐘就可以拎👍🏻我地叫左2份下午茶餐：🥘韓式芝麻燒汁焗雞扒飯（$34.4）🍗一口炸雞湯粉絲（$35.2）🍫凍阿華田（凍飲另加$2.4）🆓熱好立克焗飯係炒飯底，雞扒肉質鮮嫩多汁，配上半融芝士，整體非常香口，份量十足😋另一個餐既炸雞🍗份量唔算少，撈埋韓式酸甜醬，都好開胃；好貼心係粉絲同雞湯上下分開，唔會浸到淋曬🍜最後餐飲方面，熱飲外賣杯容量岀乎意料地超大🆙，似係普通Starbucks咖啡杯size😂

韓樂落腳大圍幾個月，今日首次光顧。是次是星期六午膳時間光顧，約有九成座位已被佔用。樓面員工足夠，無需等候太耐即可下單。衛生情況未見有問題，下單時亦未覺得員工態度有問題。但等候食物上枱期間聽到其他食客指有侍應落錯單。本次光顧叫了石鍋飯，類似茶餐廳有熱飲以套餐形式一同供應。食物風味偏向港式，例如石鍋飯當中會加入傳統石鍋飯中不會出現的魚乾仔。總結味道可以接受，但與韓國風味相距甚遠。以60幾蚊的套餐價錢而言，有點偏貴。

服務態度又差成日上錯菜，唔好意思都唔講句，仲要反問番我哋😅，已經唔係一兩次，初初開店去嘅時候上錯菜可以理解，但過咗兩三個月都仲係咁，態度仲要差到死。-啲嘢食都唔掂，完全唔值呢個價，成$60幾蚊一個餐又貴又難食，我$60攞嚟食其他嘢好過，唔會再嚟食呢間，睇到五條評論，五條都係差評就知咩事😓-再嚟睇下個芝士薯條，之前都仲好地地，唔知做乜今次去啲芝士稀到咁仲溝咗啲唔知咩落去，食落酸酸地🤢，仲要原來已經唔係第一次我朋友同我講返佢之前嚟都係咁，我唔知佢哋係啲芝士用晒定係點，如果真係用晒都唔好夾硬出啲咁嘅嘢，你同我講話無晒都冇咁嬲，個芝士薯條仲要唔平😓-再嚟個新出嘅部隊鍋分量極少，佢聲稱係用辛辣麵煮，但煮開辛辣麵嘅都知分量肯定冇咁少，完全唔值個價😥

又貴又唔好味雖然話佢哋嘅餐牌賣相好好，但係對實物比起差距真係大左好多…價錢可以接受，但啲嘢食好似係茶餐廳咁佢個豬骨湯好似飲緊清湯咁 雖然我將粉絲轉咗烏冬，但係份量都好少，食完之後完全係唔飽 ，原本諗住去新開，仲好多人所以先嚟到試吓嘅 我下次應該唔會再嚟真係令人大跌眼鏡呀 圖中嗰個紅紅地又有啲雞嗰個，個汁真係一言難盡😰怪怪地我已經冇詞語形容佢😰😰😰不過過張相成個黃色嗰張都OK但我哋都等咗佢好耐，啲面啲雞全部上晒嚟，我哋仲要等多7分鐘佢先來啊！個豬扒太多脂肪啦😓真係差

開張頭2日去咗幫襯食下午茶，埋去收銀俾錢，咁啱有家人喺度睇住餐牌又諗又點單，點咗好耐都未點完，我叫個收銀收咗錢先，佢仲答我：人哋點完餐先，等吓啦！跟住我鬧佢：等到幾時？冇理由叫個客人喺度等埋單㗎喎！於是我好嬲立即拎張$100出嚟，叫佢即刻找返錢俾我先再慢慢搞啦！正常做法，係叫點餐嘅人企埋一邊諗好先埋去收銀處落單，而唔係阻住個收銀位，叫俾錢/落單叫嘅客人喺度一直等！呢啲服務態度，好難令我再去下次！韓樂好好培訓吓啲員工，連最基本客服都唔識應對，將來執笠都係班員工累事！