韓吧料理 (已結業)

閒日放假，去搵下平令正野食午餐，行過見到呢間Oppa餐廳，聽朋友提過，不過一直未試。可能閒日同過了午餐時間關係，所以舖內無乜人，有一位樣貌娟好嘅男侍應😛，店內環境都舒服的。同朋友黎食，我點了餃子面，朋(友點了拌菜牛肉飯。餃子辣面，一直係我喜愛食物之一，以前成日去school fxxd食，印象中school湯好似辣一點，其實兩間都係辣得好過引，要飲汽水解辣果種。oppa面嘅軟硬度適中，餃子一般啦，但係熱辣辣的。總括我覺得呢個價錢相比school係好抵的!😁拌菜牛肉面，因為我太專注食我個面，我只食左一啖飯😅我係第一次食呢種飯😅所以唔識同外面佢煮得好唔好食，我就有一種新鮮、特別、下次可以試下嘅感覺😂特別提一提，係飲品$10，，好抵，，茶記都唔只啦！

牛肉拌飯 $68Oppa爆趣小學雞 $88實在太想食韓國餸，但係屯門又要平價嘅韓菜真係冇乜，呢間oppa餐廳可以話係獨佔市場雖然餐廳都幾偏僻，但都出奇地多人，令到我對佢多左啲期待，不過唔知係咪餐廳出面係啲小巷，通渠之類，餐廳入面有多隻烏蠅，影響食欲講番野食，首先嗌左個牛肉拌飯，配料份量都算多，除左牛肉之外，仲有紅蘿蔔、黃瓜、蘑菇、蛋，加埋韓國辣醬撈。拌飯其實都好難出錯，味道正常唔特別，係一般韓國餐廳都食到嘅味道.另外同友人一齊嗌左個oppa爆趣小學雞，雞炸得有少乾，特別係雞胸。最差係個醬汁，味道好似將McDonald’s嘅番茄醬加辣醬mix埋咁，奇怪等得黎都唔好食，有大失望，我諗食McDonald’s嘅雞翼會更開心 總括黎講，唔會再黎，寧願比多啲錢去食貴啲韓國餐廳，再唔係退而求其次，食McDonald’s 或者kfc都會更好。

呢間野 份量多 價錢平 味道還可以可惜 服務態度超差話說係我進食期間 周圍不斷有蒼蠅飛黎飛去本人忍左一陣 之後終於忍唔到 就同左個員工講有好多野飛黎飛去 員工有建議我換位 但其實轉左位都係冇分別，因為唔係得一張枱有，而係成間舖都有。 d蒼蠅係周圍飛緊 起碼10隻以上！ 之後員工行去同老闆講，我隱約聽日老闆講：唔好同我講有野飛黎飛去。我想講環境質素差都會影響客人進食，而且會令人覺得好污糟！差差差差差差差差差差差差差差差差差

今日天氣凍凍哋帶個oppa去oppa餐廳食泡菜暖暖胃先 本人覺得側門仲靚過正門 泡菜子海鮮豆腐鍋 (跟白飯一碗) 咁凍既天氣叫個鍋物，睇返幅相都覺得真係超滿足 個鍋裡有2隻蚌，4隻蝦及超多蜆同豆腐 雖然好似紅卜卜咁，我唔食得辣都食到lamlam脷不過d蝦就麻麻哋，算了吧！呢個價錢仲想點~~~ 石頭鍋飯-牛肉熱辣辣的石頭鍋飯放耐少少先拌飯便有少少焦香味 牛肉尚可接受，唔算好韌，蔬菜都可以，中規中舉。 柚子茶 都頗多柚子 味濃但唔算甜總括黎講，食物唔算差，抵食。餐廳內環景尚可，但枱與枱間都比較擠迫。

撩起條韓癮，去試下呢間平民式餐廳，估唔到有驚喜極力推薦韓牛雪濃湯個湯好香好好飲，仲有輕輕嘅胡椒味連D 牛都好稔，入哂味！正！燒五花腩，一D 肥膩嘅感覺都冇，入口鬆化，個皮燒到好香口，唔錯～！芝士餃子，要快食因為d 芝士好快硬餃子本身都好食，個皮炸到脆卜卜，好惹味！甜辣小學雞個汁太甜喇，搶哂所有味，個雞因為d 汁搞到個皮淋哂，有d 失色熔岩炒飯，辣度適中，味道較得好唔會過酸。配合拉絲芝士，冇得輸非常普通，不值一試魚糕果個汁都係炸雞果個。所以都係衰太甜魚糕亦唔係特別彈牙同爽口，略嫌削咗D

今日同朋友行屯門，佢話有間韓國菜成日都會排隊，就諗住遲少少再去，等到差不多8點左右就不用排隊就入去。食左大約一小時多食完，整體食物質素不錯，價錢都抵食韓國菜。叫左3樣食品，最好味係 鐵板五花腩 價錢堅抵食，份量比預期多，夠厚身又吾硬，食落去帶有微油香好味，但菜只有3片冇得加海鮮湯 大約 $118左右 夠辣度但偏咸（但都可以接受），海鮮新鮮份量多有驚喜，唯有蝦比較吾新鮮牛肉鍋飯 牛肉堅吾得，冇肉味又梅身，飯偏濕，最後食左一半放棄左前菜泡菜都係失望，同因為近廚房都幾熱。

今個星期和妹妹、老公帶媽媽食韓國野，屯門真的沒有食韓國菜的餐廳選擇，但意外地發現呢間餐廳，價錢又不貴，呢餐全單加埋都不用$500，還不比尖沙咀的韓國人開的餐廳差雖然沒什麼特別，但味道都不錯蛋卷咩名不記得，內有泡菜、芝士落單時，應侍說半份只有6件雞，我地一行4人所以叫左1份，味道很好，媽媽不愛吃炸物都一口氣吃了2件這個反而有點失望，可能我們沒有睇清楚餐牌，又想媽媽試下韓國魚膏，以為和明洞街邊小食一樣，有湯的，原來是炸的，搞到有點''un''炸醬麵，味道和韓國一樣味道

好耐無食韓國野啦，下晝同左女朋友去搵oppa，入到去得一個服務員，收銀上菜收貨回餐一腳踢，辛苦哂，支持小店💪鋪面同見出示學生證或者工作既卡片都有85折👍🏻叫左個鐵板豬肉同牛肉炒粉絲加個半份炸雞，lunch包湯同前菜，提子汁跟餐加6蚊，黎到個豬肉同牛肉意外地少😔好彩叫左個炸雞，個炸雞酸酸甜甜帶小小辣，個炸粉都幾脆幾好食👍🏻咁就岩岩夠我地兩個人食，埋單210，有學生証折完180蚊，又一個奢侈既lunch，整體不過不失，lunch份量可以多少少肉就好了

是咁的～我朋友生日 ～友人介紹呢間隱世既韓國店～叫左幾樣一齊食～生日緊系要有海帶湯～我之前去其他餐廳食過～比較咸～但呢間個味道就岩岩好～有碗白米飯，一個人食都會飽～仲有個步隊鍋～呢個料都多～二人份量～小辣～個人覺得唔算辣～底仲有通心粉～較特別而炸雞都系半隻既份量～甜甜酸酸～幾新鮮～味道跟韓國炸雞都差唔多！值得推介最後一個～全部當中首選^_^芝士蛋卷醬汁加上入面溶化左既芝士 外面厚厚的蛋包圍住～食起上黎有口感～味道配合得好好讚一讚地方較細～但潔淨～服務員態度可以～會再次光臨喔

每日返工食飯最頭痛最懊惱的問題就是：中午食什麼好？餐廳坐位多，中午食飯易攞位前菜：芝士玉子蛋醬汁味道一流，加上留心芝士，好味主菜：牛肉炒絲粉牛肉味道10分野味，但粉絲頗為淋身主菜二：芝士岩漿炒飯侍應會親自到你面前烹調，未開始食都已經滿足到客人既視覺享受但味道一般

下午4：00突然想食韓國野，但又唔想食韓燒，就睇下Lee間。入到去無人（係咪好難食呢），可能因為4-5点都未係食飯時候，試一試先，間野唔係好大。兩個人叫咩好呢？都係食返叫開嘅韓國野食，炸醬面，熔岩炒飯，炸雞，炆牛肋條兩個人，都算叫得多啦，最緊要係食得哂。味道好好，份量又剛剛好。最好味就是炒飯，真係做到拉絲炸雞，寫上有甜、酸、辛辣，真係齊哂趣爆炸雞，真係趣趣地嫁牛肋條，炆得都算焾，加左D蘋果肉，食落爽脆，感覺無咁油膩

只此一次，食物質素非常垃圾，完全冇味，應該要去韓國進修一下。。。員工態度非常差，黑口黑面，叫侍應拎隻叉比小朋友用，簡直好似我得罪佢，唔願拎，我黎比錢食野，仲要受你D不知所謂既態度😡，男侍應掛住玩電話，女侍應成碌木企係到，侮辱左你老細，請埋D咁既不知所謂員工，趕客出門口

位於屯門華都呢間韓式小店，已經開業一段日子，依然有唔少捧場客，實在難得，今日一於試試。與友人一行2人叫左個岩漿炒飯、OPPA爆趣小學雞同個紫菜飯卷！岩漿炒飯，份量唔少架！所謂岩漿炒飯其實就係泡菜炒飯，再淋上蛋漿和芝士碎，即時在鍋上炒，味道唔算好溜，芝士亦未有蓋過泡菜辛辣口味。OPPA爆趣小學雞，件件都無骨啖啖肉，上台時仲熱辣辣，雞皮都掛滿左個酸酸甜甜醒胃醬汁，咬落外脆內腍，明顯係新鮮炸起，2個女仔叫半份都已經好夠。至於個紫菜飯卷，我就嫌佢略油膩，紫菜被飯中的油波腍左，實在失色。

本著試的心態試下。好食哦，叫左個oppa粉絲同有蛋既炒飯。個粉絲既調味我幾鍾意，好食過我在韓國時食到的。而個蛋醬炒飯視覺上已經無得輸，食落都唔錯。值得推介，會再來食。

I finished work early today so I went to have lunch somewhere close to my house. I haven't been to this Korean restaurant for a long time. Luckily it wasn't that busy so I can get my food quite quickly. I like this dumpling ramen very much because the ramen was served in a hot just like in the Korean drama. It was spicy but delicious. There were onion and carrot inside; they were in thin stripes and very soft. The ramen was just instant noodles. The rice cake was chewy and tasted so good with th