韓味屋 (已結業)

份量十足，我order了豬肉拼烤雞肉午餐，只是$69。其他套餐都是咁上下價錢，好大衆化。朋友點了牛腩拼粉絲鍋，粉絲鍋內有牛肉和蘿蔔😋最後個牛腩打包了回家做晚餐😆最貼心是每枱都有一樽熱和凍紅棗水任君選擇👍🏻

三餸飯仲會送韓式前菜韓式炒粉絲前菜嚟講超級開胃 酸酸甜甜每食一淡都好似打開緊你個胃緊主菜三餸飯 $45講啲餸既味道之前真係唔可以唔講下啲份量佢每個餸既份量都係差唔多等於屋企既細碟仔既量咁 而且仲要非常平價 今次叫咗牛肉炒洋蔥 炒菜芯同埋麻煩涼拌豬耳牛肉嚟講無平時食開牛丼既味道 但勝在夠鮮牛味食落感覺幾健康炒菜芯佢唔似大排檔咁好多油 佢係似煮家飯咁淨係食得出係落鹽既味道 而唔係落味精 飯後都冇話覺得好口渴 要飲好多水而家麻辣涼拌豬耳睇落好紅好辣咁 其實就只係小小辣 口感方面就好爽口 唔係冧曬個啲最後佢送埋杯紅棗茶 味道甘甘甜甜啱晒食完啲攞嚟收尾解一解膩

午餐時候好多外賣，等佢出餐都等咗差唔多半個鐘。朋友就食哂先出到個餐比我，佢執走朋友個餐喺度講：出面好多人等緊！朋友想飲埋杯茶等我食埋，我都完全冇停過手咁食緊佢個熱嘅石鍋！佢幾分鐘後又過再過嚟趕「出面好多人等緊！」火都嚟！我地只係入左嚟40分鐘左右，食左未夠15分鐘就比人趕，出餐又催極都未有！味係正常，但服務差到想正正常常食個飯都唔得！

見到人山人海，要排隊就充滿期待。咁等左一陣就可以入座，不過安排奇怪，叫左我入去餐廳但係又無安排到位，咁突然有位叫我叫坐低。不過午餐多人混亂都可以理解。咁我我埋朋友就叫野食。似乎係要自己招呼自己，因為侍應放低兩隻吉杯就完左，我發現隔離枱有水壺咁我就倒水俾自己啦，不過係紅棗水來的，都算唔錯啦。咁叫左打左星星推薦既牛肋骨同埋五花腩。等待期間有小菜提供，不過呢係一份要兩個人分，而且枱枱都不一樣的，有點不知所意。不過上菜速度還可以，但食飯質素就不及水準啦。牛肋骨的煮法，似乎是港式茶餐廳做法，菜遠牛肉般，一點韓式感覺都沒有。而且汁芡太多。五花腩更是失望，過火，肉質變硬，有點燶。而家配上類似泰式辣醬，但沒有絲毫辣味只帶點咸咸的。整體體驗，配上並不便宜價錢，我是極不推薦的。$165

食過咁多韓國店，呢間真係最差，而且令我第一次寫食評🥵諗住同呀女上完補習特登去试下呢間似韓國店，坐底見餐牌已經知奶野😔餐牌D食物吾太特别又吾吸引，一係餐，一係散叫好贵，舖頭吾似食贵野😅未試過步隊煱諗住想食麵所以準備叫步隊煱细只可跟飯，正常步隊煱梗係想食麵，如果麵得大煱$275😰求其叫炸雞餐佢話好细份，叫半隻炸雞$175 ，我焗叫炸雞半隻，同牛肉炒粉絲，睇個様就靓，但牛肉冇牛肉味又硬，未試過韓國炸雞有咁多骨🫣炸雞多骨又冇黎文味，食幾舊打包比我老公同工人姐姐食算，以後一定吾會再幫襯

好耐冇食今日再試一次都覺得係麻麻地。叫咗個韓式雞肉大醬湯同埋韓式牛肉拉麵，兩款都好鹹好多味精😣 肉唔多，白蘿蔔洋蔥好多😢 大醬湯入面薯仔🥔都冇乜，不過送嘅小菜不錯，米飯🍚就一般喇，味道似粵式多過韓式。

今晚收工鰂魚涌附近食晚餐，試左間韓味屋，整體感覺唔錯。呢度嘅環境有種居家嘅感覺，令人覺得好放鬆。我揀咗佢地嘅海鮮泡菜豆腐湯同埋燒牛仔骨。主菜未到，首先就係食咗前菜。前菜有薯仔、泡菜、菠菜等等。可以添加一次。前菜全部都好好食。薯仔係有烤過再用汁煮，個皮仲有少少脆。泡菜一啲都唔會酸，係好新鮮有辣汁嗰種。菠菜就有少少麻油，食落都幾開胃。海鮮泡菜豆腐湯好鮮美。湯底用咗泡菜、翠肉瓜等等，而海鮮就有蜆、蝦、章魚等等海鮮，令個泡菜湯充滿咗鮮味。豆腐好嫩滑，辣味亦岩岩好，夠香辣，又唔會太辣，味道好平衡。另外，燒牛仔骨都好好味。牛仔骨肉質幾滑嫩，燒得啱啱好，肉香濃厚，唔會太靭。牛仔骨上再曬上芝麻，香味很夠，口感十分豐富。整體黎講，韓味屋嘅食物質素同服務都算唔錯，值得一試。

幫襯過韓味屋好多次，以前個全日C餐又好食好扺抵。半年冇去，今日再幫襯，好失望。。。$58一個餐，有白飯有小食有飲品。小食味道保持到水準。以前份量係足料到食小食加白飯都飽，宜加size大縮水。主角泡菜五花肉，一大碗得2塊拇指大細嘅肉，其他都係菜，而且泡菜都冇以前咁好食。。。已同店員確認係最多都只會有3塊肉。 要食返正常份量就加錢，不過冇問佢地講嘅正常係有幾多塊。以前真係又好食又抵，推薦左俾唔少同事，不過宜加性價比低左好多，再發掘其他鋪頭好過。

環境黎講因為佢係啲地方小店，大家就唔好expect啲位會坐得好舒服啦一入去會送3款小菜，一人一碗海帶湯同紅棗茶小菜食完可以refill一次海鮮滑豆腐辣湯 $91呢個真係冬天必食，佢雖然個名有辣字同好似好紅咁，但其實食落唔會話好辣而且入樣有好多豆腐，亦都有蝦，魷魚等等，好足料韓式炒豬肉 $92相比起個豆腐湯，呢個就無咩特別了我以為佢嘅韓式會係辣嘅，用泡菜炒但其實就係普通嘅雜菜炒豬肉但勝在份量大，一個人應該都幾難食得哂

話說今日早食飯11:34去韓美屋叫咗個定食套餐，餐廳食物水準還可以😌值得棒場！！無奈進食頭盤時，有位阿姐突然之間話要安排另一位客人搭枱，問題係全部餐廳得兩個客，有咩可能係要安排一齊同台！家陣11:34分，相信食個午餐分枱唔會影響到其他客人入座，餐廳內有11張枱，呢段時間只有3枱，為何仍要迫客人坐埋一起，是否安排上可彈性處理！加上呢位亞姐（國內口音），話係米都要搭枱！我都無言！服務影響食慾！下次要審慎考慮是否再次幫襯😫

🇰🇷韓味屋 @北角評分：🌕🌕🌕🌖🌑·前菜如果呢間餐廳可以嘅話，我想食前菜同埋飲佢杯免費紅棗水😝 呢度既前菜好好味同埋只可以添加一次架～我會推介佢嘅前菜包括甜薯仔，菠菜同芽菜！不過我都仲未試晒佢所有嘅前菜🧐 如果有機會我會再update😊· 牛肋骨煲 🥩 烤五花肉主食點咗牛肋骨煲都幾濃郁暖胃~同埋份量都偏多幾豐富。除此之外我重點咗烤五花肉，份量都唔少~ 可惜味道稍咸同埋亁身，希望可以改善下🤟🏻

又是被網友種草的一天，我不遠萬里從奧運到北角，就為了這口韓料，但是感覺上當了，不好吃！先說炸雞，炸雞很奇怪很奇怪，都是雞的肥油，炒粉絲，味道略淡，海鮮餅比sss那家差太多了，海鮮我只看到了蝦仁，而且寥寥數個，總之，失望那麼大！

疫情嚴重，叫外賣最着數，韓味屋價錢合理，味道又好，食咗幾次，覺得要寫個好評俾佢。雖然叫外賣，運到黎仲熱辣辣，值得嘉許。講返味道，石鍋飯一定要試，雖然外賣，但老闆有將飯焦 but 埋落個外賣兜度，我哋個個都食得好開心，外賣有飯焦，真係非常之細心。之前食過辣炒年糕，今次試吓宮廷炒年糕，味道一般，強烈建議大家食返傳統辣年糕，好好味。炒粉絲是必食首選，加埋D海鮮，啲蝦大大隻，賣相已經好吸引，外賣送到理仲熱辣辣，唔會黐埋一劈，值得再贊。盒炸雞好大好多，減價後都係百幾蚊，大家記住要試。叫餐每一樣野都會送韓式前菜三樣，見到老闆好有心思，樣樣都好好食，大家可以全部嘢都試吓。

嗰日去呢度買外賣午餐佢有幾款午市外賣特價定食, 只係$50!不過我決定食我最鍾意食嘅海鮮豆腐湯🥘佢勁多嘢: 除咗主菜之外, 仲有送嘢飲同埋有三款前菜🥰前菜方面我揀咗南瓜, 生菜/青瓜, 菠菜全部都好好食我最鍾意食南瓜💛海鮮豆腐湯勁足料💛💛💛有好多海鮮, 包括八爪魚仔, 蜆肉, 墨魚, 蝦等等亦都有好多蔬菜, 例如翠玉瓜, 豆腐超級滿足, 推介!!!

北角既地道小店，值得一試。呢間係老舖，分店在附近，而老舖內得5張枱左右，地方唔大，但因為有分店既關係，反而老舖唔使等位。已幫襯過好多次，今次亦點了最愛既辣牛肉粉絲湯。湯唔係咁辣既，味道恰到好處，牛肉有肥牛同牛柳粒在內，配料豐富，跟一個白飯，試過一定會滿意。而每個客人有一個例湯，帶有點胡椒味，及前菜小食，可refill,包括泡菜，波菜，芽菜，豆卜，南瓜等等。前菜小食亦醃得好好味，基本上都會refill一兩次。環境算合格，但留意因老舖，服務態度亦比較老式，所以要接受。但味道同價錢絕對係美味同平價。