影片
电话号码
84901438
营业时间
今日营业
11:00 - 22:00
星期一至日
11:00 - 22:00
公众假期
11:00 - 22:00
公众假期前夕
11:00 - 22:00
以上资料只供参考，请与餐厅确认详情
食家推介
一個黑色暴雨搞到所有嘢都亂七八糟，每個地方都仲未還原，今日仲要約咗個客開會，工作越嚟越忙不過就越充實，由於東區唔係話非常之熟路所以帶埋個同事一齊，咁啱佢又住藍灣半島，果然好幫得手~開會完搞搞埋埋都已經到下晝，因為離晚飯仲有一段時間，就問下同事呢頭有無好嘢食，佢就諗都唔駛諗就話附近個屋邨入面有間食韓國嘢嘅幾好食幾多人去，咁啱呢個時間可以慕名試下，咁幫得手梗係請佢食餐啦~ 佢帶路入咗去街市位置見到間小店啦，呢間餐廳食物選擇都算多， 餐牌上大致有幾款，分別係拌飯、紫菜卷、韓式便當、水冷麵同埋必定有嘅炸雞，最重要係佢嘅價錢合理。問個同事有咩心水，佢話見好多人食紫菜卷同伴飯，而且仲有炸雞，由於我夜晚要同另一半食飯，所以依家就食少少嘢算啦，最後我就叫咗個炸雞，而佢就叫咗個牛仔骨便當。正當煩惱緊喺邊度食嘅時候，原來隔離有個公共空間可以現場享用美食，等咗大約十分鐘左右食物終於都上枱啦~ 首先介紹我嗰款韓式無骨雞，佢即叫即炸而且份量估唔到相當足夠，一摸上手就好夠熱，我同同事都急不及待整返一嚿嚟食，剛剛出爐嘅嘢係最吸引，一放入口熱辣辣，佢個炸粉好薄炸出嚟好脆身咬一啖有豐富嘅雞汁，事後聽職員講返原來佢係用雞髀肉，果然每嚿肉非常鮮嫩，如果唔係今晚要食飯我都一早清晒。等咗陣間到我同事份牛仔骨便當都上埋枱，個便當分別有四格：酸蘿蔔、炸紫菜粉絲卷、牛仔骨同埋白飯，見到佢個牛仔骨香噴噴我都偷食左一嚿，佢呢個牛仔骨估唔到好有驚喜，個味道甜甜地一啲羶味都無，而且肉質嫩滑亦無筋位，果然係好介紹~ 坐坐下最後都食咗幾件雞，而佢就清晒所有嘢果然後生真係唔同，呢餐飯埋單都係$160蚊左右，性價比都好高。見佢門面都有學生哥套餐，如果一家人或者三五知己要輕食嘅，呢間我都覺好值得一試，今日就到此為止，食完餐咁豐富好味嘅，令我更加期待夜晚嗰一餐~
继续阅读
好多分店嘅高質大份抵食韓國菜外賣😗豬肉kimbap🐷🍙 $48必叫kimbap‼️低碳減肥人士都食得，因為佢超級多料勁少飯🤣豬肉唔算話好辣，加埋巨量雞蛋絲，青瓜，蘿蔔，同韓國飯卷嘅麻油香，我超喜歡的💓牛肉便當🐮🍱 $68便當好豐富🥰超多牛肉的，韓式甜甜哋嘅調味好吃，白飯係珍珠米，仲有小食紫菜粉絲卷🥳泡菜 & 白蘿蔔(S) $10我超鍾意食韓式前菜😀$10一小盒好便宜，味道正宗，白蘿蔔清爽解膩，泡菜是食韓國嘢必食的🤓
继续阅读
今日吾煮飯😁，去屋企附近街市買韓式外賣，美味又經濟。❤️呢間韓式外賣小店叫韓米，門面鮮橙色好搶眼，離遠就見到👍🍙牛肉紫菜卷 $48有蛋絲, 紅蘿絲, 青瓜絲, 牛肉同黃蘿蔔, 餡料豐富, 美味飽肚之選❤️🍱韓式牛肉拌飯 $58大大盒，顏色豐富，好吸引。有牛肉，紫菜，泡菜，翠玉瓜，芽菜，菇，撈埋泡菜同拌飯醬，非常惹味。😍🥢韓式炒粉絲 $48十分足料，裡面有不少豚肉片，仲有好多蔬菜，例如洋蔥及紅蘿蔔絲， 即叫即炒熱辣辣。
继续阅读
天氣咁熱🥵都唔想出街食lunch，今日突然想食韓國野，醒起有間去朋友屋企嗌過外賣party set黎食係唔錯的😋泡菜+白蘿蔔+大豆芽全部前菜既份量都算多！泡菜切合大部分香港人口味 唔會太辣得黎又夠味😌 白蘿蔔酸酸的好開胃～芝士牛肉紫菜卷🧀🥩個人最鍾意芝士牛肉紫菜卷😍芝士同牛肉呢個組合係冇得輸 每件飯卷既牛肉都多到就黎瀉出黎😆而且牛肉好好味好出色💯炸蝦紫菜卷🍤以為外賣炸物會冇咁脆口 但一食比我想像中脆👍🏼頭同尾都特別大件 配以沙律醬 蘿蔔絲 青瓜絲 將蝦卷昇華💯醬汁無骨雞🐤每件無骨雞都沾到酸甜醬，每一啖都好夠味😋值得一讚係每件雞都又脆又滑！忍唔住食多幾件～韓式炒粉絲🥢最期待既韓式炒粉絲都有驚喜，份量多不在話下，配菜都好足料，麻油味都好香～獨特既係加埋黑淑，出面比較少食到，但又相當夾😎總括黎講，食物質素高 份量多 價錢親民😃店員仲要好nice!! 睇得出包裝都好用心🥡 下次想食韓國野時都會再嗌呢間😋韓米 (柴灣)柴灣小西灣道10號小西灣廣場本灣市場地下4號舖
继续阅读
🌀打風無行街，留系屋企休息下。下午有d餓，去左本灣市場買外賣😋。呢個街市幾多嘢食，見到有間🇰🇷韓式外賣小店🍴韓米，幾多款式😍，決定買返屋企慢慢食。🥢牛肉紫菜卷$48口味正宗，捲得好紮實。打開包裝已經聞到好香，裏面有牛肉，黃蘿蔔，紅蘿蔔絲，青瓜絲及蛋絲， 仲有好香嘅麻油味，好飽肚。🥢泡菜(大) $60大size都幾大兜，放落雪櫃慢慢食，係一個非常開胃嘅前菜。泡菜唔會太鹹，酸酸辣辣好啱口味。🥢醃白蘿蔔（大） $30 清新可口, 非常爽脆。🥤罐裝橙汁$10韓國飲品，十分解渴。
继续阅读