響茶 (樂軒臺)

营业中

休息中

order左鐵觀音珍珠奶茶 半糖去冰 加左6蚊轉鮮奶 個味道無知摻左幾多水 可以淡成咁 完全無味 有無搞錯？？第一次知珍珠奶茶可以咁難食！！生意唔易做都唔可以咁欺客！！而且珍珠奶茶俾我咁幼嘅飲管，我點飲？？唔想做生意無做啦！！！

住喺柴灣成日行過路過見到加上呢間係黃既關係所以一開頭都會主要想幫趁呢間買飲品，但so far買過5.6次以上，每次order唔同款式。。。。我都覺得好淡，唔夠味，珍珠無味，奶茶好淡，果茶又勁淡。如果唔係黃店基本上都唔會試完又試。但，真係每次都伏伏地而今晚叫左呢個紫薯芋泥波波真係有今生無來世地伏伏伏伏伏。。。紫薯無紫薯味，淡到十小甜咁，伏芋泥真係一pat泥，無味，障住個口，伏波波唔知乜，佢地話無，所以轉左做椰果，椰果最好食架喇，但可惜無力回天杯野飲。最後2人各試左2啖，頂唔順丟左。Byebye35蚊。

由響茶一開店已經開始幫襯☺️一開始雖然人少少，但係勝在性價比好高🌟，價錢抵又大大杯💛而且店主好敢言，係黃到金!!!好欣賞😻.1. 鐵觀音珍珠奶茶🧋（$20）// 第一次飲響茶就係飲依款😚仲記得個時嘅茶底好濃，飲得出店主好用心💛但係今次飲茶底無第一次咁濃😭不話珍珠依然煮得煙煙韌韌🤏🏼同埋一如既往勁大杯同埋好抵飲//Food：🌕🌕🌕🌕🌖🌑.2. 芝士奶蓋烏龍（$21）// 咁平嘅奶蓋真係第一次見🤣烏龍茶底幾純，奶蓋唔錯😚唔會過鹹而且都幾厚💛抵飲到顛🌟//Food：🌕🌕🌕🌕🌖🌑.💛要繼續大大力支持各區黃店啊大家💛

之前試過其他奶蓋系列都好出色，今日夜晚唔想飲得咁heavy，外賣叫咗清茶系列嘅四季春茶。叫咗小甜，飲落四季春好清新，有茶味但無苦澀味，好順口。$20嚟講，性格比好高！

以為開係住宅區既呢間茶飲水準都係一般般😅 但係試過佢幾種野飲🥛水準都十分唔錯👍🏻 唯一要挑剔係好多款飲品都唔可以自選甜度🧃 糖下得重手左一點😨⭐️ 紫薯芋泥波波 🍠一飲落去好香濃紫薯味💜芋泥既口感好濃滑🤪都算有芋味 丸子QQ的幾有口感🍡 牛奶味可以再香濃D🐮 因為芋泥好甜好濃厚 會越飲越膩😅如果用手工既芋頭泥口感會更好👍🏻⭐️ 班蘭奶蓋黃金香蕉 🍌聽到個名已經覺得口感好豐富😍 香蕉沙冰做底食到粒粒香蕉粒💛 冰感比較重🧊可以加返D牛奶 奶蓋好有亮點✨ 好Smooth 唔會全部都係奶粉味😚 班蘭口味真係好特別🌿 好香好有熱帶風味🌴

今日周圍掃街食到飽飽濟濟，當然要飲番杯茶幫助消化下啦。咁就去咗試吓啲小店，位於柴灣嘅響茶。由於今日1010 ，有減$5優惠，而我叫咗杯碳燒烏龍茶，由原本嘅$16減到去$11。唔知係咪因為減價嘅原因，都幾多人。不過就應該好少人好似我咁叫淨茶飲。因為政策可以飲到茶嘅天然香味唔會有其他味道夾雜着。等咗一陣，終於有得飲。杯茶好香烏龍茶味，佢冇天仁913茶王咁甘苦味，係濃烏龍茶香更濃。由於我飲開走甜嘅關係，所以茶味更更更濃。呢杯烏龍茶只係$11，分分鐘去七仔買支樽裝飲品都唔止呢個價，但係就可以飲到好香濃嘅新鮮茶。呢杯茶正價都只係$16 ，我都肯定會買來飲，既可以消滯之餘又可以減下脂。可惜佢冇分店，只可以間唔時走過來時買黎飲。如果開到好似其他連鎖店咁樣，就真係不得了。

柴灣好嘢食唔喺多，兩隻手寥寥可數。妍妍夏日硬係想飲番一杯清新可人嘅嘢飲，每次經過樂軒台都會點返一杯，Menu上邊已經冇邊一款係未飲過，斑斕奶蓋、四季春茶、生果茶都係超好飲這一杯茶，令人有親切咁，佢叫做「響茶」香橙梳打，好有新鮮嘅味道，清新怡人。D店員好有禮貌次次都好親切。嗰啲印仔卡買一杯儲一個印，10個印仔就換一杯。今次咁啱夠10個印仔諗住玩一杯清茶，點不知個店員同我講，「不如你換杯貴少少嘅茶。」又老實又為顧客設想，好Like!

行街經過，見到咁多人排隊又跟人排，嗌左2杯芋泥波波同1杯芝士奶蓋四季春🤣等嘅時間唔算好長，合理時間。首先，想講芋泥波波真係好有驚喜，自己本身就好鍾意重奶味嘅飲品，然後一試杯芋泥波波。。。奶味好濃之餘好有口感，有芋泥同d芋圓，值得一試另外就係佢杯芝士奶蓋四季春，芝士味好濃，好重手🤣另外一個不得不讚嘅位:就係嗰隻杯夠硬身，唔似其他連鎖式集團杯裝係軟林林嘅膠杯，感覺街坊小店都對每個細節禁認真好值得讚🥳

1️⃣ ⭐️碳焙烏龍珍珠奶茶⭐️ $22 (8/10)強烈建議免費轉珍珠做布丁🍮佢地嘅布丁係一百個正😍 次次入親柴灣都會飲響茶，必點布丁😋 要讚佢地好大杯，仲要哩個只係哩個價，CP值好高👍🏻 微糖啱啱好，飲到少少烏龍茶嘅回甘味，仲有布丁嘅甜味💕 唯一係啲冰融咗之後會淡咗少少😗2️⃣ Double檸檬 $26 (7/10)中意酸野嘅必點❗️有得揀配紅茶、綠茶或者泡泡(即係梳打)，夏天就緊係揀泡泡啦😏 揀咗微糖就剛好，少少酸好開胃，但又唔驚酸得太緊要🥰 如果想再酸啲，店員仲更加推薦無糖添😱

天氣咁熱，成日都要買嘢飲行經柴灣買咗兩杯茶飲，茶底選擇唔少聽講珍珠奶茶係用明治奶，用料有誠意，之前一度大排長龍今次見到有summer promotion一款係桃之夭夭，一款係芝芝西瓜，即香桃同西瓜味試咗杯芝芝西瓜 $38 頂頭奶蓋有3款口味揀，有原味、芝士、班蘭芝士就有些微芝士味鹹香味奶泡打得好滑，好creamy，略略有輕微鹽味，味道唔太重芝芝西瓜好啱夏天飲，西瓜清爽，入口透心涼，水果亦較健康最頂係鹹香味嘅奶蓋，中間係西瓜沙冰，沉底嘅係粒粒西瓜果肉層次豐富，爽過飲汽水，的確有驚喜，飲落幾解暑另一杯揀咗招牌之一嘅黑糖Oreo珍珠鮮奶 $35話說沖茶速度幾快，5mins就有，幾有效率黑糖掛杯，虎紋紋理幾靚，唔會太快流晒落底Oreo碎放喺鮮奶表面，有新鮮感鮮奶奶香味濃，唔會太甜膩不過最好先用飲管將整杯攪勻，避免一啖過甜搖勻之後，黑糖味的確好香，奶味依然好重，入口滑溜整體有香醇感，珍珠入口煙韌有彈性，唔會太黐牙不過Oreo餅碎有啲奇怪，係有層次感，但餅碎好快淋晒仲有杯黃到金嘅招牌金蕉榮光歸香港 $38但我接受唔到香蕉榨果汁，所以無揀到

相信唔少街坊都係響茶嘅熟客😂我自己都經常幫襯，已經蓋滿咗一張印花卡喇（10次）🤩我最愛🌟炭焙烏龍珍珠奶茶🌟茶底好香，唔係普通紅茶嘅味道，近似泰式奶茶嘅香氣！非常特別😋珍珠煙韌，正常水平另外 阿薩姆珍珠奶茶茶底都好好飲👍🏻奶蓋系列亦做得好👍🏻價錢較抵會再試唔同口味😋😋

響茶 LOUD TEA  去年初開已經飲過,事隔一年再訪,品種選擇多了不少,也有期間限定款式口味同樣有清茶,四季如春,水果茶,奶蓋系列等飲品我今次就選擇了最考牌既珍珠奶茶其中,這為最簡單也是最傳統既台式珍奶$20一杯,單價不高,大大杯約600ML SIZE可選甜度,珍珠可免費改轉布丁或仙草或椰果這值得一讚,其他都要加錢換款清茶系列最便宜,只要$14起,想飲純茶都唔錯 甜度冰都係預設正常大約4分鐘就可以取茶,效率算快另附集印卡一張,儲足十個換一杯茶底夠濃郁,飲落不會太過甜膩珍珠煮得不錯,有口感有彈性,不會似食象膠飲完仲會有飽既感覺,一次真係飲唔曬

💛響茶 (柴灣) 💛-芝芝四季春✔️-芝士味好濃但飲完又唔會溜！而且奶蓋好滑🙈🙈奶蓋有得揀原味/芝士/班蘭，我地就揀左芝士🤣宜間好平，重有得儲印仔，真係好抵飲！-——————————————(非專業,完全跟據個人口味☺)食物:8/10環境: /服務:7/10人均消費:$30———————————————▪店舖名稱: 響茶 (柴灣)▪店舖地址:🔸 柴灣柴灣道350號樂軒臺地下317-318號舖-----------------------

疫情下冇得行住街飲珍珠奶茶，唯有買返公司飲。附近啲都飲曬咁滯，真係冇乜好嘢。唯有去遠啲嘅柴灣試吓。叫左個碳培烏龍珍珠奶茶，少甜，加五蚊轉鮮奶。家下唔知乜活動仲有得減五蚊。$17真係好鬼平。好快就有。好可惜，睇個色就知麻麻。奶水咁。呢個似乎係香港好多地方做珍珠奶茶嘅問題(對於我黎講)，冇茶味。唔知飲奶茶定飲緊奶水。不過佢好在個珍珠幾彈牙，仲有茶香！所以珍珠就ok. 總結：可能係地區問題，只可以做平價飲品。但咁嘅質素真係唔會專登過黎。如果唔係珍珠彈牙兼有茶香，應該會俾喊...

宜家天氣咁熱，出街一定要有杯凍飲喺手！飲汽水固然爽，但飲用天然水果同無糖梳打水整嘅冰涼特飲就更健康 粒粒百香果泡泡 ($28)入面嘅百香果肉好多，一啜就食到好多脆卜卜嘅果核同絲絲果肉 百香果味道酸甜開胃，加入冰涼透心嘅梳打水一齊飲，清新宜人 夏天飲番杯馬上暑氣全消～