順利粥品

营业中

休息中

公司同事習慣到肥文食坊lunch易，有次沒庭位便轉到街市canteen另一端的順利。看到有我喜愛的蒸魚飯餐，而且只是$20，不作它選了。上菜的時候發現還附送一碟蕃茄蛋，$20兩餸 +白飯+湯似乎很抵...當然魚肉(蒸鯇魚)少得可憐，因為是魚尾...有位同事亦點了蒸魚飯餐，他得的是魚身，未知會否多一點肉呢?蕃茄蛋是蕃茄醬溝少量的蛋，略有幾塊蕃茄。$20，別要求太高啦!另一回來吃粥，點了白粥和蝦腸。粥夠綿夠軟滑，至於蝦腸..腸粉是挺不錯的，但蝦太少，少得要以腸粉多捲幾下來掩飾，太多層腸粉破壞了口感!鼓油ok啦。還吃了一口同事點的砵仔蘿蔔糕，嗯...蘿蔔和粉的比例很好，但蒸得太乾了。

心情非常沉重的一天。想吃個中式早餐，未試過這裡，見白粥對辦，腸粉也是即拉的，就坐下。素肉絲腸粉皮略厚，但即叫即拉，熱辣辣的，粉皮也頗滑。餡料夾了唐生菜，清新又爽甜，不錯。素肉絲當然是假味，甜醬油也味精「滿載」，如果這裡能老老實實的供應「蔬菜腸粉」，由客人自行加上普通醬油，我第一個支持！白粥稀底，但也綿滑掛碗邊，帶有米香，正好洗刷掉殘留在口腔內的味精；也要了條油條，吩咐剪碎的，雖然不大相信這裡的油條不是「自家製」，卻又是毫無火氣，比起隔鄰金記的油條差得遠了。店員也眉精眼企，在客人面前會戴回膠手套去拿油器，沒人看著，當然是徙手來做，實在欣賞其夠隨機應變。埋單16蚊，經濟抵吃。也有一條條的芝麻條，下次也要試一試﹝當然要看著她拿才較穩當！﹞。

新鮮炸両勁好味, 又勁大碟, 叫多碗白粥就岩岩好

5月1日，10:15五一長假開始，想到"金記"來碗靚粥做早餐。竟摸門釘>m< "五一假期，5月3日照常營業"祇好轉到座無虛席的順利，要了艇仔粥和齋腸。艇仔粥：有米花朵朵，可惜欠粥香；其他配料尚可。齋腸：可能是即拉和生意太好，等了10分鐘才到位，夠香和滑，值得一讚。但整體"金記"勝她一籌！可能生意太好，外賣的客人，皆有微言，店員祇好要求大家耐心等候。

我們一行十數個同事每個禮拜都會o黎2,3次其實佢既粥係ok(好綿果隻我鍾意, even白粥都已經好好味),佢既炒粉麵飯($24包汽水), 及小菜午餐($24-$28包例湯)都好出色, 不過慢工先出細貨, 相對要等耐D - 我個人覺得等; 但我有一半同事都怕等寧願選擇無咁好食o既黃仔記囉.另外, 佢既腸粉係即叫即拉的($9), 正o架~有時想清清地會叫'時菜腸'走油少豉油: 包唐生菜(脆)好食過包菜心(我兩隻都試過)佢既例湯係冇味精大大碗o既,好飲o架不過成日都係果幾款咁.飲完都飽左一半了...用心去做: D魚呀菜呀都洗得出奇乾淨,抵讚!

1月25日11:001月30日10:00先後試了兩次，分別要了廣東粥、魚腩粥、炸兩和炸麵。廣東粥(HK13)：被這陌生名字吸引，原來是豬瘦肉粥，，豬爽脆，梳打瘦肉。魚腩粥(HK15)：泥味經，嫩滑和肥美。粥：粥底綿而稀，有點點蔥花和薑絲。可惜師傅過重手，吃完口渴。炸兩：即拉熱而滑，炸麵仍脆。炸麵：香熱、脆薄，色香味全。初二早上，兩老和姐姐都不在狀態，漏單和錯單頻率高，有外賣客抱怨，粥冷炸兩淋，南瓜腸仍未蒸好。這店還供應各種飯品和各式客飯。