順景茶餐廳

营业中

休息中

朝早行去搭車時路過想起食過呢度既早餐個餐包係自家出品好鬆軟美味專登黎買番個麥包食就算我拎到番公司凍晒先食仍然無令我失望軟熟得黎食完唔會覺得好似一陣風咁唔太甜o岩我size仲要有我一個拳頭咁大都只係$2.5抵食另一樣要讚係佢服務好好就算我只係買一個包包叔叔仍然笑笑口仲多謝前多謝後

如遇以下情況，宜一笑而過：「唔該要一個炸奶皇包吖。」「炸奶皇包？茶樓先有噃。」（咁出面個麵包價目表...。）「咁有無『衛斯牛茶』呀？」「衛斯牛茶？好耐無人飲啦噃...靚妹，乜你專叫埋D無既野o架。」（咁你新過膠個餐牌又...。）「...咁炸沙翁同熱奶茶吖唔該。」炸沙翁粉糰既密度，可以同一個高筋或者高庄饅頭「媲美」。成口沙，唔在講；凍冰冰，無野講。好彩無叫午餐...假日得「假日特餐」。

琴日朝早黎食早餐叫左個沙嗲牛肉米粉跟餐有餐包,腸仔同炒蛋沙嗲牛肉醃得太淋蠔油味較重但都有少少沙嗲味好有兒時食開既味道餐包出奇地大個又軟熟我叉左少少沙嗲牛肉夾埋一齊食超正腸仔煎得有d油炒蛋少油仍然係油淋淋朋友仔幫我包辦左一半凍檸茶有茶味地方懷舊好在星期日無乜人咁早起身唔係都要搭檯見隔離叫麥包大大個下次經過可以試下