順興海鮮飯店 (已結業)

大大碟，出相吸引。同時叫了鮮茄牛肉和鮮茄豬扒飯，朋友話豬扒好味過牛肉。亦嚐試了鮮魷干麵（我分左一部分給朋友試才記得影相😂）我覺得好好味🤤麵底十分鬆脆，最好咪係鮮魷，好彈牙又好大😋😋😋熟食市場位置海旁，吹住海風，涼浸浸好隨意

一行五人遊覽住梅窩諗住大排檔會有好嘢食，咁就食咗呢間比較出名嘅順興。我哋叫咗個四人套餐再散叫一啲食物，點完餐阿姐都話今日出賽會比較慢因為好多客。咁OK啦我哋咪等囉，結果等咗一個鐘頭都仲未出菜，連套餐包嘅例湯都冇出。慢都唔係最衰，而係套餐本來有椒鹽賴尿蝦，但上菜嘅時候阿姐淨係掉低咗一碟白灼蝦，話冇晒賴尿蝦。但過程中冇職員同過我哋講冇賴尿蝦問我哋想轉啲咩，淨係逼我哋去接受嗰啲玩咁都冇嘅白灼蝦，而呀姐係聲稱有成一斤。總括而言，未試過食餐飯食到咁嬲不歡而散，永遠唔會再食。

不建議食沒有禮貌，態度極差，不斷說明隔離店的不好😤😤😤叫了的賴尿蝦沒有到，又不說明，自行換其他食物員工方面溝通非常之差收每位$5茶錢但係一杯茶都冇😫😫😫感覺好差

食物真心好食，但如果想出去又食得開心，覺得係呢度叫外賣會好少少....下面係我同朋友既親身經驗，有d長，有興趣可以睇下作參考。🤫------------------------------第一次去梅窩，行山前想食飽先去，去睇下嗰度既海鮮餐廳，咁啱兩間黐埋一齊，就係兩間鋪頭中間出面望門口既餐牌（後面無人排），企左一陣（5分鐘都無），有兩個阿姐過來，暫且稱為A及B，A一路踩對家一路攞餐牌推薦朋友，B「語重心長」同我講:「阿妹，你地粥粉麵飯就去出面嗰兩間啦，我地淨食抄野架咋。」如果你個表情唔係一個唔好企係度阻住哂既樣😒，我真係多謝你俾意見我地。事關我朋友仲同A睇緊餐牌，我當下只係微笑咁講：「我地睇下先。☺️」然後因為朋友聽唔到B講咩，同覺得呢間既套餐比較啱佢胃口，結果我地都係入去食。一路入，A一路罵對間餐廳幾呃錢咩咩....😣因為套餐入面有一個可以自由點菜（無寫價錢限制同邊類菜），所以我地問A，佢話可以點98蚊既菜，以上就要加錢。我地就開始睇餐牌，然後A一直盯住我地又嘈我地咁耐都未點，我地睇完餐牌就想點，但佢見到有人來就走開左。我地等佢忙完，就同佢講要點單，然後佢一來就話我地睇咁耐，咁遲落單。

入到梅窩食海鮮， 本身以為會同南丫島或者西貢嘅海鮮一樣，即係有少少呃遊客feel😂😂 結果又唔係喎都好抵食喎😂仲可以坐喺個海邊，勁有風味👍🏻 要咗個套餐，入面跟住炒蟹，椒鹽尿蝦，豉椒炒蜆，湯同菜 ，兩個人已經係食到飽到不得了 ， 價錢冇記錯好似同西貢嗰啲餐差唔多，但有食過西貢嘅就知道， 佢嘅蟹唔係真係一隻蟹，而呢度嘅炒蟹係真係一隻肉蟹👍🏻👍🏻未上菜前我都驚緊會唔會係呃人雖然啲海鮮啦唔係話好大隻嗰種 ，但佢勝在夠多餸， 瀨尿蝦都係細隻瀨尿蝦

黎到梅窩渡假，當然要食海鮮晚餐，係街坊推介下話位於碼頭梅窩碼頭熟食中心嘅順興海鮮飯店是最推介的一黎夠鑊氣，二黎明碼實價。可以坐室內嘆冷氣/坐室外吹海風，感覺寫意。是日老火湯（送贈）： 粟米瘦肉豬骨蘿蔔蜜棗湯，非常足料，粟米香甜，完全冇落味精，好健康，飲落唔頸渴。砂鍋魚頭煲： 份量十足魚頭，略略走油，粉漿吾會太厚，魚雲好入味，豆腐可以自行添加豆瓣醬變重口味，仲有爆香蒜頭🧄做伴碟，不錯。椒鹽鮮魷：香脆可口，適量淮鹽調味，增添風味，魷魚🦑新鮮食落爽彈，鮮味十足。生炒骨：酸甜糖醋汁令你食慾大增，醬汁包裹半肥瘦排骨，LUN LUN 下好正，香脆表面，軟糯內在，不得了蒜蓉開邊蒸蝦：蒜蓉粉絲均勻地佈滿海蝦表面，粉絲吸曬蒜蓉精華，海蝦偏半生熟，蒸蝦吾洗蒸太熟，食落粉嫩，充滿蝦膏鮮味，略嫌帶點腥，但都係新鮮嘅表現。乾燒伊麵：鑊氣十足，伊麵炒得乾身，帶點生抽豉油味，但吾會太咸，均勻地融入伊麵當中，好飽。總結：望住銀礦灣沙灘靚風景 邊嘆海鮮邊吹海風價錢合宜 明碼實價

住附近，偶然會過來午餐或晚餐，主要原因是我身體不合適吃有味精的食物呢間無咩味精，同埋出品穩定。今次點左西檸雞，椒鹽鮮魷及炒蜆。鮮魷炸漿不厚，口感不錯。 4/5分炒蜆冇沙, 肥美 4/5西檸雞普普通通啦。3/5

I am at the restaurant now. I waited for a long time for my food. There are many people in the restaurant but there are less people helping. My friend’s little sister Yanki told me that they are lazy Don’t go to this restaurant anymore. It is the worst restaurant I have tried.

2021長假期，離島逼滿人。梅窩相對人比較少，午餐在海邊熟食市場也有些選擇。最後選了一入去的第一間，有海景位以為ok....餐牌唔記得影，炒粉飯大約＄60，唔包drinks. 餐蛋面約＄30，都唔包drinks. 去行山前唔想食咁飽，想食輕食，面就ok. 結果一位女士，應該係老闆，“推薦”去另一間食。。。仲話佢餐廳一定要叫小菜個d先得，剩係炒粉飯個d都唔得。 。。可能假期唔休做？ 麻煩係餐廳前要寫清楚仲有茶錢＄5位最後大約＄100一位埋單。。當買海景？不過旁邊d鋪都海景，唔知野食一唔一樣呢？送上海景照一張

佢兩味餸都好正，碟碟都好大碟，同埋味道好好，椒鹽鮮魷，佢真係攞新鮮魷魚去炸，你唔會食到急凍嗰種嘅魷魚；炸大腸，佢啲油唔係炸咗好多次燶晒果一種油，係用一啲比較靚嘅油去炸，大腸肥美就唔使講嘢🤟

去梅窩行下，晚市雖然禁堂食，但都想試下係梅窩食餐海鮮，所以打算買外賣係街邊食，黎之前已經做左功課，想黎呢間順興試下，結果無令人失望。Menu好多選擇，因我地得兩個人，所以只叫左老闆娘推薦的椒鹽鮮魷🦑，同埋海鮮炒飯。首先講海鮮炒飯，雖然只賣$58，但落料完全唔媽夫，而且份量好大，應該有三碗飯份量，真係有落魷魚絲落去炒，仲有蟹柳等等。椒鹽鮮魷好香口，份量足，絕對唔會粉多過肉，反而嫌佢粉太少，包唔晒舊魷魚，脆口感略不足，但整體味道唔錯！

去梅窩，梗係要食海鮮啦！黎到碼頭熟食中心一間唔太起眼既餐廳，鋪頭d人仲問我地點樣搵到呢間，唔去多人d個間🤣🤣————————🔸椒鹽九肚魚好好食！外脆內嫩，仲要好大條，好快清哂😍😍😍如果炸粉可以再少d就perfect!評分：🌕🌕🌕🌕🌖-🔸時菜海鮮湯呢個湯真係冇得輸，好似淨係$98到但勁足料。成條魚擺落去煲，湯頭好有魚既鮮味，再加埋菜同海鮮既甜味，超正🥰🥰🥰評分：🌕🌕🌕🌕🌕-🔸豉椒炒蜆好多隻蜆，好夠味🤓🤓評分：🌕🌕🌕🌕🌗-🔸XO醬炒鮮魷冇xo醬味，麻麻地😟評分：🌕🌕🌕🌑🌑-🔸琵琶豆腐入面除左有豆腐仲有鯪魚肉，不過我唔太鍾意食豆腐，冇咩comment😂😂評分：🌕🌕🌕🌖🌑-4條友食咁多野都係$510咋！出面一定食唔到，就算係隔離d餐廳都比呢間貴少少，黎梅窩一定要幫襯😋😋

唔知大家有冇入過梅窩玩呢🤣🤣？今次呢我就同女朋友呢一齊去咗梅窩玩兩日一夜啦，咁期間我哋就去咗一間好近梅窩碼頭嘅大排檔度用膳😋😋😋！佢呢度有分室內同室外，因為當日天氣太熱，我哋兩個都選擇咗坐冷氣房食飯😎😎，不過我哋都坐咗係一個靠窗嘅位置，咁樣就可以有冷氣同時間都有海景欣賞🥰🥰🥰！我哋叫咗三樣都係比較受歡迎嘅菜式，包括有椒鹽鮮魷、粟米斑塊、豉椒炒蜆。再加兩碗白飯同一支可樂。三樣餸菜嘅質素呢都好平均，雖然三樣都唔差，但始終如果係近海，所以我哋一開頭對佢嘅 expectation都會高啲，搞到最後有少少失望，不過佢嘅質素絕對唔係差，所以大家可以去試吓。

母親節當然要食好野慶祝下，一家人入到梅窩渡假，決定食海鮮🦞。而碼頭一帶有數間大排檔和餐廳🍴，上網睇曬食評，總結呢間近海旁的「順興海鮮飯店」話大件夾抵食，決定去試夠吾夠鑊氣。💕白灼蝦 🦐： 好新鮮，好扎實，一斤都有數十隻，蝦膏都食吸埋。價錢吾貴，食得出街市拎貨，蝦頭沒有發黑。薑蔥爆炒蟹🦀： 有「走油」先好食，先爆香薑蔥再炒蟹，好多薑蔥，蟹都無走肉，好扎實，又係好新鮮🦀🦀咕嚕骨： 酸酸甜甜，人多都咁有鑊氣，抵爆曬彭，大件夾抵食，份量多，粒粒香脆，菠蘿🍍粒同洋蔥🧅都比足曬😋西檸雞：汁有點少， 但味道吾錯，每件雞肉都炸到脆口，偏甜多於酸。總結：太多未能盡錄，但大致上中水水平以上大件夾抵食 黎大嶼山渡假諗吾到食咩可考慮這間

晚間去咗順興茶餐廳。點咗個星洲炒米加支可樂。埋單總價$77。碟星洲米好大碟。加上有大隻蝦仁。個米粉炒到好少油。米粉好彈牙。對住個海景再加支冰凍可樂。一樂也。個人建議可以約一大班朋友，係水箱同老闆講想食最靚海鮮。招牌菜係瀨尿蝦。