順德公漁村河鮮酒家

营业中

休息中

最近鍾意食啲小店嘅手工嘢，今次嚟到佐敦順德公漁村河鮮酒家，朋友話主打手工製作點心，去到真心有驚喜。美極乾炒牛河份量足，牛肉滑嫩又夠鑊氣，食落份外滿足。鮮蝦腐皮卷用新鮮腐竹皮包住鮮蝦，再即炸至外層酥脆，配埋喼汁～咬落鬆脆可口鮮蝦韭菜角都係即叫即炸，外皮香脆，內餡蝦肉同韭菜份量足，味道新鮮。懷舊豬肚燒賣係第一次見，豬肚大大塊但出奇地腍身，仲帶少少黑椒香，底層鮮蝦餡足料，真係幾有特色。秘製醬汁蒸鳳爪入味又夠軟腍，食到停唔到口。鮮蝦豆苗餃菜量超多，估計用咗菠菜，食落清新唔膩。頂級鮮蝦餃皇皮薄餡靚，蝦肉爽口彈牙。京式小籠包入面好多湯汁，皮薄唔易穿，配合豬肉餡食落多汁又滿足。甜品方面推介正宗大良雙皮奶，真係有兩層奶皮，滑溜香濃，同朋友兩個人share一碗都嫌唔夠。整體嚟講呢間酒家手工點心誠意十足，環境帶點懷舊風味，店員服務態度好親切。雖然位置偏少少，但都唔少人特登揸車嚟，交通近柯士甸站都方便。值得再encore！

好有屋企感覺嘅菜式～～好香口，而且好入味全部都好足料同好大兜！⭐️蟲草花天麻火燉大魚頭湯個湯一飲就知好補身 因為飲得出有藥膳味原來個湯好搶手 隔離枱想嗌但無晒 要係隔離鋪特登運一兜過黎😎牛B⭐️蒜子生扣脆肉風鱔皇第一次食咁大舊膳 仲要舊舊都咁啖啖肉 唔會話好多骨仲有馬蹄同冬菇配襯一齊炒jeng （個煲少油但好入味！）⭐️巧手千島大蝦球唔講以為自己食緊千島pizza🤣舊蝦好大舊同好彈牙同菠蘿mix埋又好似食緊沙律咁 幾特別！⭐️魚湯腐竹浸勝瓜個魚湯好甜啊🤤唔小心又飲左兩碗其實嗌個飯做湯飯都幾唔錯～食完先後悔無嗌成兜都好fresh好清新！！解膩簡直一流撞正有客人慶生好有氣氛～～另外佢仲有宴會套餐～～職員態度同服務都好好 真係好熱情🫶🏼

吃到了人生大良双皮奶！非常高质素的餐厅！柯士甸站出来，跟朋友小约了一个早茶，也是很久没吃的早茶了我真的吃到了人生大良双皮奶，太好吃了！！店员说是从大良运过来的，奶味儿十足，给我香迷糊了，我点热的，非常烫点心的花香煎芋丝饼，必须点上，咸淡适中，芋头味满满，焦脆鲜香，丝丝入魂排骨蒸陈村粉，太好味了，入味，粉幼滑，排骨味道清新姜葱牛百叶，趁热吃，凉了也没有腥味，非常可猪肚烧卖，很少见，好吃😋出品都非常稳定，下次来试试炒菜服务周到！

順德河鮮首選👍🏻👍🏻👍🏻🐑天麻燉魚頭湯-夠晒火喉，燉到魚頭骨都幾乎化開，有天麻、川弓、白芷等藥材，感覺好補。🐑炆花錦鱔-大大舊鱔腩切喺度，新鮮無比，冇得呃。用煲仔上，吱哩咋嗱，香氣撲鼻，肉質爽彈。🐑外母炒魚餅豬爽肉-唔知點解叫外母炒，今日嘅鯪魚餅確係畀之前打得更好，既彈牙又夠陳皮味。

勁難食！嘥哂啲錢…. 本身諗住買川弓魚頭湯因為成日頭痛…點知下晝冇湯賣，之後叫炸鮮奶！變左比盒勁鹹冇奶味一pat嘢既炒奶… 有啲蛋白呀仲炒到一舊舊係入面扮魚肉！ 咕嚕肉仲騎呢！一粒空心得個殼，其餘果啲係圓形小酥肉，再比兜汁….. 成餐352蚊呢食個正常鹹水角呀…..有時有啲嘢你冇心機維持水準就應該byebye hk…..

午市時段踏入佐敦的順德公漁村，店內早已座無虛席，食客絡繹不絕，熱鬧喧囂中傳來陣陣食物香氣。這家老字號如此多人捧場，食物質素顯然有口皆碑！點心、飯麵、小菜應有盡有。點心一上桌就超驚喜！雞扎堆得高高的，雞肉鮮嫩，還夾著鹹香火腿，咬下去層次豐富又多汁。豬肚燒賣個頭大，外皮Q彈，頂層豬肚脆爽，肉餡鮮香十足。叉燒腸粉皮薄薄一層，裡面塞滿肥瘦適中的叉燒，一口下去超滿足！每樣都是現點現蒸，熱氣騰騰。順德招牌粥更是必點！碗裡的鯇魚塊又大又嫩，魚肉鮮得不行，濃稠粥底吸飽魚鮮，暖胃又過癮。尖椒炒牛肉鑊氣十足，牛肉滑嫩，帶著尖椒的微辣超級下飯，份量也很實在。店裡滿是老香港的溫馨氛圍，服務員招呼熱情。如此多人慕名而來，果然是因為這裡地道的美味從不讓人失望！

朋友介紹下去佐敦一間河鮮小廚試菜，果然有驚喜。餐廳裝修走老派風格，磨砂玻璃屏風配圓枱，雖然保留咗舊式酒樓格局，但勝在空間夠寬敞，坐得舒服唔逼仄。主打菜式夠鑊氣，咕嚕肉炸得外層酥脆，酸甜醬汁掛肉均勻，開胃得來唔油膩；魚頭用砂煲焗得入味，魚肉鮮嫩帶焦香，火候掌握得啱啱好。最特別係招牌污糟雞，雖然個名搞笑，但雞肉嫩滑多汁，豉油香料醃得夠透，連雞胸部位都唔嚡口。整體份量足料，價錢合理，侍應招呼都幾親切，難怪多熟客推介。下次想食傳統風味小炒，呢度絕對係可以再encore嘅街坊飯堂！

今日同長輩來這間飲茶長輩介紹順德公漁村係佐敦有兩間分店，🦐 主打菜式是河鮮特色，鮮蝦、魚、魚頭、魷魚都是該店特色菜式，一間酒樓如果得到老人家的盛讚，應該都唔會差啩安蝦咸水角，比較大粒，油炸至外皮酥脆、内里软糯，咸香中带微甜蝦春卷，酥脆春卷皮包裹虾馅，蘸喼汁增鲜。椰汁黃金糕，甜點，可以看到形成“黄金”纹理蠔皇叉燒飽，蜜汁叉燒餡加蠔皇酱，甜咸交融鮮蝦豆苗餃，透亮水晶皮包裹虾与嫩豆苗，春天時时令之选頂級鮮蝦餃皇，餡料用整隻鲜虾，爽脆彈牙皮蛋瘦肉粥，綿滑米粥，瘦肉好多食唔晒環境比較復古，服務都唔錯

難得同媽咪撐檯腳，帶左佢去佐敦偉晴街嘅順德公漁村河鮮酒家食傳統順德菜！呢間酒家開業26年，出名食材新鮮，廣受食客喜愛！今次食左晚飯套餐C $680（二位用）1️⃣ 家鄉煎釀二叔祖公二叔公即係鯪魚球同虎椒鯪魚肉打得極緻彈牙，外層煎至微焦脆，鑲在虎椒同蓮藕上，油光微閃如琥珀。蘸少許特色醬汁，鹹香與鮮甜更顯鄉土氣息。 2️⃣ 特式翅湯枱面蒸河鮮魚（另跟配堂灼唐生菜）呢道菜系儀式感與鮮味兼併，河鮮魚先稍微煎香，然後擺上蒸枱繼續慢火煮熟。魚湯鮮甜濃郁，加入多種食材（金華火腿，翅，姜粒，洋蔥，芫茜，瘦肉，魚骨）熬製而成。魚肉鮮味，嫩滑無細骨，生菜吸收魚湯精華入味鮮甜3️⃣ 金牌得獎銅盆蒸污糟雞（半隻）雞肉用銅盤蒸熟，揭蓋時香氣混著酒氣竄出。雞肉嫩滑，醬汁入味，入口先是頭抽鹹鮮，尾韻有淡淡酒香，令人回味。呢餐地道順德菜食得好飽足，雖然話係二人套餐，但套餐份量十足，三個人都絕對夠食！下次再帶多啲朋友黎一齊食！

琴晚幫襯咗， 冇經我同意底下落咗一條1600蚊嘅魚畀我， 理論一番後， 佢取消咗呢條魚,...... 嘢食大致上都唔錯，但埋單嗰陣時又發現 , 佢又入咗條九百蚊嘅癬畀我, 我再同佢理論, 最後佢話入錯咗喎結論佢啲嘢係好食。 但佢地嘅經營模式我唔好認同.... 唔會再去 亦唔會推介...,完

今日與友人尋覓河鮮的滋味，找到以前家鄉的味道！✨晚市二人套餐 $680🌊家鄉煎釀二叔祖公所謂二叔祖公其實係炸鯪魚球及煎釀尖椒。脆炸鯪魚球外脆內彈，外層有脆米增加咬口，魚肉鮮味十足；煎釀尖椒微辣惹味，微微椒甜香，不錯！ 🐠特色翅湯枱面蒸河鮮魚翅湯奶白色濃郁鮮美，魚肉嫩滑無細骨，枱面邊烤邊食保持溫熱，生菜吸收魚湯精華非常鮮甜。 🐓金牌得獎銅盤蒸污糟雞雞肉嫩滑多汁，銅盤蒸鎖住原汁原味，淡淡酒香氣及腐乳味道令人回味。總括而言，已經很難在香港找到傳統的味道，實在難能可貴，味道確實不錯。

今日同一班小學同學聚會，好開心十幾年無見😆同學有眼光揀左呢間順德公華員會，人多大家口味唔同揀地方唔容易😂我地人又多，班長十幾年依然咁勁。第一次黎呢度食飯。好耐未試過仲坐到啲咁大咁闊落既餐廳，呢間一定係良心餐廳👍🏻寧願顧客坐得舒服D都冇塞多幾張枱。我地坐左2圍但依然闊落經理介紹招牌燉湯，梅菜蒸菜心，西蘭花炒帶子王，西芹焗魚卜同子薑欖角啜魚咀，我地自己另外叫左個蜆蚧鯪魚球。其實本身有啲擔心唔夠食，經理好好叫我地食左先。點知送到上黎真係大大碟，好彩無叫🤭個燉湯好正👍🏻飲完成個人暖笠笠，足料👍🏻梅菜蒸菜心第1次食，蒸菜心最難係火喉，師傅好嘢出到黎依然好嫩好新鮮🤤西蘭花唔生，帶子勁滑。經理介紹出面好少地方食到既魚卜同啜魚咀做得好👍🏻師傅功架厲害順德出名係魚，我諗師傅真係夠正宗先會可以處理得甘好。我地自己加ga鯪魚球真係食過番尋味。又脆又滑又有香魚味☺️今日呢餐完全震撼我味蕾，食到好飽都仲想繼續食😋食完呢餐真係超滿足😌

🩵佐敦正宗順德菜💙今日同朋友喺佐敦食dinner,佢哋話食老字號河鮮順德菜 , 仲話佢個魚湯係一定要飲 😝啲裝修古色古香 企起門口都已經好期待🤩我哋揀咗一個二人餐 $680 先黎個 🐟蟲草花天麻燉大魚頭湯👍🏻❤️Wo…夠火候 🔥材料新鮮份量十足，湯好濃郁，我同朋友每人飲咗兩碗 仲可以打包拎走 都唔只二人份量嘅湯 係四人份量 😜❤️飲完立即暖笠笠 真係好補身 💪🏻 第二道菜 太子成名脆皮咕嚕肉 🐷同出邊食嘅咕嚕肉真係唔同啲 酸甜程度好食 唔會太厚炸粉 😋 抵佢成名第三道菜 籠仔荷葉梅菜蒸菜遠🥬梅菜蒸菜心亦帶來驚喜🤩甜梅菜同菜心組合得恰到好處，好香荷葉味 入晒味落菜心度🥬 最後一道菜 瓦罉煎焗啜魚咀煲 🐠薑蔥香口 唔會太肥膩😜 兩個人捧住個肚出門口 畢生難忘嘅魚湯🍽️順德公漁村河鮮酒家 (佐敦)📍佐敦偉晴街24-26號地舖 #順德菜 #佐敦美食 #香港美食 #hkfoodie

朋友本身好中意食魚，所以帶佢去咗依間老字號河鮮餐廳食飯我地揀咗A餐蟲草花天麻燉大魚頭湯-必點「魚湯」係餐廳招牌，建議提前一天預訂大魚頭湯真係真材實料，見到裡面有好多藥材，仲有大大個魚頭，雞腳煲到好腍，連骨都咬得爛，藥膳味好重，入口甘而不苦我朋友直接飲左3 碗，我都飲左兩碗，凍冰冰嘅天氣飲完成個人都暖晒，仲可以舒緩頭痛，好養生太子成名脆皮咕嚕肉咕嚕肉外酥內嫩，有鮮甜豬肉味，酸酸甜甜味道適中 ，肉既份量都好多瓦撐煎焗啜魚咀煲好大個魚頭，魚肉鮮美多汁，放上滿滿既蔥係瓦撐爆香，上桌熱騰騰睇相都見到出緊煙。脆卜卜，仲好多肉😋籠仔荷葉梅菜蒸菜遠✨籠仔底部有荷葉，翠綠既菜心上面放咗梅菜，菜心清甜又新鮮、份量都幾多，食落仲有陣陣荷葉香味。明明無叫白飯，但都食得超級飽座位好闊落，服務好親切，人情味滿滿，不愧係老子號🛑順德公漁村河鮮酒家📍佐敦偉晴街 24-26號地舖

店名：順德公漁村河鮮酒家地點：佐敦偉晴街24-26號地舖蟲草花天麻燉大魚頭湯超足料，有香濃嘅藥材味，個湯係用魚頭去煲嘅，所以冇膽固醇嘅問題，非常健康，天麻好有益，可以疏頭風，明目同顯著增強記憶力，真係要飲多幾啖😋😋蒜子生扣脆肉風鱔皇用一個大煲熱住，好似啫啫煲咁，一開蓋就渣渣聲 ，配料超多，臘肉，唐芹，大蒜，馬蹄，香蔥，蒜頭，冬菇，最重要梗係鱔啦，鱔肉彈牙脆身，肥美飽滿，超好食，重要係份量都唔少，記住小心細骨🤤🤤巧手千島大蝦球蝦頭厚身大嚿，酥炸得嚟好彈牙，配合埋千島醬，非常惹味吸引，佢仲有少少生果係千島醬入面，好好食魚湯腐竹浸勝瓜勝瓜好新鮮，去皮灼熟放喺魚湯入面，配上杞子，蘿蔔絲，腐竹，美味非常，魚湯沒有味精，食完都唔覺得口乾👍👍