風車

营业中

休息中

平安夜book左此餐廳， 以為西班牙菜唔會點差， 點知大失所望。1）龍蝦汁炒大蝦意粉 2分。❌️差上枱個賣相已經好差， 像快餐店樣。龍蝦汁太少又 唔夠濃 意粉又唔掛汁 是太忙或交貨水準是這樣？？2）意式白酒煮蜆 。4分 普通只有蒜蓉味， 幾香， 份量一般 3）德國鹹豬手. . 4.5分整得有啲韌， 完全唔夠諗。只能靠個醬， 酸酸甜甜配豬手才ok . 總評。找數$6xx, 唔抵。食物質素好一般。 完全唔覺有西班牙風味。價錢中高價， 食物好低質素。食完一次， 中伏，冇下次。

係風車餐廳用餐的體驗令人愉悅，菜單上的龍蝦汁大蝦意粉和煙肉芝士牛肉漢堡都是值得一試的美味佳餚。首先，龍蝦汁大蝦意粉令人讚不絕口。意粉的口感柔韌，與新鮮的蝦仁搭配，散發出海洋的鮮香。龍蝦汁的醬汁濃郁，卻不會過於油膩，完美地包裹在意粉上，讓每一口都充滿了海鮮的鮮甜。搭配的蔬菜清爽可口，增添了多層次的口感，令道菜更加均衡。而煙肉芝士牛肉漢堡外皮酥脆，內裡的牛肉餡多汁，煙肉的鹹香與芝士夾合好濃郁，讓人一口接著一口。配菜上的生菜和番茄。薯條則金黃酥脆。而咖啡更加不用多說，香濃美味。整體黎講，風車餐廳的這兩道菜品不僅色香味俱全，還展現了主廚對於食材的用心與創意。無論是和朋友聚餐或是家庭聚會，這裡都是一個令人愉快的用餐選擇，相信下次還會再來品嚐其他美味。

今次去咗大圍呢間西式餐廳，餐廳內部以橙色黑色作為主色，有種幾高級，但溫馨嘅感覺🌆，仲有得睇踢波球其實幾適合要返杯酒精飲料，坐低慢慢嘆🙃。今次叫咗個二人餐 (💰$433)～凱撒沙律～凱撒沙律整得幾好味，蔬菜非常新鮮，配上香脆嘅麵包粒同濃郁嘅特製凱撒沙律醬，非常滋味😚。芝士嘅份量亦剛剛好，唔會過多亦唔會過少。呢到沙律雖然簡單但味道豐富，非常適合作為前菜，令人胃口大開😛｜👅: 4/5～酥皮龍蝦湯～再嚟講下酥皮龍蝦湯，呢個湯值得一試。酥皮焗得非常酥脆，直落仲有蛋香，同龍蝦湯嘅鮮味好夾😊。調味又唔會太鹹，如果再焗多幾十秒酥皮應該更脆更正。｜👅: 4.5/5～忌廉薯仔湯配蒜蓉包～忌廉薯仔湯嘅口感非常滑，薯仔嘅香味突出，明明係飲緊湯，但係有薯蓉嘅香味🤣😋。配埋蒜香味十足嘅蒜蓉包，真係一個黃金組咁👍🏻。｜👅: 4.3/5～龍蝦汁炒大蝦意粉～意粉炒得啱啱好，啲龍蝦汁索晒入去意粉到，令每一啖都充滿鮮味，再加埋菇去炒，鮮上加鮮👍🏻。另外大蝦🍤都煮得非常嫩滑。建議加蒜蓉炒應該會更香｜👅: 4.6/5～西班牙乳豬～西班牙乳豬係我今日嘅最愛！乳豬皮焗得非常脆，肉質嫩滑爆汁，我諗緊呢個係咪招牌菜呢🤭。配上特製嘅醬汁

假日隨便散步，路過一間甚接地氣的西餐廳，座位尚算寛敞，我們一行2人加上bb，餐廳職員亦安排好座位。午餐種類繁多，有pizza、意粉、美式包⋯最後揀咗💁🏻‍♀️🔻明太子松葉蟹柳意粉HKD98蟹柳大條得嚟又好甜哦，個汁幾好，條條意粉斬索到🔻龍蝦汁炒大蝦意粉HKD98意粉好大碟，標準港式意粉，大蝦爽口彈牙，伴有沙律菜👉🏻兩個意粉都加咗$8配蘑菇湯連飲品👉🏻加咗$38 要雞翼兩個大人都食到好飽，夜晚果餐都唔使食😅😂整體嚟講都係一間食得舒服又可以傾到計嘅餐廳😚

大圍是我比較少去的一區只是不想在大商場吃飯在附近走走，看到有漢堡包就走進去這家餐廳進內才知道似是有點歷史的酒吧餐廳一盞大大的水晶吊燈牆上不少珍藏美酒夜晚如何熱鬧我不知道咁啦午市來說算是偏寧靜的感覺可以慢慢吃可以閒聊一下價錢來說算是一般午餐價位$60～$80左右煙三文魚沙律三大片煙三文魚沙律佐以微甜的黑醋汁巴馬火腿沙律也是三片，我覺得蠻有誠意的煙肉牛肉漢堡配薯條牛肉我相信是餐廳自家製的牛味不俗，調味恰到好處感覺上沒添加太多豬肉因為吃下是很少脂肪，口感就沒那麼軟當然如果太多豬肉牛味就不會如此重除了牛肉，還有煙肉蕃茄等巨型漢堡有誰不喜歡呢🤭喇沙凡立貝炒意粉沒想到有五隻凡立貝之多喇沙味有的，但沒太香意粉炒得乾身，整體合格有餘午餐包餐茶一杯熱咖啡和熱奶茶水準可以接受整體來這，食物份量大是優點味道合格QR code下單還好的，我會給餐廳一個讚

想食下酒吧既小食,係附近行左陣就黎左叫做風車既酒吧。呢期佢做緊promo,豬手加啤酒個價係吸引既,但我唔食酒就冇叫啦!叫左一串大大串既魷魚,有孜然粉,味道唔錯!蟹餅都足料,裡面有蟹膏同蟹肉,仲有少少沙律做伴菜添。鵝肝蘋果多士真心正,蘋果好解膩,鵝肝入口即融咁,同多士永遠都係咁夾。叫左杯iced mint tea,比較清新。另一杯係lime soda,佢加左lime cordial,冇加糖水,都係好refreshing.

呢排天氣都好好今日去咗大圍行下大圍多野食就出曬名啦行到肚餓就見到呢間餐廳見menu食物選擇都好多Spaghetti,burger, steak都有未試過就入去試下***明太子松葉蟹柳意大利粉$98***份量十足煮好味的意大利粉絕對不容易好多時係香港的西餐廳只會食到煮過龍的意大利粉，一係太冧、d意大利粉條條都煮到發脹左，一係就煮得太短時間，味道生生地咁不過呢間餐廳將d意大利粉煮到剛剛好意大利粉可以掛到醬汁啖啖都可以食到d明太子🤗👍Lunch set配有一杯飲品當然就揀我至愛嘅凍奶茶附上menu其他的選擇Lunch hour都好快坐滿不過餐廳地點可能有少少難搵如果由大圍地鐵站行過去我估大概行10分鐘

原來大圍都有間西餐小店，見附近嘅都試過，就去試吓啦！入到去見到裡面有棧吊燈，風格幾懷舊，啲位都闊落嘅，就坐低左Lunch原來都好多選擇，真係要揀一陣先揀到佢有burger，意粉，仲有pizza，全部仲要跟嘢飲，有啲仲全日供應最後揀咗burger同意粉流心藍芝士牛肉漢堡 - 芝士味都出嘅，牛肉都唔會好肥，都唔錯呀，個茄汁仲係自己調教過嘅，比平時酸少少，都喇沙帆立貝意粉 - 喇沙味好出，香得黎又幾夾，唔會覺得辣，所以唔食辣嘅人都食得！仲加左個小食，街頭魷魚串-都唔錯喎，入味又香口，好腍，一啲都唔韌跟餐叫左水果茶-怕甜嘅我都覺得佢甜度適中，都幾好！不過因為今日食lunch試唔到佢個個西班牙脆皮乳豬，下次晚市再過黎試下

這段時間，外出飲食多由閨蜜作主，不知閨蜜從哪處得知此餐廳。餐廳是兼具酒吧的格局的食肆，內部佈置舊式，餐枱比較細小，但接待的職員態度友善。凱撒沙律的材料非常有限，沙律菜倒是新鮮爽脆。蒜蓉包比南瓜湯味美，南瓜湯比較稀薄，顏色也相對淡，南瓜並非貴價材料，湯煮得濃厚點會為整頓餐食加分不少。意大利粉的龍蝦汁也是比較稀薄，鹹味倒是足夠的，整碟意粉有4隻蝦和一些雞脾菇塊，算是合理。肉類主食可選安格斯肉眼扒或西班牙乳豬，選乳豬要加$20，乳豬的份量足夠，皮也烤得薄脆且不剩多少脂肪。一向喜歡鬼佬油條，有此甜品，的確驚喜。套餐包一般咖啡或茶。

以前喺大圍返學，都唔知原來大圍有一間有格調嘅高質西餐廳～餐廳係酒吧式嘅格局！而且坐得舒適！.龍蝦汁炒大蝦意粉醬汁充滿龍蝦香味香中帶鮮每一條意粉都均勻地沾滿醬汁大蝦鮮味十足 肉質彈牙.海鮮薄餅薄餅熱辣辣以酥脆嘅厚身餅皮做底，蕃茄醬作為基底配搭海鮮+濃郁嘅芝士.水牛城雞翼 （4隻）醬汁酸酸辣辣的 辣度偏向微辣就算不能吃辣嘅朋友都可以一試雞翼即叫即炸，而且不會炸得過乾非常香口 雞肉嫩滑.香草燒春雞必試！！肉質勁Juicy，雞皮非常香口咬落去啖啖肉簡直食唔停口

朋友之前在大圍工作，有吃過這間餐廳，覺得唔錯，今日聚會再次來訪！位置：在大圍地鐵站A出口行過來大概8分鐘路程，基本上直行到尾轉右行一小段路就到環境：午餐時間人不算多，有大電視睇，吊燈都幾有氣氛，座位都坐得舒服，餐廳職員十分友善和有禮餐牌：lunch set全部都係幾十蚊包茶/咖啡/果茶，就連假期都有，比隔離大商場價錢平好多食物：我和朋友分別點了香草大網菇漢堡和香煎龍脷魚配檸檬牛油汁飯。另外用優惠追加餐湯，田園沙律和煙三文魚。追加可以不止追加一項，都好抵！$8沙律都幾大份，而煙三文魚（$48）都有沙律在底，沙律搭配黑醋汁，酸酸地開胃。煙三文魚都大大塊，有兩大塊$8是日餐湯：南瓜湯。飲落去唔會太稀或太稠，啱啱好！香草大網菇漢堡（$75）菇夠大同Juicy，菇味好香，芝士拉到絲。薯條係M記升級好味版，個人都鍾意食呢款著條香煎龍脷魚配檸檬牛油汁飯（$74）朋友話牛油汁好香同濃味，檸檬汁味道相對無咁明顯，喜歡牛油嘅會好啱，魚肉都大片同煎得香果茶：跟餐果茶好香！茶味不澀，配上酸酸的水果味好夾，勁有驚喜！餐廳價錢合理，職員友善，同朋友聚會都好適合！

親友住大圍，乘機發掘小店🤣這家環境不錯，沙發座椅很舒服，適合慢慢食慢慢聊天食物方面不過不失～ ✿ 明太子松葉蟹柳意粉 $98醬汁分量和濃稠度剛好，包裹每一條意粉😋明太子味微微辣，有些雞髀菇在內，整體算抵食 ✿ 海鮮薄餅 $88分量不大，鬆軟麵包類型，沒有烤焦的邊緣，長輩喜歡😂芝士茄醬分量適中，海鮮就雜錦海鮮的那種🤣 ✿ 紐西蘭羊扒 $248重點是薯餅🤤 芝士味濃，綿綿的，外面微脆，很好吃!羊扒肉質柔軟，本身調味足，不沾醬已經好吃伴菜沙律已加醋調味若多加一件羊架性價比更高 🍴加一服務費：✔️

去完圍方睇完戲，梗係要去大圍搵吓有咩好嘢食啦，今次就捐窿捐罅，搵咗間風車嘅西餐廳！一入到去，好大個電視，諗起呢個一定係睇波嘅好地方！飲住酒同朋友傾住偈chill下，一定幾有feel！而我今日同老公就過嚟食個晚餐！叫咗個德國鹹豬手！份量都唔少！兩個人食都幾夠！啖啖肉好正！之後我哋仲叫咗個大蝦意粉！調味都還好，如果可以濃啲更加好！配料都幾充足！跟住我哋仲叫咗個阿拉斯蟹餅，賣相一般，但係味道還好！比較普通！最後我哋叫咗個nacho！脆片脆卜卜，幾好食！一個醬就比較辣，一個就係忌廉味！叫埋酒嚟食一定好送酒！跟住唔夠喉，我哋仲叫咗個蟮串燒！即叫即燒，外皮脆卜卜，幾香口！呢度唯一唔好就係地理位置比較偏，距離圍方都要行10分鐘左右先到！所以要嚟搵嘢食就要花少少腳骨力啦！

「風車」在大圍屹立多年，雖不在大街大巷，卻能留住一班捧場客，當然是靠實力啦！食物質素高之餘，價錢亦合理，招呼殷勤，這些都是重要因素。今日和朋友來試試抵食二人套餐🥂 二人套餐 $368《凱撒沙律加煙三文魚》加$48新鮮的蔬菜配上煙燻三文魚，口感清爽宜人。《酥皮龍蝦湯》加$30酥皮可以混入湯內，也可以分開食，濃郁鮮美的龍蝦湯內有龍蝦肉粒，令人回味無窮。磨菇湯都一樣滑不溜口。《西班牙乳豬》加$20乳豬外皮酥脆，肉質竟入口即化，鮮嫩多汁，搭配特製的乳豬醬和辣醬，更添層次感。《喇沙帆立貝意粉》Q彈的意粉配上肥美鮮甜的帆立貝，還有杏鮑菇，份量足夠，回味無窮。甜品《Churros 西班牙油炸鬼》Churros的外型優雅，金黃色的酥脆外皮上，灑滿白糖。絕對美味。果茶都包在套餐內，凍熱都不用加錢

Vivian又肚餓，又要食少少野，呢間嘅乳豬，炸薯條，燒魷魚，同churros好美味😚😚仲有2人套餐咁多野食都係$368🤑Menu👉🏻👉🏻煙三文魚（2人套餐+$48）煙三文魚，夠煙燻味，嫩滑又煙韌酥皮龍蝦湯 （2人套餐+$30/位）酥皮脆卜卜，龍蝦湯夠香濃，係碗邊d酥皮外脆內煙韌😋西班牙乳豬（2人套餐+$20）乳豬皮薄得黎超～脆，肉又嫩，超級推薦👍🏻好好味，仲有d薯條，炸得啱啱好，唔乾，外脆內軟龍蝦汁炒大蝦意粉大蝦爽脆，意粉充滿龍蝦汁香味churros好好味，外脆內軟，好想食多幾個荔枝梳打（+$15）& 果茶2杯都好飲，尤其是荔枝梳打，荔枝味香得黎唔假另外叫左2樣小食：水牛城雞翼（4隻）$58雞翼炸得夠脆，個醬微微酸辣好惹味街頭串魷魚（2串）$68超推薦，完全唔韌，夠軟又爽脆，好滋味