食力點心·雞煲專門店 (已結業)

尖沙咀是經常會到來的地方，今日亦不例外，在辦事前，先來一個午餐，吃飽後再做事。在尋找餐廳時，發現這間食力點心火鍋，是一間日間食點心，晚上食火鍋的店子，而且是還在日間，於是食個點心午餐。先來一個山竹牛肉，喼汁另上，一籠有三個。牛肉內有葱花，亦有少許馬蹄，是正常的傳統點心。當蘸上喼汁，就可以吃到酸微微的味道，牛肉的柔糯軟腍，都是幾好食的一個點心。點來叉燒腸粉，是其中常吃的點心，吃這點心時總會覺得腸粉外層柔滑，這一碟也不例外，但是卻略厚身，而饀料叉燒，則是粒粒形狀，且又具有煙靱口感。叉燒包亦是常點點心，一籠有三個，當中叉燒亦與叉燒腸同出一徹，故與腸粉內的叉燒味覺一致。而當中的蠔油，混和叉燒，亦有古時的味道。再點來潮州粉果，上桌時粉果皮都幾薄的，可看到內裡的饀料。食粉果時，多種食材在口腔裡，滋味無窮，當中有花生、馬蹄和肉碎等，口感豐富。去飲茶食番一盅兩件，都是幾嘆的。

朋友聚會，朋友Y話想食平啲，左諗右諗，無乜計仔，唔知食乜好，朋友E話有朋友介紹呢間又食點心，又有雞煲任食嘅餐廳，一個人都只係＄200左右，一於要試吓！佢有分香辣雞煲，有大中小辣，唔食辣嘅我哋就揀咗椰子雞煲，不過椰子雞煲係每人貴＄10本身諗住一個人都只係＄178 ,仲係任食，應該冇乜好嘢，分分鐘可能會中伏，但點心一出，一放落口之後，即刻對佢改觀點心有蝦餃，潮州粉果，仲有一款疑似鮮蝦菜苗餃嘅點心，三款都好好食，尤其是黑狗，入面足兩隻蝦之餘個蝦仲好爽口，係勁爽口先啱呀！之後就到椰子雞煲上陣，好香嘅椰子味，我哋諗佢應該係加左椰奶或者椰漿，入邊有椰子肉，粟米同埋細細件嘅雞件，細細件就最啱我，唔會食到呢咁hea食咗一陣，就到火鍋配料出場，有兩大盤野，一盤係蔬菜拼盤，另一盤係丸類肉類同埋海鮮類，其實食晒佢呢啲野已經好飽本身我哋以為點心都可以任食，但係原來點心同雞煲都冇得任食，唯一可以任食嘅就只係火鍋配料，任飲汽水，啲點心咁出色但係冇得任食，有少少失望添！＄200一個人咁嘅質素，已經算好唔錯

係網上睇到介紹呢間雞煲，好似抵食夾大件，就6個人book定今晚8點試新菜啦！落樓梯已經聞到好香雞煲味，但有得聞無得食，因為舖頭好多人，偏偏我地又遲左少少，book左都未有咁執到檯，好彩d伙記都好好招呼，等左一陣就有位。唔洗好似有d walk in 客咁有排等野食新鮮又足料，點心雖然包埋，但絕不馬虎，而雞煲雞件十足，又唔多碎骨，好入味，仲有一個火鍋料盤附上，料盤材料好新鮮，唔似任食級數，係略嫌多左少少，最後好飽有少少食唔晒唔係咁好意思，做左大嘥鬼P.S.好近地鐵站出口，唔洗行好遠就有得食！

對於上班族黎講，lunch hour一個鐘時間絕對係唔夠用，特別係尖沙咀呢個旅遊區，遊客多行人多打工仔又多，要搵野食根本好難，平時都係求其一餐食飽就算。但偏偏我地team有個為食同事，有次佢發現呢間新開既餐廳有點心食，就話不如搵日試下，我地訂左檯電話落埋order,黎到唔洗等就有得食，慳返好多時間！雖然餐廳都有做午市套餐，但見好多檯都食點心，我地都一於試下，我地過左兩籠燒賣，一蝦腸，一芋容包，一叉燒包，一蛋散，一菜餃，同仲有幾樣甜點，樣樣都同外邊茶樓一樣水準，幾好質素！食完仲有時間淨可以hea下再返工，好開心會再幫襯！

是日放假同屋企人過海捉精靈。捉到攰要搵地方醫肚，本來諗住食「牛一」，點知行去「牛一」果條街有間雞煲，咁就改變咗我哋今晚既決定。價錢合理味道唔錯地點方便I will be back

聽說尖沙咀地鐵站一出有間新開雞煲好抵食咁方便就跟埋朋友去試試一開始就有點心拼盤 , 酒樓質素超好味再黎食雞煲~~~好香好野味食完都好滿足!點知職員問上我地火鍋配料未我心想我地沒叫......原料包埋!先畀一籃配料嘩~配料拼盤好美牙D料好正好新鮮唔夠滿足仲有無限添加都食到好飽~仲有甜品埋單我以為好貴, 心諗坐底幾舊水走唔甩點知都係$158加一直二百蚊有找尖沙咀咁價錢咁質素真係唔知係邊到搵

尖沙咀多野食，雖然各國菜色都有，但就唔多中式野食，想食點心就難上加難，今晚幾個女仔同事放工，經過見到呢間舖，餐廳名雖然就怪怪地，不過夜晚晚附近又無點心食，就一齊試下～當時已經夜晚10點幾，但仲有唔少客食雞煲，雖然好香但同事唔舒服，都係食返點心啦，我地叫左蝦餃粉果野菌餃珍珠雞同兩碟菜，味道同賣相都好唔錯，比一d出左名但賣夾唔飽既點心店更加好味同足料，餐廳好似開到幾夜，可以俾我地慢慢一邊傾計一邊食野，下次會再幫襯

夜晚尖沙咀間間食肆都full晒，我同幾個同事放左工，唔知食咩行行下之際，經過看到呢間新開餐廳，見天氣涼涼地，就落去試下雞煲。個陣夜晚8點，舖入面都坐得幾滿，員工推介我地食158每位既任飲任食雞煲，咁我地就叫左個中辣雞煲試試。同事話想食點心，呢個時候侍應好好人，佢提醒我地叫雞煲會送埋點心，食唔晒盞浪費，真係好好人！點心黎到，有蝦餃菜餃糯米卷，開頭抱任免費送既小食水準實一般的心態，點知真係幾好食，比附近貴夾唔飽既點心舖/茶樓水準好好多，第日有時間，同同事lunch都會幫襯下！雞煲來到，一聞已經好香，雞入味又新鮮，亦無碎骨好多肉，美中不足係仲唔夠辣，可以再辣d haha! 食完雞煲開始邊爐，火鍋材料好新鮮，水餃、魚滑都明顯係親手包，咁既價錢真係好抵，埋單個陣老闆仲好好咁送上甜品擂沙湯圓，好好味，今餐食完我地都覺得好抵，但就有排減肥啦哈哈，btw真係好值得再幫襯！但唯一美中不足既，係無啤酒飲，同廁所有d污糟，希望下次黎可以改善啦

今約左阿媽細佬黎呢到食任飲任食雞煲 都係158 加一一坐低就送個點心拼盤，啲皮勁薄跟住就到主菜雞煲👍🏻今次試小辣勁足料食完個雞煲已經好飽然後加上湯就可以打邊爐啦首先會上個雜錦拼盤樣樣齊食完就可以再加再encoure 最後仲有甜品食，不過太飽唔想浪費無食lu真係唔錯下次再食過

24/10同幾位好姊妹去食雞煲打邊爐慶祝生日，姊妹朋友介紹咗這間（食力），諗住平平哋試吓啦，點知發現都唔差，又有點心送，個雞煲我們ORDER咗中辣，我唔太食得辣都食到，我反而覺得好入味，好香同多雞件，食完雞煲後佢會上火煱料，眼看佢有鱔片，心想真係抵食啦！

路過尖沙咀心血來潮想吃雞煲，所以來到了這餐廳。店位於尖沙咀彌敦道ISQUARE旁，不難找。比較像吃精緻中菜的小店，座位也比較舒服，沒那麼擠擁。我們點了中辣雞煲。雞煲來之前，店家先送上一籠點心做餐前小食，點心拍得住酒樓水準，認真一流！食完點心無幾耐，雞煲就到。一打開蓋，裡面的配料很多，大量洋蔥、紫洋蔥和青椒等等，不過需要花點時間煮一煮才腍。先吃一件雞，湯汁是很濃味，加入大量香料，辣度和麻度都很野味，不得不佩服老闆調較湯底的用心。雞件不但多，而且也很滑，非常香口。雞完全入晒味, 雖然係麻辣, 但沒有想像中咁辣, 易入口, 係食完之後有少少麻的感覺.食完雞之後, 個煲唔好浪費! 用番佢留下的麻辣汁, 加番上湯上去, 火鍋先至正式開始! 而火鍋的材料就跟你上湯開始, 一碟碟送來。其他食材好新鮮, 有肥牛, 豚肉, 手打魚滑, 鯇魚片, 烏冬等..... 而有幾樣野真係值得推介, 首先係手切肥牛,呢度既肉好有牛肉味,並無一般雪味, 又好有口感,第二樣係手打魚滑, 真係好彈食, 味道亦調得好好!鯇魚片亦都非常新鮮爽口！去到埋單, 都只係$696，除開四個人, 每人都只係$170左右,相當抵食! 

之前朋友話任飲任食都係 $160仲要係喺尖沙咀！星期六我諗住平平地嚟試試呢度有點心、雞煲同打邊爐，好多花款有樣嘢唔好就係佢會上個點心拼盤，先再上雞煲雞煲完打邊爐又會上咗指定一 set 料比你至有得自己 tick 配料（見圖）嗰 set 嘢其實乜都有：手打丸、魚皮餃、安格斯牛肉、鯇魚片等等大路嘢變咗細食嘅可能食完呢啲都飽但係以上嘢食都係好食嘅，連點心都整得幾好手打丸好彈牙、牛肉好濃郁、魚係鮮甜嘅食完都仲有中式甜品老細同啲阿姐都好好招呼見佢星期六都無乜客，都唔知夠唔夠交租所以我決定將開飯第一個食評獻比佢

尖沙咀好多餐廳都食過晒，今日行到I square 個一帶搵新野食，見到呢間餐廳新開，天氣涼涼地岩晒食雞煲，就入左去啦！食雞煲前，老闆先送一籠點心，出手好闊綽！雖然點心免費，但絕不馬虎，件件皮薄涵靚！雞煲上檯，不出十分鐘已聞到麻辣香，除了雞件及辣料外，其他配料如芫茜、洋蔥及蔥段都下得不少，難怪是香味十足。雞件本身滑，因為在「重料」滾煮之下不太吃得到是否鮮雞，不過也是鮮度十足的。幾辣，有點麻，非常入味。加上野飲任飲，唔洗怕辣！食完雞，就開始打邊爐，材料雖然唔算多選擇，但好新鮮，食到飽飽好滿足！好抵食會再回頭幫襯！

先食點心，再仼食雞煲象啤仼飲，值回票價佢一黎到先食個點心，再食雞煲，再加水打邊爐，用料無得輸，安格斯牛肉，有海鮮雞煲野味比起旺x果啲放野仼食，好好多！又抵食，一七幾連埋加一！唯一要講就係裝修可以再好啲

姊姊公司樓下開了新的食店，她與老闆試過幾次後，極力推介。今天終於約好了，要會它一會！先來泰國Chang beer 解解渴，再食點心拼盤，一人兩粒作為前菜剛剛好。新鮮點心蒸出來有點燙嘴，正所謂夠「熱」就乜都好食！然後上雞煲，因為其他人不嗜辣，於是點了小辣。香料配菜在滾燙的煲下，散發陣陣濃香，吱吱作響。吃著吃著吃出點麻辣味兒來，一下功夫邊KO 了整煲雞。接著清湯火鍋，一整盤排列有致的拼盤已經令人垂涎欲滴，肥美的牛肉佐以冰涼啤酒，快哉！worth visiting!