食道樂

营业中

休息中

遠在九龍灣海傍的太平洋貿易中心，原來也有隱世的工廈小店。這家食道樂是由韓國人主理，侍應（老闆娘？）跟他的對話也是用韓語呢環境：沒什麼就是細，但也十分整齊企理食物：任吃的前菜有理所當然的泡菜，小辣小酸。生菜有點像路邊小店的蠔油唐生菜，跟冷吃的爽口薯仔。辣炒年糕 大辣超級辣！那種由舌頭辣到心脾的感覺很有趣，但又非常甜，就好像韓國非常有名的三養辣雞麵一樣，辣得來很甜，嗜甜者必吃！內含韓式圓筒形年糕，另加魚糕跟半顆蛋，素煎餅 用洋蒽等東西調味的偏甜煎餅意外地鬆軟，加以餡料的爽脆非常有趣牛肉湯牛肉也是同樣甜跟肥美，口感鬆軟，偏甜的湯底同樣很有韓國菜特色服務：勤力而有禮值得一讚

以前老公响附近返工，知道這座大廈有餐廳，於是他帶我來食一個韓式家常菜。一入到餐廳，佈置是簡單不花巧，周圍放置了一些 figures。先來有 3 小碟前菜，泡菜都相當辣。蔬菜拌飯拌飯除了有紫菜、紅蘿蔔... 中間仲有隻太陽蛋。拌完之後再加少少辣醬，而醬只是少少辣吊味，十分香。海鮮嫩豆腐湯 (配白飯)個湯非常熱，飲落清清地。我把一半飯倒入湯中，食到暖笠笠。宮廷牛肉炒年糕牛肉味道濃郁，而且煮得腍身，食到停唔到口。一邊吃牛肉，一邊吃剩下的半碗飯，惹味得一粒飯都無剩。

九龍灣食道樂位於觀塘海賓最盡頭，可以收工過黎吹住風放鬆下個人，先再上黎工廈慢慢享用下韓國美食慰勞下自己。店面裝潢簡單，放住好多韓式傳統人像公仔，應該係店內兩個Oppa自己帶番黎，幾特別。石鍋烤牛肉粉絲湯湯底出奇的有陣陣甜味，湯底又有種煮牛肉嘅洋蔥韓式醬汁。鐘意佢係用薄烤牛肉，比較適合用黎餸飯。煎餃子有d去到炸嘅程度，外脆內又滲出肉汁，係韮菜豬肉餡黎！辣炒年糕年糕同平時有唔同，係幼身圓年糕，第一下口感似蒟蒻，之後又有番應有咬口感。唔知係咪低澱粉質個種呢？又唔痴牙咖喎。Oppa們空閒時就會坐出黎傾計，聽唔明但聽到韓文又代入d韓味咁～

原來係九龍灣工廠區隱藏左一間由韓國人主理既韓國菜小店，價錢亦唔貴🌟石鍋拌飯 $78熱辣辣既石鍋拌飯可以選擇牛、豬或雞，另外裏面仲有菠菜、豆芽、紅蘿蔔條同紫菜～食果時可以按自己食到既辣度加入韓式辣醬拌勻🥄，本身個飯味道有啲肉汁係裏面，所以食落會甜甜地。加埋辣醬味道幾香😆中間仲會食到啲卜卜脆既飯焦。佢一個石鍋飯份量都幾多，2個人Share都ok🌟海鮮煎餅🦐🐙 $108煎餅分為四份，裏面加左彈牙既魷魚粒、紅蘿蔔條、韮菜等，煎到外層好香脆，附上左洋蔥醬汁，味道酸酸地，點一點味道層次會更豐富。

呢期都好耐冇食過韓國野，呢日咁岩去九龍灣睇傢俬就發現原來以前係紅磡食過既食道樂原來九龍灣都有分店，就同朋友黎試吓！咁呢間餐廳係工廠大廈入面，原來都好隱世吓，可能專做熟客生意🤣咁一入黎都幾韓feel，店員識韓文，廚師仲係正宗韓國人，令人幾期待佢既手勢🤣咁呢日就唔太肚餓，就叫咗個泡菜炒飯，好正宗既韓式泡菜炒飯，味道非常好，少少spicy，隻蛋煮到岩岩好好高質！另外仲試左個牛骨湯拉麵，啲牛肉好香好濃牛味，十分唔錯

今日等朋友放工一齊去食飯，大家都好想食韓國菜，見到附近有間韓國餐廳——食道樂，見到嗰menu好吸引，於是就去咗食🤤石鍋拌飯 (牛) ($78)- 石鍋拌飯超級好食，上枱仲係滋滋聲，熱辣辣，聞落香噴噴- 配料好豐富，有紅蘿蔔絲、紫菜、瓜絲、芽菜，口感層次超豐富- 拌飯醬甜甜辣辣，撈埋啲飯一齊食好惹味食道樂牛排骨湯 (配白飯) ($88)-排骨湯好足料，排骨大大舊，啖啖肉，食到好滿足- 牛排骨湯好清甜，好正LA排骨 ($168)- 一上枱已經香氣撲鼻，超級誘人- 排骨肉質鮮嫩，牛味好濃郁- 配料都好好味，有洋蔥同金針菇，同牛肉好夾整體食物質素都非常好， 小菜都好好味，CP值又夠高，內部環境擺設都好有心思，好colourful，坐得都幾舒服，值得再encore😍

聽講九龍灣工業區有正宗韓國oppa主理韓食店今晚拉埋朋友食個early dinner隔板做足，空間寬闊環境好家庭feel餐前小菜：泡菜夠味，酸辣度剛剛好魚糕有濃濃麻油味，很開胃薯仔絲好軟糯牛肉大醬湯 $78配白飯牛肉都切成小塊，容易入口湯頭濃郁大醬味配菜都不少，有齊金針菇、豆腐、脆玉瓜烤五花肉 $148新鮮即烤，肥肉油香濃郁肥瘦分層比例明顯，望到已經流曬口水～配上底下墊的洋蔥，比較解膩仲有辣醬，更香辣可口

🥒前菜：好味指數：👍🏻👍🏻👍🏻👍🏻生菜口感爽脆，醬汁偏咸，送飯食唔錯。薯仔帶少少咸，有少少脆口。泡菜唔會太辣，所以唔太食得辣嘅朋友仔都可以食到🥘海鮮嫩豆腐湯（$78）好味指數：👍🏻👍🏻👍🏻👍🏻入面有金菇、翠肉瓜、洋蔥、蛋、豆腐、魷魚同青口。魷魚同埋青口都好新鮮，魷魚彈牙，唔會煮到硬晒。而翠肉瓜就吸收哂湯汁嘅鮮味，正呀。另外，豆腐嫩滑，再加上有蛋花係入面，口豐富。洋蔥唔係煲到好淋，但好神奇地係冇咩辣味，只係食到洋蔥嘅甜。飯個方面就都重本咁用珍珠米，咬口一流。🥩烤牛肉（$88）好味指數：👍🏻👍🏻👍🏻👍🏻👍🏻一般係其他鋪頭嘅烤牛肉會落左好多芡汁去煮，令到整體口感變差。但廚師煮完出泥，係見到好多肉汁，調味係香甜又夠濃，配飯食就最正。配料方面有翠肉瓜同紅蘿蔔，兩樣都吸收哂肉汁，好味😋🍹飲品呢間店係任飲嘅茶，如果食完濃味嘅餐點，飲茶非常解膩。🪑裝修裝修比較甜美韓風。適合1-4人聚餐。以下係餐牌俾大家參考一下：

牛頭角工業區嘅打工仔們有口福了😋聽聞附近有oppa駐場嘅韓國🇰🇷餐廳🍴！我今晚放工特登去拜會一下😍真係有oppa架！😍😍😍oppa有少少怕醜默默地為我地下廚，真係好期待佢煮嘅野食😋操一口流利韓語嘅姐姐問我地食唔食得辣好sweet sweet💜雖然餐廳位置係工廈入面，但係佢好適合呢區嘅大家！因為前菜同飯都可以refill，餸菜撈飯一流！所以點解話呢區嘅打工仔有福👍🏻👍🏻因爲真係平！靚！正！👦🏻食飽飽有力氣開工！👧🏻可以睇oppa一大享受🤗🍴先黎3碟前菜：kimchi, 薯仔🥔,生菜🥬薯仔同生菜都唔辣；kimchi辣味適中🌶好開心佢可以refill，又好好撈飯🍚🍽鐵板燒牛肉/$138牛肉好嫩呀😋唔捨得咁快食哂！一啖肉一啖飯🍚超正💜💜💜🍽石鍋烤牛肉粉絲/$88🐂牛肉湯好甜，撈飯食好正！仲有粉絲、金菇、翠肉瓜🥒索哂d湯，真係食到幾碗飯架！

約左九龍灣返工既朋友仔食lunch，帶左我去一間喺工廈入面既韓國餐廳，平時自己絕對唔會搵到去呢度食野🤣餐廳由oppa主理，一路食野一路聽到佢同店員姐姐既韓文對話，好似去左韓國咁🤣🤣韓式小碟泡菜、生菜、茄子🍆蘿蔔絲最鍾意茄子，好入味🐷石鍋拌飯 （辣炒豬肉 ）$78揀左辣炒豬肉，材料豐富，一上枱聽到滋滋聲，等到滋滋聲冇晒再撈勻佢，食到飯焦🥰🥬生菜包飯餐（烤牛肉）$88牛肉、洋蔥、蘿蔔絲同個汁味道好夾，點埋辣醬、配埋生菜，味道一流😋營養均衡😆餐廳仲做外賣添！朋友喺呢頭返工好幸福呀🥰

食道樂 (九龍灣)同屋企人去左九龍灣海濱行下係openrice見到間幾近既韓國餐廳就上左去試試！韓式小碟泡菜，大豆芽、土豆絲、同埋茄子蘿蔔絲非常惹味人蔘雞湯拉面人蔘雞份量超大,雞又飽滿好好味醃製雞肉十分香而且夠嫩唔會過老, 雞肉入晒味韓式魚糕串聽講係新菜色魚糕串都幾好味非常近似阿珠媽煮的味道韓國既oppa真真正正係韓國人主理既餐廳,感覺好似去左韓國咁.
午市時間好座無虛席, 聽講返工嘅人都好鍾意捧場終於都可以食到正宗既韓國野

見comment幾好就特登去試，都幾偏僻下去到靜到有d唔自在，得我地一枱客辣海鮮豆腐湯 配飯幾清甜，不過唔辣，同平時食開嘅同類型小店嘅價錢差唔多，不過材料就偏少。牛肉大醬湯 配飯偏咸試左一啖就覺得飲5落去雖然價錢算合理，但相比1 d 同類型嘅小店，份量偏少。

食過幾次呢間韓國餐廳，價錢唔貴又好食，深得我男友歡心。.🦑海鮮嫩豆腐湯 $78配料有豆腐、魷魚、蜆肉、洋蔥、半熟雞蛋。豆腐湯帶有海鮮同洋蔥嘅鮮甜，飲落一啲都唔單調。.🥬蔬菜拌飯 $68色彩繽紛，賣相吸引。各式蔬菜清甜可口，配上韓式辣醬，撈埋相當美味。香脆嘅煎蛋係好好嘅點綴。.🍳鐵板烤牛肉 $138甜甜嘅醬汁配上蔬菜或肉類都好夾。牛肉質地嫩滑，仲索晒醬汁，餸飯一流。.整體嚟講，呢餐味道好，營養又均衡，食完好滿足🥰。.🇰🇷食道樂九龍灣啟興道2號太平洋貿易中心5樓28號舖

隱藏於工廈既出色韓國餐廳真係要大大力咁推薦比大家去試試雖然地段比較偏僻 係介乎牛頭角與九龍灣中間既工廠大廈內 但好食既餐廳 都真係需要發掘更多哩間食道樂有分店既 另一個係紅磡今日於觀塘收工 行下海濱 吹下海風 與友人相聚一翻餐廳既裝修簡約 大廚真係韓國人 店員要用韓文同大廚溝通 前菜 有茄子 泡菜 土豆絲 魚糕 （前菜任添）睇得出係自家製 唔係購入之後叫左韓國代表菜色： 煎餅 五花肉 石頭鍋飯泡菜煎餅方面熱辣辣上碟咬到佢嘅脆口 比喺其他嘅韓國店 預先製好嘅泡菜餅來講 真係超級新鮮而且辣 程度偏向香港人口味應該係為咗香港人而調低咗個辣嘅程度非常之出色嘅韓式辣椒醬煎五花肉係我食過咁多嘅五花肉來講係最好味辣椒醬佢用咗甜味較濃嘅一款 再配上煎香嘅五花肉真係一流 重點係上枱嘅時候 仲係聽到五花肉喺鐵板上被煎既「吱吱」聲 真係好想研究一下點樣先可以煎到咁好食嘅五花肉要配多兩三白飯先得！海鮮嫩豆腐湯 都好出色湯料非常之多 豆腐香滑湯濃配上一碗白飯 完美非常之推介大家一定要去試一試比起你入去尖沙咀韓國街嘅餐廳來講更好味

今日我哋去咗觀塘一間叫做食道樂嘅韓國料理餐廳食晚飯，呢度嘅大廚係正宗韓國人，而朋友最鍾意就係食正宗韓國菜！一入到餐廳，覺得餐廳好有家嘅感覺，坐低冇耐，職員就送上餐牌同埋前菜俾我哋，因我睇餐牌有好多野都好想試，但我哋得兩個人所以只係叫咗一份煎餃子$68、石鍋拌飯（牛） $78、石鍋烤牛肉粉絲$88煎餃子非常香口，而且外脆內軟，餡料亦非常多，而且仲有一個秘製餃子醬汁，nice~~石鍋拌飯亦都係韓國傳統菜式之一，所以我哋都決定試吓，因為朋友唔識得好辣，所以初頭都有啲擔心辣嘅問題，但佢呢度個辣將唔算好辣，亦都可以自己決定落幾多醬汁，自己落手拌飯！最後亦都係我哋食到停唔到口嘅吼牛肉粉絲，佢個醬汁係甜醬油，牛肉同埋粉絲吸盡醬汁嘅精華，加落去白飯度，真係一個白飯都唔夠！