饗一品 (天瑞商場)

营业中

休息中

最近試咗一間日本餐廳，真係好有驚喜！天水圍公共屋村商場內抵食又高質嘅日式料理，餐廳主打價廉物美，刺身同壽司新鮮厚切，口感一流，唔會因為平價而偷工減料，份量都幾足夠，食得好滿足。壽司新鮮，厚切又入口即溶，壽司選擇多，魚生鮮甜，壽司飯粒粒分明，連反卷同熟食如金龍卷，牛油果卷都做得出色，天婦羅炸得香脆唔油膩，日式薯仔沙律好滑溜，薯仔壓成蓉，混埋蛋，紅蘿蔔同醬汁，口感豐富又清新，完全食得出師傅對食材嘅講究。

連續2次被外賣APP退單，咁我迷系外賣APP打去餐廳，佢右上角有個通話📞，但點知接聽嘅人話打錯。Fine,我系OpenRice 打去啦，又無人聽喎，呢間餐廳誠信比我感覺唔多好。

衛生差！有個女人帶手套，拎紙巾，抹地下的水手都無洗，無換手套，拎d 野食過來見到都想嘔即刻唔敢食！今次第3次黎，唔會有下次！絕對無下次！絕對無下次！絕對無下次！我知間間都係咁，但你而家比我見到！

開張嗰時食過一次，嘢食勁慢 服務又麻麻地 嘢食水準都麻麻地~ 過咗兩三個月屋企人話食多次，點知有驚喜 拉麵湯冇以前咁鹹 服務都好咗尤其深刻印象女經理 👩‍💼 好有禮貌 同每個客人都會打招呼 我有串牛舌食完吐返出來 因為咬唔開，係筋位 經理行枱個陣留意到就即刻幫補我返一串 我係完全冇提出 純粹係佢自己行過枱面留意到 呢一件事10分加分不過對比起以前的小豆食物相對款式較少 希望下次有驚喜 都希望佢哋維持返應有水準 希望屋企樓下都有間好食嘅日本🇯🇵餐廳

星期六晚上6點50分，成間舖2/3都吉位，一個人諗住坐埋邊，又要叫你坐到迫巴士，你話爆場就明，大把位！冇得自己揀位坐最後走人，唔食！星期六都咁靜，之前見過老細客人又唔識招呼，下面啲人點會識，都唔知以前小豆島嘅地位

最近我一個人去咗一間火鍋店，心情好期待，想好好享受一頓火鍋。點完之後，食物上桌，我先發現原來基本嘅火鍋豉油同辣椒醬都冇！我真係有啲驚訝😅，因為火鍋通常都要有呢啲調味品，唔係咁樣食就冇咗火鍋的精華。如果你係鍾意清淡口味嘅人，可能會覺得呢度啱你，但對於我嚟講，實在太淡啦。食火鍋其實就係想要享受湯底同各種配料嘅味道，而冇咗豉油同辣椒，就好似少咗啲咩。至於壽司同刺身，質素都正常，但食火鍋嘅時候淨係有刺身豉油，真係九唔搭八，完全唔合適。如果鍾意清淡嘅食物，呢間店可能會適合，但鍾意食火鍋嘅人，就真係唔建議黎呢間。

同屋企人去食晏，嗌佐烏冬餃子同照燒雞扒飯，飯偏硬，餃子炸得有啲過火都係好硬，不過都叫做正常食飽。問題出現在收銀，我地係攞住QR code張紙去買單，咁收銀係電腦度睇幾多咪俾幾錢咯，負責收銀嘅果位男職員先係講得好快，好細聲同埋好含糊嘅講「1xx」，我「幾錢？」，男職員「142」，我俾佐錢後就話要埋張收據，因為我記憶中手機落單時唔係咁多錢，唔通要加一？點知個男職員開始扮聾扮傻「哈？咩來嘅？」wtf先生你認真嗎，我再重複一次要收據，佢就print返張單俾我同埋一張十蚊紙。再睇返張收據寫到明「132」。所以係靠咁樣賺錢嘅？都係建議大家記得買單時要返張單來望下啦

見新開張了一段日子 終於去試下選擇不多 價錢亦不算便宜Order 了魚生定食 壽司烏冬定食壽司飯 偏酸 和飯偏爛天婦羅 竟然有炸竽頭 😰硬到咬唔到 炸南瓜亦偏硬D 待應態度亦不友善咁既價錢 咁既服務 應該唔會幫襯

之前見新開張，諗住幫襯吓本地食肆，外賣左一個大既蟹子沙律，點知好似拳頭咁細，咁就盛惠$50，除咗份量細之外，入邊淨係得青瓜同蟹子，仲要等成半個鐘先有，俾錢嘅時候仲要不停收咗堂食埋單俾錢嘅人，不知所謂，不會再幫襯！

有一次見到呢間餐廳新開張，想試一試呢間啲日式料理。餐廳環境都算唔錯，內裡有一角係壽司料理枱，我同朋友等左一個枱就有位。但餐廳侍應反應一般，其他枱的客人都會奉上一杯熱水/熱茶，唔知侍應係咪唔記得，偏偏我地張枱無茶水，熱茶要好耐叫到侍應之後先施施然拎過黎，臉口都麻麻地。個菜單都算多食物選擇，黎得日本餐廳當然要試下刺身丼和壽喜燒啦~佢地係用QR code落單的，都算有效率。我地叫左兩個套餐有附送熱飲的，凍飲和麵豉湯要加3元，其他凍飲和沙冰更加貴，如果夠預算先好嗌。首先黎左杯凍飲先，我朋友明明嗌左杯少冰的凍檸茶，一飲到底先知，哇啲冰多到呢~2/3杯都係冰。講好的少冰呢?咁如果唔嗌少冰啲冰咪多到瀉出黎?結果得半杯係可以飲既。熱奶茶就好少少都幾有茶味。牛肉壽喜鍋配飯個賣相唔錯，但啲牛肉有啲肥，而且嚡熠熠有好多渣，啲肥牛應該都一般貨色。壽喜鍋啲娃娃菜懷疑仲未熟的，咬落去都有啲硬。豆腐都係帶有啲酸味，湯唔熱的，唯一可以放入口是配角既葛粉。角切雜錦魚生飯味道都算唔錯，壽司飯調味都OK。但係啲油甘魚用料好似唔太新鮮，色澤有啲暗啞，而且有好多筋腱位都有好多渣，刺身種類都算多。反而個麻醬烏冬有驚喜，口感都幾煙

因WiFi 問題未能成功掃QR code落單 詢問員工幫手 成功收穫一個黑面以及鄙視 在堂食期間 曾聽到隔籬枱因為食物足足半個鐘頭未到 所以便向經理詢問 結果最後答覆原來已早已缺貨 但卻並冇通知客人毫無抱歉態度 與此同時在埋單的時候 直接說只收八達通現金 就要求你即刻付款 之後黑面走人 整個服務態度非常差 值得一提 其實食物質素亦都不算高 從味道 外觀 湯底 甚至小食 魚生方面全部都不高質 叫榴槤炸彈炸穿了照上 三文魚片偏薄 拉麵湯底太淡 凍飲叫少冰等於冇

睇完戲就係附近搵間餐廳食飯，見呢個位置之前都係做日本料理，再試一試咩質素。1930去到鋪頭，眼見鋪入面起碼有6-7張檯係吉，咪拎飛係門口等，等左一陣都無職員嗌飛，電視但又顯示0人等位，咪行入去問職員2人有冇位，有位著黑色衫個叔就話：拎左飛未？等叫啦。OK FINE,行出門口唔夠1分鐘就有位眼見話到事既男人問係咪2位？果一刻已經想轉場坐低掃QR CODE 落單，叫左個蟹籽沙律/魚生飯/和風牛肉飯便當/劍魚腩壽司/吞拿魚壽司食物方面：1.蟹籽沙律正常，蟹籽+蟹柳絲偏少。2.魚生飯都係正常發揮，無咩特別，但醋飯偏酸。3.和風牛肉飯，牛肉份量多，但好可惜，d 牛肉柴到唔想食。4.壽司：魚生同飯個比例完全唔夾，舊飯太大舊，壽司飯太爛。食完個總結，唔會食第二次。

進入餐廳的第一句話，原本就坐後職員準備遞水，經理說，學生不用給他水，什麼意思？學生不是客人嗎？食物差便算，服務態度更差。職員互相推搪，在今時今日的香港，這樣的服務態度怎樣經營，過分，實在太過分了。如果是這樣的話，下次便貼告示說，不歡迎學生，過分！原本滿懷歡喜地去進餐，一整天的心情被它破壞了。

今日同朋友慶祝生日，由於今日是平日，明天又要返工，壽星不願意離開天水圍區，故決定去天瑞商場試業中的日式餐廳慶生，順便試試食品質素。晚上6點半要在餐廳門口排隊輪候一陣，但都不用等太耐。入去見餐廳坐位寬敞，相信一家大小加BB車入餐廳都冇難度，環境舒適，沒有壓迫感。嘩！入坐已聞到隔離枱有人食石鍋飯，香氣十足。打開餐牌見食物款式多樣化。雖然試業，但侍應服務水平都很好，出餐都十分快速。我們點了刺身拼盤，薯仔沙律，餃子，壽司和手卷，拉麵及串燒。刺身新鮮，串燒好食，地獄拉麵不算太辣，薯仔沙律賣相一流，唔知仲以為食緊雪糕。最後，我們個個食得飽飽，非常滿足開心。

開左新鋪, 屈左男朋友黎陪我試食, 發現門口位可以度高 好好玩入面衛生環境同氣氛都做得唔錯, 勁有親切感！！feel到店鋪既用心我試左佢地既天婦羅, 彩虹便當同溫泉蛋照燒雞扒飯天婦羅炸得岩岩好, 便當既刺身非常新鮮, 溫泉蛋加上香脆既雞扒簡直係絕配！下次會再黎幫襯