飯團君

营业中

休息中

係旺中見到呢間新店，充滿台式風味。飯團個底大部分都係有青瓜絲+肉鬆+油條脆脆，因為係即叫即做，可以見到製作過程，店員用紫菜包住熱辣辣紫米、餡料、美乃滋，勁足料。同埋個紫菜特別香。黑椒雞扒 有青瓜絲＋肉鬆+油條脆脆，個黑椒雞扒好入味，雞扒厚切成條，保留住雞扒既口感，啖啖都有肉，超滿足。麻辣肉碎 有青瓜絲 ＋肉鬆+蛋絲+油條脆脆，個麻辣肉碎勁惹味，同埋其他饀料食好夾，令人一啖接一啖，鐘意食辣既必試。會再encore。奶蓋開心果豆乳 最近大熱既開心果，見到呢個口味嘅豆乳即刻就加埋。奶蓋夠咸，開心果加埋豆乳味道平衡，入口順滑。

旺中新開張嘅呢間小店主打飯團，一向好鐘意食飯團嘅我梗係想試下啦😍🌟黑椒雞扒 $38呢款個人覺得係呢三款飯團中最好食😍🤤特別係加左黑椒汁雞扒，味道有D似板燒雞腿包嘅味，配埋青瓜絲、肉鬆、油脆脆脆，真係滋味十足😬🌟爆漿芝士 $38呢款芝士味道會比較濃郁，除左芝士仲有青瓜絲、蛋絲、肉鬆同油條脆脆，鐘意芝士嘅必試🤤🌟原味玉子 $33呢款味道比較清新D,有醃蘿蔔、青瓜絲 、肉鬆、蛋絲，食落唔會太油膩，加上用左紅米飯，覺得比較健康☺️

今日我哋小組活動係掃街🍢，大家約咗喺旺角中心等📍。.由於掃街嘅小食通常唔係特別健康🍟，再加上我今日又生痱滋🥲，原本對食嘢有啲擔心。.好在我哋喺新之城一樓發現咗一間新開嘅飯團店🍙！.佢哋嘅飯團有肉有菜🥩🥒，仲有豆腐，健康又飽肚，終於有適合我嘅選擇啦！🙌.呢間店係即叫即整嘅新鮮飯團🔥，取出嚟又熱又香，見到流晒口水🤤，甚至連我朋友都忍唔住想試！.最後我哋每人買咗一個飯團，分開食一半交換試味👭，真係超級滿足！✨. 🥤 飲品小分享：佢哋嘅豆漿完全冇加糖❌，但配上鹹鹹嘅奶蓋，口感特別厚實，味道非常不錯！

想念台式飯團早餐❣️香港唔太多地方有呢款即包紫米飯糰咁啱行開旺中見到有 即刻買兩個返屋企同老豆一人一個真正即叫即做 連豬扒同雞扒都係即炸💕因為偷聽到店員問老闆要幾耐先熟😂點咗👉🏻炸芝士豬扒 及 👉🏻黑椒雞扒兩者都有青瓜絲 +肉鬆+油條脆脆紫米飯好煙靭 夾埋爆多配料食好惹味 食唔停口想再豐富啲仲可以加埋腸仔而且最愛層仲有一層紫菜 更加惹味仲可以優惠價加配飲品添～👉🏻奶蓋開心果豆乳一睇到個漸層就有興奮嘅感覺奶蓋比較輕怡 飲落感覺冇負擔又唔會蓋過開心果味👉🏻黑芝麻豆乳黑芝麻味好濃郁 飲落夠晒香口兩款飲唔都飲到有濃郁嘅豆香味 而且微甜 唔會膩

旺中新開嘅🍙飯團店！即叫即做，睇住師傅加入海量嘅飯團料🤩。🌟招牌鹹蛋黃 $38🌟黑椒雞扒 $38🌟炸芝士豬扒 $42激推鹹蛋黃！佢香嘅程度比起肉飯團毫不遜色。風味經鹹蛋黃油滲去其他飯團料，超級無敵惹味😛。芝士本身灑上去嗰陣仲係芝士碎（整pizza嗰種），但加埋炸豬扒再捲起就即刻溶晒😍。如果唔係即刻食一定要輕輕加熱，半流質芝士+炸豬排真係好邪惡。最後嘅黑椒雞扒一樣冇失望。冇人拒絕到多汁嘅雞扒😇。同埋黑椒汁配油條脆脆真係好正🥰。