飯意冰室 (已結業)

荔枝角最近開左好多新餐廳，呢間冰室裝潢好似好得咁，成功引誘我入去食 。午餐選擇其實都唔少，每款都好有特色，我自己鍾意食粉麵，所以都係無叫午餐。雞翼蝦湯麵 $46我選擇左雞翼蝦湯麵，個湯面d 麵條比想像中好食同彈牙，由於有一定嘅厚度，所以飽肚感同口感都有提升 。細細碗嘅面黎講佢算係好多料，變左唔會好快得番d 麵食唔到落去，我覺得佢個豆卜好食一咬有好多汁，不過整體黎講可以唔使咁咸。豬頸肉蝦湯麵$46呢個同上面除左主菜換左之外,其他一模一樣,不過視覺上同份量上都好似雞翼好D,而且豬頸肉好似硬左少少,亦都偏油.但撇除呢樣野,其他配料係好食的佢d 午餐有附送小沙律 我覺得係貼心嘅位，不過等餐時間同服務速度都未達要求，大家可能要畀d 耐性，而有個常餐竟然係無包，呢點令我百思不得其解。

今日同陳生去D2 place 行街，順面黎食lunch估五到有驚喜下午一點，客源非常多，要等位。午餐選擇多menu圖中既食物相片都好吸精。最後我要左個B餐，肉眼牛扒鐵板飯，52元。牛扒不錯，好淋身，無根，而且份量實足飯粒五係普通平時餐廳米，大大粒，似日本米個d我鍾意個口感！呢個餐包餐湯，正常無特別。 陳生要左個全日早餐A5!好豐富！而且用木碟上，好靚靚我只係試左個蛋，好滑！陳生話其他食物都ok個set配鮮奶一枝！好健康

知道現在香港做餐廳的很難請員工，但今日眼見很多枱等了很久都沒有職員去落單，落單後，一個基本麵餐要等20-30分鐘，導致顧客懷疑職員有否落單？！‘慢’ 真係一間茶餐廳的致命傷。

一早來到，簡單食個雞扒雞扒煎蛋出前一丁，點知個麵一到，啲湯係白色，麵條已經有點發脹，我攪拌一下，確認真係無味粉喺底，再同職員要求換另一碗，佢就話唔記得俾味粉，宜家去攞返，大約2分鐘後終於攞到嚟，麵條又再膨脹不少，要再混合味粉，真係有啲難度⋯⋯結果我只食到半碗，亦都確認呢碗係食過最差嘅一碗出前一丁。另外，雞扒亦都非常乾，為我帶嚟一個好差嘅早晨。咁簡單嘅嘢，都唔可以好好地做。其他嘢食，我都不會再嘗試了。。

上次講過因為長沙灣工廠區人流多，所以好快又會有新勢力加入，今日假期要返工，但都去呢區再試新嘢。（重點貪佢今日比平日少人）今次呢間地點相當方便，係最多食肆的大廈的地舖，地鐵站一出過馬路就到。食物價格都十分正路，50蚊左右尚可接受。睇睇餐牌先點左一份午餐，一份廚師推介，兩份都有餐湯餐飲，算叫做full set啦呢個係是日餐湯，菠菜忌廉湯，湯夠稠身，唔會水流流太稀午餐黑椒牛魔王焗飯，都係黑椒汁加芝士焗，焗完飯底唔會太乾，個汁好香但唔會太辣。最加分係d餸，唔係只用牛柳條就叫牛魔王，入面竟然有手心大的牛脷，果下真係好想大叫食物除左味道吸我引外，擺盤都唔錯，唔似茶記gum樣，有d日式風味的擺法。跟餐仲有個小小沙律附送，做到均衡飲食。另一個係紅酒燴牛尾，紅酒汁個人覺得可以再有進步，始終唔算太香。牛尾就好味，可能本身都好喜歡食牛尾，所以點都好好食。跟餐叫左意粉，意粉佢地係上蕃茄意，少少甜，易入口。比起白灼意粉好好多最後講講裝修，店內以全木式風格，牆，枱，餐具型做出日式的風格。

工廠區中的餐廳一向都是以快和簡單為主,最近在億利地下卻新開了一間頗為不同的餐廳,每次經過, 門口都大排長龍.是日經過剛巧只有幾個人在等位,就決定要試試啦~拿飛後等了大約六七分鐘就有位,店內新裝修, 以木紋為主又光猛,而且食物種類也很多, 價錢也尚算經濟和同事各點了兩個午餐:A 餐 - 迷選香燒汁扒牛脷野菌蛋蓋飯 ($50)會配上芝麻醬沙律, 牛脷是厚切, 但很淋,飯的份量很多, 再加上炒蛋, 很豐富呢~性價高很高~B 餐 - 香草茄蓉烤豬扒鐵板飯 ($52)賣相很吸引, 鐵板來到時熱辣辣的,而且有兩塊豬扒, 飯的份量也很多,酸酸的開胃又好味~白湯 - 不過不失, 內有粟米及菇環境真的很不錯, 座位又闊落,食物賣相全部都很吸引, 絕對會再ENCORE~

星期5係公司早餐時間~~ 今日揀左黎呢間飯意冰室前身係大家樂黎既, 之後執左變飯意飯意聽同事講仲係其他地方有分店TIM我叫左個F 餐, 係茄底牛肉米製通粉, 配蔥炒蛋個米製通粉係第一次食, 外表好似粉仔咁架, 比普通通粉長少少不過煮得未夠熟,有D 硬硬地湯底可以濃少少啊, 牛肉薯仔呢D 料都好足既,最出色係個蔥炒蛋, 仲有蛋汁係上面架!!食左一碗都夠飽, 下次可以試下佢其他野

早幾日約咗個friend去荔枝角食lunch，見到一間裝修懷舊風嘅冰室，但發現啲嘢食都幾前衛，一啲都唔懷舊再望下個價錢又唔算貴喎，兩個餐都好好味，尤其係煙三文魚意粉，令我覺得意外嘅，係杯珍珠奶茶，估唔到茶餐廳嘅珍珠奶茶都可以咁好飲。唯一挑剔嘅就係個羅宋湯辣咗啲，忌廉湯反而唔錯，好足料！整體來講,打工仔值得一試!

這間餐廳昨天才開張，我今日就做白老鼠去幫襯😁我最鍾意同老公周圍嘗試新食物，新餐廳, 新地方😁地方非常闊落顧客座位只是坐滿了一半，所以我不用等位👍🏻我叫了日式咖喱藍帶豬扒，豬扒炸到非常乾，有點兒失望🤦🏻‍♀️好彩懷舊蝦多士補返數，雖然比較多油， 但是炸到脆卜卜，十分之香口😋老公話他的海鮮蝦湯麵，非常淡未，好像沒有落鹽😂跟餐可配特濃薄荷朱古力，不用加錢, 好可惜薄荷味和朱古力味也不夠濃，如果可以再小d冰就更好了，餐廳只是開了第二天，希望能夠改進有更多進步的空間⚡️⚡️

同個朋友下午5點左右上去，就見到啲人係度玩game,食野，影相氣氛幾好！我地點了 5樣野食，同2杯還有飲品。一個是雜菌燴飯，香噴噴，啲菇菇同飯都好creamy!! Nice!!份量正常，加上有點其他野，2個人分，剛剛好！呢個炸燒賣先正！超多粒！真係會食唔哂！還有炸燒賣，脆卜卜，而且仲有好多粒～～食極都仲有還有蜜糖雞翼（6隻），香口惹味yummy~~雞串都不錯，燒汁惹味，肉質嫩滑還有這個蘑菇雞肉酥～推介推介，好鬆脆

早餐買左個沙嗲牛肉麵嘅餐，加一杯凍奶茶。明明已經冇咩人，都要等成差唔多15分鐘。個麵，蛋同多士都唔太難食。不過杯野飲就大問題，差唔多成40蚊，俾杯有乳酪味嘅凍奶茶我。

11點半黎到，無左早餐又唔想食飯，焗住叫湯麵，一睇餐牌，成46蚊一碗麵-雞翼蝦湯麵，貴到喊。咁就叫下睇下咩料，可以配得既咁既價錢。黎到，聞到香味似喇沙味，賣相都唔錯，一食。。。。。嘩 無味既！！立即令我對依間野既印象大大減分，麵又漲，平日好索味既豆卜，咬落去都可以係無味，湯底好似水一樣，連雞翼都無味，究竟有無"葉"到呀，點解可以咁呀！？最後真係完全唔想再食成個餐$46蚊有一碗湯麵加杯熱飲。依間野所係食裝修。