飲茶‧私房菜 (南豐大廈) (已結業)

有朋自遠方來💖我帶左佢去中上環食好過癮嘅點心😇去到發現都幾多外國人遊客，證明我無揀錯啦😎睇住流奶呢度必食嘅就係呢個奶皇包☺️造型非常可愛，拮佢個嘴仔仲可以嘔奶！麵包好鬆軟，奶黃味道非常香濃！櫻花蝦燒賣大大粒嘅燒賣，裏面包住豬肉同蝦，口感爽彈！燒賣表面仲鋪滿惹味、鹹香嘅櫻花蝦😋千島明蝦角呢隻炸蝦角表面炸到酥脆，裏面讓咗好多蝦仁！點埋千島醬一齊食，鮮味十足🤩雞絲拉皮充滿麻醬嘅雞絲粉皮，裏邊仲有好多青瓜絲！粉皮Q彈、青瓜絲清爽，味道好開胃❤️香烤蜜餞豚肉叉燒呢例叉燒比我想像中份量多！叉燒部位肥瘦適中，瘦嘅部位食落都唔會黐牙！仲有輕微嘅窿邊，每一件叉燒都沾滿叉燒醬同蜜糖🍯四川擔擔湯麵麻醬愛好者必食，麻醬味道香濃🤤仲有好多花生碎，而且麵條唔會煮到過腍🥰初嚐禁果（蘋果酥）呢客甜品造型得意，係煙靭嘅煎堆裏面包住滿滿玉桂味嘅蘋果餡！上面拮住百力滋，我超鍾意食呢個甜品呀！

🔹️位於中環南豐大廈 “Yum Cha” 以可愛公仔造型包點出名😍上兩次試過一籠八戒🐷 睇住流奶🧆鴿吞鳳梨🐣等等......🥢今次試吓二人套餐👭🔸️七彩茄子🔸️太子麻菜🔸️筍尖蝦餃🔸️鳳梨咕嚕🔸️咸魚雞粒炒飯🔸️亞毛燉湯🔸️原個椰皇燉雞湯套餐同樣出色😍特別是👍👍鳳梨咕嚕 ~ 菠蘿以切粒連皮上, 果肉粒粒鮮甜清香, 咕嚕肉以薄薄粉漿烹調, 肉質嫩滑, 味道酸酸甜甜好開胃😋亞毛燉湯 ~ 材料新鮮, 十分滋潤, 份量滿滿, 無味精👍

今日同細路仔過黎中環飲茶，因為知道呢間鋪頭嘅嘢食好得意😊我地叫左1️⃣鴿吞鳳梨💰49呢個係打卡必備，用左鳥籠做裝飾，困住裏面雀仔樣嘅鳳梨酥，味道普通，勝在可以影相。🤣2️⃣睇住流奶💰49呢個其實係奶皇包，不過個樣好趣緻，小朋友都好鍾意。要小心啲食，一打開，奶黃餡真係流晒出嚟，奶黃味濃郁。3️⃣雞絲粉皮💰49雞絲粉皮份量適中，落咗好多麻醬之後，好快清曬😍4️⃣乳鴿💰8乳鴿外脆內嫩，調味啱啱好，而且價錢相宜，可以一試😌消費價錢：2人💰205.7，人均💰103結論：（10分為滿分）味道：7/10性價比：8/10回頭指數：7/10餐廳名稱：飲茶·私房菜餐廳地址：中環德輔道中173號南豐大廈2樓1-2號舖

飲茶‧私房菜（南豐大廈）是確是一家出色的中環粵菜和廣東菜的餐廳🤪，尤其是它美味的點心。今天我們5人來用餐, 更用OPENRICE 訂了位, 很方便 ! 😝😝在童年時，可愛特色的點心總是讓人難以忘懷。這些食物不僅滿足了味蕾，還勾起了許多美好的回憶。每一款點心都充滿了童趣和創意，如蝴蝶酥、小豬包等。這些點心不僅呈現出精湛的工藝，更是飲茶獨特風格的體現。🤪回味這些可愛的點心，彷彿又回到了那段無憂無慮的童年時光🤗。流心奶黃包🥨這款點心是飲茶的經典之一，流心奶黃包的外皮香脆，輕薄可口，一口咬下，濃郁的奶黃餡料流出，給人愉悅的驚喜。奶黃的口感滑順，甜度適中，讓人回味無窮。豬豬叉燒包🍤這款叉燒包以其酥脆的外皮和嫩滑的叉燒餡料受到食客的喜愛。叉燒餡料的味道香濃，肉質鮮嫩多汁，配合蓬鬆的包皮，是一款經典的點心之選👍。蟹籽燒賣🍤這款燒賣以其特別的蟹籽餡料而獨具特色。燒賣皮薄餡多，蟹籽的添加讓餡料更加豐富美味。蒸熟後，蟹籽的鮮香與肉質的鮮嫩相輔相成，讓人驚喜不已😜😜😜。飲茶‧私房菜的確是一家精湛的廣東菜式受到了食客的喜愛。無論是流心奶黃包、豬豬叉燒包還是蟹籽燒賣，每一道菜品都散發著美食的誘人香氣。而那些童年

今日同朋友去咗中環呢一邊行街，跟住就決定喺附近搵啲好嘢食，咁啱大家傾完之後就話想飲茶，咁就直接上網睇吓究竟係邊一間好，上網睇完就決定試吓呢一間餐廳 午餐等候時間都好彩唔使，餐廳入邊人流都算多，下次黎之前會book位！比較推介，有蝦餃，有三大粒，每一粒都非常飽滿，而且熱辣辣嚟到嘅時候出晒煙，每一隻蝦到非常爽口彈牙每一隻蝦餃至少有四至五隻大蝦，CP值非常高！奶皇包亦都非常可愛，係一隻卡通，忍唔住攞電話即刻出嚟打卡，味道亦都非常一流，有機會再返嚟幫襯

早幾日想飲茶就同同事去咗“飲茶‧私房菜”▪️睇住流沙即係流心奶黃包，要襯熱食，包體軟熟，一搣開，餡料就流晒出嚟，要小心整污糟，食落好香蛋黃味，唔會太甜▪️鴿呑鳳梨即係鳳梨酥，用鳥籠裝住，好得意，不過味道就普通飲茶‧私房菜📍中環德輔道中173號南豐大廈2樓1-2號舖

－籠八戒豬仔包好好味選了2人套餐再加點心，套餐前菜茄子和皮蛋豆腐美味，🦐蝦角春卷沒有叫人失望，套餐選了燉湯感覺比較咸，如果可以清點會更好付款時用Openrice 電子支付，方便

今日喺上環攞完回鄉證就喺附近搵左呢間收openrice pay 嘅餐廳🤣 因為唔用就過期✨蝦餃 $59好普通🙈 唔推薦 🙈 餃皮有啲厚 蝦唔夠爽彈 有啲味精味🙈✨睇住流奶（3件） $49好得意😂 每個包都有對眼 幾打卡able 👍 食落都唔錯 奶皇幾流心😋😋 ✨避風塘茄子軟殼蝦 $138個避風塘都幾入味惹味😋 茄子外脆內軟好食👍 軟殼蝦有啲有膏都幾香 ✨優惠乳鴿 $8因為叫左上面嗰個餸就可以+$8食乳鴿 比較細隻 不過肉都嫩😋 味道唔錯嘅☕️茶水*2 $18總括黎講食物都ok 又可以打卡👍 最後仲有甜品送 但唔係幾好食🤣 服務有啲奇怪 我地講廣東話侍應就同我地講普通話🙈🙈味道❤️❤️❤️💔抵食❤️❤️❤️💔服務❤️❤️❤️環境❤️❤️❤️💔💰晚餐人均～$160(收+1)

食物質素正常，係個雀籠隻雀係幾得意，隻雀係鳳梨酥🐤，乳鴿$8隻都抵食既，係中上環區食，服務員阿姐們服務態度真麻麻，催催貢，啲野堆到滿都唔識移開其他碟先放新一碟，食食吓又走黎望下你食晒未，要收碟，得個幾枱😠整體黎講唔會想食第二次👎🏻

中上環嚟講同一般酒樓差唔多價錢地方乾淨企理，裝橫新穎試左點心同埋小菜，大部分味道都唔錯特別是奶黃包，佢嘅包皮做得好薄鬆鬆軟軟，奶黃餡甜度適中，可愛既外型當然都有加分，不過單講味道都係唔錯雀仔造型嘅其實係一個鳳梨酥，我開頭仲以為係白蘿蔔餡小菜份量都幾多，不過魷魚鬚就炸得乾d同埋炸皮有啲厚蝦角蝦餃都皮薄飽滿雖然佢環境好新穎，但系佢依然秉承傳統酒樓嘅缺點就係人齊嘅話係超級嘈😂是日飲茶最好食係： 奶黃包、蝦角

呢間酒樓雖然叫飲茶，但原來除咗點心外，小菜都好高質，喜出望外！午餐時段叫了4人餐，份量十足，食到好飽～口水雞肉質嫩滑，唔會好辣。雞絲粉皮嘅麻醬濃郁，雞絲份量都幾多。凍豆腐切得好薄，好考師傅刀功。椒鹽豆腐以薄薄炸粉，炸得鬆脆。牛仔骨酸酸甜甜，醃得入味，肉質軟嫩。乾炒牛河鑊氣十足，有多件厚厚嘅牛肉片，不過炒河略為多油。黎到呢度，當然要試可愛造型點心包！流沙包除咗賣相吸引，流沙餡亦非常香濃，包身軟熟，熱辣辣食好好味！

同同事一齊去食lunch,最後決定去飲茶，方便又可以多人食～去到都勁多人等，好彩有book，等咗陣就入去啦～點心好cute，外形取勝，款式新派又多選擇🔥味道都好食🤭豬豬叉燒包皮略嫌有啲厚，叉燒酥好好食！黑松露伊麵正，流沙包我覺得入面流沙可以濃啲～春卷超脆，入面魚香茄子🍆夠special~蝦腸🦐夠大粒同texture爽身，腸粉ok滑～粉果就普通啲，皮都有d厚~白桃烏龍茶香唔濃🍀整體ok會再去！

我去咗一間新派飲茶、吃點心嘅餐廳，佢嘅裝潢、餐具同擺盤真係高檔，食物賣相都十分精美，但味道就一般般啦，唔係好驚喜。不過，餐廳嘅環境好好，所以可以嚟打卡、談天啦。嗰日我試咗佢哋嘅紅粉蝦餃同蟹籽燒賣，當中紅粉蝦餃皮薄滑帶彈性，而蝦係新鮮嘅，好好味。蟹籽燒賣嘅外皮係綠色，好特別，而且味道都好彈牙。猫造型嘅奶皇包非常特別，好似係期間限定。仲有豬仔叉燒包都好得意🫶🏻佢哋嘅鴿吞鳳梨好可愛，造型係小鴿，加埋鳥籠做襯托，好吸睛。而且佢哋嘅鳳梨酥味道都幾唔錯，外皮酥微熱中帶鬆軟，而內餡鳳梨酸酸甜甜中帶軟，好好味。最後，我要特別推介椰皇老雞，裡面有響螺肉、雞同蜜棗等，入口椰香味加上燉雞湯非常清甜，好好味。但份量真係勁細，吃幾啖就食哂啦。茶方面都有幾款，其中白桃烏龍同玫瑰荔枝味道清新香甜，好好飲。如果你想嚟飲茶打卡，可以嚟呢間餐廳試下啦。

四年後.....再訪 ‘’中環飲菜Yum Cha‘’門面和師傅不同了, 點心賣相依然可愛😆白桃烏龍茶🍑 淡淡的桃味～玫瑰荔枝茶🌹 香醇荔枝味～鵨吞鳳梨🐣 鵨子造型鳳梨酥, 餡料暖暖的, 味道唔錯🥰一籠八戒🐷 豬仔造型义燒包, 好可愛😍睇住流奶🫓流心奶黃包, 一定要襯熱食😋太子麻菜🧆 以紫菜包着菠菜、蟹籽，有着菠菜的軟嫰和爽口的蟹籽, 口感好特別😜子母鳳眼餃🥟啖啖肉加上蟹籽Yummy🤗話梅山藥🧈准山上加話梅, 味道酸酸哋, 好開胃🤤雞絲粉皮🫔粉皮幼滑, 配合麻醬So good👍懷舊蝦多士🦐🧇吃不出蝦味, 略油膩🤭

塘宮小聚變奏版，服務及食物質素與當年嘅塘宮比較為次一級，未到唔好食，亦唔可以講好食，所有嘢都似係mass production。價錢都係一樣咁貴☺️除咗鳥籠鳳梨酥比較吸睛，其他都平平。雖然我多手多咀批評，但都全場爆滿，待應炒場炒到無停手。一家大細黎坐下飲茶係舒服嘅！但係個女瀨地喊扭計，就唔好企係我地枱面前用羞辱模式教細路，我哋唔想做觀眾公審囉🙃