餃子爺爺

营业中

休息中

第一次食，侍應已經好冇禮貌，黑口黑面！明明有位但係夾硬將d客搭枱坐，感覺好差咁啱有人走就轉坐入去卡位嘅時候，有隻曱甴跑出來，超級唔乾淨！一路爬去其他食客，侍應即刻捉住佢，當冇事發生，同我道歉都冇坐落去嘅時候feel到啲櫈油淋淋，枱面都係黐黐立立，杯嘢飲表面係層油嚟㗎，好明顯係洗得唔乾淨！即刻食唔落嘢，超級唔衛生，真係冇下次！食物方便中規中矩，唔算超驚艷，味道可以食得落不過衛生程度好有問題，連個麵入邊都有頭髮🤮🤮

服務態度惡劣，用厭煩的語氣解釋餐牌，會催促客人點餐，上菜用丟的，客戶體驗十分的難受餐飲有點特色，有不同的餃子選擇，不過性價比差過八方雲集，不會考慮第二次光臨這間餐廳

有冇搞錯呀, 大熱天時, 冷氣好弱...個鋪又對正馬路, 食晒死氣不特止, 仲要夏天冇冷氣, 咁我典解仲要比錢去幫親呀!見到員工都大汗疊細汗, 好慘!!!!!!!!!!!!抵佢多左几間餃子店係附近, 比我都去間有正常冷氣招待啦!

餃子爺爺📍九龍灣牛頭角道77號淘大商場1期地下G4-7號舖店舖裝修簡約為主，牆邊的一幅掛畫色彩繽紛。幫襯咗呢間餃子店有一段時間，試咗好多款唔同嘅餃子🥟， 個人特別推介木耳餃子。今日星期六都一樣有下午茶， 可以任選一款餃子5隻加三款小食連飲品 $43餃子🥟我選擇了我的至愛木耳鮮肉煎餃，餃子脹卜卜，餡料十足，煎餃有一層脆邊圍住餃子😋小食🍡方面我選擇了牛展(+$3)、麻辣手撕雞、豬耳。飲品🥤我點選了凍豆漿煎餃和湯餃價錢一樣，味道各有千秋，抵食👍🏻#香港 #美食 #小店 #餃子 #foodie

今天中午行過見到新開去試試，我們2人要搭枱，佢話對面就快食完。好啦，對面食完我叫老公坐番去對面，唔夠5分鐘又叫咗一個女人來坐叫老公坐番對面，但當時店舖其他位置是有位的，我問點解唔叫那女人坐第二度？個肥服務員話我個卡位係4人枱，咁我話你又有位又唔係冇位，點解迫人搭枱？？好明顯趕客啦！！！我叫了石斑湯麵和韮菜餃，但麵好淋非常唔好食，水餃一般，但咁嘅服務態度，以後都唔會再來了！！！其實我由叫餐至食完唔夠半小時，點解唔可以俾安樂飯我食？？

啲餃子係勁難食，啲餡料一pat野咁又冇味。湯餃：湯唔好飲，個魚湯係腥嘅。啲餃煮到爛晒。煎餃：煎到啲皮係唔脆嘅，都係唔好食。另外個Menu好多野都係冇嘅，新開咩都冇就唔好放入menu啦😅唔建議黎食呢間。

呢間野我由佢幾個月前啱啱開張食到宜家有五六次。 佢啱啱開張嘅時候睇得出啲店員全部都冇經驗，甚至連食客都仲識做過佢啲人。本身我都唔著重呢個問題，總之啲野食啱我就得。到左今日真係食出問題，我如常都係叫番我平時食開嘅煎"白菜木耳鮮肉餃"。我用住電話分心食完第一隻餃覺得個味道好似同我平時食嘅唔同。以為自己記錯，咁我就咬開第二隻check下個餡，發現根本都唔係我叫果款，完全無木耳。我同職員講，佢仲要同我喺度拗話係我叫果隻黎嘅，"啲木耳係好散"， 講完之後佢就走左。佢既然係咁嘅話，咁我都唯有繼續食。食多一兩隻我發現隻餃入面有帶子，明顯地完全唔係我叫嘅野，不過我都廢q事仲同佢拗。連最基本最基本嘅正確營運手法都做唔好，唔會再黎！

之前係觀塘食過一次餃子爺爺，都幾好食，但位置唔太方便，最近難得係淘大開左間分店，所以下晝同朋友就試一試。唔知係咪新開無耐，午餐都幾多人，排左陣隊。人手唔係好夠，客一多落單都要等一陣先落到。可以就咁揀餃子、雙併或者揀半煎半湯，仲有麵餐同飯，都幾多選擇。試左佢個套餐麵餐，可以加錢要多一份煎餃或者湯餃，仲包一杯飲品。午餐黎講好豐富又抵食。要左份四川擔擔麵，少少辣，味道都唔錯。麵餐加左份煎餃，成個午餐好豐富好飽

呢頭附近其實餐廳選擇真係好多下，星期一至日買外賣都唔會重複，懶起上嚟好多藉口唔煮飯。開咗一排嘅餃子爺爺，已經幫襯過幾次，晚市套餐大大份，有麵食有餃子又有嘢飲都係70蚊左右，講真麵食一般，餃子唔錯，套餐以份量取勝今晚揀咗白菜木耳豬肉煎餃+冬菇撈上海麵+汽水。餃子皮薄肉餡多，隻隻大大粒，小妹鍾意食煎餃多啲，餃子皮外表輕輕煎過，貪佢鎖住肉餡嘅肉汁，內裏Juicy啲食過幾次麵，都係偏淋身😬三隻冬菇大大隻，炆得都算入味

叫咗2份雙拼餃子，1份係芝士洋蔥鮮肉餃5隻+蕃茄蘑菇牛肉飯5隻轉煎，1份係京蔥牛肉餃5隻+帶子韭黃鮮肉餃5隻轉煎，跟住嚟咗1份芝士洋蔥鮮肉餃5隻+蕃茄蘑菇牛肉飯5隻，同1份芝士洋蔥鮮肉餃5隻+帶子韭黃鮮肉餃5隻。當時我同個男職員講餃子出錯，嗰位男職員就話會補返啱既，唔好意思。但係當另外一個女職員送返上嚟嘅時候，態度非常之差，首先明明係佢哋唔知邊部分出錯，但係，職員仲黑面話點解要送返5隻餃子，咁咁我咪回覆返佢，因為你哋上錯咗餃子，跟住嗰職員仲要聲大夾惡咁大聲講。同埋佢上錯咗既餃子，我地係無食到。其實食物質素係冇問題嘅，只係個別職員態度非常惡劣。同場加映，隔籬枱客人比我哋早到，比我哋早起碼五至10分鐘落咗單，我哋食到一半，佢嘅餐都未到，隔籬枱客人催餐催咗無數次，職員拖字訣，隔籬枱客人最後拍枱走人。環境衛生需要加強，有昆蟲飛來飛去。

叫咗兩set水餃，忘記咗叫職員走蔥，但係只係啱啱叫可唔可以即刻改？職員冷漠回覆出咗單就冇啦，其實只係啱啱叫都未做好，叫佢唔好落蔥咁簡單都話冇得改，咁樣嘅服務態度點會再嚟食。同佢講可唔可以出嘅時候唔好加落去，佢哋話唔得⋯⋯同佢講因為對蔥味敏感可唔可以唔落？連店主都走出嚟話冇得改，咁我真係唔知講咩好⋯⋯唯有下次不再幫襯。出嚟餃子又唔係想象咁好食。只係因為附近冇乜餃子店，所以先一試⋯⋯後悔😵‍💫😵‍💫

第一次寫食評，真係想出番口氣，店員服務態度極度差，比錢買難受。。。放工想好好地食個晚餐，張枱唔乾淨，想轉過另一張枱坐，即刻比個店員鬧，佢可以禮貌d阻止我，我就已經會坐番響完位，仲會講聲唔好意思，但我都未行到去另一張枱，個店員就即刻好激動咁話‘’唔可以坐！‘’，唔知仲以為自己係犯人。。。真係超級差體驗如果餐廳係以依種態度對客人，唔該請你響餐廳門口貼番張通告，咁可以避免d唔想比人鬧嘅客人進入。。。服務業可能係辛苦，但咁嘅態度真係難以接受

淘大開左新餃子舖幾好食，個人最鍾意韮菜湯餃但係要等好耐等左半個鐘都未有得食會再去既，五十蚊都好飽呀食到又有餐飲，有面又有水餃不過趕時間就真係唔好去希望遲d 做快手d la

正所謂 希望越大 失望越大， 好在冇抱著 好大希望去參與， 正如所料 質素不似預期， 我可以好肯定 我寧願返 屋企煮包 思念， 總算 都可以 挽回返少少希望。#餃子爺爺 起碼開咗幾個月 到而家都係咁混亂， 今次又第一次幫襯 亦好肯定係最後一次， 湯底冇乜特別， 餃子都冇乜特別 食完之後都唔覺得佢喺西洋菜餃， 完全係冇西洋菜味， 肉餡鞋颯颯 食到嘴都搲埋， 菜脯又係冇乜特別 死鹹死辣 不吃也吧， 價錢雖然唔貴 不過 整體嚟講都喺性價比低，再會了！

明知餃子濃都照上枱，放低就算。我同店員反應，店員一句，你搵經理。後來經理得閒，店員就在我旁邊大聲講，經理有人搵你。最後經理過來一睇，就知濃立刻換咗第二碟。證明有唔濃的餃子，咁點解有唔濃嘅唔俾客人，要搞咁多事