餃掂手工餃子雲吞專門店 (已結業)

是日晚餐同男朋友黎食餃子🥟龍鳳松茸雙煎餃 8隻 ，90幾蚊喱個真係有啲貴，可能因為有黑白松露醬，黑松露味都食到，白松露就吾係幾食到，試一次就算。芫荽豬肉煎餃雙拼元貝豬肉煎餃- 芫荽味香濃，煎得剛剛好，元貝豬肉餃都見到有唔少元貝絲，但元貝味吾算好出。韭菜豬肉湯餃雙拼粟米豬肉湯餃 - 試完煎嘅試埋湯，狀元九鼎湯幾好飲，好似老火湯甘。粟米豬肉餃味道普通，正常味，而韭菜餃重口味d,隻味幾出。另外叫左2杯飲品- 山楂雪梨同檸檬薏米$20@都ok最後2個人要$260埋單，餃子黎講有d貴

因為疫情嘅緣故 成日都要買外賣返去食 而家終於有得堂食啦食餃子梗係堂食先最好食啦 返到屋企食就好容易變林晒龍凰松茸餃+湯入邊有黑白松露 又多料餃子皮夠薄 食落好有質感配上狀元九鼎湯 簡直係Perfect呢個湯係完全零味精 真材實料一邊食餃子一邊飲湯 絕配！元貝豬肉餃 煎餃好似唔係好食到元貝只係食到豬肉餃子不過佢因為煎餃 所以都幾香 少少油香煎軟心芝士餃最鍾意就係食呢個！超鍾意食芝士呀 佢入邊係勁cheese 每一啖都好滋味不過如果一個人食晒就真係有少少漏要加番啲酸蘿蔔食咁就差唔多啦

✿╮❤╭✿✿雜感女生   好味日記✿˚*•✰。餃掂．好有水準的餃餃。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤食好野，太子有唔少店餃掂是其中一家中意食餃子的人不能錯過   這裡有任食的醃蘿蔔超好吃，好酸爽最適合夏天來吃蜂蜜檸檬意米水 + 豆漿不能不飲的意米水，微甜去濕又有益 我和朋友都中意食煎野脆口野芫茜豬肉餃 + 白菜豬肉餃 都唔錯芫茜好新鮮，豬肉又香又多汁，白菜夠鮮甜2款餃子都好好食 龍鳳松茸雙灼餃 跟湯果然好特別，好香的松茸味有獨特的吸引力，是令人一吃再吃的滋味 蜜餞雞翼是份味香甜的小食好好值得一試 小評：味道：★★★★☆環境：★★★★☆服務：★★★★☆衛生：★★★★☆

之前約朋友食飯，見到曾在上環吃過這間店，感覺不錯決定再戰。這間店的內部較為寬敞，坐起來感覺很舒服。叫了碟龍鳳蛋$32上邊分別有黑松露及白松露，兩種松露味道都很出。配著蛋味重的蛋吃感覺很有風味。蜂蜜檸檬薏米$20輕量酸甜，很開胃～且解渴。夏天喝一流～蜜餞雞翼$24汁很入味，帶點水果香甜，感覺與平日吃開的不同，味道挺別緻。叫了大滿貫素餃（10隻）$62+香煎軟心芝士餃$62都是叫煎的，皮煎得相當香脆，但又不會覺外皮厚身，裡面吃時還有水分，相當香口～素的清新，軟心芝士則惹味，都好吃。另外叫了龍鳳松茸雙𤆥餃$92有好香濃好喝的生魚湯，及配上兩松茸醬配水餃～連不愛點醬的朋友都讚賞不已，必點！

勁愛餃子既我，朋友推介呢間餃掂松茸餃子，咁啱又途經太子就外賣煎/烚松茸餃返家品嚐，朋友無介紹錯真係好好味，煎比較香口松茸菇味重又有肉汁，烚又有另番食法加點辣椒油更美味，下次會現在試下湯餃先👍🏼

雙拼湯餃(10隻大)  $63🍽晚餐~每隻餃子都超大隻，而且可以從櫥窗可以看到幾位姐姐努力準備餡料和包餃子的身影💪 🥟芫荽豬肉餃 身為芫荽控的我當然要叫芫荽餃🤤 芫荽味好香，不過我嫌未夠濃，芫荽味如果再濃一點會更好🤪 🥟雲耳椰菜豬肉餃 雲耳，椰菜和豬肉的比例剛剛好，豬肉的肉汁還保留在餃子裡面，添加了雲耳和椰菜，增加了咬口感，很好吃☺️ 不得不提的是，我超喜歡它的狀元九鼎湯!!!!! 由粉葛，順德活鯪魚，香山活鯽魚，紅蘿蔔，扁豆，赤小豆，新會陳皮，蜜棗，鮮排骨等熬製而成的湯，它味道清甜，滋潤腸胃，不是平常在其他餐廳喝的味精湯那麼鹹 而且喝完後還要不斷喝水 👍 另外還有酸蘿蔔可以隨你添加當小菜❤ 總結: 因為餐廳座位很少，所以繁忙時間可能要等一下，下次會再來嘗煎餃和松茸餃 🥟

今日一次過外賣試左松茸豬肉餃，粟米豬肉餃同埋芫茜豬肉餃。松茸豬肉餃：松茸味濃，喜歡菇重既就一定要試粟米豬肉餃：粟米爽口，啱晒小朋友食芫茜豬肉餃：都係芫茜豬肉餃最得我歡心，芫茜味特出，加上煎黎食特別香口，亞女居然都搶住食下次試埋佢既湯餃先！

呢間餃子🥟店，小妹已經食過🥢N次😸。就算有段時間無食，揸揸下車🚗，又心思思想過嚟食下😚。龍鳳松茸餃🥟🥟（8隻）（跟湯）$92心水推介嘅黑白松露，兩款我都like，叫雙拼，就最好不過。小妹覺得灼餃🥟，最食到入面本身嘅味道😋。狀元九鼎湯呢碗湯，真係唔講得笑。飲落嗰人好舒服😉。Feel 到絕無味精，唔會越飲越口渴。精明嘅我，梗係連埋龍鳳松茸餃一齊叫最抵🤑。因為一碗湯散叫，都要成$20架。壽喜燒牛肉🐂餃煎餃🥟（7隻） $56外脆內軟，雖然係煎，入面嘅牛肉🐂仲keep到Juicy😎。蜜餞雞翼🐔（5隻） $32雞翼炆到抆到好焾，又甜甜地，入哂味😸。上湯松茸時蔬🥬 $32新鮮菜🥬，加上靚上湯，食得更鮮甜。蜜蜂🐝檸檬🍋薏米水🥤 $20去水腫之選自家製山楂檸檬🍋水🥤 $20消滯之選新鮮酸蘿蔔（任食）甜甜酸酸，越食越好食😚， 最好係大大樽放係枱任食。🥢臨走都要買樽（$55）返屋企，慢慢歎😸。------------餃掂太子界限街30號地下

呢輪頻頻落雨，今日下晏雨勢終於減弱咗，可以約朋友出嚟行街食飯。真係好耐冇落過嚟旺角 Shopping，行到樂而忘返，又攰又餓，過咗嚟太子搵食。友人話要帶我去食餃子晚餐，原來早有目標，睇中咗界限街呢間被譽為「天下第一餃」嘅「餃掂手工餃子雲吞專門店」。餐廳有好多間分店，而太子呢間總店，位置便利，地方亦比區內其他餃子舖大，所以入到去都坐得好舒服。餐廳以售賣湯餃及煎餃為主，另外亦有粉麵、小食和自家製飲品等供應。我哋點咗兩款餃子，一灼、一煎，另外再加咗兩款小食同飲品。呢度嘅醃蘿蔔全部都係餐廳自家製，味道超正，酸、甜、爽、辣、脆兼而有之，美味絕倫，令人胃口大開。兩款小食率先送上，有黃金原味皮蛋 ($28) 同 上湯松茸時蔬 ($32)，皮蛋晶瑩剔透，蛋黃呈透亮嘅橘黃色，食落煙韌有彈性，配酸辣醋汁，相當惹味。時蔬水準亦不俗，菜心青翠嫩綠，入口新鮮爽甜，配上松茸同杞子，有營又健康。至尊松茸豬肉餃 ($120)  接著上桌，揀咗 Large，一客有 12 隻，配狀元九鼎湯一碗。狀元九鼎湯以 9 種食材，包括粉葛、扁豆、赤小豆、新會陳皮、蜜棗、鯪魚、活鯽魚、排骨及紅蘿蔔熬製而成。對提高免疫力，補氣活血，養

晚市堂食重開好開心興奮！即時約朋友去食餃掂~~~蜂蜜檸檬薏米水 $20: 夏天美白去濕好物，解渴消暑自家制山楂雪梨水 $20: 微酸的山楂幾開胃，雪梨又滋潤還有眼前的醃蘿蔔必食！雲耳椰菜豬肉餃 $43餃子大大隻，皮薄飽滿，咬開爆餡，肉的比例較多，配爽口的椰菜好有層次。湯餃是配狀元九鼎湯。至尊松茸豬肉餃 $86，松茸餃配有狀元九鼎湯，材料有粉葛、順德活鯪魚、香山活鯽魚、紅蘿蔔、扁豆、赤小豆、新會陳皮、蜜棗、鮮排骨等，好足料，味道鮮甜，滋潤，有提升免疫力、滋潤腸道、養顏保健等作用。餃掂的煎餃每次都好有水準金黃色好吸引咬開也是皮薄爆餡，豬肉包著珍貴的松茸，松茸質感脆嫩又帶柔韌，更會帶出豬肉的鮮甜味，另外煎餃也點了元貝豬肉餃，有元貝的加入確實鮮味無窮。小食點了蜜餞雞翼 $25，雞翼大隻飽滿，未咬開已感受到甜美的蜜汁，然後是滑嫩的雞肉。

今晚全部都係餃韭菜豬肉餃..餃子皮薄餡靚 韭菜幼細 韭菜好香味 沒有苦澀味 足料👍🏻成塊面一樣大既湯底係完全無味精但又飲到似好足料藥膳仲有少許膠質 房碗湯飲哂咁濟配上豬肉新鮮冇味精肥瘦適中 味道一絕👍🏻手工餃 龍鳳松茸雙煎餃 價錢係普通湯餃嘅一倍價 但係食落去十分之香口 即叫即煎 餃子🥟有新鮮整出嚟嘅感覺 松茸勁香一口接一口停不了大白菜豬肉餃湯 皮薄餡料正水餃🥟配可口可樂好好味呀！餃掂今晚比我印象好好👍🏻會再下次

終於可以約朋友晚市堂食了!朋友話好想食餃子, 所以同佢去左好耐冇食既餃掂!又好食意頭又好!餃掂位於界限街, 太子站行幾步就到, 好方便!元貝豬肉餃麵-$55+$8元貝豬肉餃有六隻, 內面既元貝真係好濃味, 每啖都有好鮮甜既元貝味滲出黎, 同餃子好夾, 而麵就比較普通D, 餃子好食好多!龍鳳松茸隻湯餃-$92/8隻分別有黑白松露, 兩款都一入口有好濃既松露味, 超開胃! 但如果細細品嘗, 就會發現黑白係有唔同的, 黑既松露味係會霸道少少, 而白就好似一個君子咁, 淡淡既松露味, 但LAST耐D, 兩款都好好味! 另外個湯真材實料冇味精, 好好飲!要分黑白松露其實好易, 睇個底咩頻色就知!煎餃子-$55+元貝餃$8叫左咁多湯, 係時候叫下煎, 煎好香口, 但入面仲係保持濕潤, 好多肉汁, 我地分別叫左元貝同韮菜, 各有各好食!另外想介紹下佢D個辣菜脯, 夾餃子食真係超正, 一定要試總結味道好好, 位置又就腳, 一定會再黎試!

-上次食完豐信餃子，今次再到太子食另一間餃子店：餃掂🥟😋 喺港鐵站行過去，沿路仲有幾間好想試嘅餐廳，搵日要再去✌🏻-講返餃掂，佢間舖面幾大，所以唔使等位，入面有好多獎狀同閃令令嘅擺設，唔講我仲以為係其他舖頭😂 中間穿過半開放式廚房，仲可以見到姨姨喺度包餃子😬-由於我哋唔太餓，叫咗一個雲吞同湯餃，雲吞係細粒size，建議配返個麵底會飽啲✌🏻-嚟到一定要試吓佢哋嘅狀元九鼎湯，即係粉葛鯪魚湯，好住家老火湯嘅感覺，湯係清甜，不知不覺可以飲曬成碗，去吓火又幾健康💕🥰-餃子我要咗椰菜雲耳豬肉餃🐖🥟 佢哋嘅餃子好多餡，椰菜令到口感豐富咗，值得一提嘅係哩度所有食物都感覺清爽啲，冇咩味精，可能食開重口味嘅會覺得要落多啲辣醬先夠味，但我覺得味道岩岩好❣️-另外，佢哋嘅檸檬蜜糖薏米水都好好味，記住食埋啲薏米💕 總括嚟講，餃掂好有屋企飯嘅味道，值得回顧🤩🥟✌🏻

呢間餃子食過兩次🥟 一直念念不忘 ..心血來潮 放工想黎食 只可以外賣了 …呢度嘅煎餃 真係好出色 ! 個皮卜卜脆同埋都唔算太油… 當然如果再少油d就更加正啦～款式方面都好多，好吸引，仲有d好創新嘅款式香煎軟心芝士餃 10隻 $62我真係好L鐘意呢度嘅芝士餃 !! 食到好滿足試過其他鋪d芝士餃 多數都流流地.. 無乜芝士😞唯獨呢間真係勁多芝士 ! 中間包住爽甜嘅粟米粒減減膩但呢款真係好快會食到好飽呀 ! 😂龍鳳松茸雙煎餃 8隻 $928隻入面 一半係白松露 一半係黑松露個人鐘意白松露多d !! 味道突出好多黑松露就有陣陣香味呢盒餃 一路行返屋企 一路都聞到香元貝豬肉湯餃 7隻 $49真係食到+見到絲絲元貝～份量都唔少呢呢款我地揀左湯餃，湯底係狀元九鼎湯呢個湯夠晒清，完全無加味精雙拼湯餃 (大白菜豬肉+粟米豬肉) 10隻 $58我鐘意呢兩款! 清清淡淡 中和返煎餃嘅飽滯餡料比例幾平均，皮好薄 😋p.s. 今次記得自攜餐盒～室內環境～

一向都好鐘意食餃子，最鐘意試D特別口味既餃~ 呢到最出名聽講係松茸餃，就叫左8隻松茸煎餃，煎得好靚，表皮脆脆地，入面既 餡好足料，所以餃子睇落都好大隻，仲配有個松茸醬咁食，味道好突出。要知一間餃子好唔好食，緊係要試埋個湯餃! 叫左7隻元貝湯餃， 真係皮薄餡靚架，入面又係好足料，呢D口味冇平時D餃子咁膩，建議大家配埋佢個辣菜甫，仲開胃。湯餃個湯都好好味，叫狀元九鼎湯，少少奶白色，好鮮甜。重慶鮮肉雲吞個湯底係酸辣湯，雲吞係好似一口SIZE咁，唔覺唔覺食左好多粒! 四川涼面叫左小辣，原來仲配埋麻醬食，面質幾彈牙。我地仲叫左盒9菜豬肉生餃，外形都好靚仔架~