餃掂手工餃子雲吞專門店 (已結業)

話說其實我唔係太鍾意食餃子，但屋企人話想食就陪佢地啦本身對餃掂的餃子唔係抱太大期望，但食落又好有驚喜不過要提一提嘅係，佢嘅職員服務態度一般，問佢攞杯水洗一洗餐具，佢叫我哋幫襯佢買支裝水。但係其他人問佢攞就比，唔知點解有差別待遇講返食物，首先佢既餃子餡料有非常多既選擇，另外同一般餃子店一樣，佢都可以選擇煎餃還是湯餃我地叫左香煎軟心芝士餃（大碗）（$78）芫荽豬肉湯餃(中碗）（$48）重慶鮮肉雲吞（中)（$42）同埋（升級版)狀元九鼎湯（$20）（唔好味，無影相）個人認為佢嘅芝士餃值得一試佢嘅芝士味好濃郁仲有少少脆皮同埋有少少融化，口感唔錯。另外芫荽豬肉餃都好足料，佢嘅鮮肉雲吞一粒一啖，配合埋佢麻辣嘅湯底，食完成個人都會暖笠笠。最後我哋俾佢menu個湯吸引咗，有啲可惜係佢剩係得湯，湯好清，冇材料喺入邊， 對我嚟講有少少失望喜歡食餃子嘅人都可以一試

行過就入左呢間餐廳，坐低口渴想飲啖水潤潤喉，問侍應生俾杯水，竟然同我講話：我地無提供飲用水比客人！嘩！眼都突，第一次入餐廳無提供水，不如摺咗佢啦！一肚氣！！！！

今晚去食餃，呢間餃子店蔡瀾先生都讚，咁梗係要試吓，呢次就去太子分店。酸蘿蔔好食《 椰菜雲耳豬肉餃（煎） $58/10隻 》椰菜雲耳夠多，豬肉香甜多汁，煎香咗外皮香脆可口，入口香甜，加啲醋食仲正。《龍鳳松茸雙灼餃(跟狀元九鼎湯) $92/8隻 》跟狀元九鼎湯，此湯有補氣健脾、生津抗燥的功效，材料有美國蛇果、生魚、無花果、淮山同豬尾骨，無味精夠健康滋補。雙拼即是有黑松露餃和白松露餃，都是很有營養豐富及珍貴，因為松茸是沒法人工培植，是百分百的天然食材！是全港首創松茸餃，皮簿餡靚，肉餡香郁多汁，啖啖鮮甜肉汁加上松茸香，高質！覺得不需另加醬汁已經夠好味。另叫咗菜同《黃金原味皮蛋 $32》黃金皮蛋由雞蛋沿用四川醃法而成，蛋黃好香甜，口感彈牙！《蜂蜜檸檬薏米水（凍）$28/支》 《蜂蜜檸檬薏米水（熱）$20/杯 》 見到蜂蜜滋補，薏米可消水腫，檸檬可消滯及美白。

有不如意事情，吃個餃子，棒，會有家之感覺，店子的湯餃～餃子皮是滑溜，湯底是媽媽感覺的清甜沒有油～芫荽豬肉餃子餡包餃子～芫荽味濃，而且份量亦多～喜愛芫荽者首選。.作香港地道小店，這店餃子餡多，餃子天天新鮮做，棒人手製松茸餃配狀元湯聽湯之名也覺霸氣！餃掂手工餃子有很多分店，而店子也主打多款特色口味餃子，招牌松茸豬肉餃，有白松露餃、黑松露餃兩款口味，聽說黑松露比白松露更香氣濃郁，最不要忘的是配埋這個人手製作的湯，沒有味精，用上粉葛、鯪魚、赤小豆等材料熬製的狀元九鼎湯作為高質之餃子店～必吃美味餃子和煎餃。今天人也很多，上菜也沒有很慢呢。店子做餃，外皮不會非常厚身，餡料飽滿～比起別的餃子甜甜。湯餃會配之湯是主打，好好飲喔，味道清甜。愛飲湯記得叫一個呢，也別錯過店煎餃亦做到表面金黃色，帶點焦香，味道及咬口也是很好，要等點兒時間，棒棒，姨姨手工包餃子亦能做外賣！疫情時候，買點回去也可以避免聚集，減少感染風險。美食很多的餃子店，煎餃、湯餃都有，特別餡料，回家重溫點家味道的感覺

兩三年前喺旺角返工既飯堂，已經一段時間冇幫襯，今晚去太子路過，即刻入去食返兩款(*ˉ︶ˉ*)作為一個餃子控，要好好分享下呢間我心中排第二既店(⁎⁍̴̛ᴗ⁍̴̛⁎)至於第一名，我之後會再分享！ 我地嗌左：🥟芫荽豬肉餃（煎，大碗 10隻，$65）芫荽控必叫，真才才實料，啖啖肉，外皮煎得香膽，但唔油膩，兩啖一隻，份量唔算特別大。🥟雲耳椰菜豬肉餃 （湯，大碗10隻，$56）一啖咬落去，啲肉汁湧晒出嚟，椰菜雲耳既爽脆，配上鮮味的豬肉餡，實在高質素！ 湯底 🥣係招牌既狀元九鼎湯，其實即係粉葛、順德活鯪魚、香山活鲫魚、紅蘿蔔🥕、蜜棗、鮮排骨等煲成，味道好鮮甜，完全唔係味精湯，絕對可以清晒(*ˉ︶ˉ*)🍝四川涼面 $30叫左小辣，配上麻醬一齊食，面身好爽又彈牙，唔錯！ 每張台都有兩枝自家制辣椒油同埋菜甫豆豉醬，大推菜甫🥹真係好好味，極之香口，同煎餃係perfect match 💕

餃掂唔同分店果然有唔同質素 我食過四間分店分別係中環 旺角 灣仔 同太子 元貝豬肉湯餃配狀元九鼎湯 湯餃元貝味極度突出 豬肉餡料唔會過肥 配埋個湯 好好食！！素菜餃 呢個係冇跟湯的 食落去即刻有比較😂 同埋呢款個皮偏厚 硬d 我個人會加醋同辣醬一齊食四川涼皮 叫中辣都唔算太麻辣 花生粒係切碎左有咬口 如果再跟多啲青瓜絲應該會更加爽口 今次嘅太子分店裝修嚟講呢間係最舊式 質素嚟講我都覺得係最麻麻 如果大家想試我建議可以去另外嗰三間分店食 我覺得食物質素同環境接近好多

今日要同大家推介呢一間叫做「餃掂」嘅餐廳，我去嘅係位於太子汝州街嘅旗艦店，太子站行過去唔使5分鐘，好方便👍🏻餐廳係小店格局，但座位編排舒適，一張張小圓枱上放滿了自家製的醬料同酸菜🤤醃蘿蔔任客人任食，非常開胃醒神，為接住落嚟嘅餃子餐打好基礎😊即刻睇下試咗咩美食先👀🎈至尊松茸豬肉灼餃配狀元九鼎湯 (8隻) $80松茸豬肉餃皮非常薄🥟，一口咬落已經食到豬肉，最令人驚艷嘅係，餃子有非常濃烈嘅松茸香味😌，而豬肉餡料彈牙，絕對食到食材嘅真味！配上店家自製嘅松茸醬（有辣有唔辣），昇華松茸嘅鮮香。餃子湯底亦都非一般，狀元九鼎湯主要材料有粉葛同赤小豆🤩，入口非常有屋企老火湯嘅感覺，真材實料。一口湯、一口餃嘅配搭，食材配搭得宜，亦都食得出啖啖食物鮮味👍🏻💫🎈元貝豬肉煎餃 (10隻) $66主要材料除咗元貝同豬肉🥟，亦都加入咗芹菜，味道非常之醒神。兩款餃子一樣做到皮薄而餡料飽滿，煎餃煎得兩面金黃略脆，脆香並無掩蓋食物味道，呢款煎餃各方面都十分平衡。🤤🎈龍鳳蛋 配黑白松露醬（1碟） $32龍鳳蛋係溏心蛋，配搭店家嘅黑白松露醬，蛋香配松露，有好獨特嘅鹹鮮香，食得好過癮😌🎈四川涼麵 $30第一次試食四川涼麵，麵嘅

之前食過餃掂，覺得性價比真係好高，於是搵下仲有咩分店，原來先知黎左太子既總店，店員服務好又有禮貌，滿滿的人情味。餃子平靚正，皮薄餡多，即叫即煎。至尊松茸餃8隻$80松茸豬肉餃係此店招牌推介，果然沒有錯，豬肉餡很多，皮薄有咬感，另配上味道濃郁的松茸，配料豐富，加上湯，口感很好。煎韭菜豬肉餃10隻$60韭菜是歷久不衰的必搭餃子餡，外皮煙韌，煎得香口脆身。煎粟米豬肉餃10隻$60粟米新鮮清甜，大大粒配上豬肉餡料，啖啖都好滋味。山楂雪梨水$28 一杯蜜糖檸檬薏米水$28 一枝自家制飲品健康又低糖，食完煎餃子熱氣，可以潤下喉。

今日同朋友出去食飯，喺太子一齊食餃子，朋友第一次去食，佢覺得松露餃子最好食我哋叫咗四款餃子，入邊有煎餃同埋湯餃，湯餃就配埋九鼎湯，個湯好正，飲落係完全冇味精好足料之後再食埋佢嘅配菜醃蘿蔔，真係好好味，佢酸酸甜甜，忍唔住一舊接一舊咁食龍鳳松茸煎餃，好重松露嘅香味，唔需要點任何嘅醬汁已經好夠味道，亦都煎得好香松茸豬肉餃，入邊好多豬肉，好足料，餃子皮亦都好夠薄芫荽豬肉餃，第一次食，啱晒鍾意芫荽嘅朋友，芫荽又唔會搶咗豬肉嘅味道大白菜豬肉餃，白菜好清甜，呢隻最基本款嘅餃子大家都覺得好食

我鍾意食餃子，間中會去餃子店食野，早前去了餃掂手工餃子雲吞專門店。這裡有多款不同口味的餃子可以選擇，整法可以選擇煎或湯。我揀左煎的至尊松茸豬肉餃，配狀元九鼎湯。餃子皮厚薄適中，吾會太厚身，餡料幾多，入口有松茸的味道，單食已夠味。想更濃郁一些，點埋松茸醬，香味更突出，又另一番風味。雖然煎餃較為熱氣，但我鍾意脆脆口感，所以煎餃配湯係好好。最重要這個狀元九鼎湯係無味精，飲完吾會口乾，仲可以中和油膩感。食完煎餃，想滋潤一下喉嚨，點了自家製山楂雪梨水。當中有山楂片、雪梨、甘草、冰糖、麥芽，飲完喉嚨舒服晒。

至尊松茸豬肉灼餃 配狀元九鼎湯作為本店招牌，用料充足冇得彈，食落口有飽滿松茸，如果係湯餃，就一定要加埋九鼎湯一齊入口，食到其中鮮味～香煎軟心芝士餃子鍾意食芝士嘅人就一定唔可以錯過！外層煎皮，一咬落去有驚喜，香濃流心芝士～記得咬之前吹一吹，食個陣冇留意爭啲辣口，入口芝士jeng！龍鳳蛋配黑白松露醬一款幾好嘅開胃菜，一落單好快就黎，松露醬嘅配搭唔會覺得奇怪！蜂蜜檸檬薏米水煎皮餃子有少少熱氣，加一支飲品中和下，鍾意薏米既可以一試！

之前食左餃掂既龍鳳松茸雙灼餃一直覺得好正，今次又黎太子總店，帶朋友一齊品嘗。龍鳳餃分黑松露同白松露，個人覺得黑松露味道濃郁些，我地嗌左龍鳳松茸雙灼餃，牛肉壽喜燒煎餃，加埋一碟四川涼皮、涼拌唐芹豆筋。龍鳳餃皮薄餡大，每一隻都脹仆仆，黑松露醬嘅份量驚人，香氣撲鼻，配上一碗狀元九鼎湯，有淡淡鮮葛味，非常好飲。平日好少試牛肉餃，今次叫埋煎餃，火候岩岩好，表皮金色有唔會油，雖然壽喜燒味不算好足，但都不失一碟美味牛肉煎餃。自家製蜂蜜檸檬薏米水同樣推薦，唔會太甜，一樽28蚊。

前排想食得清淡DD 就不停搵餃子食下仲有個大膽的想法試晒所有餃子店做餃子達人所以食左好多餃子店後發現自己最愛係呢一間 - 餃掂每一次去餃掂 都會叫我最喜愛的 粟米豬肉煎餃外皮只有一邊煎得香脆其他邊就軟軟煙如果所有邊都煎脆就會太硬 煎法岩岩好栗米非常之爽甜亦是餃子帶來口感的泉源豬肉輕輕醃左 唔太濃味重點是食得出 冇味精食完完全唔口渴基本上可以做飯堂之選韮菜豬肉煎餃外皮香脆 不在話下咬開餃子 韮菜係鮮綠色的非常之新鮮因為有試過其他餃子店唔新鮮的韮菜會係 深綠色又淋晒但餃掂 唔會 非常好食！

放工遇著個餓底餃子愛好者同事就即刻Search下有咩好食先龍鳳松茸雙灼餃 - $92都係鍾意灼餃多啲松茸味好岀未食已經聞到好香食完感覺養生😂而且食多幾粒都唔會覺滯跟住嘅狀元九鼎湯都好好飲好濃郁嘅味道又帶有少少鮮甜啱晒我同朋友呢啲湯怪下午茶餃子餐 - $43揀咗粟米豬肉餃因為轉咗煎餃所以加多$5餃子入面加粟米真係好正因為瞬間會變得好爽口同好甜煎餃好熱個皮好脆最怕煎餃個皮會好硬但呢個煎餃皮一啲都唔硬跟餐有個小食我哋就叫咗蔥味酸辣雲耳雲耳幾爽口不過略嫌個味唔夠辣蜜餞雞翼 - $24好任性地要叫埋因為朋友好驚食唔晒😂不過係好食嘅雞翼大大隻又甜甜哋咁唔會整到好乾想讚吓啲醃蘿蔔整得好好食我同朋友都食咗好多🤭但啲辣醬就有待改善因為好似無咩辣味咁

餃掂係一間我好鍾意嘅餃子店，經過幾年嘅時間，餃掂已經由當年嘅小店，變為全港有多間分店嘅舖頭。呢晚我哋就去返太子分店，一入座，店員就立即殷勤招待，感覺親切。枱面放咗一樽自家醃製嘅酸蘿蔔，酸酸甜甜，好醒胃。餃子款式很多，不過龍鳳松茸雙灼餃依然百吃不厭。龍鳳嘅意思即係一碟有齊黑白松露兩款嘅餃子！餃子都飽滿圓渾，咬開係濃郁嘅松露與松茸香，加上煙韌嘅餃子皮，好食！附上嘅狀元九鼎湯都好好飲，用粉葛、鰂魚等材料熬成，鮮甜順喉！香煎軟心芝士餃都係我每次嚟都會encore！餃子煎得金黃香脆，入面係邪惡嘅流心芝士火腿，令人忍唔住一隻接一隻咁食！重慶鮮肉小雲吞我第一次試，水準都唔錯。雲吞皮好滑溜，包住飽滿嘅豬肉餡，用料好實在。湯底香辣濃鮮，都幾好！印象中呢度嘅黃金皮蛋唔錯，試下麻辣松花皮蛋，皮蛋好流心，清香中帶少少辣，惹味！店內亦有松茸售賣，有興趣可以睇下！