饃饃餃子 (已搬遷) 新店位置

真係唔講唔知原來尼泊爾人都會食餃子....🍳食物質素：平民價錢食到特色野，幾好味🍴推薦搭配：尼泊爾餃子、尼泊爾奶茶都值得叫。相入面的波波係尼泊爾的特色食物黎，要倒d冷汁入去再一口食左佢，我覺得口感有d奇怪。如果係幾個朋友黎既話可以叫一客大家嚐鮮，我就唔係太食得慣。餃子一定要食，佢個汁調得好好味🪑環境座位：外賣店，有2~3個位坐。有時會好旺，甚至要早d wts老闆娘等佢整定🚗交通：堅尼地城站B出口，出去後過馬路向左行就係💰人頭費：50

店內細細、2+2+1 坐位，我係YouTube 睇到介紹想去試既尼泊爾餃子momo 同窩貼好似，但皮係煙韌點，蒸餃都爆汁😍，圓是豬、長是雞，配花生醬料更好吃（因我地怕辣）另外仲叫左乳酪紅石榴薯仔波波 ，唧入凍湯，成個放入口，外脆薯軟湯凍，口感豐富😋

今次同食純素既朋友仔去，所以就無食到我最愛既爆汁蒸雞肉饃饃～但估唔到素菜都超有驚喜～先嚟一個薯仔波波外脆內軟，加埋凍凍既酸汁，食落個口感好豐富仲好 refresh 添～啲饃饃餃子都係即叫即煮所以要等吓，但係新鮮熱辣係值得等下既～我哋除咗order左佢哋之前已經有既香料薯仔煎餃🥔 之外，仲試咗佢哋既新品豆乾佛手瓜煎餃，香料味超出而且瓜🥒本身既濕潤質感令到個煎餃都好juicy~薯仔好香，但相對嚟講我覺得豆乾佛手瓜煎餃更加出色。好值得一試！好欣賞佢哋係真係好用心製作佢哋既食物，連個 dip 醬都冇得輸～個個食過都大讚既蕃茄香辣汁，係真係食得出真材實料用好多番茄做出嚟既天然味，唔係 artificial 野～ 花生汁就勁香又好rich，次次都真係連個醬汁都要舐埋～

餃子係不錯，有家的感覺😐 但沒有尼泊爾風味，香料唔夠。。似食梗港式自家製雞肉餃子🥟另外，chapate(尼泊爾撈面沙律), 唔係難食！只係除左材料同呢個食物掛鉤之外。。口味完全不相符希望佢地口味上做得大膽啲，唔好太營合本地口味

收藏咗依間位於堅尼地城嘅尼泊爾小食店已經差唔多一年，因為一直都幾偏遠同唔順路，就實行拖字訣。 咁岩收工得閒，又肚餓，就決定專登搭車嚟試吓。位置上如果搭地鐵去堅尼地城就會好方便， 基本上一出地鐵站行幾步路就會見到。 門面嘅七彩顏色相當吸晴， 內在環境其實唔算大座位亦都只有三個， 見到唔少街坊都係會外賣走， 都幾受街坊歡迎。食物方面當然以尼泊爾為主，有多款唔同嘅尼泊爾小食， 包括相當出名、與啲名一樣嘅饃饃。 都有甚少聽過但喺尼泊爾都相當著名嘅小食同飲品。本身想叫芝士波波， 但老闆娘只因為冇乜人叫 ，所以已經暫停供應， 相當失望🫠早知就早啲黎試不過唔緊要，老闆娘最後推薦左乳酪紅石榴薯仔波波（$40），都係店內嘅人氣產品嚟㗎 因為比較飽同埋都試過饃饃 ，就冇嗌到， 另外仲嗌咗電腦著名嘅黃金牛奶（$30）因為係即叫即整所以都要需時片刻。 乳酪紅石榴薯仔波波， 老闆娘會問你有冇試過尼泊爾小食，而我係冇嘅，所以老闆娘都好細心咁介紹咗個食法。除薯仔波波會附送一支汁醬， 在用餐前，將個汁倒滿個波波。食落去會酸酸地甜甜地 ，個汁同內涵相當夾。大推！ 黃金牛奶，飲落有少少香料味，唔會好重 ，同樣都會有少少薑

次次黎堅尼地城，都心心念念饃饃餃子，舖頭空間好細，得2張凳，1個企位，但係人情味十足，老闆娘同尼泊爾先生勁nice! 🫶🏻 🔸Chicken momo $58 我個人比較鐘意食蒸嘅momo! 堂食老闆比mix 雞肉&豬肉🥰 食落係小籠包口感嘅餃子，總共8粒，size 係偏大隻！皮薄+食落超juicy！🔸Dahi Puri $40 另一樣我的最愛！脆脆薯波食法係要倒啲冰凍石榴汁入去波波度，食一粒加一粒！個人推薦乳酪味脆薯波波！勁fresh 唔覺熱氣🫶🏻 大推！係高質際世尼泊爾小店🥰

午餐時間經過，見有位可堂食就入去坐低叫個爆汁蒸雞餃(8隻) 同埋叫杯Masala Chai ，第一次試，見老闆話啲香料味唔係好strong，唔錯喎😋 蒸雞餃一如以往juicy，會繼續支持。

堅尼地城仲有唔少黃店beeger仲有傳說中既菠蘿包漢堡可惜真係無咁多quota咁但係都有幫襯多一間既就係饃饃餃子係以前阿元菜市場果條街門口幾隻顏色已經好搶眼又係睇傳媒介紹既香港人妻配尼泊爾丈夫因為武肺本職停業而轉做家鄉餃子生意所以話唔係睇蘋果都真係識唔到咁多黃店可惜而家已經無左米紙有時好似特登避開黃店咁就只剩番mm阿sa繼續努力門口有餐牌睇主要就係食尼泊爾餃子雖然個名差唔多但唔同料佢地會包成唔同樣好似豬肉就會變成小籠包形狀餐廳主要做外賣堂食都叫做有兩張檯不過就幾窄下但係張凳就幾有特色牆上面好多sica咁我鍾情煎餃佢地又寫個蒸雞肉有手指公而我地又食完lunch唔算好耐如果只可以揀一樣之下我就揀左5隻煎雞肉餃子前面仲有一檯客佢地都食幾多野咁我地就大約等左十分鐘係連隻碟都好有風味餃子背面朝天中間係凍既芝麻花生汁入面係啖啖肉肉汁走晒出黎五隻三十蚊平均六蚊隻小店手工生意係貴些少但用尼泊爾香料係真係比較有特色既尼泊爾老闆係片入面都講左會保持自己節奏無做到其他上海點心咁樣大量生產餐廳亦都有用心裝飾過所以環境唔會好似上海點心咁惡劣服務又唔會咁唔好老皮催你快D落亦都唔會唔知自己係排緊隊買野定等拎野咁我覺

喺地鐵站附近一出就到，小店嘅位置偏細，大概得四個位左右，要堂食嘅話太多人就未必可以。爆汁薯仔香脆波波，$40，8舊，入面有擺薯蓉，食嘅時候可以唧啲凍嘅汁落去，個汁個味係香料再加薄荷，感覺好清新。而且可以整好多汁入去，個口感好特別。黃金牛奶，$30，好重薑黃同埋香料味，的確足料。招牌爆汁蒸饃饃餃子，$70（10隻），的確有做到爆汁嘅效果，味道主要靠額外點嘅兩隻汁來帶出。香煎饃饃餃子（薯仔素菜），$35（5隻），口感香脆，薯仔同餃子融為一體，配埋兩隻汁有錦上添花嘅感覺。兩隻就分別係蕃茄香辣汁同芝麻花生汁。個人認為芝麻花生汁個味特別啲。

上一次嚟撞正佢冇開門試唔到，今日再嚟到西環睇戲決定搵番佢嚟食！尼泊爾菜真係好罕有，見識淺薄嘅我真係第一次試，所以對款款菜式都感覺好新奇🤭舖面細細主要係做外賣，座位有四個，不過食物以餃子同兩三樣小食為主，所以舖頭咁設計嚟到當然係試餃子啦，主要係揀咩肉同咩汁，叫咗兩碟一碟蒸一碟煎兩款汁各一，辣辣地嗰款好香又唔會太濃，好合我口味。另一種就好似串燒會搽嘅嗰種沙爹汁咁，好濃郁仲好香花生，重口味愛好者一定要㨂呢款！另外叫左兩款小食，一個薯波一個芝士波，薯波好正必試呀！

路過見到呢間餐廳，被佢藍色嘅牆壁吸引住🤩店舖內充滿住異國嘅尼泊爾風情裝修好有心思，係一大打卡位之一！😍嚟到當然要一試好出名嘅香煎饃饃餃子🤤店主好好人，比曬兩款醬汁我地試，分別係花生汁同辣汁☺️兩款都好夾餃子味道配合得好好！😆但個人都會比較鐘意花生汁！夠曬特別！另外，亦叫左乳酪紅石榴薯仔波波😋呢款係尼泊爾地道小食嚟！本人曾經試過係尼泊爾食過，一對比下味道真係差唔多！而且比尼泊爾嘅更好食同多材料😚正！

相信呢間其實都唔洗推，因為人氣已經好高，儘管小店只有四個位，仍然不影響我心心念念想食佢嘅慾望，係我一向輕食快餐之選👍🏻.不過已經隔咗應該最少半年冇食過喇～今次再食到有少少興奮🤣.堂食steam momo熱辣辣，出晒煙，皮薄又多汁，肉甜，重點都係個醬。有兩款：一款係花生芝麻醬，另一款蕃茄香辣汁。兩款都好好食嫁。其實除咗撈麵沙律無食過之外，另外薯仔波波都係勁好食。試過外賣薯仔波波都好食，仲會好細心咁有instructions card教埋點食先係最好。💛 會一直繼續支持你地嫁。

終於都一嚐 堂食嘅饃饃餃子舖頭比較細 堂食都係得3-4個位所以啲人都係外賣為主除咗餃子 仲有啲脆波波招牌爆汁煎饃饃餃子 (雞肉) $48煎得好香配個酸酸辣辣嘅蕃茄汁 又香又惹味蒸饃饃餃子 (豬肉) $48一咬落去爆晒汁花生汁好濃郁 就咁食都好好味兩款momo都好足料煎同蒸都好食 豬肉同雞肉又都好食蕃茄汁同花生汁繼續都好食 唔係好揀到邊款好食啲建議可以試晒🦦爆汁薯仔香脆波波 $40外面嘅波波脆卜卜 入面全都是薯仔加咗凍湯之後就啪落口 香料味有啲重如果加太多 味道會有啲衝擊😂對我嚟講 加少少就已經足夠了🫣

爆汁薯仔香脆波波 $40Dahi Puri 呢個係佢地嘅特色薯泥酸奶餡炸波波，就算放左一陣都保持到薄脆嘅口感😋 佢地個汁很好特別，薄荷再加上微辣嘅味道非常容易入口，令我食唔停口👍🏼This is their special Dahi Puri. Mashed potatoes inside a crispy shell had a very interesting texture. The sauce was minty and spicy at the same time, which was very appetising. 招牌爆汁蒸饃饃餃子 $48Steam Chicken Momo 尼泊爾餃子肉汁多而鮮美，傳統煮法是蒸，然後蘸醬汁來吃😎 今次揀左蕃茄香辣汁，呢個亦係當地嘅傳統特式醬汁👏🏼Momos are a traditional dish in Nepal. They are juicy and had a packed filling. The sauce was a spicy tomato sauce, which is also one of a staple s

年初一.出去西環揾野食🥰🥰行見有間特色店，鋪頭細細間，有4個座位到，室內裝修尼泊爾風我地 叫左招牌爆汁蒸饃饃餃子（雞肉），喜馬拉亞芝心波同1杯特色奶茶(唔記得個名)招牌爆汁蒸饃饃餃子（雞肉)多汁夠鮮味，仲可以買唔熟返去自己整，加埋佢個 特掣汁，正喜馬拉亞芝心波芝心波一般，似薯仔波多D特色奶茶(唔記得個名)香料味重，有特色，不過自己唔太好，屋企人話好飲