饗和民本格串燒.旬鮮料理

营业中

休息中

lunch同朋友叫咗 2-3人前～極尚九州和牛壽喜燒❤️ $198 附送日本雞蛋同秘製壽喜燒湯底。壽喜燒湯底甜甜的，和牛增量20% 👏 牛味濃郁！配料有金菇、 雞髀菇、 豆腐 、菜 、昆布，平時出街少食菜，而家咁多呢啲蔬菜類夠健康幾好，之後再加雞蛋做蛋花，超正！因為我喺op訂位有主餐牌$300減$50 優惠，所以額外加2個烏冬同埋牛油果軟殼蟹壽司（半份） 😋 咁就岩岩好可以減$50🤭 唯一餐廳需要改善係次次想勘茶都要叫員工真係好煩🙃 員工本身已經好忙，既然唔得閒勘茶，不如每一張枱直接放壺熱茶，客人方便之餘，又可以減低員工工作量！呢個lunch 真心飽，環境舒適，週末休休閒閒同朋友一路傾計一路食下壽喜燒真係唔錯！

響荃灣廣場睇完戲，就當然順便響度搵食啦！好耐冇過嚟啦！B1地庫呢層原來都開咗啲新嘅餐廳，原本想食烤肉，點知呢個舖位已經轉左做一間日式餐廳，咁就一於試吓啦☺️呢度除咗日式料理之外，重有好多款式嘅串燒同炸物，重有幾款好抵食份量又多既二人套餐㖭👍🏻我哋就點咗一個有10品既二人餐，勁多野食，好豐富呀！我哋差啲飽到食唔晒🤣$500都唔使，份量又多又足，真係對得住呢個價錢吖！！而服務員禮貌都幾好🦪廣島縣產炸牡蠣滑蛋盒子飯呢個盒子飯真係唔好睇小，飯既份量超多，飯面上除咗有滑蛋之外，重有4隻大大隻既炸蠔，雖然炸蠔外層已經包住一層炸脆漿，但入面既蠔都唔會係細細粒，而係好大隻架😮呢個盒子飯，果然係份量十足，就係呢盒飯令到我哋飽上心口，好鬼滿足呀😋🍤大海老天婦羅，有5大隻，上枱熱辣辣，個脆漿唔算好厚，幾好食🦐🐟 5品刺身盛合4款刺身都尚算幾新鮮鮮甜，唯獨魚子就例外，都幾腥下🍲 季節海鮮相撲鍋有五種海鮮加幾款蔬菜與豆腐，份量相當足，好豐富

和朋友喺荃灣廣場購物完，行左落最底層見到間樓饗和民，好耐無食了日式料理，有刺身、壽司卷、沙律、串燒和炸物等等，食物多元化，再加上日式居酒屋嘅裝修，很有日本風饗和民沙律沙律份量澎湃，而且種類繁多，包括我最鍾意嘅牛油果，最緊要係樣樣都好新鮮，仲有雞蛋、蝦和煙肉粒，真係包羅萬有，加埋日式千島醬，令你食慾大增。串燒盛合（5串）包括有粟米燒、金菇牛肉卷、燒豚肉、車厘茄煙肉卷和青蔥牛肉卷。每一款都各有特色，啲粟米超甜，煙肉配車厘茄，食落不油膩，牛肉夠Juicy，唔會燒得太乾身，火喉控制得剛好，抵讚。軟殼蟹牛油果壽司卷（半份）作為牛油果控嘅我，用上嘅牛油果絕對合格有餘，配上香脆嘅軟殼蟹，真係食唔停口，好想嗌多半份。火焰炙燒珍寶雞腿服務員喺鐵板上面點上火焰，即時香氣撲鼻，雞皮燒得脆卜卜，內裏肉質幼嫩彈牙，雞腿已經起肉碎上，夠晒細心。芒果盛宴叫咗杯Mocktail，一杯香濃嘅芒果沙冰，再加上芒果雪條，真係比芒果更芒果。

📍 饗和民本格串燒.旬鮮料理 - 荃灣喺荃灣廣場地下B1層其實好多嘢食感覺好少人會行過，但係其實好多餐廳都有質素～今日夜咗食飯，所以食吓串燒。✨ 饗和民沙律食飯之前梗係要清一清腸胃食返個前菜今日前菜就係店內招牌沙律🥗沙律內好豐富，新鮮嘅沙律菜，蝦🍤黃椒紅椒。啲菜好新鮮同埋好嫩綠～可以根據個人喜好將麻醬淋落沙律🥗✨ 串燒盛合（5串）將五條招牌嘅串燒組成拼盤豬肉牛肉都好齊全！仲有蔬果，可以平衡一下肉嘅油膩感！所以本人最欣賞係，豚肉車厘茄🍒酸酸甜甜嘅車厘茄可以平衡到豚肉嘅油脂食落自然唔會感覺油膩，而且仲帶有清新嘅口感‼️✨ 鰻魚牛肉盒子飯鰻魚好厚身，而且冇細骨有燒過所以外皮好香脆淋上鰻魚汁，更提鮮🐟牛肉跟洋蔥滷埋一齊味道上鹹香鹹香的，撈飯一流🙌🏻以下兩杯飲品都好適合🈴迎接夏天✨ 草莓芒果沙冰✨ 芒果盛宴好濃郁嘅芒果味，而且仲有一條超級濃縮既芒果雪糕條🤌見到沙冰慢慢溶化，好治癒❤️‍🩹

一行四人到荃灣廣場店食lunch，點了蟹肉烏冬、牛肉烏冬、兩款串燒、蕎麥麵、幾款壽司等等。蟹肉烏冬味道不可說驚為天人，但可以吧，可惜細心看，碗入面那些小草衣裙黑邊，擺明就係開始爛，我情願你唔放好過！其實過幾條咁嘅草，爛咗就掉啦，仲可以攞出嚟枱俾人！憑什麼收我百幾蚊一碗烏冬？卷物，卷得鬆鬆的，一夾就散，相信卷物係日本料理基本吧！傳餐那位姐姐，每次只會把食物放在枱邊，不論那是壽司也好，熱騰騰嘅湯烏冬也好，都只係放喺枱邊，你唔使旨意佢會幫你擺你面前。咁我哋唯有自己擺枱啦！店內還有蚊滋，唔止一隻，好滋擾。呢件事我都有同佢鋪入邊嘅店員反映，佢有禮貌同我講唔好意思，仲講咗好多次。預期係要講唔好意思意，不如做好基本功吧！星期六中午都咁少人，自己諗下點解，人地情願返大陸都唔肯係香港洗錢！係香港洗完，洗到一肚氣，人地返上去洗得高興，開心！香港食巿好好檢討！

同朋友去完荃灣睇戲，睇完順便食埋晚飯，係附近都係搵下野食先走，朋友話想食日本野同串燒，之後見到這間店又有串燒、煮物、壽司等等、價錢又尚算OK。入到去坐底，裡面都算爆滿，但環境坐位又幾簡約闊落，又坐得幾舒服。在炎炎夏日，我同佢都要叫返杯凍飲嘆下先。【荔枝檸檬沙冰】賣相不相，在夏天飲返杯特飲，荔枝碰上檸檬滋味也是很不錯，內裡又有一粒新鮮荔枝，真是解熱良品。【芒果盛宴】非常香濃芒果味，口感綿滑，再加上芒果雪條配搭，飲完透心涼，不錯之選。【饗和民沙律】沙律有豐富色彩，勁多新鮮蔬菜，例如蕃茄、青椒、牛油果、羅馬生菜、蝦等等，加上芝麻醬撈埋一起食真不錯。【串燒盛合(5串)】(由下至上)日本產豚肉串、青蔥牛內卷、金菇牛肉卷、車厘茄煙肉卷串、粟米燒日本產豚肉串夾住黃椒等來燒，口感柔嫩。青蔥牛內卷捲上蔥段，一口咬下香氣充斥嘴裡縈繞，令人流連忘返。金菇牛肉卷金菇爽口多汁，捲上燒得鹹香惹味，味道新穎美味。車厘茄煙肉卷面頭有點點燒香，番茄清甜，煙肉帶咸香，味道合而為一，不錯。粟米燒雖然細，但甜味突出又多汁。【軟瞉蟹牛油果壽司卷-半份】軟殼蟹甘香鬆脆，連殼帶膏連肉啖啖肉又夠厚肉，又不油膩，外面舖上蝦籽同蕃茄。再

居酒屋位於荃灣廣場裝修充滿東瀛風味, 地方闊落舒適。饗和民沙律 擺盤精緻有色彩, 番茄, 西椒, 生菜等蔬菜都好新鮮, 還有雞蛋, 沙律口感好清新。串燒盛盒（5串）即叫即燒熱辣辣, 盛盒有五款串燒 : 雞肉串, 青蔥牛肉卷, 金菇牛肉卷, 車厘茄煙肉卷和粟米燒, 當中以青蔥牛肉卷和金菇牛肉卷最美味, 牛肉味道濃郁。蜆肉湯烏冬上湯鮮味, 烏冬爽滑彈牙, 蜆份量都幾多, 蜆肉鮮甜。再點了鮭魚壽司, 鮭魚腩壽司和玉子壽司, 魚生好新鮮, 壽司口感軟糯。草莓芒果沙冰 賣相好吸引, 草莓和芒果打成果泥, 柔軟滑嫩的口感, 草莓味道香濃, 沙冰上提供了豐富的多汁口感, 帶來水果的鮮甜味道。荔枝檸檬沙冰 檸檬酸味和荔枝甜美的風味, 荔枝和檸檬汁液與沙冰混合, 給予沙冰更多層次感。咀嚼沙冰時 ; 可以品嚐到水果汁液的鮮甜, 口感順滑。

饗和民本格串燒.旬鮮料理 (荃灣)荃灣大壩街4-30號荃灣廣場B1樓B111-B113號舖呢個串燒盛盒真係好豐富，一共有五串串燒。串燒係一種日本居酒屋嘅特色菜式，係由熟練嘅廚師喺爐端上燒製而成。唔單止日本，全世界嘅和民集團都因為呢個串燒而受到客人嘅喜愛。首先，有日本產豚肉串。呢款串燒用咗日本嘅豚肉，肉質鮮嫩多汁，經過燒烤後，肉香四溢，好好味。其次，青蔥牛肉卷同金菇牛肉卷。呢兩款牛肉卷都有牛肉同青蔥或金菇包裹住，經過燒烤後，牛肉嘅鮮味同蔥同金菇嘅香氣相互融合，好開胃。再來，車厘茄煙肉卷串。呢款串燒將車厘茄同煙肉卷在一齊，經過燒烤後，煙肉嘅煙燻味同車厘茄嘅甜味相互交融，口感豐富。最後，有粟米燒。粟米燒係以粟米粒作為主要材料，經過燒烤後，粟米嘅甜味更加凸顯，外脆內嫩，好好味。而特上壽司盛合一共有十件壽司，包括帆立貝、甜蝦、北寄貝、三文魚、吞拿魚、鰻魚、蟹籽、拖羅蓉、劍魚腩同玉子。每一件壽司都帶有獨特嘅風味，新鮮嘅海鮮質量好，配上傳統壽司飯，美味又有口感。食返串燒同壽司之後，再嚮和民沙律。呢個沙律新鮮蔬菜搭配鮮嫩嘅水果同特製醬汁，清新爽口，非常適合作為一道清涼開胃嘅菜式。最後，芒果盛宴同荔枝檸

和民呢個品牌相信大家細細個已經食過，宜家饗和民餐廳環境幾舒服，而且價錢平民。真係回憶返晒嚟。坐低一陣就睇有咩食，叫完嘢食就詢問店員提供茶俾我哋。我哋叫咗個饗和民沙律$78。呢個沙律好新鮮爽口，配料好多，好開胃。之後我哋又叫咗個串燒盛合$128，有五款串燒：雞肉串、青蔥牛肉卷、金菇牛肉卷、車厘茄煙肉卷同粟米燒。呢啲串燒烤得剛剛好，夠哂味。青蔥牛肉卷蔥香濃郁，金菇牛肉卷爽口。我哋仲叫咗半份嘅軟殼蟹牛油果卷$53蚊有三件卷。呢個卷子飯夠腍身，裡面有軟殼蟹同埋牛油果，軟糯口感。另外，我哋都叫咗個天婦羅同冷蒿麥麵套餐$98 share。天婦羅炸得酥脆，有蝦、魚、菜、南瓜。加埋冷蒿麥麵，適合夏天食夠涼爽。飲品方面，我哋叫咗個芒果盛宴同草莓芒果沙冰，各$58。芒果盛宴夠香甜；草莓芒果沙冰士多啤梨有果香。呢兩杯飲品好清爽。

星期六下午5點幾，趁未有太多人，提早食個晚飯。普普通通，蒸蛋上湯味淡，亦唔係好熱。蜆大隻、新鮮、冇沙、份量足。正常昆布湯底，烏冬唔算彈牙，一大碗夠飽肚。海鮮鍋主要有三文魚、蠔、蜆肉和魷魚鬚。蔬菜，豆腐墊底。全部都好新鮮！追加普通牛肉，亦都淋滑，可能個鍋唔夠大，壽喜燒湯太少，一滾就要加湯了！厚厚的粉夾住椰菜，加醬汁和沙律醬，冇乜特別，個人喜歡有埋炒麵同大阪燒味道差不多，章魚粒細粒但有咬口！所謂特製係煎法唔同，餃子餡料一般，煎得香脆，可能因為太飽，唔係好吸引！整體來講算唔錯，下次會再嚟食串燒

朋友生日所以找一間比較高級的日式居酒屋慶生。荃灣廣場響和民我們未吃過，所以就來吃了。枱上餐牌顯示和民集團的餐廳餐廳很漂亮，有竹樹裝飾，枱很大張座位分有2部分款式，還有些私隱到高卡位。我們選了很多食物慶生串燒盛盒(5串）響和民沙律 2杯雞尾酒 2個甜品 大阪椰菜燒 （雞蛋和芝士）抹茶白玉紅豆芭菲 雨滴餅 首先響和民沙律 吞拿魚／蝦仁／果仁／蕃茄／蛋／沙律菜／牛油果 好豐富配上日式麻醬 ，至今最豐盛日底的沙律！Mocktail:荔枝檸檬沙冰 外表藍色好漂亮！主要荔枝檸檬味道，因為沙冰可以飲很久很解渴還有原粒荔枝肉熔岩流 可能因為顏色為紅色改名，雞尾酒主要菠蘿汁和鮮忌廉士多啤梨奶昔溝成加上原粒士多啤梨裝修；甜甜奶昔感很易入口。串燒盛盒 豬頸肉串／車厘茄煙肉卷／青葱牛肉卷／金菇牛肉卷／燒粟米 串燒款式口感好豐富：豬頸肉爽口多汁，車厘茄爆汁好味，青葱焦香味配肥牛，金菇爽口配肥牛，火炙味粟米特別甜，都是完美配搭。大阪椰菜燒 （芝士雞蛋）有芝士味加上燒汁和沙律醬甜甜咸咸好好味，大板燒外脆內軟的軟綿綿口感中有爽爽地椰菜。好厚好易飽抹茶白玉紅豆芭菲底部香脆粟米片，白玉是小丸子煙韌軟糯，紅豆甜絲絲和抹茶

日式串燒居酒屋🏮 餐廳主打居酒屋料理例如日本本格串燒及時令旬鮮料理 店內更特設爐端燒counter製作串燒、和牛、直送海鮮等🤫 更有不少特色菜式如鍋物====᪥ 牛肉串燒盛盒 $178盛盒包括五串串燒～ 厚切牛舌、金菇牛肉、極上和牛、青蔥牛肉及粟米🌽 幾款牛肉都好juicy 肉味香濃～ 而粟米幾有驚喜！好甜～᪥ 火焰炙燒珍寶雞腿 $98好適合打卡嘅菜式！店員首先會淋上酒精點火 係一隻好巨型嘅雞腿🍗 ᪥ 荔枝檸檬沙冰 $58同樣都好適合打卡嘅mock tail~

饗和民荃灣廣場分店, 佈置以木製的傢俬配上素竹點綴，清麗脫俗 , 洋溢和風氣息 , 讓客人感受到日本京風情懷, 餐廳每款佳餚 , 採用日本出產新鮮時令食材入饌， 品嚐到正宗美味日本料理 , 擺盤精緻又漂亮 , 讓人食慾大增。饗和民沙律 $78先倒上開胃沙律醬，拌勻沙律菜 ， 蝦，牛油果，蕃茄及呑拿魚肉，吃下去特別清爽， 加上我喜歡吞拿魚， 柔軟滑溜, 十分提鮮， 讓人胃口大開。串燒盛合（5串）$128🔸️青蔥牛肉卷🔸️車厘茄煙卷🔸️金菇牛肉卷🔸️日本豚肉🔸️粟米每款串燒外皮燒到微微焦脆 ， 散發著陣陣焦香， 特別喜歡青蔥牛肉及金菇牛肉串， 燒至邊緣帶焦香， 肉質柔軟，充滿肉汁，牛味突出 ， 配上香香的青蔥， 特別惹味。日本豚肉串，肉質豐潤柔軟 ， 又沒有油膩感。 壽喜燒鍋 $148火鍋份量十足， 表面鋪滿薄切的牛肉， 色澤嫩紅， 入口滑溜軟嫩， 仲配上滑溜的鮮冬菇、金菇、 娃娃菜及豆腐， 配料好豐富，煙韌彈牙烏冬，十分掛汁, 掛滿上湯精華，滋味滿載。芒果盛宴 $58芒果奶昔放上芒果雪條， 賣相吸引， 打卡一流，充滿夏日涼浸浸的感覺， 入口 天然芒果甜香，清甜馥郁， 冰涼透心， 讓人喜歡。

荃灣廣場B1層就好似美食廣場咁，好多餐廳都集中喺呢層。咁啱想食日本嘢又見到舖頭裝修好日式，就試試佢🏃🏻‍♀️✨牛肉串燒盛盒 五串 $178厚切牛舌串，青蔥牛肉卷，金菇牛肉卷，極上洲和牛串，粟米燒一次過試晒幾款牛肉串燒😋！和牛串油脂爆發，散發濃郁嘅牛肉香氣，其餘幾款串燒都唔錯~✨火焰炙燒珍寶雞腿  $98雞腿好大隻，燒到表皮香脆，內裡嫩滑多汁上枱時店員會淋上酒再點火，令雞腿有微微酒香🤏✨季節海鮮相撲鍋 （小）$118有蠔，魷魚，三文魚，蜆等多款海鮮，份量都唔少！✨荔枝檸檬沙冰 $58外型好特別嘅Mocktail，味道甜甜酸酸咁，好開胃🍹

我都叫做經常食開日本嘢，呢間真係覺得非常麻麻地。先唔講味道，賣相都睇得出唔新鮮，啲蝦望落去少少霉，好幾舊刺身夾落去硬嘅。跟住到食落去嘅感覺，睇落都唔新鮮食落點會新鮮，少少硬少少怪味，感覺爭鮮都好過佢。我未試過真係食唔晒啲嘢，接近$400，呢個價錢出面其實都可以好多唔差嘅質素，希望餐廳真係會改善