饗和民本格串燒.旬鮮料理

营业中

休息中

住在這大商場附近朋友約在商場内的和風食店晚膳，店内外都用東洋式木系佈局，外面黑色，店内原木色，卡座以竹籬笆分隔，私隱度高，頗有心思👌先來一客: 牛肉串燒盛合(五串)，有厚切牛舌串; 青蔥牛肉卷; 金菇牛肉卷; 極上九州產和牛串;  粟米燒四種牛肉口味感各有不同，一次嚐盡😋再來: 火焰炙燒珍寶雞腿，雞腿嫩肉再經酒火炙燒，酒香散溢，肉還是一樣爽口😋尾道: 和民農場蕃茄湯季節海鮮相撲鍋(大窩)，用北海道有機農場種植的蕃茄製成原汁原味純蕃茄汁放湯，濃郁鮮甜蕃茄湯帶出海鮮食材的美味，海鮮有廣島縣產生蠔，沙蜆，魷魚，三文魚及大量野菜😋餐後飲品: 熔岩流(Lava Flow)，一杯無酒精凍飲，混合菠蘿汁，椰子忌廉，櫻花糖漿，焦糖牛奶，新鮮草莓， 青甜醒胃，正好消化一下先前和風盛食👏

✨牛肉串燒盛合（5串） $178五款串燒有厚切牛舌串,青蔥牛肉卷,金菇牛肉卷,極上九州產和牛串,粟米燒 一口一串新鮮嘅牛肉每一口都帶出濃郁嘅炭燒風味好juicy呀😋✨火焰炙燒珍寶雞腿 98侍應打火焰到珍寶雞腿聞得到香氣食落嘅滋味更係無法言喻雞肉嫩滑多汁🔥✨軟殼蟹牛油果壽司卷 $53軟殼蟹外脆內軟，配上新鮮牛油果，絕配新鮮美味，值得一試🤩✨蒲燒鰻魚壽司卷 $53啲鰻魚滑嫩多汁招牌蒲燒味道超正🍣✨Mango-bar de Mocktail $58充滿芒果香甜的味道啱哂夏天飲🍹🍴饗和民本格串燒.旬鮮料理📍 荃灣大壩街4-30號荃灣廣場B1樓B111-B113號舖📞 23091112

   一行二人到荃灣廣場採購聖誕禮物後，順道在廣場地庫的"饗和民"吃晚餐。 這間料理店早就想試了，今天終於有機會。 店子裝修得很漂亮，以炭黑色木條子裝飾配上翠綠色竹樹作點綴，風格顯得特別清雅。彩色印刷的Menu非常多菜式選擇，很吸引！有燒物，日式雞，豚，牛，海鮮火鍋不同配搭套餐很豐富。刺身，爐端燒，寿司也很吸引！除了美食款式多外，特飲也很多選擇。Cooktail ~Tiffany  Sour  $ 58成份有：Blue liqueur，Sake,yakult,pineapple jujce.颜色好靚，甜中有菠蘿和酒香，口味清爽。青柑桔柚子蜜梳打  $ 38酸酸甜柚子清香好清新。牛肉串燒盛盒 /五件 $178燒粟米，極上九州産和牛串，青葱牛肉卷，金菇牛肉卷，厚切牛舌等。先是嚐到入口即溶充滿油脂甘香的和牛串非常香口，味蕾為之醒一醒！厚切牛舌口感爽彈，醬汁調味甜蜜蜜很滋味。青葱卷肉質鮮甜配上青葱的爽脆，甜甜爽爽芝蔴香口。火焰炙燒珍寶雞腿  $98鐵板上枱起了骨的雞腿好大隻灑上了酒，火一點一道火焰升起，給平凡的燒雞腿添上了瞄頭！雞腿肉質出奇的嫩滑細緻，有肉的鮮味。外皮脆脆，皮脂好香。伴菜

聖誕臨近，今天到荃灣廣場選購聖誕禮物，順道到地庫的「饗和民」吃晚餐。餐廳裝修日式風格，牆壁上佈置了很多酒瓶，一派“居酒屋”的氣氛。地方寬敞，座位舒適。這裏用QR CODE下單，網頁都清晰易用，十分方便。下單後，幾分鐘便上菜，效率非常高。“牛肉串燒盛合”，串燒是日本居酒屋不可缺少的極品，和牛串燒更是極品中的極品。一共有五串：厚切牛舌、青蔥牛肉卷、金菇牛肉卷、極上九州產和牛和粟米串。其中牛舌鮮嫩多汁，和牛肉質細膩，軟滑可口，烤香的粟米也不錯。“火焰炙燒珍寶雞腿”，上菜時由服務員淋酒點火，火焰有呎多高，頗為壯觀的。雞腿大大隻，已經去骨起肉，啖啖肉。燒過的雞腿外皮微焦，裏面的雞肉仍保持嫩滑，而且帶些酒香，特別美味，是必食之選。“季節海鮮相撲鍋”，雖然叫做“一人前”，但份量也不少，材料還相當豐富，有：鮮三文魚、生蠔、鮮魷、大蜆、豆腐、金菇、冬菇、大白菜等。其中三文魚鮮甜，生蠔肥美甘香，湯底微辣惹味，好味得讓我全部渴清光！“熔岩流”，賣相精緻的特飲，粉橙顏色特別吸引，材料有菠蘿汁、椰子忌廉、原個士多啤梨、櫻花糖漿及焦糖牛奶。口感綿滑，冰涼可口，給人甜蜜蜜的感覺。

今日早收工未夠七點嚟到已經差唔多滿座，雖然人多但係座位之間闊落環境用高級料亭系列為主，好有日本京風情懷🏯🎋🍱串燒盛合🔸厚切牛舌🔸青蔥牛肉卷🔸金菇牛肉卷🔸極尚九州產和牛串🔸粟米燒可以一次過試幾款牛，九洲和牛味濃，串燒燒得夠乾身，本身材料靚簡單調味已經好好味🔥🍗火焰炙燒珍寶雞腿珍寶雞腿上菜時會喺客人面前即場淋上酒點火，火焰過既雞腿輕輕帶出酒味，酒味唔會太過濃，食落更香雞既外皮煎得非常脆口，但係雞肉仍然保持到肉質Juicy軟腍蒜蓉汁好啱做配搭🍵茶碗蒸原味已經好夠鮮甜，用日式蒸蛋方式食落更加滑溜口感

星期日做孝順囡帶媽咪去荃灣廣場食lunch,經過見到饗和民，媽咪話好耐冇食過日式料理，咁就同媽咪去試下喇！可能價錢偏貴既原因，星期日午飯時段都唔需要排隊等位就可以入座。因為乜都想食既原因，我地選左佢午市套餐最貴既$498 饗•豪華2人套餐：凱撒沙律，刺身5品，大蝦天婦羅係固定菜式。另外，主食選左九州和牛壽喜燒；十勝豚丼；火焰炙燒珍寶雞腿。•凱撒沙律～口感爽脆，酸甜開胃，作為前菜非常適合。•大蝦天婦羅～大蝦新鮮，非常脆，而且清爽，不油膩，又不回軟。•刺身5品～三文魚，牡丹蝦，帶子，油甘魚，三文魚子。新鮮鮮甜😋•九州和牛壽喜燒～牛肉味濃，壽喜燒汁香濃鮮甜，食牛肉時再沾上生蛋汁，和牛就更滑嫩順口•火焰炙燒珍寶雞腿～大大既雞腿配上燒汁，雞肉好嫩滑。•十勝豚肉飯～沾滿綜合甜鹹沾醬的豬肉配上蓋飯，好味！最後食埋甜品真係超飽！最值得讚既係服務員態度非常好，媽媽食唔慣日式甜品，服務員聽到，另外送2球綠茶雪糕俾媽咪。超窩心😍

見圖片很吸引,便叫了這個菜色,還刻意問了店員188和$148的份量是否有分別,她說冇分別,只是一個是和牛另一個不是和牛！有被騙了的感覺,食完完全不飽！以後也不會再相信他們的餐牌！

今日小朋友派成績表拎到好好嘅成績咁啱返公公婆婆屋企兩位老人家梗係話要獎勵下個孫所以就落咗街食飯原本諗住食另外一間但比呢間嘅香味吸引咗所以就決定食呢一間慶祝拎咗飛之後都等咗成一個鐘頭因為我哋落嚟嘅時候甘啱已經係食飯時間所以等到差唔多成8:00先有得食辛苦公公婆婆同我地一齊等位一坐低我同老公即刻望吓個Menu究竟有咩好食最後叫咗七樣嘢同兩杯嘢飲呢杯水果茶飲落唔甜，可以試下呢杯士多啤梨忌廉對我來講就真係太甜不過小朋友就超鍾意章魚小丸子不過不失呢個我覺得個飯仲好食過豬扒🫣天婦羅鰻魚牛油果壽司🍣燒鯖魚呢個燒肉竟然出色！不過下次要排隊我就唔再食啦🤭

難得有得出街食飯 浪費我寶貴嘅quota 真係每一樣野都做到咁難食係好勁串燒好燶燒魚餃腥壽司盛好唔新鮮 蝦臭嘅玉子燒梅嘅燒鰻魚唔熱嘅見咁多人等以為好食 真係無可能有下一次

中午在荃灣不知吃什麼好，於是去了響和民日本餐廳。中午有性價比高的午市壽司套餐。這是一個非常美妙的用餐體驗。這個套餐非常豐盛，包括了各種鮮美的壽司、味增湯和小菜。每個壽司都是由新鮮的食材製作而成，品質絕佳。米飯口感也恰到好處，完美地與魚肉融合在一起。其中最讓我驚喜的是三文魚壽司，它的肉質鮮嫩多汁，口感非常爽滑。甜蝦壽司也是相當美味，鮮嫩的甜蝦壽司搭配微辣的wasabi，帶來了一種獨特的風味。此外，味增湯也是極佳的選擇，它的湯底鮮美濃郁，讓我食指大動。整體而言，響和民這家日本餐廳的午市壽司套餐是一個非常值得品嚐的用餐體驗。食材的品質高，味道美味，份量十足。如果你是一位壽司愛好者，這個套餐絕對不容錯過。

今晚6點3左右，一行五日我哋嚟到你個位荃灣廣場饗和民，由於時間尚早入邊還有很多座位，我哋揀咗張六人卡位坐下都不算太迫。我哋點咗兩個二人餐，等咗十分鐘左右便開始送到上檯，先嚟串燒串燒燒得相當之好有金菇牛肉油雞肉等等，跟住變嚟到鮮蝦天婦羅炸得外皮香脆蝦亦都相當之鮮味，另外亦有刺身，油甘魚，三文魚，帶子每一樣都相當之新鮮，還有吉列炸蠔便當炸蠔炸得相當之不錯，還有兩個壽喜燒牛肉鍋，由於這次是用a4和牛比起之前的牛肉壽喜燒好得多，還有炭燒雞髀再上臺後還會淋上酒精點火提高香氣，最後還有甜品賣單一千元以咁多高質食物內計算都相當之抵。

呢間新開既都要排一陣隊款式唔多比和民少選擇Set都抵 叫做多野食有埋和民卡仲有折添😆總括黎講都可以但以前和民質素比較好真心但荃廣地方都算方便 平平地食都可以哈哈！

晚上約左家人吃晚飯，我提早電話預約20:00 ，共7位。但係餐廳職員打黎話因為係新同事接電話唔清楚，原來6位或以上最遲只可以book19:00，職員都有酌情處理改為19:30 ，需要人齊方能入座，用餐時間90分鐘。我見佢都肯幫我留位，咁我都話ok，叫家人準時到。饗和民開左一段時間，我一直都想黎試，以前都有去和民食過。我們7個人叫左7個主食：有十勝豚肉丼x3，鰻魚和牛丼，炸天婦羅蕎麥麵x2，燒鯖魚配飯 。再加一個肥牛鍋（2-3人份），可以免費加多一份野菜，肥牛如果可多番少少會好啲，味道正常都係壽喜燒湯底，另外又叫了一份炸天婦羅盛盒，一份雞肉串盛盒，一份牛肉串盛盒，串燒燒到有啲乾，汁都唔夠，差左，無咁惹味。最後我們一家人又傾又笑又食下嘢，都坐左2小時，服務員夠用餐時間都無趕我們走，而且眼見佢地都好忙，但上菜時或者我們要茶時，職員都好有禮貌，服務不錯👍。

同男朋友兩個人睇戲前想食日本料理🎬泊完車沿着扶手電梯上去就見到呢間新開嘅饗和民😯之前一直以來都冇食過和民餐廳集團嘅任何一間🤔所以今次係我哋第一次食和民系列餐廳門口見到呢個牡蠣鍋火鍋餐🦪有二人set好似幾抵食就二話不說入去試吓🏃🏻‍♂️🏃🏻‍♀️落單係用QR code自助落單兩個人驚食唔飽仲加咗一份和牛🤪（兩人前）廣島縣產牡蠣鍋 $168🦪免費追加野菜（1人前）🥬湯底揀咗相撲火鍋湯🍲追加和牛（100g）$118🐮加咗一杯Fruit Special 青柑桔柚子梳打 $38總括而言呢餐係幾好食😋食完基本一鍋已經好飽即使冇嗌到任何主食 eg.飯/烏冬牡蠣非常新鮮肥美厚肉🦪👍🏻建議輕輕淥熟已經可以食得😆如果浸喺火鍋內太耐就會過熟/縮細和牛就正正常常普通杯青柑桔柚子梳打就略嫌太多柑桔核係入面仲有樣可惜嘅係1️⃣入座無比基本既兩杯水或茶2️⃣免費追加嘅野菜基本上同鍋底嘅係一模一樣我會建議佢送嘅野菜同鍋底基本野菜可以分開唔同品種 eg. 菜/菇/丸/魚腐之類咁樣會有多啲新鮮感🤏🏻宜家心理上感覺食咗兩份相同嘅野菜😕性價比都OK 兩個人食$400有找如果下次去荃灣廣場一定會再食😋👍🏻👍🏻👍🏻

.總評：佢除咗係和民嘅貴line之外……亦係和民嘅難食版😞😞點咗幾樣嘢食：牛肉鍋佢有兩款牛肉鍋，我叫咗貴啲嗰款……但其實只有四片……牛肉質素……亦冇特別好……都幾唔抵食……章魚丸個粉漿完全唔得……糊口到不得了……喺葵廣是但一間……好食過佢好多！免治雞肉棒成餐飯……最難食就係呢支野！酸到不得了，我甚至乎以為佢變壞咗…… $28一串，我都唔期望你有個蛋黃俾我點……但都不至於要咁難食……平日唔會食淨嘢……呢個食咗一啖，就放棄咗佢！牛油果軟殼蟹卷呢個係成餐飯最好食……軟殼蟹，真係有蟹肉，唔係淨係得個殼……牛油果亦都新鮮好味！而且，佢有得揀一份或者半份……算係幾人性化！餃子唔可以話佢好難食……但自己買包王將，煎得一定好食過佢，完最後一提……侍應拎咗一碗麵過來……我同佢講：我無叫…… ，佢唔相信我……問咗我三次…… 最後，佢竟然放低碗麵，然後去check單！如果我打咗兩個乞嗤……下一位就慘了😞😞.🔻.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant