饗樂町 (已結業)

做完Facial自己一個冇嘢做就搵下午茶食見到呢間新開入面坐滿晒人 而且價錢都好抵就行咗入去❣️蕃茄芝心豬扒烏冬(包熱飲) $3830幾蚊嚟講份量唔算細 用托盤拎出嚟擺盤好靚好日式 上到枱熱辣辣第一時間望吓個豬扒係咪真係脆同熱 中間夾左🧀 真係識流心 輕輕拎起仲識拉絲 至於蕃茄烏冬紅色醬上面放左綠色蒂 賣相十足十新鮮蕃茄咁 撈起啲🍅醬 誠意之作估唔到係鮮茄肉 平時喺出面食開嗰啲都係茄膏 鮮茄唔會有啲又酸又甜嘅味道 濃味嘅芝士炸豬扒配咁fresh 嘅蕃茄湯底好正見到就算正價套餐都唔係好貴 睇落CP值幾高 如果之後同朋友諗唔到食咩 都可以推薦呢間

八號風球出左旺角買野，不過好多店舖都無開門，行過見到個餐牌d食物幾吸引，就入去食下下午茶（16:00），入到去我地兩個人叫左兩份午餐加兩份小食，店裏面有兩個食客，可能因為打風關係。兩份餐嘅味道都係不過不失，埋單188蚊，最好食應該係個小食香草焗帶子

一開始入去叫物食嘅時候好好地嘅之後我同我屋企人等咗半個鐘先有第二份嚟 我同個職員講我同我屋企人有兩份餐仲未到服務態度唔好之餘仲要嘢食方面係我覺得連爭鮮都好食過佢屋企人食完之後仲要肚痛 本人閣下嗰份豬扒餐又硬又唔好食咬到閣下牙出血 個芝士唔識之士等咗半個鐘 先到我覺得吉野家 同埋好食過佢哋 飲品都唔係咁好飲有一陣味街邊嘅汽水都好飲過佢個壽司一夾起散咗 同埋一陣好奇怪嘅味道爭鮮 元氣 壽司郎 都可以好食過佢呢碗飯特別食到我屋企人肚痛無可原諒

星期日晚上7點左右經過見到d位一半都未滿餐牌見到唔貴,款式都ok就入去一試.熱食有驚喜,滑蛋芝士豬扒,味道唔錯豬扒中間有芝士拉到絲.52蚊(另加一)壽司丼就真係失望呢個價錢啲嘢都算係新鮮但重點係壽司飯唔酸嘅壽司醋好貴咩？前菜淡茂茂完全無味好心轉幾塊酸薑就算座位寬敞,呢個價錢要求都唔會太多下次經過都會考慮再食但壽司丼同前菜要改善一下

有日路過 見有間日本野新開張 價錢又平平哋 啲相又幾靚仔 諗住去試試佢啦 😃本身都冇乜期望嘅 諗住睇下會唔會搵到間真性價比高嘅餐廳啦😄其實食之前都有望過下評價 見到有位師兄個comment話賣相8分 味道2分🤔 我就覺得有冇咁誇張呀 睇相都唔差架喎 咁我就去咗試下啦🤭廢話唔多講呀 圖片去證實畀大家睇啦 😪我覺得賣相7分左右啦 但味道就真係不得了喇🤕先講麵豉湯種 難飲過自己用水沖嗰啲即食麵豉湯🤮 算，呢樣嘢我都冇乜期望 🤧凍檸茶亦都唔使講 個味道好假好甜🤮 似大陸勁平即飲果d紙包檸茶 建議大家真係唔好點嘢飲 😪到鰻魚飯喇😑😑😑大家可以見到個蛋已經乾曬 亦冇煙出食落只係乾蛋撈飯🤮個鰻魚望落似幾大喎 點知一夾起 嘩 薄到a4紙咁 雖然68唔係貴 但係真係將貨就價 無鰻魚啖啖肉嘅滿足感😪😪😪同場加映 店主加餸 員工頭髮一條🥳🥳最後嗰句 喺香港唔識做飲食都可以開鋪 亦都真係會有人食嘅 呢個風氣真係好差🤕唯有盡普通市民責任 寫呢個食評 令到大家唔好中伏😷可能會有師兄話口味人人唔同 可能唔啱你食啫😪 但係飲品麵豉湯呢啲根本你有心做 就唔會沖到咁難飲 呢啲係有冇心嘅問題🤔 呢間明顯係想賺錢全部嘢都係將

賣相8分味度得2分食完仲要唔飽仲要加一畀賣相呃咗入去鰻魚飯沒有汁 乾到一個點天婦羅無味 烏冬非常之鹹跟餐個湯仲難飲一淡都畀多佢炙燒壽司 無燒過既味度壽司仲差過爭鮮價錢完全唔值希望其他人唔好中伏好得人驚 啲個價完全唔值

行經油麻地一帶，見佢新開張而且望個餐牌價錢亦唔貴就入去試下，以食日本嘢餐廳嚟講算係少客人。搞咗一大輪入座上算順利，餐牌上各式壽司魚生價錢畀其他日式料理價錢優惠好多，看過 menu 點好菜後落單，可能新開張員工不足嘅關係，等下等下催咗一次足足等咗差不多25分鐘才有食物送上，好彩食物賣相及質素尚算 OK，當然比起正式日本料理及大酒店質素係有段距離，不過以一個茶記晚餐嘅價錢可以食到一 set 魚生飯加壽司仲有湯及配菜仲想點？

屋企附近新開嘅日本餐廳食過外賣好抵食今日第一次堂食 叫左個明太子雞扒飯 有好多明太子醬 超正 雞扒亦都燒到好香 好好味 跟餐有個味增湯 入面有啲三文魚碎 都幾好飲係個跟餐前菜昆布就麻麻地比較覺得麻麻地嘅係要俾service charge但又要個客自己去斟水 個出水機又出勁大水 彈到一枱都係 唔太方便